陳記燒鵝花園餐廳

营业中

休息中

.每次外國朋友黎一定問我嚟香港要食啲咩, 除咗點心,蛋撻,菠蘿包…其中一樣要帶佢哋去食嘅就係燒鵝!唔講都唔知原來係美國/新加坡係冇得食燒鵝㗎😨呢度夠晒地道 可以感受埋大排檔嘅氣氛🥢📸1️⃣ 原隻燒鵝🌟2️⃣ 椒鹽魷魚3️⃣ 生炒糯米飯🌟.🔻🍽 陳記燒鵝花園餐廳📌 地址: 香港深井陳記商業中心地下後舖

今次係陳記裝修後第一次去食, 加價就預咗架啦。 同樣呢個叫法 (燒鵝瀨再加一碗齋瀨, 事關冇得加底), 唔記得之前幾錢, 今次埋單80蚊, 似乎只係加咗幾蚊啫。 BTW, 我係由36蚊(一碟燒鵝飯)食到而家, 陳記絕對唔係深井一級棒, 但係勝在可以泊車, 仲可以欣賞住架車一路食(晚市除外)。 今次呢碗, 瀨粉唔斷唔碎, 湯底夠味, 👍Good! 今次無半邊燒鵝脾, 係半胸半背脊, 好入味😋👍 裝修後外圍enclose咗, 不過唔見裝咗固定冷氣, 應該到天熱會推返D流動冷氣機出嚟。 另外, 廁所都整過, 企理咗。.可取之處: 車可以泊正係門口進步空間: 深井更好食既燒鵝大有所在紙巾提供: 無廁所狀況: *** (已大有改善)溫飽指數: ***** (加底後)回味指數: ***翻兜指數: ***備註: 晚市有代客泊車

可能只是餵飽街坊今朝一早行大運去深井，吾想食老麥同飲茶，再行過d見到哩間茶記，咪是但試下。味道 (2分)—豬趴比較細同薄，仲又硬又鞋。— 雞蛋吾系流行的滑蛋，無蛋味— 米粉算幾滑，個湯底都OK鴛鴦(1分)— 吾夠咖啡味茶走 (3分)— 茶香OK，都幾滑，但飲後舌”鞋”環境(2分)肯定系老鋪，有室內和室外選擇，當然設計陳舊服務 (2分)—問女伙計牛雜同魚餃系舖頭自己做，佢居然不答我衛生(4分)— 基本都幾好，尤其是搞奶茶咖啡支捧捧居然有紙袋包，難得抵食(2分)—咁裝修，咁裝修，咁價錢咁食物質量，哩個都比高左。

提早慶祝母親節，仲好有誠意訂定枱，點知就出事。三大兩小去夜晚六點去食，叫咗半隻鵝，三個小菜。小菜即叫即炒，味道OK，但主角燒鵝就真係唔得，一食已經覺得啲皮好韌，唔係脆，啲肉係微溫。過往都食過呢間幾次出爐鵝都未遇過咁差質素。最後無嘈快啲食完就走，因為店內多蚊，小朋友同大人都比蚊針咗幾吓。埋單我同個收銀阿姐講返隻鵝情況，明顯唔係剛出爐啲鵝，點知阿姐仲要死撐話無可能。我都廢事拗，比錢走人。我都係第一次食微溫出爐鵝，三百幾當食咗啲特色野，值得一讚。

呢次同朋友嚟到深井，原本只係諗住隨便揾間食飯嘅地方，點知一入到去，內裏既氣氛同其他地方好唔同。坐低之後，我哋就開始研究下餐牌，發現居然有咁多款式嘅燒鵝，仲有幾多種熱氣騰騰嘅海鮮同埋其他小菜，真係選擇障礙發作。燒鵝呀，真係要讚下佢呀，皮脆肉嫩，啖啖肉吃落去感覺就好似喺味蕾上面跳芭蕾咁，美妙極了🤤。再加上旁邊嘅秘製醬料，味道提升到不知幾多倍，正！再講下佢哋啲清蒸海班，簡直就係海味嘅極品，鮮甜得嚟不膩口，每一口都食得出師傅嘅用心。當然啦，點少得試下佢哋嘅特色小菜呢？干扁四季豆同薑蔥魚雲煲每一樣都好有特色，特別係干扁四季豆，辣得嚟又唔會蓋過豆嘅清甜，一言難盡嘅美味👍。呢餐飯貴少少，但令人食得好飽好滿足，唔單止因為食物美味，更加因為同朋友嘅相聚咁歡樂。

