陸陸雞煲火鍋 (已結業)

今天陪老公去旺角探望在安老院的奶奶，探完之後上Openrice 搜尋附近的食肆，老公提議吃雞煲，就揀了陸陸雞煲。我們差不多六點半到達，不用等就可以直入不用等位，七點鐘就連2樓都滿了。我們要了半只雞煲少辣，一份美國肥牛，百花＋咸牛肉釀油條雙拼，手打蝦丸拼墨魚丸，韓式泡菜餃拼芝心包，唐蒿拼皇帝菜，日式玉子燒及青檸梳打。最好味係手打蝦丸同墨魚丸，新鮮又彈牙👍另外芝心包D芝士可以拉絲😋😋😋雞煲黎到未全熟，經過侍應炒幾分鐘之後，越來越越香，雞件好滑，由於好多薑蔥蒜，醬料調味好好，所以雞煲好好味。我反而喜歡佢嘅青靈梳打同埋柚子梳打。另外八點前離開或十點後入座，全單八折😍😍😍仲有限時

接完朋友放工係旺角當然要食下雞煲, 首推呢間食左無數次既陸陸雞煲! 3個人叫左半隻雞小辣. 一上左煲雞之後侍應叫我地等一陣焗一焗佢先食! 之後一打開簡直香味撲鼻. D辣味撲面而來. 唔食得辣既朋友都要試下BB辣. 有D辣味先會香! 3個人黎講半隻雞一定夠有多. D雞夾極都仲有. 而且愈食愈惹味!!簡直停唔到手. 雞件都算滑而且都有雞味.差唔多食完雞之後我地就叫左D打邊爐. 肥牛, 腸仔, 蝦滑等等. 唔食得辣既人千其唔好叫太多菜. 我地叫左生菜煮完出黎勁辣!! 即刻要再叫多支野飲解辣!

食雞煲！！我印象呢六七年都大行其道，第一次食真係幾震撼，但都不外乎係食完麻辣雞煲再加湯打邊爐啦，所以食左幾年都真係有D悶，不過今次有friend介紹食左呢間陸陸雞煲之後真係喜出望外丫一行四人，揀左半隻小辣既雞，佢唔似一般既貨色，做到麻而不辣，滿足味蕾刺激之餘又唔會過曬龍，因為食過太多一係淡過頭，一係辣到跳舞，搞到之後成餐都未恢復到。。話咁快半隻雞三扒兩勃就得番棚骨，值得一讚既唔止係雞件嫩滑，食完服務員體貼咁幫我地加湯都係值得一讚丫！另外想推薦比大家就係呢兩杯，青檸同利賓納梳打，原因係童叟無欺丫，一杯眼見有兩三個檸檬，夠晒兩個人飲，食住雞煲飲番杯真係爽丫！

雖然依家打邊爐食雞煲再無一年四季之分，大熱天時都可以開著冷氣打邊爐，但係我始終覺得天氣凍先打至有氣氛，而且仲可以暖身tim，而我就把握呢個星期會氣溫驟降的機會，黎到66雞煲。店內的裝修設計，比一般的雞煲店新潮摩登，如果企喺門口，完全唔會估到佢係一間雞煲店。平日晚上的9點鐘到埗，大概等左15分鐘就能夠被安排入座，我地4位坐左喺二樓。一座底，店員就好細心咁叫我地點左個雞煲先，佢仲會講解下唔同程度的辣＆麻有咩分別。於是就order左小辣。雞煲到左後，經過一輪的焗同埋煮，終於可以品嚐佢的味道了。果然無令大家失望，成個雞煲都好惹味，麻辣配搭得好好，唔會蓋過雞的鮮味。之後就係加湯打邊爐了，我地叫左肥牛，炸響鈴，百花+咸牛肉芝士釀油條(雙拼)，桂花蚌+珊瑚蚌(雙拼)，烏冬+出前一丁(雙拼)，四寶餃，唐生菜&油麥菜。打邊爐的配料要用一個鮮字去形容，完全你誠意之作。而且仲有特色飲品青檸梳打&檸賓梳打，大大樽，一樽夠晒兩個人飲呀😝。

