陸陸雞煲火鍋 (已結業)

上網見咁多好評，上星期就約左frd一齊去試下間野坐得幾舒服，唔逼 ，d design又幾有特色， 食物都好唔錯我地叫左個小辣雞煲，有洋蔥，青紅椒等做配料，一打開蓋就聞到好香雞肉多肉滑嫰，無雪藏味辣度適中，食完有少少麻既感覺，有配料吊下味，無咁寡整體感覺係比較濃味，岩比較重口味既我好快KO完個雞就開始打邊爐 我地叫左百花同咸牛肉芝士釀油條雙拼,感覺好新奇油條吸左d湯底好入味 ，加埋蝦膠又好彈牙同鮮甜，咸牛肉芝士都好夾，一d都唔油另外叫左碟手切肥牛，肥瘦均勻，好重牛味，唔好陸咁耐唔係就會韌重叫左碟自家制手打墨魚丸，超級彈牙，重有好多墨魚粒係入面，真材實料值得一提，我叫左杯青檸梳打中左伏，原來佢勁勁大杯，可以2-3人share, 雖然好飲，酸酸甜甜，但飲到我成肚水

一排冇食雞煲就會勁掛住, 難得黎到旺角梗係食返個陸陸啦! 好耐冇黎,原來白布街多左好多新鋪頭都唔知添。兩個人叫隻微辣, 一黎到已經勁香係咁開黎睇下得未, 但原來姐姐係會幫手架! 佢會望住幾時得同幫手抄下佢XD 所以自己唔使擔心~等食就得喇~ 雖然係微辣,但都係好麻~~ 麻而不辣先正~ 好快食完嫩滑既雞之後就打邊爐喇! 呢個手切牛肉係好味到痴線, 好濃既牛肉味!! 兩個人勁快就KO左成碟! 另外仲叫左雙併手打丸, 枝竹同水魷, 手打丸好彈牙呀, 打邊爐必食! 

今日行到攰攰哋 喺旺角求其搵間雞煲 咁就 中伏先叫咗半隻雞的雞煲，樣睇落去香噴噴，但食落就一點兒味道都冇，都應該系先用熱水浸熟，當有人落order嘅時候就攞去即炸，中間完全唔覺有醃製嘅過程，我另外叫咗啲辣椒豉油，辣豉油都溝咗水，只係有色一點兒豉油味都冇。肥牛：畀個外表呃咗 食落去一點牛嘅味道都冇 可能就係坊間流傳的『合成牛肉』流傳用唔知乜肉合成，總之唔系牛肉。炸魚皮：唔脆而且好煙韌 咬都咬唔開 放落湯入去 滾一滾 send到簡直不能入口 最終有大半碟無食道假貨午餐肉：只有粉的口感沒有肉的口感食過一口炸豬皮之後，我就清楚曬乜嘢叫做塑膠豬皮

每次走過，都覺得陸陸雞煲的招牌非常可愛，而且雞煲香味路過都聞到 終於跟幾個朋友走進去吃 先來幾碟小吃 牛肚及豬腸都非常入味，而雞翼是拆了單骨，吃落非常方便又惹味。 雞煲正式上來 平時我辣度都是偏向小辣，今次的雞煲我們也點了小辣 雞肉嫩口，不過吃不出辣味 應該算是微辣，即使不吃辣的人應該也可以接受這個辣度 另外汁味道其實是偏甜一點點 整體覺得還可以，下次一定要再試一下他們的中辣/大辣 吃完雞煲，點了幾個火鍋配料  牛肉及豚肉都很新鮮，預期之中的味道。 油條很特別，放在鍋中10秒左右就要夾起，不失油條本身的脆口，中間還夾雜墨魚 / 店牛肉的味道，非常惹味 脆肉鲩魚非常大塊，吃得過隱 雙併丸看上去已經很大粒，味道非常好，真材實料沒有溝粉，有咬口又彈牙！ 巨型帆立貝名符其實，超大一粒，非常鮮甜！ 竹笙皇，非常非常肥大的竹笙皇，我還是第一次吃 竹笙皇吸收掉湯中精華，味道超濃！ 好好吃！ 菜籃中帶不同類的蔬菜 (冬菇、蕃茄、粟米、金菇、油墨、生菜、娃娃菜 ...)，配搭認真，喜歡！