唔通陳記燒鵝只可以食燒鵝？今日點咗三個餸，兩個人食，有西蘭花斑球，美極豉油王中蝦，同埋秘製椒鹽鮮魷首先講吓個西蘭花斑球，成碟個底都係水，，啲班球韌到真牙都咬唔開。。另外就係疊美極豉油王中蝦，嚴重懷疑師傅係用清水白烚熟咗先再喺面加d蒜頭炒香佢，美極豉油王蝦冇美味，亦都冇豉油味，一食入口以為係滾水烚蝦，啜個蝦頭嘅時候啜咗一啖滾水出嚟好彩叫咗碟椒鹽鮮魷，因為有碟椒鹽可以點吓，如果唔係三碟餸都無味。。。最欣賞係個收銀姐姐，臨走都問我哋覺得啲餸點啊，我哋亦都好誠實將自己嘅感受講出嚟，不過唔會有下次囉😅

嘩，谷到深井一間咁有人情味嘅食肆喇，講緊嘅係我今日食過嘅燒鵝啦！🦆 首先，條燒鵝賣相實在係夠晒靚仔，啲鵝皮嘅焦香同脆口感，真係叫人一試鍾情。夾一塊肉入口，即刻湧出嘅係啲肉嘅甘香，滿嘴都係肉汁，夠晒juicy，叫做一流！另外，我仲試咗個蒜蓉粉絲蒸蟶子，簡直係鮮味炸弾！啲蟶子食落去爽口得滯，粉絲吸滿咗海鮮嘅精華，加埋炸到金黃嘅蒜茸，條味簡直唔搞作，地道得嚟又帶勁。再嚟就係啲豉汁蒸魚雲啦，講真，我原本對呢個菜冇乜期望，不過一上桌就完全改觀！魚雲嘅滑溜口感加上豉汁嘅鹹香，搣埋成一間之後，簡直係口口都帶嚇喜！總結落嚟，依家個肚仲喺回味緊，呢個食肆真係深得我心！想食啲地道嘅燒鵝，呢度絕對值得一試！👍🏼👍🏼劈棱啲嚟嘅食客真係梗係满意返屋企！

講起深井……一定會提起燒鵝！某星期六同朋友們去深井閒逛，行咗陣就去馬路旁餐廳食燒鵝。在眾多選擇中還了這間，最主要因為星期六中午時段都有提供常餐，另外還有套餐選擇，抵食！一行5個人叫了4個餸，跟3個白飯，仲有一大碗足料湯燒鵝（例牌）皮光肉滑，咬落仲有好多汁！蝦仁炒蛋蝦仁大大粒，望落去唔似冰鮮的那種，蛋又夠晒滑！勝瓜炒鮮魷鮮魷都好大塊而且炒得唔老！西芹腰果雞丁油光亮澤，粒粒都夠大粒！整體來講，食物份量算多，價錢又合理，不錯！#深井美食 ##燒鵝 ##香港美食 ##深井搵食推介

今晚參加了朋友的生日宴,地點在深井陳記擺了一圍自選的生日菜式，內容雖然簡單但又絕對不失其美味。深井是以燒鵝馳名之地，到得深井食飯燒鵝一定是主角。所以今餐先來一碗蓮藕排骨湯後，立即就到今餐的主角燒鵝出場，大大隻新鮮熱辣上檯，充滿油脂的鵝皮經過烤焗後，皮色帶赤紅且香味四溢，咬一口皮脆肉嫩，濃郁芬芳的燒鵝汁滲滿肉中，滋味一流食不停嘴攞滿分。發財好事新春食品，取其好意頭一定要有。西芹炆龍躉塊啖啖肉啱我不喜歡多魚骨的人食。西蘭花帶子肉質結實新鮮。蒜蓉粉絲蒸蟶子夠大隻肉又多，粉絲吸收了蟶子和蒜蓉的味道更是惹味。瑤柱扒豆苗亦有一定水準。最後吃個壽包喻意祝福長壽和健康，再來湯圓做甜品結尾。今個新春生日宴除了一班好友團聚外，對於口腹亦是非常之滿足。

叫咗半隻燒鵝同炒牛河，燒鵝又柴又冇鵝味，吾知係吾係昨天D賣剩貨尾，差過茶餐廳，碟牛河D牛肉冇味好似纸皮咁，D粉炒到水溝油，总知以後吾會再去，通知所有朋友都吾好去幫襯。

早幾日同朋友出咗去出車，去到深井就肚餓，想搵間有得泊車嘅餐廳，咁不如直接去聽咗好多年但係從來冇去過嘅陳記，喺度梗係買隻燒鵝啦，新鮮熱鬧出爐嘅燒鵝係冇得輸，啲汁多到噴出嚟，下次一定要再嚟食

