陳儀興飯店 (嘉悅)

营业中

休息中

平時經過呢間都見幾多人排隊，於是老公有日叫咗個外賣套餐試下。哇呢個$35x嘅套餐真係不得了，驚喜（駭）一個接一個，不斷刷新我三觀！首先一打開個外賣膠袋，入面全部濕哂，原來係兩碗湯同調味料倒瀉。好，唔緊要，抹乾之後食野。個湯有烏雞瘦肉同人參之類嘅物體，都算足料，飲落-- 嘩，咁鹹嘅！基本上成個湯嘅味就係一個字 - 鹹，材料嘅味真係飲唔出，除左食果幾條人參果陣。好，咁之後試下佢個鹵水拼盤。都裝得幾滿，好足料咁。有蛋，紅腸，大小腸，腩肉，鴨脾，豬耳，仲有喺芽菜墊底... 咦？冇墨魚嘅？ok，墨魚分開叫都正常嘅。咦？冇豆腐嘅？冇豆腐真係接受唔到喎，豆腐喺鹵水家族入面好重要喎，做咩排斥佢？搞到好中意食鹵水老公好傷心😢 但我唔特別好鹵水豆腐所以冇所謂... 咦？豬耳得一塊咋？我好中意食豬耳架🥲 仲要整得唔好食🥲 不過都冇所謂啦，因為成盒鹵水都鹹到飛起，比個湯鹹10倍，最犀利係喺吸哂汁嘅芽菜，好似喺死海種出嚟咁鹹，用水洗完都係鹹到食唔落。最後就係沙律骨，賣相麻麻，好似堆嘔吐物喺豬扒上面咁，不過唔緊要，食潮州野係食個味唔係食賣相丫嘛👌🏻好，一於試下咩味，雖然之前食果兩樣令我有不詳嘅預感... 唔，豬扒

今晚家人 一行 6大1細黎到潮州菜館叫碟 鵝片先 鵝片唔穌 切片剛好 香而不un 好好食配上大荳芽 連2歲半小朋友都食唔停之後就黎個 豬血嘩一睇都覺得好食一試就知 香滑 汁香唔太油 韭菜更是入味多人食必叫潮館 一定要叫埋 佢個冷盤 生腸同魷魚魷魚正常野 生腸er …. Normal 潮州粥緊要叫 睇吓 好多料 清而鮮味 好味😋依碟最令我停不了 豉椒炒蟶子 蟶子 爽口彈牙 炒埋洋蔥🧅 嘩我食左好多洋蔥呀哈哈跟住就到依碟 避風塘 炒蜆佢係真係炒到 乾身 無汁一食除左熱氣 係好香炸蒜味佢炒出 辣椒🌶️籽都出埋黎蜆唔算大隻 無沙 做得好好👍🏼又係停唔到口糯米飯釀大腸腸衣好薄 我…唔食大腸但 家人話好好味薑汁炒芥蘭 可以可以 😌薑味唔算出小炒皇未係好香 但 都炒到乾身蝦🦐乾 反而幾好食最好食係腰果最後叫左個蒜香骨新鮮熱辣炸出黎似炸排骨咁 但唔係舊舊有骨我地認識既骨 似係 一條條咁 一擺入口 就感覺到熱氣整體 係 好食既 因為全部都 算香口同重口味好咸又未算好咸我覺得幾好食食gralic 同 洋蔥 食到口都臭都要 繼續食

