陸陸雞煲火鍋 (已結業)

數數手指 到底幾耐無食過雞煲呢今晚同姐妹聚頭 佢提議食66 沒有拒絕的理由我地未夠7點到達 唔洗等位😁餐廳嘅裝修有種令人輕鬆嘅感覺 玩味十足每枱都有餐前小食 螺肉同車尼茄閒話少講 先來一個例牌雞煲 小辣丫唔該好快 店員就為我地送上雞煲再加熱5分鐘左右食得 一打開超香！！西椒 芫茜 洋蔥 香䓤 完全係雞煲老友雞塊被切到細細的 沾滿了醬汁 肉質嫩滑食左8成左右 就叫店員幫我地加上清湯食得辣嘅朋友 可以繼續加辣湯的我地先來一客手切肥牛 好香牛味啊 而且入口非常軟林 完全停不了😂姐妹叫左一客玉子 係咪笨蛋先會食笨蛋😂但比我想像中好食 甜甜的之後叫左個蔬菜雙拼清清肥膩食左成晚雞煲 少不了叫返啲飲品呢個青檸疏打比較大枝 兩個人岩岩好淡淡嘅青檸味 唔太甜 好fresh 消辣一流😍

其實...我都幾喜歡雞煲打邊爐感覺，夏天也好，在冷氣底下，食雞煲聊天感覺挺爽言歸正傳，今次終於約得成很久沒見的表哥表姐們吃晚飯，老表團當然要食雞煲啦位於旺角的陸陸雞煲於白布街附近，地點十分方便。先來一個主打 陸陸雞煲 ($218)當中的配料極多，包括了大量洋蔥，青椒，當然少不了的是雞啦雞肉的數量都不少，而醬汁配上雞煲的味道十分不錯，帶有咸味，而且洋蔥爆開雞肉下，令胃口大增，實屬一個好開始。吃完雞煲之後，就是變成火鍋的時間了。要將湯底的精華吸收的大法，少不了要點炸響鈴。 陸陸自家炸響鈴 $44 炸得十分香脆，但又不會太油膩。聽店員指出，響鈴是自家制的，所以外面是未能吃得上。完全可以吸收所有百家精華於一身另外，百花釀油條 $60 亦是另一推介這個油條放於湯底內一陣子，大約30秒左右，就可以吃得。而油條魚肉炸得很香，絕對不是一般的貨色，而且咬口十分香脆最後，一個火鍋少不了 陸陸手切肥牛 $218肥牛的色澤分明，而且脂肪比例分佈均衡，所以特別好味。而平時火鍋店的美國肥牛相比，絕對是更高質素的總結來說，記得要先訂位，因為店內的人數都不少，以高質的火鍋來說，這可算是不錯也。

天氣雖然好熱，但係朋友對雞煲嘅熱愛一D都無減，今日又約我去食佢至愛陸陸雞煲，白布街分店我都係第一次去，比起奶路臣街濶落好多，好坐好多。朋友一坐底，即刻叫咗個小辣嘅雞煲，等咗一陣，雞煲已經有，未開蓋都已經聞到佢陣陣香味，跟住就有店員幫我地開蓋攪勻，再冚返蓋等多兩分鐘, 等配菜d味出埋離, 又香又麻嘅雞煲就有得食喇，熱辣辣香噴噴嘅雞件肉質都幾好，好嫩滑，又好肉，而且一個例牌都幾多，加埋配菜兩個人真係夠晒食，不過可能揀咗小辣，入口就覺得麻多過辣，不過真係好惹味，難怪朋友食極都唔厭。食完雞煲，梗係要加番辣湯打個邊爐，其實我同朋友都飽咗七成，所以只係點咗少少嘢食，朋友擇咗佢至愛嘅手打墨丸，一款加咗墨汁，一款就正常白色，黑色嘅加咗墨汁香好多，不過兩款都好彈牙，好真材實料。再叫咗個珍寶帶子，好大粒好新鮮，雖然飽，但都忍不住停唔到口。最後叫埋個油墨菜，青綠爽脆，打邊爐一定叫。雞煲真係好惹味，係噤熱嘅天氣食，辣辣地，好開胃，唔怪得朋友噤鍾意食。

