陸陸雞煲火鍋 (已結業)

頭先去到mk同2個朋友食晚飯，佢地話想食雞煲，就去左試呢間「陸陸雞煲」。夏天食雞煲最緊要係咩？就係冷氣！就算食個辣雞煲都唔會出哂汗，抵讚！講番個煲，我地叫左中麻辣，唔會太辣 （當然因人而異），但我幾鍾意佢個麻味，同埋最欣賞係佢啲雞。舊舊都啖啖肉，睇個雞脾頭都知本身隻雞夠哂秤。不過叫得半隻，好快食哂。至於配料，除左肥牛，丸，響玲呢啲必食之外，一定要試佢個個：日本甜蕃薯粒！好 _ 甜！不過唔好淥咁耐，會唔見左。佢好甜好煙韌，可以慳番錢過隔離食甜品。如果鍾意食牛，可以叫堆佢個陸陸牛三拼，有粒，有厚砌，有薄砌，滿足你三個願望。環境乾淨，夠光猛，會再黎。