陸陸雞煲火鍋 (已結業)

長話短説, 雞煲d雞炸過又無味,我吔兩人order 半雞, 竟然得d雞殼,雞胸雞翼消失了,但雞頸有三條!哈哈! d菜黃嘅唔新鮮,碟肥牛真的..好伏..大排檔質素呀但，價錢....!!, 我和朋友兩人食咗唔夠半個鐘決定轉場, 又多一間入黑名單!! 雞煲都可難食到咁,佩服!!! 

絕對無下次！今日order半隻雞煲，但裡面卻有兩份雞頸.而且無食到任何雞脾肉.偷工減料十分嚴重.整體味道亦麻麻.服務方面.服務員態度非常串.無論係落單抑或是問佢d店舖活動.雞煲差唔多食完時.訊問佢是否幫我地落左其他配菜.服務員反詢問你唔俾我我點幫你落（ps之前已經俾過佢.但佢之後擺係台度無理.同一張單，有咩理由雞煲上左汽水上左.但d配菜會忽略？）唔係話消費就係大爺.只係覺得做生意唔應該咁.總結一句絕無下次.

今晚去食期待已久既雞煲🤗🤗先黎個麻辣雞煲，一黎到好香好香🤤🤤未食已經流晒口水了，辣度我揀中辣，因為食得辣👍🏻👍🏻但如果唔食得辣既朋友仔可能要揀返小辣了，因為會愈食愈辣架。食雞煲打邊爐點少得肥牛丫，黎到根本就要心心眼😍😍😍排得好靚，厚薄適中，當肥牛遇上雞煲湯底，一個字，讚👍🏻👍🏻👍🏻👍🏻黑白墨魚滑，兩邊都係墨魚，有一半成舊黑色好得意，但個質感同白色果邊唔同，黑色既會煙硬d，都好好咬感😁😁😁😁👍自家製響玲，好脆唔林，唔會梳左氣果d，好好👍🏻百福豆腐，好滑好嫩。😊炸魚皮，炸到金黃好鬆脆😍仲有好多款食物俾你揀架😋😋😋😋

朋友聚餐，選擇比較近旺角。見到陸陸雞煲火鍋好似吾錯，就去試下啦！叫左個陸陸雞煲例牌 $158 三個人食都ok既，不過份量都係比較少😂但幾香既，揀咗小辣，食完仲可以有個香噴噴湯底做火鍋，加上其他火鍋配料，味道一流。叫左個手切肥牛（大）$228睇落相當吸引，都幾好食，如果對肥牛有要求可以試試。陸陸自家炸響鈴$46響鈴炸得香酥鬆脆，脆卜卜，輕輕浸一浸拎番起，仍然可以保持鬆脆，正。雙拼手打墨魚滑蝦滑都OK嘅不過價錢就有啲貴薯粉$26幾好食，加埋雞煲嘅味道超正。檸檬利賓納 $49幾大支啱晒幾個人分，三個人一人一杯岩岩好斟曬

一個月之前適逢佢鋪頭週年紀念身分證上姓名包括陸字，或者號碼有6都可以以一蚊換購雞煲表姐姓陸，又有6號，就可以用一蚊換大雞煲當日六點半去到，門口已經企左好多人我地攞左飛，佢話唔齊人唔俾入最後齊人個陣又要等翻枱，等左個半鐘先入到去鋪頭好細，得十幾張枱入到去馬上送上大雞煲唔夠膽既我地都係叫左bb辣，但都係越食越辣以雞煲火鍋嚟講，配料選擇唔多仲有價錢都幾貴火鍋必食響鈴都係脆身但略嫌幾油叫左普通肥牛，都要$18x但如圖見到，佢勁多肥膏我媽食左兩三片就停口啦但都有啲好野既手打蝦膠好正食得出係新鮮手打有豐富蝦味混份墨魚好脆口口感唔錯墨汁墨魚丸好重墨汁味$98 蚌類雙拼爽就爽 但份量好少四人食兩舊就冇啦

陸陸雞煲個名聽就聽得多，但食就真係第一次，多得朋友介紹，嚟到白布街呢間分店，見到都幾光鮮新潮完全無平時雞煲火鍋店嗰種局促嘅感覺。嚟到陸陸雞煲當然要點返個招牌陸陸雞煲，不過兩個人唔食得咁多，而且之後仲要打邊爐，就係咁咦點個例牌食下，BB辣但係都幾辣架而且幾入味，食完條脷會有種麻痺感。之後我地點左四寶丸、玉子燒、牛肉、菜、招牌百花芝士咸牛肉油炸鬼等等做火鍋配料，玉子燒拎嚟打邊爐都真係第一次，吸左辣湯口感軟綿綿一咬爆汁幾特別，但最特別都莫過於百花芝士咸牛肉油炸鬼，店員教路將肉反面放湯，咁樣肉就會熟而油炸鬼亦唔會變軟，又彈牙又脆口感好豐富，好好食！講真埋單價錢唔平有啲肉赤，但一次半次而且係幾特別幾好味嘅，任食就抵食，喪食唔嬲，呢度就好食，但好貴下，我覺得間唔中一次都可以。