來到旺角白布街之「食街」~見到有間雞煲火鍋店好形格~牆身大玩顏色元素加上壁畫，地上係石屎地感覺帶點raw~~形成強烈對比叫左個微辣雞煲，之後店員就幫我地攪拌煲內既雞件及配料~之後再等待2分鐘焗出配菜香味~就可以開餐了雞好好好惹味~就算只係叫左微辣~都好入味~輕輕既辣更加食慾份量都好多~~d青椒索哂d味~真係超正食完後就加湯打邊爐~叫左個例牌手切肥牛~肉好樕滑~牛味重！牛肉既紋理分怖得好平均~靚牛一d都唔「鞋」口。炸魚皮亦做得出色~即叫即做！上店仲熱辣辣~非常香脆但又唔會食到食口油~陣陣既魚香在口內~good! 珍寶帶子非常推介淥後肉質變厚~但入口還保持軟淋~細緻綿密！索哂d微辣雞煲味！！超正呢~~飲品就左呢杯芒果沙冰~超好飲wo!! 入口唔會成口雪~打到好薄好綿！清清既芒果香！真係好解口渴~叫2杯仲平d添wo

好奈都未食過雞煲啦, 今晚就去滾一滾我們四個人, 點左半隻雞, 我吾太好辣, 所以點左少少辣, 個辣度岩岩好,一打開，這時香氣四溢, 雞肉不過口感不錯，雞件嫩滑多汁，吸收醬汁精華, 惹味十足食完雞煲，配個番茄湯底打邊爐湯頭好清甜, 茄味濃美國雪花肥牛，看雪花的分佈，賣相不錯, 口感都吾靱, 讚帶子好大粒, 滾一滾即食, 好嫰滑, 所以我再ENCORE, 堅正!!廣島蠔, 滑不溜口的口感, 又夠大粒, 吾係好縮水, 質素不錯粟米又係另一個好好食既ITEM, 夠爽脆, 又夠甜, 好掛番茄湯, 鮮甜味美!!PS, 環境幾大藝術氣息, 掛左好多插畫, 有別於一般雞煲店, 幾有特色

首先，幾鍾意個logo同店內裝修，好有品味。餐排上有好多不同款式，但今次人不多，只可以選了少少。前菜精緻有蕃茄仔同螺肉呢個就係66雞煲，味道不錯，跟其他的味道有點唔同，濃味帶點甜味加上少少辣，好野味。響鈴睇個樣都已經知道脆，3秒即可，外軟內仲有少少脆。陸陸手打墨丸，又黑又白，好有特色，亦好彈牙。蔬菜籃有菜有菇有蕃茄有粟米，好豐富。窩筍，清新又健康。肥牛嘅雪花紋好靚，食落亦好林身。野生竹笙皇...嘩! 果然係皇，好大條，未見過咁大，又爽口。青檸梳打特飲，清新可口。66夏日特飲 ... 66 Colada ... 有波羅有橙有青檸有椰奶 ... 好夏日生果又好夾。

記得冬天的時候到過陸陸雞煲，大熱天時，竟想到要吃雞煲，於是就想再次來到就近旺角東站的陸陸雞煲。找找看才發現原來已經開了分店，當然要到分店試試看水準有否差異。可能因為是大夏天時，餐廳未見人龍，所以不用等位就可以入座了。熱辣辣坐低，即刻叫了杯冰凍的紅豆冰，這裡的紅豆冰不是出面喝到的椰汁紅豆冰，而是直接把紅豆和冰塊一起打碎成的，夠哂特別，只是個人喜歡大顆豆的吃下口中，還是覺得傳統的紅豆冰比較好味。雞煲製作需時，二話不說就點了個麻辣雞煲，因為朋友不太能吃辣，所以就只點了微辣，個人比較愛吃辣，所以覺得雞煲甜味較多，下次和辣朋友一定會點中辣。一隻雞的份量十足，洋蔥、辣椒等等的配料夠多，雞肉既滑又嫩，雞皮香脆，醬汁把雞肉煮得入味。吃到大半之後，就加湯打邊爐了，可選辣湯或清湯，怕愈煲愈辣的話就可以點清湯了。手切牛是必點的配料之一，牛味濃郁，焯到八九成熟就可以吃，香軟而美味。打邊爐自然少不了響鈴和炸魚片，這裡的響鈴不是在街市廿幾蚊買到的，而是自家製的，香脆非常，不點湯吃也美味。之前在另分店試過百花釀油條，這次再接再厲，餐廳建議在滾湯煮三十秒就可以食用。百花是指墨魚肉，彈牙爽滑，而油條則脆卜卜，很夾。吃雞

