陵發潮州白粥 (已結業)

同老公2人去食, 唔駛等有位! 一坐低有人攞餐牌來, 但餐牌上竟冇價錢, 奇怪!! 未見過一間食市的餐牌冇價錢! 點左一碟鵝腸及九菜豬紅及2碗粥, 點知落單的人(應該係老闆)覺得我地叫野食少, 黑面喎!!!!!! 本來諗住如果食物的味道ok既的話, 會約埋朋友一齊來食, 點知咁的態度, 以後咪駛旨意再幫襯呀!!!! 你以為得你一間有得食呀? 真係未試過去食飯要受人氣!!! 不知所謂!!!!!

“陵發“是一間與玩具朋友們常到的地方之一, 及後發展到經常與數朋友聚舊的地方. 喜歡這裡地道與及滿有80年代的感覺, 而且店子算是乾淨光猛! 作為潮州式的打冷店, 價錢平民向但水準甚高, 比起很多地方吃到的更地道, 也是最好吃的一間.基本上這裡所有的食物也是必吃的！！以下是我的小評:韭菜豬紅: 比平常車仔麵店吃的大粒小小, 爽品及滿有味道的, 油的份量雖然多了點點, 但好吃的就不是健康的啦！！炆鳳爪：非常入味, 骨與皮肉很容易分開及淋身,　送粥送飯也非常識合.大腸拼墨魚：大腸入味十分清潔. 墨魚爽口彈牙.支竹: 其實從來都無check 佢的全名, 係有一次見隔離檯有叫就問伙記, 但就變左每次必吃的食物, 因為支竹實在太入味, 加上小小豬肉與冬菇, 送酒一流！！滷水鵝件：鵝片與鵝件的分別主要是鵝片沒有骨.大家看到的下圖是我們　較喜歡吃的鵝件（有骨）.　吃過幾次都發現鵝件味是比較重的!蠔仔粥:通常都會叫一大窩:下面張相只是用來比較一下. 這裡吃到的“蠔仔“實在是太大粒了！吃時真的十分爽口及新鮮, 另蠔仔粥的用料也非常豐富, 方魚及肉碎把蠔味與粥味帶出得剛剛好！煎蠔餅: 這裡煎的蠔餅我覺得與

昨晚要去太子, o係 openrice 搵下有咩介紹, 搵到呢暑潮州店 2個人叫左個 $50 蠔仔粥, 煎蠔餅 同 鵝片, 好好味呀! total $165, 抵食!蠔仔粥 - 肥美蠔仔, 味道一流, d 方魚鬆化唔硬 (平時我都會畢走d方魚)鵝片 - d鵝肉唔算嫩滑, 不過有鵝味, 墊底d豆腐皮香肉滑 煎蠔餅 - 好厚身, 但係唔會好厚粉, 入面好多蠔, o個面好鬆化好脆 (so far, 係我食過最好食既煎蠔餅)以往o係九龍, 想食潮州菜, 淨係識去九龍城南記, weekend等好耐, 食物水準好飄忽, 估唔到更加就腳o既太子, 有間咁好味o既舖頭, 梗係轉會!

雖然去過好多次, 不過老實說, 真係唔知每樣野幾多錢, 不過佢既蠔仔粥及蠔餅真係好正.今天雖然好肚餓,不過只係叫左3樣野就飽到食不下1.蠔仔粥 - 每次必叫, 因為d蠔仔大粒及d湯好味, 不過今天太多pepper啦2.鵝片豆腐底 - 鵝片好鞋, 及豆腐 (今天好乾wor個豆腐)3.九菜豬紅 - 實在太好味啦, 本來已戒豬紅的我, 因我食了一小塊之後, 己立即上隱, 我差不多一個人食曬成碗呀. 現在後悔中,因為碗野都幾多油架 ............................4.cream soda 一枝埋單都係$165-suggestion : 其實黎陵發最好一大班人食, 因為可以叫多好多樣野.

未食過打冷，睇到呢度介紹於是和同事2個人去食。好彩早到，貌似剛開鋪不久，坐低一陣人潮陸續湧現！地方都光猛同乾淨，D menu 唔會油淋淋。食物都只係分左某幾類，比坊間其他鋪頭少選擇。有滷水類，海鮮（好似得烏頭，炒蜆），一D 小菜例如酸菜拼紹醬肉。我地叫左大家都誠意推介的蠔餅，韭菜豬紅，煎牙帶魚。蠔餅來到時仲聼到喳喳聲，好脆，好大塊！點埋魚露一流！蠔仔全部大大隻，好豐滿，啖啖肉！正！因爲得兩個人食，食到嘔gum 制，太多喇！塊餅頗重胡椒味，可能煎餅時D 胡椒粉撈唔勻？每逢有蠔餅出，我都聞到好大陣胡椒味。韭菜豬紅比想像中大碗，雖然好多油，我要多個碗倒油，不過食飯都預左啦！有近半碗係韭菜，半碗係豬紅，好惹味~Yummy!!!煎牙帶魚亦都好脆香口，份量都算多，可以唔點醬食，都係即叫即煎，唔會令人覺得好肥膩，不錯！服務態度好好，我同同事吹左好耐水都無逼我地走，不過我地都叫多兩支可樂飲，好似齋坐好樣衰，哈哈！好多人點支竹羊腩煲，我都想試，有好多生菜！冬天限定，過左就無啦~希望下次去仲有。會再幫襯！

