陸陸雞煲火鍋 (已結業)

接完朋友放工係旺角當然要食下雞煲, 首推呢間食左無數次既陸陸雞煲! 3個人叫左半隻雞小辣. 一上左煲雞之後侍應叫我地等一陣焗一焗佢先食! 之後一打開簡直香味撲鼻. D辣味撲面而來. 唔食得辣既朋友都要試下BB辣. 有D辣味先會香! 3個人黎講半隻雞一定夠有多. D雞夾極都仲有. 而且愈食愈惹味!!簡直停唔到手. 雞件都算滑而且都有雞味.差唔多食完雞之後我地就叫左D打邊爐. 肥牛, 腸仔, 蝦滑等等. 唔食得辣既人千其唔好叫太多菜. 我地叫左生菜煮完出黎勁辣!! 即刻要再叫多支野飲解辣!