旺角食肆多的是，好友笑言無雞不歡，決定以雞煲相聚 (奸笑)。一進店發現餐廳有別於其他火鍋店，設計新穎時尚，不論牆身、椅子及餐紙都充滿特色。食物方面，雞煲有 及 兩種份量，另設五種辣味程度 [ BB辣、微辣、小辣、中辣及大辣 ]。店員建議例牌VS小辣或以上，因半隻雞二至四人分著吃也足夠。雞煲上枱後，店員先幫忙攪拌煲內雞件及配料，已傳出濃濃香味，但店員表示需多待兩分鐘，以焗出配菜香味。雞件大件啖啖肉，完全吸收了濃郁的醬料，帶點麻而緊接微辣，越吃越惹味。配料用上花椒八角、辣椒、洋蔥及芹菜等，用料十足。吃完雞煲加湯，可選清湯或辣湯，店員建議吃得辣的話就加辣湯吧。火鍋配料整體都好吃。百花&咸牛肉芝士釀油條 $72店員提醒不要直接吃，需放入湯內約二十秒。咸牛肉多士吃得多，配以油條還是第一次，吸收了辣湯的油條依然香脆，伴以咸牛肉的咸香味，味道特別又好吃。相對下，百花即墨魚滑的味道顯得有點淡。陸陸自家炸響鈴 $44熱辣辣炸起的，乾爽不油，輕涮數秒仍鬆脆可口，好友喜歡到encore多一碟。陸陸手打墨魚丸拼鮮蝦丸 $100兩款各有四粒，墨魚丸更有黑白兩色。墨魚丸肉身煙韌帶黏性，更加入迷你墨魚粒增加口感

仲記唔記得90年代有個電視節目叫六六無窮呢? 仲記唔記得講咩呢?六六無窮就聽過啦，咁陸陸雞煲又試過未呢? 其實呢間餐廳早前係雜誌講過如果身份證號碼或者名有個陸/6字，黎光顧就有優惠，所以先對呢間餐廳有D印象。今個星期日係父親節，為左廢事正日同人逼，我地決定提早係平日慶祝，因為爸爸鍾意食雞煲既關係，所以都揀左黎陸陸雞煲火鍋煲到食。陸陸雞煲火鍋為於旺角白布街，地鐵站行過去只係5分鐘左右，我地六點幾就到，好彩都未係好多人，仲未要等位。坐低左之後，店員就俾前菜我地，有車厘茄同埋螺肉，點解食雞煲會配呢D前菜既呢? 真係有點兒唔明白。坐低後同開始點菜啦。雞煲有分大同埋例牌2個SIZE，我地一行4人，比較上細食，所以叫左個例牌算啦。係諗緊要咩辣度既時候，店員就過黎問我地平時多唔多食辣，我地話間唔中，佢地就提議試個小辣啦。點菜係好似酒樓咁用類似點心紙既形式咁劃，食物既選擇都好多，有D仲幾特別。無幾耐，雞煲就黎到啦，煲咗一陣之後侍應就過來幫手攪拌一下，仲提醒我地小心燙到手。雞肉靚就幾靚，不過都幾多骨，食落有D攰，辣度方面，一D都唔辣，只係有麻既感覺，下次可以試下中辣。D 雞食到7788時，店員就幫我地加

