陳記燒鵝花園餐廳

营业中

休息中

陳記燒鵝係紅墈開左分店而加唔洗入深井都可以食到好味嘅燒鵝啦！我地嗌左一份燒味拼盆入面有叉燒、紅腸、熏蹄、燒鵝叉燒雖然唔係好肥 但係肉質軟林 完全唔會乾硬加上醬汁甜甜地 真係幾好味熏蹄彈牙紅腸皮脆卜卜 唔會好鹹燒鵝皮脆肉嫩 仲非常juicy果然係燒鵝專門店 真係有返上下質素！

歷史悠久，享譽深井甚至全港，假日店裡經常人山人海。到訪陳記，主要目的一定是燒鵝。燒鵝賣相不錯，可惜鵝皮未夠脆卜卜，肉質有點韌，難嘴嚼，帶肥的部份不少，口感過於油膩。鹵水雙拼一般，似屋村茶樓貨式。西檸班塊魚身粘粉太厚，肉質不滑，大家樂的班塊還好。沙嗲粉絲雞煲，不過不失，還是茶餐廳的沙嗲味好些。金銀蛋時蔬，太多油，鹹蛋一般，自家煮的可能還好。4人光顧，點餐如下：燒鵝半只沙爹粉絲雞煲鹵水雙拼西檸班塊（汁另上）金銀蛋時蔬茗茶 x4花生椰青水 x2堂食 白飯加一後，合共HK$883。

話說，另一半都好為食，咁岩有時間，專程帶我入深井食燒鵝喎入到去，係好舊式既酒家裝修，伙記互相都好似好熟，好有默契咁。叫個下庄試下先講真，真係好平凡，外皮同肉都無一樣甘香既味道，專成入黎食，有少少失望。反而好欣賞呢個酸梅醬，真係見到梅核同梅肉，酸甜度剛好，好有果味，個醬好正砵酒焗蠔，蠔夠大隻入晒味，火候足，餸飯一梳！呢個餸唔記得左叫咩名，有魚湯魚肚同勝瓜。呢個餸，好夠獲氣，食到功架，薑蔥蒜爆到足，去晒勝瓜d 草腥味，個魚湯正到可以就咁當湯飲，d魚肚又吸晒d汁，好味到不得了！我地仲叫左盎湯，夠 4-5 碗。呢個木瓜雪耳花生眉豆煲雞腳又係好味到喊! 唔係誇張，本人係個湯怪，係明火定電子煲一飲就知。所有湯料既味出晒黎，好濃旭，尾段有木瓜既清甜滲出！d瘦肉連骨煲，煲完啖湯仲唔油，d肉食得番，吸收晒個湯，當餸食都得！大家如果有自己煲湯都知啦，有時買 d瘦肉煲湯，但煲完都無咩肉味。呢個湯，非常非常出色雖然，慕名而來既燒鵝平凡，但其他菜色食到中國菜既功架，感覺到廚師功力非常到家，足以再黎捧場

燒鵝皮脆入味海鮮略為遜色侍應氣勢凌人比老火湯更火最近去深井辦事較多，連續去了幾倘，試了最有名的三間燒鵝店，「裕記」、「陳記」和「能記」。這次略評一下陳記。陳記是分店開得最多的一間，連中環都開了分店。花了一點時間研究那間是總店，應該是有大牌檔那間是總店，而寫著「老字號」的陳記花園餐廳是分店。本店去過多次，疫情下仍然爆滿，所以便去了花園分店。　坐下覺得很冷，著侍應調暖一點，竟然遭到拒絕。於是自行調位, 扣了頗多分。開始看看餐牌。看了一會侍應已經來給「意見」, 提議例牌燒鵝,蟶子和菜。 其實覺得有點煩厭,但我們都加快了步伐, 點了例牌燒鵝,蟶子, 4隻椒鹽鮮魷和例湯。燒鵝首先出場。皮燒得蠻脆, 醬汁濃郁,比能記的例牌好得多。但肥膏太多, 基乎沒有肉。還是裕記的燒鵝比較肥瘦均勻。點了白飯和瀨粉，瀨粉的上湯頗有鵝味。不知道會否用鵝骨來煲？例湯是豬展眉頭雞腳(?)瓜湯，味道鮮味但喝完沒有口喝。相信是真材實料煲出來的。餐廳力捧的蟶子就不太行, 舖面的蒜蓉好像是放久了的瓶裝蒜蓉而不是新鮮切的。蟶子本身並不算新鮮, 很多海鮮菜館都比這裡好。不推介。椒鹽鮮魷則不錯, 炸漿鬆化, 不會過厚。雖然魷魚總覺得有