儿童节跟老公出门觅食，记得朋友推荐过这家鸡煲，于是跑来旺角，虽然我知道吃完又会热气上身然后爆痘，但还是不管那么多了小食点了蒜香牛油鸡翼，很浓郁的牛油加蒜爆香，味道不错，但是好像鸡肉有一点点的腥味。他家店很有特点的是这个咸牛肉芝士镶油条，超级不健康啊看起来，又是油条又是芝士又是罐头肉，但是！我想说，真的好好吃吃一口，再喝柚子苏打，那感觉太爽了真的是。其他的菜肉没什么特别，但是鸡煲好吃，汤底味道足，所以普通的菜肉放进去也是让我饱餐一顿吖，以后一定会跟朋友聚会再来这里

本人於本月光臨這一家餐廳，主要想說的是這家餐廳的服務真的要給劣評。餐廳桌子擺放失誤，導致數名食客因此而跌倒。我是其中一個受害者，當時倒下，在場職員並沒有上前謂問，只是看著我倒下。其後，便在旁討論近日已因為這桌子的擺放而導致數名食客跌倒。因傷勢嚴重，本想不在這說出來，但為恐有更多人因此而受傷，希望大家能注意安全。這家餐廳不負責任，沒歉意，真的令我很失望！若要談及食物，食物價錢與食物質素和服務質素不相符！

人生總會有幾班雞煲腳昨晚才到另一家吃雞煲，今日又到這家了……第一次到66，不知辣度如何，朋友共識後點了大雞煲中辣。雞煲樣貌沒有什麼特別，雞煲一個，食下小吃醫醫肚先麻辣腸頭，麻度足夠，不算太辣，腸頭似是經油泡， 略為較乾，有點韌。另點了辣味雞翼及炸魷魚鬚。雞煲打開紅紅綠綠加上紫洋蔥，顏色相當吸引，芳香撲鼻，芫荽、蔥、中芹、花椒等各材料香氣一湧而出，相機未食雞已放到口內。手打蝦滑$72，份量少了一點，勝在彈牙爽滑，亦滲出蝦的鮮美。手切黑豚膝片陸陸牛三拼$238，比想像中抵食，一次過食到肥牛、手切牛、牛柳粒。百花釀油條，員工提示需浸湯才吃，不可即食。後來吃的時侯發現油條帶有微微油益味陸陸自家炸響鈴白鱔片，加上麻辣湯的味道，辣不停雞煲加湯後，起初只是一般火煱，但雞煲配料越煲越精彩，漸變成極有風味的麻辣湯，越食越好食，越辣越麻越不想停下來。餐廳員工見枱上食品已完結，便把抹茶紅豆雪米糍放枱上抹茶雪糕剛好為我們清一清口腔，減減飽肚感。我們有點啤酒，如不點啤酒，每人大約$290

陸陸雞煲。有朋友試過幾次都話唔錯。我地今次要左小辣，因為我唔係好吃得辣，但味道已經好惹味。雞既份量好好，可以點多幾樣送。芝心百花油條。見個配搭幾得新頴，味道都不錯，油條有百花中和番個油膩感吅時油條有油條既脆，百花有佢既彈牙。手切牛。不過不失，唔un 無根，有牛味。份量都適中。牛栢葉併金錢肚。乾淨，爽口，再yarm 啲雞煲汁已經好好味。泡菜餃。朋友比較吃得辣，所以叫多個辣野喎。都好有泡菜味，同埋好大隻囉。

來陸陸當然是為了吃雞煲吧，朋友是個雞痴，對雞的鐘情更是無人能及。在雞煲上桌前，店員詢問我們吃不吃芫茜，心想當然一定要加，這樣香氣才能更加突出。雞肉都有醃製過，店員稍微炒過一次，再蓋上鍋蓋燜煮，使其更入味。雞肉食落香辣辛口且嫩滑，裡面有多種香料，令原本只有淡淡的雞肉變得濃味富特色。淡黃色的炸響鈴非常薄脆，遇上火鍋湯底嚐起來更十分軟滑，其實單吃也可以。手打墨魚丸及手打蝦丸口感爽滑，新鮮彈牙，黑色墨魚丸與白色蝦丸在視覺色澤上亦形成強烈的對比。頂級美國肥牛全由店鋪自家手工切的，肉的原汁原味就不會跑掉。牛肉其實輕輕簡單涮過便可吃，淡淡的粉紅色，入口口感新鮮軟嫩，既濃郁且多汁，最能吃到牛肉的原汁原味。檸檳梳打酸甜醒胃，邊火鍋邊飲份外清新，倍添涼爽！而且一大瓶可兩人分享，蠻化算。