今日下午放假 可以早D放工約朋友食飯好彩訂左位 估唔到夏天都咁多人食雞煲2個人食雞煲 叫左一個陸陸雞煲（例）微辣叫完大約5分鐘到 雞煲就到跟住服務員會來幫你料理個雞煲 直至ok就開比你食一打開 就已經聞到好香雞煲味所有雞都醃得很入味 同埋食落口真係超惹味 愈食愈麻 好正 一路食既時候發現張餐紙上有小漫畫 好可愛完全表達曬剛才服務員料理個雞煲既情況 服務態度好好同好健談食完雞煲就可以加湯打邊爐原來湯底可以有清湯或辣湯 中意食辣既我地 梗係叫左服務員加辣湯打邊爐習慣要由蔬菜食起再加上我超中意食金菇 除左鮮菜籃外叫多左個金菇 蔬菜全部都好新鮮 同好足份量另外真係必叫響鈴！！ 新鮮即炸 香脆可口響鈴＋金菇打邊爐 可以吸曬湯底味道 令人食到停唔到口另外叫左個無係其他地方食過既日式叉燒，四寶餃，丸等未試過邊打邊爐有日式叉燒 陸陸真係幾創新因為朋友唔食牛 有款咁特別既肉類選擇 即刻叫左來試日式叉燒比較厚身同林 可以吸收到湯底味道 而且食落唔似一般豬肉 比較滑身 不妨試下不過個湯滾得愈耐 個湯底就愈辣原本支竹庶茅根都飲曬 服務員推介下哪左個66 Colada飲品由幾種唔同生果溝出來 飲落去主要係菠

只做對的事…只揀好的做…日日生活响既定軌跡之內，做人也就無乜驚喜可以期待。所以不妨冬天食下雪糕，夏天食下雞煲「三十幾度熱辣辣食雞煲會唔會太癲？」唔癲！只要有人陪你一齊食！唔洗排隊，入到陸陸雞煲，入面仲有成村人食緊野。安排坐L字型梳化位，寬敞舒適。牆上有噴畫都幾搞鬼，有食雞煲的蒙羅麗莎…因為只有兩個人食，我選了陸陸雞煲(例)$148由「BB辣/微辣/小辣/中辣/大辣」5款辣度可揀，這天只揀了微辣。店員服務相當好，細心提示「小心很熱…」、「要等一陣…」再走過來攪動、按時間掣。家住荃灣，眾所周知，荃灣是「雞煲重鎮」，出了好幾間有名氣的雞煲，大部分我都已嚐過。所以我對雞煲的要求水準亦相當高。(自以為)蒸氣騰騰，揭開一刻還真忍不住嚥一啖口水。雞皮估計有拖過油炸過，微脹的雞皮吸收醬汁的能力更佳。不得不說，調味相當出色，花椒香味與辣味相附相乘，雞件份量不少，而且事先醃過，非常入味，咬落相當嫩滑，即使現在回想，仍然能夠輕易喚起舌頭上感受到的那種味道有點麻，有點刺激味蕾，很爽！加湯, 可選清湯或辣湯, 這是辣湯。我話過好最鍾意揀d名字古怪的食物「頂級封門柳」($138)邊道門先？前門後門？封門柳原來是牛

雞煲真係食極都唔會厭, 朋友相約食飯, 我就立即提議食雞煲陸陸雞煲食過已經好多次, 每間分店都食過. 再食都不會厭白布街的分店佈置比較色彩化檯墊紙亦印上了食雞煲的程序, 很窩心坐下來店員會奉上小食, 新鮮蕃茄仔加冷盆小食點了烏龍茶來解一解油膩感來到當然雞煲就不能少, 我們叫了小辣, 一上枱聽到滋滋聲立刻令人食指大動. 再煮幾分鐘, 店員幫忙翻動一下免得燶底後就可以吃了鐵鍋載大量雞件, 配料亦都非常多, 有洋蔥, 芫茜, 芹菜, 青椒, 大紅辣椒…, 香氣僕鼻, 雞件非常新鮮, 肉質嫩滑, 秘製醬汁醃得很入味, 先辣後麻帶少少甜味, 吃不停口食完雞之後當然唔少得打邊爐, 加些湯, 湯有分辣和不辣, 不會因為加了湯之後就沖淡了辣味, 待湯滾起後就可以起動打邊爐了因為例牌的雞煲都非常多, 所以就點了些少其他食物, 陸陸的招牌手打墨丸, 白鱔片同珍寶帶子 , 還點了油麥菜很大粒的手打墨丸有黑白2款, 黑色的加了墨魚汁, 非常彈牙, 內有墨魚粒增加口感白鱔片很新鮮, 大大片的, 肉質鮮甜珍寶帶子非常厚肉, 算是屬於刺身級數, 所以放湯一下就可以食.整體來說都是很不錯, 雞煲做得出色, 坐位舒適,

