陵發潮州白粥 (已結業)

今天叫了1. 蠔仔粥-味道仍然好好, 不過D蠔真係太大了, 味道無細粒既甘甜2. 豬腸拚豆腐-黎度既老水豬腸真係好有水準, 永遠都是老得夠入味及永遠都是軟軟的. 今天的豬腸是我食甘多次最好味既一次, 好JUICY及分量好足.正.美中不足是個MENU 永遠無PRICE, 有時都唔怕佢地會亂開價.以上2品合共$100.

今次是第三次來了, 水準好穩定, 次次都好好食是日收夜, 男朋友提議來宵夜, 2個人食, 叫咗3樣嘢1. 九菜豬紅2. 炸蠔餅3. 生腸併豬頭肉九菜豬紅係膽, 基本上次次打冷都會叫, 因為是男朋友至愛這裡的豬紅個口感好特別, 唔會好似出面嗰啲咁一夾就散, 大舊得嚟份量又多炸蠔餅炸得好鬆化, 不過啲蠔大粒得好離奇, 略嫌唔夠乾身, 但點魚露幾好味生腸好爽, 但冇咩味, 豬頭肉好淋, 但略咸, 夾埋白粥就啱啱好是次埋單 $135, 價錢一般啦, 最緊要好味啫PS. 上次嚟食過煎牙帶, 好好味! 新鮮煎好脆! 唔好魚的朋友都應該會鐘意

個晚約左老友聚舊，因為太早關系，所以先去酒吧飲酒吹水，飲到11點，就去食消夜，牛友介紹去陵發食潮州菜，都好，好耐都無食過，食襯都係去九龍城。牛友話幾正，我聽下就算，因為十次有八次都係失望！三條友叫左蠔粥、蠔餅、菲菜豬紅及滷水鵝腸，蠔粥其實只可說是幾好，勝在蠔夠鮮味；蠔餅就真係幾正，蠔夠鮮、餅夠脆，份量亦唔少；豬紅好滑，但我懷疑係唔係真係豬紅，定係加左d什麼秘方，菲菜就少左d；滷水鵝腸就好一般，滷水未夠入味，鵝腸係急凍個隻。總括成餐消夜我係好滿意，用大眾化價錢食到d咁好食潮州打冷，我一定會介紹比朋友食，以後唔使去九龍城啦！

上一次黎食, 覺得好正, 見屋企人未黎過, 特登帶佢地黎. 8點鐘到, WAH! 人頭湧湧, 多人多到不得了! 等0左20分鐘左右, 終於等到張細檯. 今次 encore 蠔仔粥 & 滷水鵝. 兩樣都依然好正. 另外叫0左煎蠔餅, 鵝腸+ 鴨腎+豬耳, & 炒蜆.- 鵝腸+ 鴨腎+豬耳: 無 mud 特別- 炒蜆: 麻麻地, 尤其係個 sauce, 甜甜地, 好怪- 煎蠔餅: 全晚最差! 根本都唔係煎蠔餅, 而係迎合港人o既炸蠔餅, 有違真正潮州式o既蠔餅!!! 雖然間鋪真係好旺, 但如果食物質素下降, 恐怕會被其他打冷鋪超越, 還是小心為妙!

好久無食過打冷, 今次食覺得幾好 :韮菜豬紅... 做得不錯肉碎蠔仔粥 & 蠔餅.....蠔都幾大仔同肥美大眼雞條魚.........比較細條韮菜花........ok墨魚拼生腸.........一般炒蜆......不太野味整體食品都唔錯，可再來幫襯﹔之不過環境好嘈完全傾唔到計。

去潮州店食得多...今次來這店試下...很地道的風味...鵝片汁可咸味點, 鵝片得薄, 鵝不肥又不太瘦, 很好. 很久無食過韮菜豬紅... 做得不錯, 韮菜略嫌不夠嫩. 招牌菜炆鳳爪真的好淋好入味...這個真的值得推介. 肉碎蠔仔粥不過不失...蠔都幾大仔....應該叫中蠔粥呢 ...以這種街坊式的食店來說, 服務算是很不錯. 坐位亦可以接受.食物很好味, 一定會再來食.