一到冬天最鍾意打邊爐，不過呢幾年興食雞煲，食完隻雞再打邊爐，方便我呢D懶鬼。講到食雞煲，其實每區我都有D心水，如果旺角就一定食66雞煲，足料食材靚。次次我地都係叫左小辣雞，太辣又食唔落，無辣又又唔夠過癮，小辣味道啱啱好。啲雞好滑，而且每件都好大份，我哋每人食幾舊，其實已經飽飽地，然後再嗌幾碟配料，非常滿足。其實配料來來去去都係果啲，呢度啲牛肉好高質，夠薄而且肉質新鮮，所以我哋每次都會叫牛肉食。另外要提一提佢特色嘅百花鹹牛肉芝士釀油條，估唔到將呢啲食物配埋一齊，味道好夾而且口感好特別，如果黎呢間雞煲一定要試一試。同埋佢呢間雞煲啲湯底好夠味，如果鍾意食豆腐嘅朋友，將啲豆腐撈埋啲雞煲汁，會索晒啲味，正！

陸陸雞煲幾乎街知巷聞，在旺角已經有兩間分店，而這間位於白布街的分店較新。店內的裝潢設計明顯與一段雞煲火鍋店截然相反，相當新潮，分為上下兩層，座位間的空間亦夠寬闊。陸陸雞煲(例) ($148)不太嗜辣的我們只選擇了BB辣，辣魔更可以挑戰中辣甚至大辣，不過BB辣對我們而言已經相當麻辣，吃到一半已經面紅耳赤。雞件非常入味，而且肉質嫩滑。全程會有員工協助，幫忙定時攪拌雞件，吃完雞件後又會為我們加入清湯。陸陸手切肥牛(例) ($158)手切肥牛比美國肥牛昂貴一點，不過吃罷便會知道物有所值。牛切肥牛保留牛的質感，脂肪分佈平均，肉味亦較重。陸陸手打墨丸鮮蝦丸 ($90)手打丸類都頗為彈牙，個人比較喜歡烏卒卒的墨丸，中間更有粒粒墨魚，真材實料。日式玉子燒 ($50)從來沒有想過平時放題中極愛的甜蛋亦可以用作火鍋配料。甜蛋煮成後變得軟綿，甜味之中滲透出麻辣湯汁。雙拼粟米娃娃菜 ($30)蔬菜種類繁多，更可以自由配搭雙拼，在麻辣雞煲湯底下烹煮得軟腍的娃娃菜更是惹味。桂花蚌珊瑚蚌 ($90)兩款蚌類都新鮮爽脆。百花咸牛肉芝士釀油條 ($72)作為招牌作之一的百花咸牛肉芝士釀油條，其實是兩款釀上了不同餡料的「

一到冬天我就鍾意食雞煲，今個冬天大大話話又食左十幾餐 但講到最愛之一，一定係陸陸雞煲，只係佢實在太多人排隊，所以有時先不得不放棄。今次難得有時間就同朋友排隊，可能我地掛住傾計，Ｄ時間好快過，話咁快就到我地入去食。叫左個微辣雞煲，一如以往，非常惹味，雞肉好滑，麻麻辣辣咁，食到唔停口。食哂雞煲後就叫左個手切肥牛，切到好薄，紋理分明，食落非常爽口，我地幾個人秒清左碟牛。另外仲叫左桂花蚌＆珊瑚蚌、自家炸響鈴等等，全部食物都保持高質素，排隊都抵呀！

係旺角行完街最好梗係食雞煲充充饑未行入鋪頭嘅時候已經聞到濃濃嘅雞煲味雖然只係星期四嘅晚上 店入邊已經人山人海由於同友人兩個食嘅關係食唔到好多配料於是就點左店員推介嘅幾款配料陸陸雞煲(例) ($148)雖然我地只係點左一個例牌嘅雞煲但淨係食雞煲已經飽左一半就咁望落去已經見到雞煲入邊舊舊都食得雞肉吸收哂麻辣汁 唔使點豉油已經夠晒味陸陸手切肥牛(例) ($158)配料方面我地點左店員推薦既手切肥牛呢度嘅肥牛係屬於厚切肥牛 絕對唔呃秤可能係因為厚切嘅關係食落去有牛肉味之餘亦都吸收左麻辣嘅味道 好正百花+咸牛肉芝士油條($72)呢個配料集合左港式既原素有點心食到既百花魚肚上面既百花百花蝦膠釀魚肚這是在茶樓常吃的一道點心而餐廳用左啖啖既蝦膠肉放左係油炸鬼上面蝦膠的海鮮甜味加埋麻辣湯底 非常可口至於咸牛肉加上油炸鬼 由於油炸鬼本身無咩味 咸牛肉正好為淡淡既油炸鬼點綴一下又係另一種風味珍寶帶子($90)好大粒呀！話明珍寶 果然無呃人帶子個個大小絕對係驚人 雖然呢個帶子係要焯一焯先食得但熟左既帶子依然不失鮮味陸陸自家製響鈴 ($44)小妹覺得打邊爐除左個爐係最緊要之外響鈴呢個配料都係非常重要因為食吸收哂