陸陸雞煲火鍋 (已結業)

一向鍾意周圍食野既K小姐，其實更加enjoy 同朋友一路食野一路傾計，有野大家一齊開心share或者互相力撐。今次去左旺角陸陸雞煲，原因係同呢幾位朋友識於微時，上一次食飯已經年幾前，亦都係呢間餐廳，大家上次都食到好回味，所以年幾後決定再encore....雞煲叫左微辣，雞肉肉質好嫩。無論係咩豆腐，都係我一生中最愛，呢個蜂巢豆腐個名好得意，雖然我唔明蜂巢個位係點，但好好味，吸哂湯式精華，正！丸類雙拼，精緻、爽口！陸陸牛三拼，一次過滿足你三個願望，d牛肉靚料，片片均勻，雪花鮮明。花支片，賣相唔吸引，食落好爽口。珍寶帶子，超鮮甜，新鮮。