陸陸雞煲火鍋 (已結業)

天氣寒冷,自然想食熱辣辣火鍋,又想食重口味.因之前食過陸陸雞煲火鍋好好食, 所以番番尋味再次食呢!店裝潢好有時化感,以銀色牆物配有趣手繪牆畫,加上有色彩繽紛條子,非常奪目.首先免費送上前菜有車厘茄及日式螺肉* * * *陸陸雞煲 (例) (半隻) 有五種辣選擇 有BB辣､微辣､小辣､中辣､大辣,最後選擇了小辣,全是新鮮即煮,上台時要煮幾分鐘就可以食.雞件肉質嫩滑不鞋,掛滿麻辣汁,小辣得來有麻麻感覺,刺激口腔味蕾, 非常惹味.不知不覺食多幾件呢!上次食是微辣,比較帶甜多呢!* * * *點了飲品,解解口腔麻辣及解渴.6Luck 及 66 Colada 朋友點了 6luck 內有多啤梨 ､ 車厘茄､橙 混合出來,製成綿綿沙冰,味道出奇清甜,而我點了66 colada 也是綿綿沙冰,內有菠蘿 ､橙､青檸､椰奶,比較濃味似奶昔,菠蘿迷必選.* * * *雞件食完後,加入清湯, 來打邊爐, 如食得辣,可入辣沙湯.打邊爐必食牛肉* * * *陸陸手切肥牛 (例) 見切肥牛鮮紅得來非常新鮮,牛肉油花均勻分佈.只要輕輕灼一灼,入口不韌,好嫩滑,有濃濃牛肉味. * * * *珍寶帶子真細心將大大粒珍寶帶

天氣又凍番d, 就約下朋友黎66雞煲6下野先食d辣雞煲緊係要飲d夠凍既來降降温， 紅色個杯6luck係生果沙冰有士多啤梨， 車厘茄，橙，好清甜解辣降温一流， 依家仲做promote 2杯五十幾蚊好低飲 而另一杯66 colada朋友也大讚好飲2人前半隻雞要小辣，雞件大塊而肉質也滑， 辣就不會太辣剛好，只是麻的感覺較大，不能吃太麻的可以注意一下 $148陸陸手切肥牛 例$158油脂分佈平均，十分嫩口， 入口有融化感覺珍寶帶子 $90Jumbo 大隻而且超級新鮮好有鮮帶子味陸陸手打鮮蝦丸 雙併 $90陸陸手打墨丸(墨汁)蝦丸較出色好有蝦既鮮味而且好彈牙，而墨魚丸有墨魚粒粒 好有口感陸陸自家炸響鈴 $44雖然有d厚，但用來索雞煲汁一流炸魚皮 $40反而魚皮薄身夠脆口， 放湯兩秒就岩岩好皇帝菜併翠玉瓜件$32清清地食下蔬菜類 有皇帝菜同翡玉瓜夠清甜爽口

呢間真係堅．好食正所謂「天氣凍凍地, 梗係要食雞煲啦」(我話既), 搵埋一班朋友一齊去旺角食..之前成日都經過, 但係又冇機會食。拿,今次終於都有得去喇..去陸陸雞煲朋友一句:「今次要食豪啲!」, 所以一入去就已經不停點菜喇!食雞煲..又點可以唔影下佢D雞呢, 今次叫左個例牌 (半隻), 原因係朋友話除左食雞, 仲要試下其他野食喎..朋友仔(其實係我)話唔食得辣, 但係個侍應姐姐話「唔辣邊好食架」, 所有就叫左個BB辣, 老實講...今次真係認同佢..少少辣真係幾OK既..侍應姐姐好有心機咁幫我煮好哂D雞, 4個人只係坐埋一邊等食! 你話喇, 咁好服侍, 0係邊搵呀?等左一陣, 終於都搞掂喇..仲影?!食啦!三爬兩撥食哂D雞, 侍應姐姐就話可以加湯打邊爐。好! 仲唔拿拿聲打邊爐咩?望一望list, 發現有好多平時都冇咩機會食既野, 真係點可以唔試下呀?叫野食之前, 仲一人叫左枝特飲, (左起)青檸梳打、柚子梳打、檸賓梳打X2即係咁..我地呢班飢民, 等唔切打邊爐料, 就已經要叫定D熟食先, 仲要係唔熱氣唔叫黎食等唔係好耐, 就已經黎齊哂所有打邊爐既料喇, 成台都係..嘩..黎! 打大佬