吃火鍋沒有季節之分，去過其他雞煲火鍋店，相比之下，這間是香港旅發局認可的優質餐館，果然不失所望。進入了火鍋店，已被各種掛畫及牆畫吸引著，內裏設計很有香港藝術風格，什有特色。陸陸梳打特飲 - 檸賓梳打口感像利賓納，一大枝飲品，可給多人一起飲用，十分解喝。在雞煲還未可以吃的時候，可先吃些小吃，這碟陸陸惹味牛肚很爽口，帶有些少辣味，十分開胃。陸陸雞煲(大)有BB辣，微辣，小辣，中辣及大辣，微辣其實都不是很辣，不慣吃辣的人，這也是可以接受的。雞肉入口嫰滑，這大雞煲十分足料，比普通雞煲的份量還要多還要滿。吃完雞肉，當然就是加湯轉火鍋，陸陸鮮菜籃有栗米，蕃茄，金菇等，每種都十分大件及新觧，同時可為湯底增添味道。陸陸手切肥牛 (大)肉上的花紋很美，可見肉質新鮮，肥瘦均衡，用料很好。百花+咸牛肉芝士釀油條 (雙拼)火鍋食物大多相類似，但這個最特別，油條也可在火鍋食物內出現，職員很貼心地提點煲煮的時間不用太久，油條的口感仍然脆口，咸牛肉很軟熟，淡淡的芝士味，味道原來也可以很配合。

是晚與約了三個月終於見到的老朋友食飯，我們決定堅持初衷，按當初說好的「吃雞煲」去聚一聚。到了旺角白布街的陸陸雞煲，座客不算太多，環境亦不算喧鬧。我們要了個大雞煲，任選的辣度以圖案清楚貼左牆身，很可愛呢。雞煲很快上枱，開蓋已有極香湯底味，雞肉沾滿湯底，看起來色澤均勻而具光澤。食落微辣，雞肉食落很滑，碎骨不多，大口大口吃落都不怕。加上湯底煮得很入味，所以雞肉很香，花椒八角青椒的香味全然散發。雞肉份量頗足，吃了好一陣子所開始加辣湯打邊爐。手切肥牛非常值得推介！肥牛片不是很薄很薄那種，落湯碌二十秒可吃！肥牛片極滑嫩，肉脂分明，而且很軟熟，牛味亦很重！一定要試！！自家炸響鈴是我們每次必點的食品。這裡的響鈴炸得很香，但油份卻不多，黃豆味重，微脆的響鈴真的很吸引。百花釀油條同樣好食，油條碌過後都很香，釀好的百花更似錦上添花般，吸收了湯底的油條香味更出。珊瑚蚌亦是必吃之物！滾過香濃雞煲後鮮味更出，食落亦爽口新鮮，微辣的味道更吸引呢。吃了這麼多肉類，我們當然亦要吃些蔬菜啦！鮮菜籃少不免的都是鮮綠蔬菜，粟米條，冬菇金菇和蕃茄等。於湯底一淥，隨即吸收了湯底的精華，新鮮同時帶點邪惡的雞煲味，極正。不得不提這個

陸陸雞煲之前都聽過，但一直都未有機會試下，今晚終於嚟食雞煲。旺角店有兩層, 被安排上閣樓牆身有可愛漫畫檯墊上的溫馨提示滋滋聲既雞煲來了這雞煲選了少辣，和以往食過既雞煲有點不同，這家調味甜中帶辣!  雞肉入口嫰滑，多汁味濃 !一路食一路周圍望，牆上掛著不同的油畫，全都是這個肥廚師做主角的.雞食得七七八八又係指定動作，加湯預備打邊爐食物點選紙打邊爐今次少不了我愛的肥牛有咬口，肉質嫰滑，不少油花!野生竹笙皇第一次見咁巨既竹笙比起平時食的更爽口，正 !!!! 蔬菜拼盤又紅又黃又綠，好醒神，全部材料都好新鮮!近期愛上萵筍，好鮮甜又爽口，616就食得 !手打墨汁丸蝦丸彈牙 !   好滿足肚滿腸肥 !!!  又要繼續努力動多點 !