今晚黎到呢度食雞煲，本身就唔係好食辣，但食雞煲無理由唔叫辣既，所以就揀左小辣，黎左之後都驚驚地會d辣，不過一上枱就聞到香味啦。佢會幫你煮同撈，總之整好左先會開始俾你食，完全唔洗自己操心。佢一路整就聞到好白香，有少少麻同少少辣，但聞落都唔係太辣，應該應付到。整好左之後就開始食啦！d雞煮得岩岩好，幾滑，同埋少辣真係少辣，唔會辣到食唔到，而且有陣好香既香味，好正。呢碟叫封門柳，非常好食，可以推介俾大家，厚實，肉味濃，牛肉愛好者應該會好鐘意。呢個睇落無乜特別既墨魚滑，其實都係好好味，好足料架。而且粒粒食落都幾彈牙。要講到最特別既，就要數呢個咸牛芝士炸油條。本身係炸過，只要放落煲一下就可以食，同響鈴差唔多食法。呢個口感幾好，好特別，而且出面唔會食到，可以一試岩唔岩自己口味。整體黎講都好正，尤其係封門柳，值得推介俾大家。

好潮嘅一間雞煲店☺️牆上面有搞野手繪畫😎而且打邊爐材料都幾別～揀左微辣雞煲🐣辣度剛好，吾會食到哎哎聲(食得辣人士另計)經店員拌兩次後，就食得lu~雞件都幾大件，肉質夠嫩而且好入味~🐤食完個口有小許麻痺嘅感覺，都幾過癮☺️ 食完就事不宜遲開始打邊爐了🍲有清湯同辣湯選擇，可以調整返啱自己嘅辣度☺️釀油條幾特別☺️浸大約30秒就食得！油炸鬼吸左雞煲嘅精華後好入味而且仲保留到脆口嘅效果😝值得一試～手切肥牛同牛柳粒好新鮮☺️牛肉都算幾香，肉同脂肪分佈匀衡，而且肉質都好腍！八寶丸有蝦丸，墨丸，龍蝦丸，貢丸，牛丸，蟹粉蟹籽包，白魚蛋同豬肉丸🙂都幾大粒架，口感亦都吾錯，尚算彈牙！食完都已經開始飽飽地😂比較推薦有蟹籽包同龍蝦丸💁韓式泡菜餃就特別為一眾#韓迷 而設😝，嫌略餃皮厚左啲，而泡菜吾算太辣，味道就比較清淡！飲品揀咗紅豆冰同香蕉冰😝一路打邊爐一路飲真係一流👍香蕉冰真係食到有香蕉蓉😍感覺好清新，蕉味都幾濃。冰半溶時飲更smooth..紅豆冰味道就淡啲，奶味比較幾出🙂

最近又有雞煲癮！食左幾餐雞煲都食極唔厭！今日又相約吃貨到旺角食雞煲！ 黎到雞煲專門店，當然要點雞煲食！ 見到有大量嘅芫茜，心情好興奮，芫茜絕對係雞煲畫龍點睛嘅重要元素，加左佢會香好多！！不過身邊有好多朋友都唔鍾意芫茜，話佢好臭，實在可惜，希望終有一日佢地會識得欣賞佢啦！ 店員幫我地將雞煲同埋配料搞匀，然後再焗多一陣，食得！ 一打開蓋，香氣四散，食落味道唔錯。雞塊多肉少骨，都幾彈牙，唔係雪到無哂質感嘅雞肉。味道同其他雞煲有些少唔同，甜味較重，我地點左少辣，辣度適合大人細路，帶有少許麻感，都幾好食。 點左個手切肥牛，油花分怖平均，大約有15塊。牛肉入口油脂四散，味道非常不錯，同普通雪花肥牛絕對不能比較。兩個人，一人食成7塊，其實食完雞煲再食埋碟牛都已經飽飽地。 點左好喜歡嘅竹笙，排列得好整齊，而且件件都大件得黎長度相約，賣相不錯！(好多餐廳都係求其放幾條竹笙上碟就算，有d仲切到核核突突咁！)所以呢碟竹笙我絕對收貨有餘！  浸入雞煲滾耐少少，成件竹笙都充滿麻辣味，食落好爽口，好好食！ 仲有脆鯇件，係我爸爸打邊爐嘅最愛！受住佢嘅影響，令到我都好鍾意食！！呢碟脆鯇非常新鮮爽脆，如果最肥嘅部份再多