跟左一日旅行團黎左呢間大伏餐廳，忍唔住要黎發番篇劣評。入到唔使等位，因為跟本無其他客人。叫左個338套餐二人餐：燒鵝例牌老火湯任選2款小菜-金銀蛋白菜-椒鹽海生蝦兩碗瀨粉食到勁躁既一餐。個湯溝水咁淡到無味碟鵝肥到hihi，我本身都中意少少肥既燒鵝，因為貪有油香，但呢碟肥野真係搞唔掂。鵝皮淋晒，而且睇鵝皮就知佢係兩隻唔同鵝，揀啲難食又肥位拼出黎就叫例牌。其中幾舊食落仲勁so, 完全無鵝味。應該係我人生食過最難食嘅燒鵝。椒鹽海生蝦，蝦肉就唔算霉。但啲椒鹽好似攞嚟裝飾咁，勁少又唔脆，d 蝦食落無味，懷疑佢唔記得落鹽。瀨粉質地正常，但煮瀨粉個湯又係無味。清水瀨咁金銀菜係正常叫入得口。其他咁多碟都勁難食。當我地食左一半，都聽到隔籬枱個呀婆話有一碟小炒咸到唔食得，叫佢重炒，又聽到佢靜雞雞咁話：個湯咁鬼難飲唔好飲晒quota. 姐係唔係我地呢枱黑仔，而係整體真係好難食。

今日晏晝去咗深井食燒鵝,是日揀咗陳記燒鵝花園餐廳貪佢有冷氣,不必坐露天,坐得舒舒服服,今日兩個人只叫了燒鵝例牌,豉油王鵝腸同楊州炒飯。可能今日係平日,好好彩例牌有脾位,賣相OK,但只有暖暖的感覺,食味OK,如果叫一隻即斬可能好味好多。豉油王鵝腸,味道正常,墊底有銀芽,一齊食增加爽脆口感,但鵝腸不夠肥美,缺少油脂的甘潤。呢度楊州炒飯,用生炒牛飯模式,加了生菜,又沒有蝦仁,只用蟹柳取代,個人覺得是敗筆,因為有菜的關係,鑊氣盪然無存,兩個字:唔得。

🌞陳記燒鵝～～～～深井篇＊﹉◇﹊◆﹉＊﹊◇﹊◆﹉＊＊﹉◆﹊◇◇﹉1.䜴油皇鵝腸鵝腸口感煙韌有彈性唔會咬唔爛，鵝腸煮得極入味，配上芽菜同薑絲令到口感更脆口。2. 砵酒焗桶蠔用了蠔仔唔細隻，勾芡後的蠔仔吃起來軟中帶點彈牙，令到口感更豐富，醬汁的甜味配上有鑊氣嘅洋蔥，馬上就食落一碗白飯。3.燒鵝（例牌）1-2人份燒鵝的燒得啱啱好，肉質滑嫩鮮美，批則是燒得油潤甘甜，脆皮嫩肉，一定要沾秘制招牌醬汁，酸和甜的比例很剛好，令燒鵝更加美味。PS.香港可謂是處處都有燒鵝，但深井燒鵝是香港的老回憶，記憶中的滋味還是那樣的好，其他小菜也毫不遜色，很適合一家大小光臨的餐廳。環境：🐽🐽🐽衛生：🐽🐽🐽食物：🐽🐽🐽🐽價錢：🐽🐽🐽🐽（534/2=$267）

行完山 係深井個邊落山⛰️黎得深井 當然要食返個燒鵝飯🍗深井裕記燒鵝就聽得多食得多但係陳就又真係未試過🫣所以今次就黎左陳記 叫左個燒鵝燒肉飯😜一上枱好開心 因為個姐姐比左燒鵝髀🤣賣相睇落吾差 份量都算多😗而味道方面個飯係凍嘅😂 得少少暖🫠燒肉都算幾好食 塊皮脆口☺️而且吾會太肥太多脂肪 就算成舊放落口都吾會太油膩🤫不過燒肉就硬左啲🫢燒鵝方面味道係幾好食嘅 點埋個酸梅醬更加好食🤤肉質都算幾好 味道都夠入味但就燒得有啲乾 冇預期中咁靚🫣本身嘅期望係 一咬落口燒鵝嘅油脂會好似爆汁咁溢出黎😂總括黎講味道同賣相都吾差嘅😗不如質素就有進步空間🫠