香港人吃雞煲火鍋已不分時節，隨心而吃，故我們亦想吃就吃，管它是冬天還是夏天，我們高興就好了。先有小小的前菜螺肉與蕃茄仔奉上~來得陸陸雞煲當然是為雞煲而來，我們始終最愛它的小辣雞煲，花椒麻麻的滋味，亳不覺得辣或嗆，非常順口好吃。當蓋子掀開的時候，滿滿讓人吞口水的香味溢出，雞肉 撲通撲通的滾著，好想趕快放進口。雞肉炒得香濃入味，沒有不死鹹，不同的雞塊部份都肉質滑溜，不用一會我們三人已吃光光呢。洋蔥、青椒 、芫荽收了畫龍點睛之用，讓雞煲的香氣更迷人。吃完雞煲就飽了，完了，還沒完呢~ 雞煲一雞兩吃，雞肉的精華與香味煮到煲裡，把雞肉吃完後，我們添加清湯變成火鍋。熬煮好的湯底加入雞煲留下的醬汁滲入湯中，不會太鹹卻又濃香。頂級美國肥牛口感軟嫩到不行，牛肉肉中帶點油脂，吃起來清甜滋味，每一口都幸福。牛肉涮3至5秒即可，就算涮久一些，肉不會柴依然好吃。皇帝菜口感扎實，爽脆清甜，很愛它的鮮嫩粗糙的纖維。朋友吃火鍋不少得鮮鵝腸，鵝腸吃起來脆韌，富有嚼勁，經雞煲湯涮後，鵝腸這樣吃很不懶，更香更入味。炸響鈴炸得香酥鬆脆，輕輕在湯鍋涮一涮，吸收好湯汁把它夾起，在發脹後仍帶有少許鬆脆的感覺。如果不涮直接吃則沙沙作響

冬天食雞煲是常識吧！一班朋友gathering 最啱就係打邊爐，好幾年前食過一次陸陸，印象中係OK嘅！所以今次膽粗粗suggest 食陸陸雞煲！招牌非常易認，兩個「66」字就係啦！其實睇睇下，我覺得佢似一對眼仔😂係餐廳內唔難發現呢個肥廚師做主角嘅畫，究竟佢係老闆，定係老闆筆下嘅卡通人物呢？睇黎真係要問老闆先知！一般打邊爐食物都齊，而且仲有啲特別嘢食添！或者我先講下個雞煲先：雞煲係即叫即整，所以雞比較新鮮嫩滑！辣度可以自己調教，不過陸陸嘅辣相對易handle, 食得辣嘅朋友不妨可以大膽點中辣或以上！對於食辣嘅朋友嚟講，雞煲唔辣唔過癮的雞食晒之後，就可以叫店員加湯！有辣湯同清湯㨂，我地當係㨂辣湯啦！雖然叫辣湯，但其實都係唔太辣😂先叫左個咸牛肉芝士釀油條$64，呢個真心有驚喜！要食到最佳口感，烚嘅時候都要啲技巧！首先要將釀咗牛肉嗰面浸湯，然後烚大概1分鐘，牛肉由於經過醃製，食落更加惹味，配上外層仍然香脆嘅口感，值得推介第一次打邊爐食醉雞翼，發覺原來都幾好食！雞翼起骨起經過花雕、薑等材料醃製，不但更加入味，而且肉質會更加滑嫩，食落仲有陣陣酒香味，正呢個野生竹笙皇（$90）一上枱，朋友們已經嘩聲

冬天就是要食「麻辣雞煲」，麻辣味道令人上癮， 而且食完身體好暖，感覺十分滿足。 來旺角雞煲的選擇十分多，不過因為一品等候時間太長， 最後決定轉戰陸陸雞煲，只需10分鐘就可以入座。 不過有用餐時間限制，所以小妹只是點了雞煲及百花釀油條。 餐廳座位一般，未算十分寬敞，侍應服務快捷。 設有前菜辣味螺肉及車厘茹，感覺比較貼心。 麻辣雞煲香料十分多，味道偏濃，感覺有點兒過鹹， 喜歡重口味的朋友就應該十分喜歡。 雞件不會斬得太碎，不過份量偏小，男生感覺不夠喉。 幸好雞肉有先走油處理，所以滾多久都不會變老變粗糙， 肉質尚算嫩滑，不過鮮味不足，感覺可以再做得更好。 而且設有讚好送禮，感覺更划算，兩個Like就送汽水。 食完雞件後才加入高湯打邊爐，味道會變淡， 感覺沒有那麼鹹，容易入口，而且麻辣味慢慢滲出，感覺欲罷不能。 配合濃味的湯底，小妹建議點了響鈴、竹笙或山根等， 可以完全吸收湯底，味道香濃麻辣，刺激味蕾。 個人十分欣賞百花釀油條，因為蝦膠十分彈牙新鮮， 而且油條香脆可口，配合濃濃的麻辣味道，完全無法抗拒。 簡單用膳後，餐廳送上雪米糍，可以「解辣」。