見太多好評...忍唔住...都要黎幫襯下..... 印左openrice 既地圖..都行左一輪.....原來我唔識路...好彩朋友醒目...帶番我行轉頭...haha見到舖入面好多人....一早睇定食評知道晒有咩好食...叫左一個炸蠔餅, 腐乳通菜, 豬紅韮菜同蠔仔粥.. 炸蠔餅...好鬆脆...唔似一般的乾身......而且d蠔好大隻...好甜..加埋魚露...真係好好食....個蠔仔粥...由於2個人食..都係叫一碗...2個人都有成4-5碗.....攪到我地飽飽地...因為d蠔仔本身又大隻..又甜.....食完呢2樣....我地都好飽.....豬紅韮菜...辣辣地幾惹味...不過油d.....我係甘隔番d 油出黎...怕半夜肚痛....連腐乳通菜都好新鮮....d葉好幼嫩.... 食得出..d菜既甜味.....我同朋友仔食到唔想行...因為怕浪費食物...所以減肥中既我都要盡量清晒d食物....仲有要有衣食嗎right? ...d員工好友善...仲好好招呼... ^^ 好開心既一餐..下次一定同男友幫襯下...cat cat 祝你生日快樂

經過一日的勞動後，由東平洲經過兩個半小時的船程、車程後，終於來到太子食晚飯。這店連開幾間舖位，就知多旺場，幸好臨時有位，如叫我再等位，真是不太情願。這裡除了潮州冷盤、熱盤外，沒有其他省外小菜，一張簡單的餐牌。友人很熟練的叫了多款潮州菜式。紅腸併豬耳-紅腸都是一貫薄薄的；反而豬耳勁爽脆。墊底的不是傳統的大豆芽，而是成本較高的銀芽。要來一碟潮州辣椒油，可惜不辣不香。鹵水蛋-不夠入味，而且很實很硬。煎蠔餅-厚厚的一客煎蠔餅，筷子一夾時已時很鬆軟，其炸粉恰如其分，兩面金黃的脆漿非常通透香口，咬下去時蛋汁及蠔汁仍得以保存，蠔肉大粒又肥美而不膩，吃畢也沒有多餘油份在碟上。鹵水鵝-鵝肉吸收了鹵水精華，肉質香嫩不肥膩，連帶墊底的鹵花生同樣是入味。鹵水雞腳-大隻肥美，入口很軟腍，就其是軟骨部份，充滿膠質有嚼頭。韮菜豬紅-有點點辛辣，令到無味的豬紅增加了惹味，而韮菜較老有渣。豬皮蘿蔔-豬皮非常爽口，用了芹菜湯所浸，令蘿蔔更加清涼鮮甜。 煎牙帶魚-肉身很厚，煎得甘香脆口，外表焦香而內裏保存嫩滑不乾身。韮菜花-友人說正直當造時間，就算是清炒，也很鮮甜嫩綠。人客幾乎一枱接一枱，難怪要多個舖位才夠應付。

呢度經常坐無虛席，但放心黎得多去得快，地方夠大唔駛等好耐，不過環境比較迫，對於我地做白領既人黎講有啲唔方便，著牛記去最好，主要係食價錢同味道，唔好要求咁高。奇怪的是無論妳幾多人去，每人都係一百蚊埋單，個個朋友都係咁講。哈

H 本身好鐘意食蠔, 巧見openrice 有多人推介這裡的蠔仔, H & K 當然要專程來這裡一試!不算難就找到, 去到時差不多全場坐滿,好彩碰巧有人走,不用等位,一坐下就立刻點要試的目標蠔仔菜1）韭菜豬紅 ==> 份量多,味道幾好,但實在太油了,全面都被油蓋住2）煎蠔餅 ==> 味道幾好,份量好足, 蠔仔真不像蠔仔,好大隻啦,像蠔爸爸!3）蠔仔粥 ==> 同樣好大隻蠔仔, 蠔仔好多,夠足料, 味道亦幾好,但唯獨放太多胡椒粉了這裡沒甚麼裝修,但環境尚可,坐位亦不算太狹窄,食物質素幾好,價錢合理,果然不往H&k專程來一試,相信日後必然會再來試其他潮州食物 !!

連幾天假遊客身份到處吃今天友人提意食潮菜.幾年前食潮菜都去九龍城.但今天飯局呢, 有人提意去這間, 於事試試看.7點半去到, 要等位.. 約等10分鐘吧.一坐下看餐牌, 發現一件有趣事.它是無價的.. 無註價錢叫一個通菜.. (好味. 也許大家都肚餓, 不到一會就吃光) 一個蠔仔粥..(蠔仔好大隻. 雖然我不大食蠔那個粥湯好味. ) 一個冷盤盆 蜆仔肉(有點點腥沒吃完) 一個蠔仔餅 (好香. 其實不用點魚露, 點了就太咸,) 一個鵝 一個豬耳配墨魚加豆府 一個豆腐府竹(煮得好入味, 食的途中, 聽到人說這個有牛肉煮的. 但我吃不出有牛味. 所以照吃) 以上重重合共齊300...覺得不貴啊. 想再去..