是晚睇完戲，朋友介紹去打冷，心想沒所謂，都是旺角罷了....行吓行下，行到去荔枝角道帝京果邊，周邊店舖都關上了，靜靜的，真係咁好食嘅咩？行到去，原來有三間舖，都好大間，隔局只是一間室內大排檔，店員都有大排檔feel，大圓檯，圓凳，很有風味呢！牆身雪白的，只是排上「請勿猜枚」，並沒有一般嘅食物介紹...推介等等......而餐牌呢？只有一張過了膠嘅菜單，一張過，只寫上了有咩嘢食，價錢呢？sorry，係冇架！我哋一行五人點了：凍烏頭：yummy，好滑，煮得剛好，魚身肥美，有黃油！強烈推介！一窩蠔仔粥：木魚碎，飯粒加上蠔仔都好足料，蠔仔都好脹卜卜，好滑。煎蠔餅(細)：蠔仔又係大大隻，但漿頗厚，但唔太油膩韭菜豬紅：豬紅大大件，加上炸蒜粒，勁正卤水鵝比：少少失望，鵝肉頗肥，而且本想點鵝片，可惜售罄！豆腐拼墨魚大腸：豆腐都幾嫩滑，可惜於底部吸咗好多豉油，好喊囉！腐乳唐生菜：ok，大碟！再加了五枝可樂很可惜是晚沒帶備相機，下次一定影個夠呢！埋單叫伙記阿叔，口中唸唸唸唸，其實係計緊數，不需計算機，不需數手指，埋單$400，一定整個齊頭數，每人才$80元，餐牌冇價錢亦沒有所謂吧！

這店子在我讀小學時就常經過, 這也是我第一次光顧。一家三口踏入店子, 即點了大眼雞魚一條菜一碗﹝不知叫什麼, 只知要煲腍才好吃﹞滷水鵝片一碟蠔餅一碟白飯三碗 粥一碗味道方面不怎樣倒是那飯香讓我想起故鄉的味道吃著吃著......真的想回鄉一趟.....而這裏, 只此一次便足夠不划算!

太好食啦！！！~~~ 上個星期我和男友來了這𥚃打冷和吃小菜，這裹的食物真的很好吃，但當然環境就...不過愛吃的人又怎會被這種理由而受影響呢？ 那是我和男友第二次來，第一次是和姐姐及她的友人們一起去。記得上次吃的蠔仔粥真的很好吃，令我一試難忘，於是這次我倆又叫了來吃。我倆這次叫了： 1.蠔仔煎-跟本是大蠔餅！蠔又新鮮又大粒，蛋是脆脆的，十分好吃！ 2.蠔仔粥-蠔仔又是大蠔, 尺寸大到連旁邊的客人遠遠看到也說：「嘩！下次叫蠔仔粥嚟食下先，咁大粒喎！」 3.腐乳通菜- 熱熱的，又新鮮，現在想到也想吃！ 4.𣾀泉啤酒-清清的，又够凍，不過味道是淡淡的，最適合女士們喝！ 四樣加起來才110，本來很想叫大眼魚但真的吃不下了，不過和姐姐去的那一次也有吃，十分好吃！大家一定要去呀！

因為正係我同老公兩個人去食,所以只叫蠔仔粥,豬腸和鹵水鵝片,碗蠔仔粥真係超正,入面啲蠔又大又肥美,味道一流,回味無窮豬腸又唔係好多肥羔,軟軟的,好味鹵水鵝片好多肉，又有豆腐做底, 正~如果多啲人食叫多啲嘢仲好,食過呢間之後, 都唔想再幫襯其他潮州鋪頭喇

08.07.25 (五) 落咗堂又搵食決定去打冷 今次同溫氏伉儷黎，天氣熱熱地坐正門前風閘位又唔覺熱反而大風又涼 重溫好味既鹵水鵝﹑蠔餅﹑蠔仔粥 & 新試菜式 鳳爪拚豆腐﹑蜆仔肉拚咸菜﹔今次蠔仔比上次仲大隻一樣咁白咁滑，大到咁就黎要改名為肥蠔粥 其實傳統叫蠔仔粥，都應該唔好咁大隻比較好鳳爪淋豆腐滑兼且仲好入味 蜆仔肉咸菜都唔錯，粒粒新鮮軟軟唔硬又冇夾雜碎殼，以前到其他打冷舖食蜆仔肉，多數粒蜆仔個邊都有D硬而且仲唔會新鮮﹔咸菜略甜但亦好味。連一碗白粥&兩支啤酒 埋單 $250