今日行完山,喺深井好肚餓,所以就試下遠近馳名嘅陳記深井燒鵝啦!先介紹佢嘅招牌菜,我地只係叫左一個例牌,但已經好大碟有好多件,每一件燒鵝都係皮薄,夾住一D肥膏,同埋D肉好嫩滑,再淋少少豉油即刻啲香味出曬嚟,唔怪得深井燒鵝遠近馳名呀!除咗燒鵝之外我地都嗌左其他餸,例如一個粟米石斑塊,都係好大碟,每一件都好好味!之後叫左一碟瑤柱金菇西蘭花,因為食左咁多肉就要食番啲菜清清腸胃啦,西蘭花好新鮮,金菇就好有口感!我地仲叫左一碟賽螃蟹,啲蛋白同蛋黃都好豐富,中間夾左小小蝦肉,送飯真係一流!差啲唔記得介紹呢碟蜜汁叉燒,據講係除左燒鵝之外最出名嘅,果然冇叫錯!D叉燒每一件都有炭燒味,又有啲肥膏,仲有D蜜汁滲入每一舊叉燒入面,真係要食過番尋味!

如果要講到深井燒鵝最好味嗰個餐廳我會覺得係依間 大約7.0鐘全場爆滿 - full house 仲要等個位我哋兩個人都等左差唔多半個鐘先有位我哋今次就帶咗個例牌嘅燒鵝價錢係178仲有係立美炒芥蘭😱😱嚟到嘅時候我哋真係呆左😯🤤因為好大碟真係超足料另外仲有京都骨😱個份量都真係幾大 我同我朋友兩個人每人叫多一碗白飯另外must request 要求多加多啲燒鵝汁再試埋佢個粉！ 😇😇😇泊車方面我哋泊咗喺出面嘅停車場$60任拍不過多謝我哋就7:30食到9:30pm 2 hours

去得深井，食燒鵝已成慣例～今日無乜揀，隨便入左比較出名嘅陳記例牌燒鵝 ($145)一上桌已經流曬口水，色澤漂亮，香味四溢，好想食啊！點知例牌份量偏少，望落以為有兩層鵝，點知下層得骨頭同脂肪，無肉食嘅😭 不過上層肉質鮮美厚實，啖啖肉仲有啲juicy！豉油皇鵝腸 （$98）有驚喜！鵝腸爽口，豉油皇入味又夠鑊氣，送多幾碗飯都得啊！腐乳通菜係好難失敗的菜式，呢個通菜一樣好夠獲氣，份量又多，正啊！平時只食到半碗飯嘅我，今日食到碗半飯啊！

以前成日都食另外果間好出名嘅， 發覺原來呢間陳記燒鵝皮脆肉嫩！ 今日天朗氣清爽，出機場之前經過深井， 入去陳記食個lunch！之前都係叫半隻，今次就叫下庄。本人鍾意食鵝胸，不過呢個下庄一樣咁好食 平時啲燒鵝好肥好油，呢度就唔會啦 一嚟到香噴噴，一上枱就流曬口水又唔會太鹹叫左個西蘭花斑塊， 來到之後發覺我份量好大 好多斑塊！ 味道當然係有水準,送飯一流本來諗住叫白飯，跟住睇到原來佢有臘味生炒糯米！飯於是又叫來試下啦想不到有驚喜喎，食完暖笠笠