自己都算係雞煲半個忠實粉絲，隔一段時間就要搵搵新的雞煲試下，今次就去左旺角的陸陸雞煲。一貫的做法，都係點左個煲先，我地點的係小辣的半隻雞煲。等左一陣已經有得食，隻雞真係有驚喜，好惹味而且好新鮮，各樣的配菜，好似洋蔥，青椒等，都同個雞煲好match。之後就加湯變做火鍋了，原來係可以選擇清湯OR辣湯，因為個雞煲好入味，所以我地覺到㨂清湯已經OK。然後，就上火鍋配料，唔好以為啲配料係一般火鍋店的款式，原來全部都係自己製作，出面食唔到嫁。好似個百花釀油條&咸牛肉芝士釀油條咁，食的時候，油條仲係脆😆。另外，桂花蚌&珊瑚蚌都係好新鮮，一食就知道係上等貨。最後，加多個例牌肥牛，同埋佢地自加製的響鈴，真係好滿足的一餐。餐廳的服務亦都好周到，點雞煲時，已經提醒我地留意辣度，BB辣係無麻辣的，如果要有麻的感覺，要點由微辣開始點起。另外，每次加湯的時候都會用手擋一擋，怕啲湯汁會濺到客人，而且煮雞煲都好細心，務求令到個雞煲的味道更加均勻。最後，遞上釀油條的時候，都會講解大約要煮20-30秒左右，咁親切的服務態度，依家一般的食肆都好少見。

最近天氣忽冷忽熱咁，最啱就係食返個雞煲喇！雖然話雞有五德，但對波波嚟講，雞最緊要食得！雞嚟講佢唔算肥，肉質都係香滑嘅，不過個樣雖然紅噹噹，但就唔算好辣喇！呢個鬼馬墨魚滑一定要點，用自家制嘅油炸鬼釀鮮打墨魚滑，油炸鬼索咗湯汁，加上彈牙嘅墨魚滑，真係會食到停唔到！呢碟手切肥牛都好新鮮，睇到肥瘦都好均勻，佢生前應該都幾Fit下！打邊爐唔少得梗係要食丸啦！呢間嘅丸子併盤有齊晒唔同款式嘅丸子，粒粒都係人手打，咪粒粒都咁彈牙囉！

🐔年食🐔煲之「66雞煲」雞煲食用方法：雞煲上枱後，等待職員攪拌雞件及配件，待2分鐘後，就食得㗎喇！雞煲打開蓋之後，好香噴噴啊😋溫馨提示-小心燙咀。雞肉一定要盡快食，因為時間煲得太耐既話，雞肉就唔嫩滑㗎喇！平時打邊爐通常叫白豆腐，今次食玉子豆腐都幾好味喎，滑滑滑，仲有無咁容易散開，就算煲咗好耐都係一粒原整無缺的。打邊爐當然唔少得叫菜啦！我們叫咗皇帝菜和唐蒿（皇帝菜既葉比較容易痴住d麻辣籽，如果唔食得太辣避免叫皇帝菜啦。）唔叫皇帝菜，66雞煲都有好多菜款揀。百花+咸牛芝士釀油條百花食落既感覺有點似墨魚滑；而咸牛芝士就似炸過既餐肉。午餐肉打邊爐就試得多喇，加埋油條味道好配合喎！職員話把肉面向湯（下面），油條面向上，放在煲內數20-30秒，咁就可以食喇！方法同食響鈴差不多。手切肥牛片，哩碟肥牛有分例牌和大碟，我們這碟是(例牌)既Size.埋單既時候，職員送了每人一粒雪糕糯米糍給我們，為我們送上一點甜。等位處！建議預先訂枱。雖然店鋪有上下兩層，但是都好快fullhouse，唔想等咁耐就預訂先喇！☎️

踏入雞年的友人聚餐，朋友邀求食雞煲應一應節，所以我們就來到旺角白布街「陸陸雞煲火鍋」喇！(加上最近天氣超凍，想食d辣野暖吓身）  66雞煲有分5款（BB辣，微辣，小辣，中辣，大辣）。店鋪職員好細心，知道我們叫雞煲，就為我們介紹各款辣度！她建議如果平時都食得辣既朋友，可以選小辣（因為由小辣開始的辣度，會加入一點麻辣籽）  食完晒雞之後，職員替我們加湯，辣汁和雞肉可以當火鍋底，轉做打邊爐！😋（在這時候可以選擇加入清湯還是辣湯）  我地叫咗哩個雙拼丸，中間4粒係鮮蝦丸，旁邊一黑一白果款係墨魚丸。粒粒都好彈牙，鮮蝦丸好味！  這碟也是雙拼！桂花蚌拼珊瑚蚌。份量剛剛好，唔會浪費食物。兩樣食物都好新鮮，千萬不要滾太耐，否則會比較煙韌。  手切肥牛，師傅刀功幾好啊！片得好薄啊，一啖一口牛肉，薄薄既牛肉滾兩滾就食得嚕！ 