Rachel在旺角上班，去白布街尚算方便。食雞煲，食辣雞加配料，打邊爐，冬日浪漫女仕專利！ 這裡裝潢不俗，因為Rachel是木製品愛好者。看著侍應放下前菜，介紹招牌雞煲，感覺親切。 侍應放下雞煲，貼心地叫我們不要摸，因為好熱。雞件尚算入味嫩滑，雖然我們吃酸辣居多，但這個雞，的確好食，因為麻辣做得好好，好香。另外，加湯，有清湯同辣湯。 打邊爐最愛海鮮。侍應推介左日本蠔，一開始都擔心會變蠔豉，但最後，和一開始根本沒有很大分別。一咬，清澈沙灘味，並非海水咸味，而是沙灘海水味，果然是非常鮮甜滑溜！。然而我們最喜歡，還是一刀一刀的手切肥牛。相機食先是重點，雪花，雪花，雪花，雪花肥牛不會太韌。拖幾拖，還有少少粉紅色，肥牛餘溫煮熟牛肉，吸收辣湯，不用醬汁已經好鮮甜！很少吃雞煲不用點醬汁，湯底清香的肥牛，有洋蔥黑椒吊味，雞牛鮮甜，只能說，下，次，一，定，會，再，光，顧！

近排天氣轉凍，加上又臨近農曆新年，聚會唔係打邊爐就係火鍋。朋友介紹呢間陸陸雞煲，由於知道好多人所以預先打電話book位。黎到都要等差唔多20分鐘先入到，其實真係幾多人。我地一行七人叫左兩個陸陸雞煲(例)，一個BB辣另一個中辣。店員會親自幫你搞埋雞煲，認真識做，我地剩係負責食BB辣係有少少辣既，啱哂d唔食得辣既人(呢度冇唔辣既雞煲)。d雞其實份量都幾少，而且d肉都幾"鞋"但幾入味。而中辣都唔算辣，不過係麻多，成條脷係麻痺，佢放左d花椒，不過幾惹味，味覺一大刺激，不過都係雞既份量好少。食完雞，仲係好肚餓，即刻叫店員加湯，真正既戰鬥馬上要開始，手切肥牛，望落幾大碟，食落好細碟，但切得好薄，"陸"幾"陸"就食得牛柏葉就爽口，響玲又係好正，浸5-6秒就食得唔太"淋"，粟米就爽甜，金菇冇果陣泥味，洗得好乾淨炸魚皮就大大塊，唔會大碎，就咁食亦得~羊肉薄薄的~有陣so味 都OK六寶丸幾好味，手打既所以爽口彈牙。芝士腸，午餐肉，菜就一般 唔需要特別提及個人特別喜愛香蕉冰，成杯都幾重手，好重奶香同香蕉味，d冰又幻細~解麻一流

今次去ｍｋ食雞，唔係叫雞，女皇都係大叫，好食好食好食！配菜都唔差～食辣野，當然要要野飲啦！呢枝檸賓梳打唔太甜，有少少檸檬味，都幾開胃。 女皇話，呢個油炸鬼真係不得了！！好好食！！佢入面釀左咸牛肉芝士同埋魷魚。佢本身就已經炸左，只要放湯度浸45秒到，入面已經夠熱。一擺入口，外面仲係脆卜卜，好似食緊岩岩炸起但又唔係成口油既油炸鬼，啲湯幫佢去一去左啲油之餘，雞煲既辣味又有啲入左去，真係好正。加上我好中意食牛肉加芝士，好夾！芝士濃郁，但由於個牛肉帶咸味，佢完全唔會俾芝士蓋過左佢既牛肉味，仲好相輔相成，令個味更出。真係冇諗過油炸鬼同咸牛肉芝士一齊食會係咁正！唔好浸咁耐，因為外面既油炸鬼會變軟。 女皇打邊爐，最愛緊係海鮮！侍應推介左日本廣島蠔，咁就試下啦。因為我唔食生蠔既，所以都將啲蠔整耐啲先敢食。一開始都擔心佢滾咁耐會縮曬水變蠔豉haha。但佢冇喎，同一開始既大細根本冇乜分別。一咬落去，食到既係一陣好清澈沙灘味，並唔係果啲游游下水飲到啖海水既咸味，而係你會係一個好清既沙灘聞到既果陣海水味。好鮮甜，好滑！真係唔錯。 打邊爐冇食肥牛就緊係唔叫打左打邊爐啦！呢碟手切肥牛一黎到，就忍唔住即