一諗起燒鵝就諗起深井，今日好高興有機會去到依一間位於（深井）叫做陳記燒鵝花園餐廳。燒鵝對我來講唔會陌生，但係食到一隻好燒鵝都幾難，但係今次我食得出好有誠意，師傅好有心機，燒鵝燒得外邊非常之脆，入邊啲汁係咁必出嚟，好夠燒鵝味，肉質非常嫩滑。聖子配粉絲：聖子好新鮮，好鮮甜，唔使好多調味料已經足夠，配埋粉絲索晒啲鮮甜味，正。黃金蝦大大隻，好有蝦味，濃郁鹹蛋黃，炒得好香，一齊食非常香口。干扁四季豆：調味調得好濃厚，豬肉碎配上清淡四季豆，好友鑊氣，四季豆唔會有渣，用嚟送飯非常一流。提提大家揸車朋友，非常適合，因為有代客泊車，交通極度方便，巴士四通八達，建議大家多啲人去食，因為啲餸都幾大碟，可以食多幾樣野。

朋友想吃燒鵝，我就想到「陳記燒鵝花園餐廳」是老字號，品質有保證，而且要吃當然要到深井的老字號店！位置不難找，遠遠就可看到燒鵝招牌。服務亦親切友善，很有街坊感。來到必點馳名的《深井燒鵝》！半隻$270已經夠大隻，燒得赤紅，鵝香撲鼻，一啖咬落去，鵝汁精華溢出，滿足度爆燈！豉油皇鵝腸 $98最喜歡鵝腸的口感，這裡做得味道夠經典，味道越嚼越有味，一流的下酒菜。麵醬茄子魚雲煲 $98這個魚雲煲，份量多鑊氣夠，醬香味濃十分入味，配菜茄子腍軟入味。冰梅醬燒骨 $88這個冰梅醬燒骨是店招牌，賣相吸引，每件都骨少肉厚十分掛汁，肉質爽嫩，味道帶梅的微酸甜，十分美味。椒鹽九肚魚 $88來到這裡怎能沒有椒鹽九肚魚呢，兒時就已經最愛，外表金黃，外脆內熱又嫩滑，蘸點喼汁更夾。粉絲雜菜煲 $68粉絲雜菜煲確實份量十足毫不吝嗇，多款新鮮青菜舖底，配魷魚蝦米，粉絲吸滿上湯，十分滋味。最後還送我們薑汁蕃薯糖水呢！吃到餐廳打烊，很滿足。

好久已經沒有到深井食燒鵝，今日特意同家人前往 懷緬感受一番，睇睇味道有冇變先。優惠燒鵝海鮮三寶B餐 $638燒鵝皇(半隻)清蒸海斑1條薑蔥肉蟹煲燒鵝皇(半隻) - 久違的味道回來了，看落更有進步，燒鵝汁香油潤，肉味香濃嫩滑，外皮最吸引，每嚼一口鵝汁都溢出，超邪惡，只有這裡才有的味道，真的令人回味無窮。清蒸海斑也很有看頭，份量十足，愛魚的我們，一下子就把魚分完了，魚肉新鮮嫩滑，十分美味。薑蔥肉蟹煲也夠鑊氣，蟹也不少，肉實在，味道亦不錯，家人們食得十分滋味。蒜蓉炒豆苗 $88豆苗新鮮翠綠，而且十分嫩，蒜蓉炒最適合不過，吃過汁香濃味的燒鵝後，中和一下也是不錯。最後還有一碗靚糖水送添，滿足。