朋友介紹我去, 食過會翻尋味第二次去, 尋日食完, 都係覺得咁好食!蠔餅 ~ 好好食, 蠔仔大大粒, (暫時黎講, 係我食過最好食既!!!)蠔仔粥 ~ 足料!!! (其他已經唔使講啦) 蠔好多...食得好滿足!!三寶(咸酸菜+花生+菜保) ~ 咸酸菜醃得好好食甜甜地, 菜保少少辣好惹味, 花生好脆, 送粥 一流!韮菜豬紅 ~ 豬紅爽口惹味南乳豬手 ~ 豬手燜得岩岩好, 有o趙頭, 連d花生都好好味大眼雞 ~ 我覺得佢比你點果個汁先係主要, 記住食多d汁鵝掌翼 ~ OK啦, 可能我唔係好鍾意有骨既野食豬腸并生腸 ~ 豬腸好淋好好食, 好似細果食既味道, 而家好少食得到環境似大排檔, o係室內光猛+有冷氣, 叫企理!幫我點菜既叔叔成日笑笑口, 動作又快, 好有80年代并傅feel...哈哈哈我下次夜收工會去飲埋啤酒..辛苦完一餐..好想食一餐好食既慰勞下自己..鬆下..我見佢地啤酒好抵..$10支擺d好食既野入口..原來感覺係咁開心既!!哈哈~~

睇OR食評，見呢間野好似好掂，即空管去試試。點知...同相像中有好大出入，並不是那麼出色。鹵水鵝片：鵝片好鞋，咸度適中，鹵水味也夠。反而墊底的豆腐就好滑，花生也炆得炆。鵝腸拼墨魚：兩者都係淡而無味，鵝腸是急凍貨，不肥美又無味。墨魚片也不好食，無鮮味又唔入味。咸菜苦瓜排骨湯：呢個叫做幾好gar lar~夠熱，苦瓜夠苦又夠淋；咸菜又夠淋又不會太咸；排骨炆得淋，不會只得骨而無肉，幾好。蠔餅：呢個完全唔掂，炸得太過肥膩。蠔仔雖然大粒，但大粒的竟然有點未炸得熟，terrible~炸醬也厚，絕對不值一試。整體黎講係有點失望，此店乃一間普通到唔普通ge打冷店，仲有大把好食過佢。

08.06.30 同楊太去咗香工又同楊生&主去鴨記買補品，駕車就順便黎太子打冷。附近有錶位尚算方便。幾個舖相連有點似深水埔豬潤麵檔，不過間舖就大得多。晚市時間幾近坐滿人，只剩一張大枱(估八人都夠坐)，四人都俾張大枱我地 枱面得一張冇价錢菜牌，咁點好...就嗌例牌餸︰鹵水鵝﹑蠔餅﹑蠔仔粥﹑九菜豬紅﹑生腸墨魚﹑炒蜆 & 白粥白飯大啤各一解說︰鹵水鵝脾花生底，鵝肉好滑鹵水味好香冇"騷"味，連我對鵝冇乜興趣既都覺唔錯 蠔餅熱辣辣，外皮好脆好多蠔仔，必食 蠔仔粥 (唔記得咩size只記得佢話$50) ，蠔仔又多又大隻，粥面放咗D炸干蒜片，令個粥生色不少，好味必食 生腸墨魚係好新鮮，但冇黎味道，可以不吃﹔豉椒炒蜆麻麻地，應該係烚完至上鑊兜返個汁，個汁係OK既但蜆就唔入味﹔九菜豬紅...因我唔吃的...冇意見~ 不過佢地三位朋友都話好味 整體食品唔錯，可再來幫襯﹔之不過環境好嘈完全傾唔到計。埋單 HK$290 (价錢合理)

雖然住得近，　但唔行開果頭，　真係唔知有間咁Ｏ既店係度呢。叫左個蠔粥、蜆仔、辣蜆、鵝腸／鴨腎、白菜等，全部都足料兼入味，不會太油，　份量又好足，　差不多係食過Ｏ既打冷裡面最好O既。真係幾多人咖, 不過地方大, 好快搵到位。

一行四人打完波，老公提議去陵發打冷，所以立即飛的落太子，一同司機講話去近旺角維景酒店個間打冷舖，個的士司機就話知係邊，陵發真係相當出名~叫了三個餸，分別是豉椒灼蜆、蠔餅、鵝片，味道唔錯~仲叫了兩飯兩粥，d粥好綿好正!雖然舖面完全冇裝修，但地方都好光猛乾淨!能在這區開業成30年，陵發真的不簡單啊~唯一不好就是餐牌冇價錢啦，感覺好似唔係好老實咁(但其實唔係貴)