今日我地10個人一齊去66雞煲聚會，book左旺角一間比較偏僻既店面（白布街）六點營業，我地六點入去，10個人叫左2個大份66雞煲（小辣同埋bb辣），雞煲好好美，bb辣基本唔喇，比起bb辣，小辣會比較麻d，但係都唔係咁辣👍跟住食完雞我地就開始打邊爐，叫左好多野，其實尼d都幾貴架，8粒芝心丸要四十幾蚊，簡直係暴利😂😂頂級牛肉雖然唔係最貴既果款，但係都幾好味，手切牛肉係最貴，但係自己覺得麻麻，冇乜區別😂😂我地10個人食左1800.8蚊（8點之前埋單85折，會平小小）野飲好貴，免費既水有怪味，我地唔敢飲，只好叫野飲⋯⋯⋯⋯推薦薑啤（薑味唔係好重，好正！）總結黎講，尼一間雖然有d貴，但比起果d任食，算係有質素既。價錢同任食差唔多，我地都食得好飽，都嘗試到高質素既牛肉。如果係任食，我地可能係咁食，食得飽得製很辛苦，反而係66食有節制🙈😂食完之後仲有一個糯米糍，綠茶味架！但係番到屋企覺得口渴，高鈉高油🙈😂難得一次，唔好糾結喇😂😂

2016年伊始當然要同朋友食🐔煲賀下佢，癈話少說，去吧第一時間上的當然係主角雞煲啦例牌微辣，我覺得色香味俱全肉質夠嫩，入口feel 到勁新鮮食完🐔煲就打邊爐 手切肥牛例size，牛味加埋🐔煲湯底真係天下無敵 豬肉片唔會有豬臭味，入口即溶真係想再嚟多碟 主角出場芝心包岩我呢個芝士怪D芝士多到入口即爆厚切午餐肉 仲有餐前小食 香蕉冰6 luck🚬 仲有飯後甜品

見天氣開始凍凍地，忽然諗到，朋友話旺角有間陸陸雞煲D野食唔錯。一於約埋班朋友去食雞煲同打邊爐先。我地一坐低，當然要叫左個雞煲先喇。職員同我地講，如果客人唔太食得辣既話，就可以揀微辣既辣度食。等左一陣，雞煲上枱喇。一打開蓋，聞落去聞到配料香味而且唔會太辣，食落對我嚟講，辣度剛剛好，雞件咬落去夠嫩滑。食完個雞煲之後仲可以揀加清湯或者辣湯打邊爐。我地叫左個八寶丸 (有墨魚丸，牛丸，龍蝦丸...) 和四寶餃 (有魚皮餃，水餃，雲吞，白菜豬肉餃)，勝在大家都可以試下每一款丸同餃。我個人就比較鍾意佢地既墨魚丸。咬落去咬到少少既墨魚肉，而且夠爽口彈牙。不過比較美中不足既係，八寶丸唔包我like 既芝心丸，想食就只可以自己追加。打邊爐當然唔少得肥牛喇，order 左個手切肥牛，入口有嫩滑既感覺，同平時打邊爐既雪花肥牛感覺好唔同。叫多個百花同咸牛肉芝士釀油條雙拼做小食先。我就比較鍾意食咸牛肉芝士釀油條呢款，咸牛肉咸咸地加上溶溶地芝士，味道幾夾。食飽飽，餐廳仲送上充滿綠茶味既雪米糍嚟做甜品添。

天氣終於再次轉冷，一連幾次朋友聚會再次不是火鍋就是燒肉，加上天氣乾燥，這幾天開始感到有點喉痛了，不過向來本著以毒攻毒的心態，吃完再算~再次來到陸陸雞煲，記得上次好像是到另一間分店，這次為了方便雞煲過後耍來個飯後甜品，就轉戰白布街分店不知店主是否非常喜歡Star wars，打開打門後，就能看到一大堆白兵圍繞著黑武士，仔細看看當中還有一隻公雞假扮白兵，感覺趣怪相比起傳統雞煲店，店內裝修得蠻有心思的，除了用色鮮豔，牆上還貼上了不少圖畫公仔。另外，餐廳設有上下兩層，上層位置相對寬敞但裝飾佈置就稍為簡單看看餐牌，有雞煲亦有其他火鍋鍋底，配料方面就有陸陸招牌肥牛/豚肉、海鮮水產、丸餃類、蔬菜、豆品及麵食等安坐後，侍應先為我們送上兩款前菜，分別是螺肉及車厘茄陸陸雞煲(大) $198 雞煲共有BB辣、微辣、小辣、中辣及大辣供選擇，朋友知我一向不能吃辣，所以選了BB辣就好了。雞煲送到後需要再經加熱雞件才達致完全熟透。期間店員還會不時過來看看進度，待雞煲翻熱過後，就要揭開破璃蓋，再為我們把雞件及配料跟醬汁混匀陸陸雞煲(大) $198 雞煲有及兩種份量供選擇，大雞煲蠻足料的，除了雞件外，當中還混合了大量青蔥

