陵發潮州白粥 (已結業)

偶然經過，發現這條頗靜街內既某處卻非常熱鬧，於是決定一試，叫咗蠔仔粥韮菜豬紅墨魚拼生腸鵝片豉椒灼蜆整體好味，特別係蠔仔粥，d蠔仔又肥又「足」料，韮菜豬紅好夠味，但略油，另外值得一提係d蜆佢地強調係「灼蜆」而唔係「炒蜆」，一定會再來

朋友之前食過，極力推介。今次我們總共五人去，去到已經坐滿人，好彩有朋友已經到了，不用等位。食物：-椒絲腐乳生菜：個賣相：完全不吸引，只是把生菜焯熟放於碟上，於上面放椒絲和腐乳；味道：普通，無特別（無心機，所以無影相）煎蠔餅：蠔：不是蠔仔，是中蠔，蠔味很濃；蛋：很香的鴨蛋味。超滿分蠔仔粥：不是蠔仔，是中蠔，很濃的蠔味。超滿分鳳爪：朋友話好好食，夠入味，又淋，總共有十二隻。可惜我不吃的鵝片，豆腐墊底：鵝片：不肥，很入味超滿分；豆腐：普通，無特別炒蜆仔：有少少辣，配粥食一流墨魚拼生腸，芽菜墊底：墨魚：普通，無特別；生腸：朋友話很爽脆；芽菜：普通，無特別服務：-最少叫兩次才有人招呼你環境：-普通，平凡的裝修，無特別

昨晚同老婆去食飯, 呢間野都幾旺場, 我地成九點幾至去, 依然爆晒棚, 感覺都唔會差得去邊. 坐低睇下個餐牌, 款式唔多, 真係潮州菜色, 唔會做埋其他小炒, 專注做一樣菜色仲好, 讚!不過, 睇睇下個餐牌, 發現一個奇怪既地方, 就係所有菜色都係<無價寶>, 竟然係無標明價錢的, 小弟第一次去, 所以有諗過, 會唔會任佢劏呢? 不過見甘多客人幫襯, 應該唔會太過份, 算啦....(唯一有標明價錢的, 係宴經啤酒.....好似係$12....定$15一支)叫左3個餸, 煎蠔餅, 鹵水大腸并生腸, 菜圃并蜆仔肉, 3碗白粥, 2支汽水煎蠔餅 , 幾好食, 外脆內軟, D蠔仔比其他飯店的為大, 而且數量都好多, 每一啖都會有蠔肉, 呢個蠔餅味道偏淡, 如果唔點果碟汁, 就會無乜味, 但係, 的確係煎/炸得唔錯, 值得一試!!鹵水大腸并生腸, 大腸有大腸味, 生腸夠爽口, 但係D鹵水味稍為不足, 如果再入味D仲正, 順帶一提呢度D辣椒油幾正, 夠辣!!菜圃并蜆仔肉, 用黎送白粥, 菜圃唔會太咸, 不過老婆話硬左少少, 蜆仔肉就一般啦, 因為我淨係食到淡淡既麻油味, 蜆味欠奉食

食咗呢間打冷十多年，由爛舖食到而家幾間舖兼要攞籌，以前我唔食蠔仔粥，因為通常有腥味，有沙及會肚痾，自從食過這裡的美味蠔仔粥，我就愛上了，因為啲蠔仔細細隻，但肥嘟嘟，好鮮味，最重要係唔會肚痾，所以打冷我必選這店，今日同honey選擇如下：美味蠔仔粥細窩，其實唔細足夠四人食，如果兩個人細食，可叫一湯碗鵝片韮菜豬紅一大碗香腸墨魚大beer 一枝埋單$150-HK(友情價），原價唔知，因為餐牌無價錢其實煎蠔仔餅都好正，但怕熱氣今日無食

與女友看完戲之後，找個開得晚一點的地方醫肚吧，心想吃打冷的，一定會會得夜吧，所以拉了女友來吃它一吃。一來到果然仍在營業，而且更是幾近爆場，幸好店家也安排了位子給我們，坐好之後，就點吃的了，一向吃打冷都要吃滷水煎蠔餅，是夜也沒有例外，所以以二人的胃納來說，真的差不多夠吃吧，最後決定加多個湯及白粥即成。先來的是涼瓜鹹菜排骨湯，嗅起來味道挺濃，而且湯的溫度很夠，也先喝口湯，感覺到有不錯的肉味，也有鹹菜帶來的一點鹹酸味，但酸味相對於鹹味是低很多的，所以味道是挺濃的，但個人認為是下了點味精，因為其味道實在是濃得有點不自然，涼瓜及底下的黃豆都是煲到非常軟腍，涼瓜反吸收了湯的味道，所以很是好吃，排骨用上近豬骨及豬展的部份，肉吃起來軟腍不嚡口，但肉味就不大吃得到了，鹹菜也如是，相信是經已盡散於湯之中，整體來說令人滿意。之後來的是滷水鵝片，滷水味很明顯的是不夠香濃，比起上次在上環吃的一間小店差，而鵝片就切得大大片，但肉質偏嚡，加上其滷水味不太行，所以其吃味普普通通而已，所以也沒什麼好談的了，可是滷水豆腐就真的不錯，吃起來很嫩滑，炸過的皮更吸收得特別多的滷水，味道也較好。接下來的是煎蠔餅，其份量是大得很，