身为一个自由行，每次去香港基本动作都是购物还有消费， 小费不外乎吃吃吃这家雞煲听说是香港很有名， 我慕名而来果然还是没有让我失望，雞的调味很棒而且新鲜，还有很多不一样的菜比方说肉丸，海鲜，等等等等，最推荐还是那个鸡煲，在大陆很难吃到那味道， 而且香港也不是每家那么好吃。主要还是调味还有质量的控制做得棒，。是我得吐槽下人流太多了，生意好是好事可是客人都受罪，点单都等了十几分钟才有人来，食物也等了30分钟。 天啊。 如果忙的人都不要去了有空的人绝对应该去品尝一下！

很一般食物，但收費卻颇貴！如果你諗住傾計享受食物，你絕對不可以考慮這間了！其實很多食市都有時間限制，呢點我明，但這樣趕客我從未試過！我絕對不是食小小野坐幾粒鐘的客人，食完約一個鐘，已和我們埋單，心想這裡不是放題，也不平！似足大排擋一般的服務

閨蜜想吃飯傾心事，即興黎個辣辣既雞煲！估唔到遇到一吃就愛上既味道，決定以後雞煲都係book 呢間。平時排曬長龍係出面等位架，今次平日就好快可以入座，太好啦係旺角白布街呢間分店，有兩層可以坐，行入去就已經傳來香噴噴辣雞味，好興奮啊！我地三個女仔揀左陸陸雞煲例牌。同埋火鍋配料。不消一會，主角就登場啦上檯之後，店員時不時會過黎幫我地炒一炒，以防痴底。好香啊！係我地中意既乾鍋雞煲，好夠味！d雞好嫩滑。真係超班！難怪吸引咁多人排隊啦我地食個不停！食完雞件，就梗係加湯，食火鍋我地見雙拼蚌肉咁抵食，就一於試下，係碟望已經見到片得好厚肉，一熟之後，大大塊，入口超爽，又鮮甜，抵食！食雞煲就梗係唔少得肥牛，一於試下個頂級美國肥牛，果然肥瘦分明，好有咬口。火鍋我地之後食手打丸，間間味道都唔同。呢個手打墨丸一定要試！他用黑墨魚汁打丸，咬開中間仲有啖啖墨魚肉！另外手打蝦丸都有啖啖蝦肉係中間，真係做得幾好！最後我地叫左牛肉芝士釀油條。呢個小食好新奇有趣啊，油條就試過，但釀左餡既第一次食食落無單食油條咁油膩感，仲有芝士味，出奇地夾！談心，要配合大大支飲品。我地見到就即刻心心眼我飲左青檸梳打，呢杯野可以兩個人飲都夠，

我哋上open rice見到正面嘅食評唔少，加上好多人Like，所以就一班朋友仔去試一試。實在估唔到，佢哋嘅主打係雞煲，但竟然連雞煲都唔掂！上枱嘅時候雞煲聞落好香，令人垂涎，但食落口⋯⋯啲雞肉好實，一啲都唔軟滑，絕對唔夠新鮮。窩底勁油。係我食過最差嘅雞煲。黑豚肉細到好似手指公嘅尺寸，又實又粗糙。手切肥牛，個樣好靚仔，但完全冇牛肉味，好似雪藏過N年咁。送都唔想要嗰隻。帶子唔鮮甜。啲丸好少少，但係啲餃認真唔掂。響鈴OK，但炸魚皮好鬼硬，一啲都唔鬆脆。啤酒汽水較貴，$30一支細啤，$15一罐汽水。最好食係粟米，好甜。我哋對佢之前攞嘅like有好大嘅疑問囉⋯⋯原來係兩個like送一杯汽水,四個like送一杯特飲,如此類推,呃啲like返嚟嘅!