To farewell our cool friend who is going to New Zealand for working holiday, we booked the restaurant for hotpot on a weekday night.We got a table for 8 people on the second floor and the seats were quite packed. When I booked the table, the waiter said we would have 2 hours dining time but they did not ask us to return the table after 2 hours so we had enough time to enjoy our dinner.We ordered 2 chicken pots, one was BB spicy and another one was medium spicy. I cannot eat spicy food and the BB

親愛的友人從澳洲回港過農曆新年，已經一年沒有見面，相處的時候甚短，但友情不減。她說除了西餐，甚麼也願意食。我們這班體貼的朋友們當然建議些香港地道美食給她回味回味一番，這回辣辣雞煲是也!店內裝潢整潔溫暖感極強，適合三五知己餐聚暢談。食物款式多元化，麻辣雞煲味道香濃，麻辣味強，使得雙唇變得麻痹。可是雞肉不多，大家有點不夠喉。我們點了安格斯肥牛，太肚餓原故，只願食也忘了拍照留影。牛肉味算合格，但有些靭。各式丸式是常識吧，丸子算肥大，彈口肉味濃，不錯!魚皮餃子，皮薄肉質鮮嫩，很快K.O.哂。響鈴很是脆口，放入湯底輕輕灼熱三兩秒，必食佳品!

旺角白布街真係越開越多野食，其實都好想食奶奶雞既但好多人，就過左隔離食呢個雞煲。一入去已經好鬼香！2個人叫左半隻小辣，果刻我心諗：唔知夠唔夠食呢？等左一陣終於食得～雞冇雪味，基本上煲左都好一段時間所以都算入味，痴埋啲汁食都幾好味，食食下發覺半隻原來都幾多，因為我地仲嗌左好多其他小食打邊爐。 基本上，店員們好醒水咁間唔時就會過黎幫我地搞搞個煲底以免痴底，成功K左啲雞就加湯打邊爐喇～先來必點肥牛！出乎意料地好稔好好味～不過一碟2個人食好似有啲多，畢竟都已經食左半隻雞。脆魚鯇真係唔可以滾太耐，因為我唔小心放耐左就變得好硬，我相信如果早點拎起食會好好味。手打丸真心彈牙！而且一條咁上碟好鬼靚～墨汁丸讚喎！最驚喜係個自家製響鈴！一上碟我就知一定好食，果然冇錯，佢唔似一般出面果種卷得好實，中間保留好多空間去吸湯，同埋個味我講唔出有咩唔同，但就係好好味～相對地我好期待既咸牛肉芝士釀油條就真係咸左少少，店員叫我地浸返20至30秒先好食，果然個油條稔少少先好食，因為太硬會戒親個口哈哈。食完成身都係雞煲味，要返屋企洗衫。

好耐之前同朋友食過一次，記得食物、環境質素皆高。今次又有舊朋友約我到陸陸雞飯聚，有美食我當然馬上答應。原來陸陸雞在旺角已經有兩間分店，今次朋友約的是新店，差少少就去錯添。新店比舊店裝修更有格調，紅色為主題。一坐低即刻有得食前菜，前菜都好好食。唔係Hea hea地的酸菜花生，而係新鮮的蕃茄仔同我最鍾意的冷螺肉。由於太肚餓，雞煲未上檯前已經點左一碟惹味水魷。真係好惹味，辣辣地好刺激，而且水魷是爽口的。雞煲我地只點了例牌，但都好大煲，兩個人好夠食。雞肉切得好工整無碎骨，肉質嫩滑但唔太肥。醬汁足香料，香味十足，用少少辣吊味，好好食。太耐無見，我地兩個人都點左好多食物，當中有幾款比較有驚喜。先來鮮帶子是巨型的帆立貝，係日式刺身果種超級大隻，鮮味十足。丸類唔平但絕對值回票價，花心的話仲可以點雙拼添。丸類全手打，十分彈牙，真係可以當兵兵波。墨魚丸仲混入粒粒墨魚肉，十分有咬口。釀油條係另一亮點，脆脆的油烤鬼分別釀上花枝滑及咸牛肉，各有特色。下鍋輕輕淥一淥，釀料熟透，油條亦熱辣辣。釀料軟滑彈牙，油條香脆，口感一流。有點驚喜的是油條過水後，竟然保持香脆，沒有變軟變爛。竹笙亦是十分有趣的，比我見過的竹笙都大