朋友睇 openrice 慕名而來, 8:00 到現場有幾張枱吉左即時坐下去, 怕慢左會比人坐, 睇餐牌咦~ 冇價錢既甘即係點 ? "朋友說: 叫啦, 係甘架." 好,就點左以下幾樣:韮菜豬紅 - 豬紅大件但好鹹煎蠔餅 - 蠔大隻但好散一夾即散墨魚拼紅腸 - 紅腸好食大條烏頭 - ok 但個醬好鹹鳳爪 - ok 但花生唔夠淋唔入味, 如果好似酒樓甘就好豬手 - 夠大舊都入味但花生又係有乜味3支氣水4碗粥最後盛惠四百大元, 低唔低見人見智

炆鳳爪: 你茶樓食炸果種。 但係味道奇差。炆得未夠淋。。鹵水鵝片：唔知係"厚切"定"亂切"嘅鵝片，大(塊)而無當，呢度d鹵水真係唔掂。。。蠔仔粥： 雖然蠔仔份量算多，味精輕手較清淡，可以接受。。。蠔餅：本身炸得唔夠火，上枱時底果已經唔脆，蠔仔又唔新鮮。。。大腸拼墨魚： 鮮腸釀雪腸(識食嘅應該明白這種技倆) 墨魚一點味都冇。。。豬紅：差、加上老苟菜。。。如此這般味道不管是平是貴， (Blacklist 'ed)

平日刨開openrice, 昅慣飲食男女, 間唔中都會話, "Yee? 似正喎?! 有機會去去試下先." 不過通常都有好多excuses去左試第二d 新野. 近期無啦啦密密食, 幾間想試好耐嘅食肆都成功拜訪. 又去上環永合成, 又去荃灣Saizeriya. 不過, 比較值得落筆記下來, 都係呢間有趣嘅打冷.根本就係為左佢先黎太子. 放工直接到太子. 由彌敦道行沿太子道西行去唔洗10min. 一定唔會見唔到. 因為一來, 最燈光火著係佢; 二來, 最多人企 o係門口等位都係佢.o係開飯網做過下功課, 再憑我快速昅到幾枱小菜嘅賣相之後, 就決定左試.. 涼瓜鹹菜排骨湯 炆鳳爪 蠔餅 鹵水鵝片 白粥 x 2得兩個人, 唔叫得多. 炆鳳爪同炆豬手.. 好難揀. 既然甚少 o係潮州鋪叫炆鳳爪, 就試下佢啦. 既然人人讚, 炆得淋已經係我對佢嘅基本要求. 豉汁鳳爪的味道實在調較得恰到好處. 比起點心鳳爪, 大隻得黎炆得好淋好入味. 特登配返兩個潮州白粥, 呢碟野果然係送粥良品!去得打冷, 鹵水野一定有份. 鵝片因肉厚, 比較難入味. 平時會叫碟鵝肉, 今次既然黎到一間有幾廿個好都冇一個唔好嘅陵發,

住左大角咀咁耐都冇黎過呢間野食，今日決定一試鹵水鵝片：唔知點解係"厚切"鵝片，太大舊而且有ｄ硬好難咬，鵝味肉香亦欠奉，唔合格蠔仔粥：蠔仔好大粒份量亦多，足料之作，而且味精亦落得輕手食完唔會太口乾蠔餅：炸得唔夠乾身，上枱時底果ｄ已經淋晒，最得人驚係有兩啖係明顯食到其中一兩隻蠔仔係變壞左，即刻吐掉鹵水大腸拼墨魚：鹵水大腸係唯一比較好食既，入味夠淋又冇"壓"味，墨魚就冇乜味豬紅：冇食，不予置評７個人食埋單三百幾，唔算貴但係食物頗令人失望如果唔係個蠔餅出事可能未必會比喊面既

這天,小野致電:『唔開心,今晚出黎食飯傾計...』八時半,我地一行三人由旺角行落太子...9點去到 陵發都仲要等位...之前有D書書介紹過呢度..我一直好想來..今日小夜帶左我地來試試鹵水鵝腸、生腸、腩肉----$60 夠味,呢度不是太濃的鹵水,我中意..鳳爪、豬手---$40.兩者皆入味,鳳爪入口即離骨,香夾滑蜂巢蠔餅----40外面好似芋角咁,外脆內軟,內有大大隻蠔,我一試就愛上了.豬紅蘿蔔----40一般水準,冇失望亦不驚喜埋單$240,喝了4枝啤酒...倒是不貴,就那個蜂巢蠔餅而言,叫超值添..