秋高氣爽又到了行山的季節，行山終點就在深井，就跟朋友食埋晚飯才各自回家。難得黎到深井，當然要食燒鵝，陳記大名鼎鼎未食過都一定聽過，它在深井有兩間分店，今次我們光顧的是總店。雖然深井交通不算方便，但假日都坐滿人，而每一枱都必定會叫一碟燒鵝。菜式選擇超豐富，豬牛雞鵝海鮮蔬菜飯麵都有，價錢跟大排檔差不多，茗茶$5/位，非常經濟實惠。燒鵝下庄($165)燒鵝可點全隻、半隻、例牌或下庄，想食脾就一定要點下庄。鵝皮油得發亮，入口微脆，鵝肉不會過鞋，肥瘦適中，但一定要趁熱食，否則鵝油都凝固了。豉椒炒蜆($65)炒蜆夠鑊氣，豉椒味濃郁，用來餸飯一流，炒蜆沒有沙，亦不會殼多肉少。蒜蓉炒絲蒸蟶子皇($38/隻)蟶子夠厚肉都幾有睇頭，蟶子有嚼勁但不會過韌，蒜蓉味突出，粉絲都吸收了蒜蓉的香味。是日例湯($88)例湯款式每晚不同，是日為木瓜雪耳豬腱煲雞腳，例湯份量比想像中多，大約可分到八大碗，例湯煲得入味飲得出沒有味精。薑汁炒芥蘭($58)芥蘭脆口不過老，沒有苦澀味，薑汁味亦突出，如果薑味再重一點更好。開邊版配糯米飯($268)糯米飯用大蒸籠上，份量足夠四至六人享用。糯米軟糯不過腍，鹹鹹香香，上面都有幾多蝦，非

今日呢，就同嘅兩位舊嘅朋友阿祖.阿。兩公婆去深井，食燒鵝，咁嘅順便就攞返啲日本手信，俾阿may.我哋屙大咗呢，就半隻燒鵝啊，炸大腸咕嚕肉，豉汁蒸鱔。幾個餸仲有就係蒜蓉炒菜心。今晚環境冇咩客人，時間係7點幾。服務員嘅態度都尚算幾好。地方都算清潔。但路邊有維修路工程，影響食客食慾。燒鵝嘅水準一般般，但賣相幾好。精選味道都算合格。菜心炒得幾好，咕嚕肉做菠蘿味道不夠。今日已試食，身份去試食。埋單大約1000蚊，減咗試食費五百幾蚊埋單，四百幾蚊。價錢合理。

今日心情好了，跟朋友一行到個舒展身心之地方逛逛。朋友很窩心地接送我們，這店有提供代客泊車～朋友也就到這店吃了，想不到，這裡吃東西也很方便，不憂心泊車問題！炸豬大腸朋友必點東西， 街邊的炸大腸也不及這店，脆爆之外皮，邊咬邊漏汁，朋友也不理了儀態盡失亦在所不計。正宗炸豬大腸要吃喔～燒鵝只要叫半份已很夠了，因為份量多而且肉亦肥美，令人吃得快樂滿足呢。難怪店內的店主小陳（陳偉德）也形容：「燒鵝如紅酒，要慢慢！」鹹檸檬蒸烏頭傳統香港菜，對慣吃豉油蒸魚之人，新解，肥美的烏頭魚，蒸熟後會滲出黃油，鹹檸檬汁配合，魚肉嫩滑，甘香非常，很值得海鮮的愛好者一叫，因為吃著這條肥美魚，可以吃下很多白飯呢。蒜子魚肚浸勝瓜天然珍貴魚肚～滾透好吃，魚肚又白而沒油膉味；再用蒜子、蝦米墊湯煨佢，魚肚很入味～換上魚湯烹煮，加入魚肚，清甜好吃，更有明目之效。總的而論，食物份量多且鮮，值得一吃呢。

深井陳記最出名燒鵝，叫一份「例牌燒鵝」燒鵝外皮燒得酥脆，真正碳燒脆皮，咬落油脂超豐富，啖啖香味，鵝香味俱全，肉質算幾嫩，而且啖啖肉，百吃不厭「扇貝蒸粉絲」時間控制得好好，即叫即蒸，扇貝肉夠晒滑將蒜蓉醬汁調味，海鮮味出哂嚟，粉絲吸收哂醬汁同扇貝汁，啖啖鮮味😋👍🏻扇貝大大隻，多肉，勁鮮甜，真係超級好食呀！「中式牛柳」牛柳切厚塊但肉質好軟，牛柳汁夠香夠入味，且牛肉充滿牛肉味，而且夠炒得鑊氣，整個很好味道。