今次同朋友去旺角食雞煲，都已經遲食，雖然訂咗枱，但估唔到閒日都要等位，好彩都只係等多15分鐘就入得去，而且門口又有櫈，睇下餐牌，諗定叫咩，時間都算幾快過，等侍應執好枱之後終於可以入去雖然係食雞煲，但間舖個感覺都幾新潮同乾淨。唔似一般傳統火鍋雞煲店咁，一係好似大排檔咁，又陌又坐得唔舒服，一係就好似中式酒樓打邊爐咁第一時間咩都未落單就快啲叫定個陸陸大雞煲先($198)！之後先再慢慢叫埋其他野食，咁就可以快啲有野食啦～可能因為咁所以覺得等咗唔算太耐個雞煲就黎到啦，不過都重要煲多陣先先打得開！無幾耐侍應就黎打開個蓋同我地搞搞個雞煲就食得。雖然睇落好多辣椒，但食落唔算好辣，啲雞都好滑，份量就一般般啦，食得太慢，比人搶晒平時都係叫肥牛多，今次佢地就叫咗頂級封門柳($128)，其實唔太知係咩黎！不過出到黎見到都幾靚呀，切到細細片，排滿成隻圓碟！啲產色都幾深色，不過放落去淥一陣就好快變色，食落去味道竟然比肥牛更加香！真係估佢唔到！個口感就實少少，好食海鮮類我地叫得比較多，首先食咗珍寶帶子($88)先，一份有成8件，排係長碟上面都幾吸引！唔知點解見到就好想當刺身咁食咗佢！所以我就淥咗唔係好耐就食，有啲似

這個冬天好像沒怎麼吃過雞煲，襯天氣仲有點涼即刻約朋友出黎食番餐先。去左旺角嘅66雞煲，貪佢地點個個都近，食完都好快返到屋企。坐低寫紙落order，店員推介左幾款野，仲講話fb like完後有野送，越多like越著數。另外亦拎左前菜黎，蕃茄仔同螺肉，等食其間攝下牙罅都好。雞煲到了，大概等左十分鐘，香噴噴熱辣辣，正呀正呀。雞件好嫩滑，有肉有骨各樣一半啦，揀左微辣所以唔算好辣，啱我地口味，帶少少麻辣幾過引。個汁幾正，我地連入面嘅洋蔥，青椒，芹菜等都食哂。食完加湯打邊爐，可揀清湯或辣湯，怕好辣我地揀左清湯，加埋雞煲嘅辣汁其實已經好濃好夠味，正。先黎個油麥菜併冬菇($40)，怕食唔哂都係叫雙併穩陣。冬菇肉厚鮮甜，菜淋甜鮮嫩。四寶餃($60)，有雲吞，白菜豬肉餃，魚皮餃同水餃。個人較喜歡白菜豬肉餃，菜肉比例均衡，皮韌但不過厚。八寶丸($100)，有墨丸，龍蝦丸，蟹籽包，牛丸，貢丸，白魚蛋，豬肉丸同蝦丸。每樣兩粒，啱哂選擇困難症嘅我地，一次過有哂咁多樣。手打墨丸爽口彈牙，黑色一粒好特別。再叫左芝心包($42)，鍾意芝士嘅我地見八寶丸無芝心包，即刻追加一碟，一般凍肉舖貨式，滆左嘅芝士勁正，要小心熱呀。