鵝片 好吃，鵝肉夠腍，又不會切得太薄，份量不算少酸菜涼瓜排骨湯 湯好夠味道，飲完都不會太口喝酸菜唐鱔 酸菜可以再酸D，鱔就好多骨，麻麻白灼腐乳通菜 都好大碟。花生(前菜小吃) 夠香脆。滷水蛋 味道偏淡，不太入味。Summary:食物味道大至不錯。但在餐牌上食品是沒有價錢顯示，好奇怪不過，埋單都原來好抵食

用朋友聚會, 講開打冷, 有位6星酒店大廚老友話呢間野好掂, 唔好講咁多, 起貨!間野在新填地街, 成條街佢最燈光火著, 門口有人等位, 好彩唔係等好耐~~~先講花生雞腳:好入味, 夠林 85分九菜豬紅:同出面食既唔同, 加埋辣油一絕 70分大眼雞:簡直超 E, 肉質夠新鮮 95分鹵鵝片:肉汁口感一絕 唔un,正蠔餅:好食過廟街nn聲, 香脆, 冇沙,唔多粉,多蠔仔,100分唔叫等於唔係打冷, 亦係等左最耐既餸, 下次去一坐低一定叫左先見到有人叫烏頭個樣好吸引, 但已飽到嘔,下次再去先試.最後奇怪是個菜牌冇價錢, 除佢up

首先係好奇怪, 差不多十日前寫的幾個食評到而家都無登到 唔通openrice 壞左? 言歸正傳, 今晚去陵發潮州白粥打冷, 因為仔仔在網上發現有好多食家一致讚好, 於是我地就同埋婆婆三代同堂撐枱腳 去到發現, 沒有炒的食物, 只有打冷的例如鹵水, 凍蟹之類, 連菜都只有灼的而沒有炒的, 不過打冷店其實就唔應該包括炒的食物, 咁先叫正宗 味道係真的不錯, 最好食係咸酸菜排骨, 用嚟送白粥係一流的配搭! 鹵水鵝片都唔錯, 不過鹵水汁唔係好夠多, 要另外再加一小碗的鹵水汁嚟點先得, 竹筍的味道都係好好的, 不過仔仔覺得陣味好似腐乳咁, 唔係好接受; 唯一要彈的係條大眼雞, 肉霉... 又細條, 但豆醬的味道好, 彌補了不足! 整體係幾好食的, 所以有咁多人讚都唔出奇

首先係好奇怪, 差不多十日前寫的幾個食評到而家都無登到 唔通openrice 壞左? 言歸正傳, 今晚去陵發潮州白粥打冷, 因為仔仔在網上發現有好多食家一致讚好, 於是我地就同埋婆婆三代同堂撐枱腳 去到發現, 沒有炒的食物, 只有打冷的例如鹵水, 凍蟹之類, 連菜都只有灼的而沒有炒的, 不過打冷店其實就唔應該包括炒的食物, 咁先叫正宗 味道係真的不錯, 最好食係咸酸菜排骨, 用嚟送白粥係一流的配搭! 鹵水鵝片都唔錯, 不過鹵水汁唔係好夠多, 要另外再加一小碗的鹵水汁嚟點先得, 竹筍的味道都係好好的, 不過仔仔覺得陣味好似腐乳咁, 唔係好接受; 唯一要彈的係條大眼雞, 肉霉... 又細條, 但豆醬的味道好, 彌補了不足! 整體係幾好食的, 所以有咁多人讚都唔出奇

男友係太子睇完醫生話好想食打冷, 攞起手機隨即上openrice search 下果區邊樹有打冷, 男友見佢好評如潮, 心想一試.....不過地址係新填地街有d 驚"雜"wor, 但見佢好似咁得....試下啦....跟住openrice 既地圖搵lee 間舖...搵左陣...好熱...不如問人啦...我走去問左個女人, 我問 : 唔該, 新填地街係邊樹??女人答: 你係lee 樹過馬路,一路向果樹(指後)行, 轉灣就係我再問 : 係咪有間野食打冷嫁女人答 : o我~~~陵發, 指過對面 你見果樹有排紅色燈果樹就係啦見個女人一問打冷就知我講係陵發.....應該真係好野黎wor.....朝住果個方向行, 一去到...已經有好多人排晒隊啦, 咁出名又咁多人係樹等, 緊係打死都唔走要食啦等左半個鍾, 終於有位啦2個人叫左 鵝片 - 正....好有鵝味, 有咬口, 而且個汁好入味.....完來打冷既鵝片係可以咁好食嫁蠔仔粥 - 我對蠔麻麻地, 男友叫既, 佢話d 蠔洗得好乾淨, 不過我見仔蠔好大隻呀, 都唔似蠔仔墨魚拼鵝腸 - 好好食, 好有心, 通常係出面食墨魚拼lee 拼lu, d 墨魚都係