今晚剛剛探望完媽媽，就在Openrice 搜尋附近有乜食，結果和老婆商量過之後，決定試試雞煲，其實我們20年前已經在深圳經常吃雞煲，所以對雞煲的要求會比較高。我們要了雞煲($158半隻)－少辣。配料－花椒、洋蔥、紅蔥、大蒜、八角、青椒、紅椒、蒜頭、果皮（冇芫荽－其他地方的雞煲都有)，由於配料多，雞雖然唔係新鮮雞，不過雞件好香，而且好滑，唔會太老，味道配合得好好👍👍👍呢間雞煲半只雞就係半只雞，外面好多雞煲，半只鷄有四件肶、三件翼，七塊雞胸，因為廚房貪方便將雞斬件之後放在一大盤內，用時就執半只雞咁上下去煮我最欣賞侍應從廚房攞出來之後，放在電腦𥔵爐1、2分鐘後，就會將所有配料和雞炒2至3分鐘，當香氣四溢之時，而雞熟了就可以吃，即做即吃先正😋😋😋另外我見到煲同電𥔵爐中間有塑膠，我好奇問侍應點解，他解釋說是用來防止炒雞時，個煲移來移去。食完雞煲後，侍應會問加清湯或辣湯，我們唔想太辣揀了清湯，另外叫了些配料：頂級美國肥牛($108)－肥牛肉薄而有牛味，唔韌，肥瘦比例適中😍😍百花＋咸牛肉釀油條雙拼($74)－吸了雞煲湯有少少辣，油條冇淋仲好好味👍👍手打蝦丸拼墨魚丸($102)－新鮮、彈牙、好有蝦同墨

無訂位所以就早啲6點30黎搵位！好彩拎左飛等左陣就有位！阿叔都係廢人第一次黎食陸陸雞煲！首先乜都唔理ORDER左個雞煲先！食食煲唔食辣不如唔好食，不過朋友麻麻地食辣就叫左個小辣，辣度適中！夠晒麻我LIKE ，配埋啤酒VERY GOOD兩個人食完個雞煲都飽飽地，所以打邊爐都無叫好多料。試左佢推薦嘅雙拼百花+咸牛芝士釀油條同陸陸六寶丸再加左啲菜阿響玲阿烚下烚下！呢到FACEBOOK LIKE 佢地店個PAGE有野送，我地試左個薑啤，夠哂冰凍正。都係推薦一班人黎食，送啲野正啲

雞煲火鍋點解咁受歡迎？！無他既，基本上佢可以滿足晒大家對食的願望。因為每個人都有自己的飲食規條，有唔食牛羊魚、唔食甜酸辣，有人似老虎係食肉獸，亦有人無菜不歡，所以打邊爐直係好難話唔啱你食，加上香港地除非食齋者，邊樹有唔食雞㗎，至少我未遇見過丫，加上雞煲可辣可麻亦可淡，所以雞煲火鍋真係飲食界既黃大仙啦........有求必應丫！至於呢間陸陸，今次第二次食啦！都keep住係個水平線既頂端，最最最特别一定係咸牛肉芝士釀油炸鬼，真係中西南北fusion完在古今中外mix再match既菜泥架，但無論如何最重要係一個字:正！

話說上星期五要食姊妹兄弟飯，一行十幾人。起初唔知食乜好，個朋友仔話不如食下打邊爐或者雞煲。所以簡左幾有名氣既陸陸。因為一行十幾人，所以一早訂左位，不過都係要等，等左半個幾鐘。入去問幾時位？超級侍應生係答：未知，張枱仲剛剛加左單真係想問：咁你又接我訂枱……““““等左九個字之後，終於有位啦～雞煲有得選擇辣度，bb辣 to 大辣。我地選擇左 bb and 小辣。order 左兩隻雞。品道 very good. .. 夠麻，但不太辣。但食極都好似仲有咁。啲朋友們已經急不及待咁叫左打邊爐既配料，已經話要加湯打邊爐。手切肥牛真係好滑，好好味。要提一提墨汁墨魚滑都好正，好少見。服務但如果有汁點黎食就更好。重口味人。