師傅呢期忙到半死, 得番半條人命, 所以連食評都冇咩時間寫, 但係到師傅自己嘅生日飯又點能夠唔寫呢? 於是就的起心肝, 寫番個食評先!話說食神問師傅想食d咩, 唔知點解師傅嗰期好想食煎蠔餅, 於是就話打冷啦; 結果食神夫婦就搵左呢間食店為作師傅嘅生日飯! 由於事前收到風呢度係不設訂位, 所以個個都好準時到達, 但估都估唔到師傅呢期咁紅咁受歡迎, 呢次飯局嘅出席人數竟然有成十八人, 認真俾面; 而呢度最大嗰張枱都係夠坐十個人, 所以最後都係分開左兩張枱坐!全程由食神嫂發版, 一式兩份, 所以一日未登埸師傅都唔知有咩食, 不過就一定知有師傅最想食嘅煎蠔餅, 最後登埸仲有腐乳通菜, 凍蟹, 豬紅蘿蔔, 酸菜花生, 凍烏頭, 墨魚拼生腸, 紅腸拼豬大腸, 蠔仔肉碎粥同鹵水鵝片!師傅第一啖當然係主攻煎蠔餅啦, 蠔餅煎得好鬆脆, 加上粉唔厚油唔多, 但蠔仔就勁多, 蠔味勁香, 而入口鮮甜, 真係食到停唔到口, 非常好味; 腐乳通菜就好嫩綠, 一d都唔老, 不過師傅就食唔到腐乳, 可以啦; 凍蟹呢, 師傅就冇食, 皆因懶鬼; 豬紅蘿蔔簡簡單單, 不過豬紅好大舊, 但又唔會一夾就散, 又唔會碎濕濕,

細細個就已經成日想試下打冷﹐等左數十年﹐終於有機會啦﹗琴晚同屋企人去﹐7點前去到﹐好多位。叫左一鍋蠔仔粥﹑大眼雞﹑鵝掌翼﹑同埋韭菜花。- 蠔仔粥的蠔仔真係好大同好多﹐一鍋50蚊有成6大碗﹐好抵!- 鵝掌翼好入味﹐屋企人食得好高興。- 韭菜花好甜﹐但真係油菜 (餐牌寫住油菜類)﹐見到好多油﹐非常潮州。- 最失色係大眼雞﹐雖然好吃﹐但因其實好易煮﹐所以60蚊條﹐覺得吾係好抵。其實仲有好多野想食﹐但人數太少﹐無可能食得完﹐唯有下次再去。 $180 賣單﹐超值!順帶一提﹐老闆好好人﹐地方又好企理。但一定要早黎﹐因一到7﹕30 / 8點3個鋪位到坐滿﹐好厲害!

星期一和朋友來吃,飲食男女介紹,三兄弟為失了億,年老体弱的母親,回流香港繼續打理養大他們的铺頭,二哥是則師,但這裏沒什裝修,全是母親失億前的模樣,總望她有一天想起來,一家人一起從恰昔日艱苦但快樂的回憶,孝感動天,唔好食都要來食,可況在openrice未有咸面,好評如潮!!叫了三樣東西,如下:大眼雞--過火了一點,嚡了,但很入味,甜,加上那頂級豆醬,一流!!鹵水鵝片--鵝肉算嫩滑,有鵝味,鹵水味較淡,很大塊,啖啖肉!!煎蠔餅--必食!!用鴨蛋做,外皮很鬆化,味濃蛋香味重,蠔很大隻,但蠔味略遜,總括來說,其他地方都用雞蛋做,健康但失去原來的美味,未食過鴨蛋做的煎蠔餅,一定要試!!!!

又出來搵食，按圖索驥跟住飲食雜誌介紹來到這裡，即叫三樣極多人在openrice 推介過的「蠔仔粥」、「煎蠔餅」同「鹵水鵝片」。1）鹵水鵝片：份量不太多，只得七八塊左右，肉地也比較「鞋」，墊在下面的都是豆腐，不過d豆腐算係唔錯，伴碟的炸花生也像樣。2）煎蠔餅：味道唔錯，而且份量十足，真係好大碟，夠晒惹味同抵食！3）蠔仔粥：嘩！真係未試過有咁大隻蠔「仔」嘅蠔仔粥喎！蠔仔又多又大隻，夠晒足料，個粥落左好多胡椒粉辟腥，所以胡椒味好濃烈，未必人人都鍾意，不過自己就覺得冇問題囉！呢度地方係地痞左d，不過的確幾有七八十年代的懷舊香港feel，兩個人食，埋單百零蚊，ok啦！