每年既聖誕夜，我所期待既除了是工作量大大減少外，當然還有每年一度既朋友聚會。大家都畢業後踏入社會工作，還要分配時間給家人，朋友間見面時間變得少了，甚至變得奢侈，所以這個的年度聚會都會十分重視。雖然每次的搞手，選擇餐廳的決定也不是我決定，但我都會尊重大會決定，今次就來到了大家都喜歡的火鍋。我們訂了聖誕節晚7:15分14人 7:00先頭部隊先到達，打算看看餐牌作準備，誰不知卻被店員多番催趕著我們打電話給還在路上的4名友人餐廳不是那種任飲任食的形式，但價錢卻偏貴，份量卻偏少，材料也不見得特新鮮，不知道聖誕節餐牌有否作調整。我們這晚上的奇遇還不少 1. 在雞肉吃完後，把火鍋配料放進湯底後，朋友想把火力稍為調高，卻遭店員阻止，聲稱會影響店內各電源的供給 2. 細心的朋友打算著店員拿點清水，好讓我們的味覺得以中和，吃得健康一點。豈料，店員卻只端來一杯熱水，還是會冒煙的，我們都呆了。再打算問問可否給每人一杯清水，換來的答覆卻是沒有那麼多的水杯 3. 香港這個聖誕不太冷，在吃辣湯底的同時，我們發現我們位處的二樓多部冷氣都關上了。禮貌地問一問可否開一點冷氣，答案卻是關上

本人雖不特別喜歡雞煲,然而, 這一次來到這個陸陸雞煲令人留下深刻印像。我們一行四人零planning 下想試吃這間雞煲(其實是某有名雞煲好多人等, 不想排那麼久)。在外排了15分鐘左右，很快就有4人空位。我們馬上order 了半隻雞煲(例), 微辣 。 等了10分鐘左右雞煲上桌。店員會幫忙攪拌。等他說ok後，我們立刻各自夾起雞肉。煲內雞肉十分嫩滑，味道不錯,但微辣會顯得有點淡，如果能吃辣，叫小辣可能會更好，或者等雞肉再吸收一點湯汁才吃，這樣會更入味。湯內有加了麻椒，不喜好者要小心別夾進雞肉內了。最出色是手打丸, 蝦丸有蝦味，墨魚丸有墨魚丸味，不要以為是冷笑話，在現代的工廠食品橫行年代，要吃到足料，結實，足味道的丸並非易事。中間的墨魚滑有黑同白之分，黑色應是加了墨汁進去，入口多了一層墨汁香味，頗為特別，推介一試。相比起手打丸，響鈐也令人一讚，店供應的一定不是平常打邊爐常見平平無奇的某牌子響鈐，本人估計也是自家制品，比某品牌更香脆。連普普通通的粟米也是香甜可口，令人讚不絕口。可見此店在配料的食材方面都落足120分心思，抵讚!!!最後4個男人埋單連飲品卻每人只需160左右，比其他任食雞煲抵食

今日本來諗住同朋友一齊出黎旺角行下，點知行下行到8點幾，我地見到左食飯時間就決定食埋野先走。今日天氣凍凍地最岩就緊係食個雞煲暖下個人喇，跟住我見到呢間野裝修都好靚喎，所以就入左去開飯喇。好在去到果度嘅時間岩岩有人賣單，唔洗點等位就已經有位坐低食。餐廳裡面真係充滿晒果種雞煲嘅氣味，如果你係雞煲嘅粉絲，你一定會鐘意呢度。。。陸陸雞煲首先緊係要食個煲先得喇，呢度嘅雞煲香噴噴，職員會好熱心咁幫客人整理雞煲，協助客人係最好的情况下享用雞煲。味道方面，雞肉好入味，唔會好淡味，味道好足，而且雞肉保持左個嫩滑嘅口感，做得都算唔錯。陸陸手切肥牛(大)肥牛煮左之後，唔會縮水太多，又唔會太肥，質量真係都唔錯，我最覺得重要係入口順滑，唔會好似平時打邊爐食到嘅果種肥牛咁粗糙咁肥膩。百花+咸牛芝士釀油條油炸鬼分別釀入咸牛肉或者花枝，油炸鬼脆卜卜唔算太油膩，唔會太咸，不過係雞煲裡面煮一下之後再食，又有第二感覺，個人比較喜歡咸牛肉呢款，因為同油炸鬼嘅味道更夾，咸牛肉令油炸鬼食落更惹味。珍寶帶子餐廳呢度用嘅帶子好肥美，冰面唔會太多，感覺好鬼水盈豐潤，成個擺入口真係令人覺得好滿足架野生竹笙王，竹笙係煮嘅過程，吸收晒雞煲裡