朋友最近搬左入將軍澳，話想食D潮州菜係POP WALK 附近搵到呢間餐廳，近近地就試食下我地係冇咁多人既時段大約5:45坐底左，侍應姐姐同我地講平時好旺場Book枱多到要waiting list 呢D時間食就食得舒服D 冇咁逼我地2個女仔，打冷必食~蠔仔粥D蠔仔估唔到又幾大粒粥水同D蠔仔食哂飲哂🤣🤣🤣夠哂鮮甜👍🏻😋👍🏻😋 推薦大家試食 潮州菜一定要食下滷水啦😆😆我其實鍾意半肥瘦鵝件連骨損損下(我都幾麻甩哈哈)，就好似食牛扒，鍾意食油脂甘香滷水香氣由佢上菜就慢慢飄過嚟(好期待!!!)油脂感係口腔融化果種感覺好正 肉味濃香要損下骨頭肉真係好滋味👍🏻😋Highlight 點埋個辣椒油幾香辣好味🤤🤤🥢蠔餅香脆好食，食落脆卜卜既外層正啊蠔仔算係幾落本，多大隻夠鮮甜🤤🤤 講明潮州特色就試下(我完全未聽過😂)我覺得可接受，炸完幾香口糯米食完有D制😂😂細胃口既要同多D朋友share食

之前路過見到將軍澳開佐間新的陳儀興，一直都唸住去試吓。今日終於食到啦，超滿足，仲有好多菜無影到相。本人至愛蠔餅。還有一個潮州三寶（可惜沒影到），佢地滴鵝同我之前食嗰滴唔同，肉質厚，肉味濃，中意食鵝的朋友可以試吓。煎麵都好好味，配佢地滴醬，酸酸甜甜脆波波，正！媽咪話下次輪到佢請我再去食喔，立此食評，防止佢下次唔認！！*提提大家，食之前記得打電話book檯哦，如果無book，有機會要排隊等啦。。。

陳儀興將軍澳分店呢間潮州打冷，都開左幾個月，本人作為將軍澳居民都幫襯左10次8次，可能做旺左，D待應服務態度真係一次比一次惡劣而且食品質素都幾唔穩定！待應先上左例牌鹵水鵝片$178，果然愈切愈細片，愈切愈小，加鹵水豆腐需要加$40，味道不過不失，算係平時水準啦，可以接受既另外，話說我仲叫左個”碧綠川椒雞”上菜竟然咁既樣，我真係當堂嚇一跳！我問待應: “咦！ d葉呢？我食左好幾次都有架wor!珍珠葉wor?!”待應: “大廚話係咁!!! 不嬲都係咁!!!”待應2: “真係冇葉架！你係咪叫錯？”最後我show返張舊相，再等多20分鐘到終於有返d珍珠葉，多謝晒！ 佢哋同事終於知本身道菜有葉喇😅對於舊客仔黎講，都唔會再幫襯，因為呢間餐廳冇品質管制🤓是是但但，鍾意點就點，真係夠晒過癮！

建議大家有咁嘅時間同budget，出九龍城食仲好。價錢相約，味道更好，仲唔駛受氣。以下詳細講員工嘅服務態度：出面嗌位嗰個人服務態度好差，又唔識嗌位。我3個人walk in，等咗兩個鐘都未有得入，唔緊要，你俾book咗枱嘅人入去先係正常，始終人地留咗枱，我walk in要等，我明。點知大把book咗枱嘅人都係門口等緊，人地book枱book咗8點，都要等到8點半先有得入去。問佢嗌位嘅準則係乜，佢居然話：如果有人walk in攞飛，有空枱，而book枱嘅人未到，佢會照放walk in客入去。我真係以為自己聽錯，你有空枱唔留定俾book枱客，放曬啲walk in客入去，咁book枱客黎到無枱，又係要等，咁book枱黎做咩？有客同佢反映，佢就大大聲同啲客嘈。我無要求你要有五星期酒店嘅服務質素，我明白你地有你地做法。但解釋還解釋，唔需要咁大聲同咁差態度，佢仲要覺得自己好有道理咁，唔講我仲以為你公司請你返黎係負責趕客🥴 問佢點解叫3個人坐一張圓枱，8個人就坐兩張四人枱。佢咁樣答我地：「小姐，我地六人餐廳黎㗎，坐唔到八個人㗎，有得坐我都想俾佢地坐圓枱。我都好心痛呀，坐唔八人，你知唔知我地做少咗幾多生

門口個阿姐講到好有安排，其實得個講字。問佢就懶有道理態度極差，仲要同d客嘈。咁同趕客有咩分別？？？有幾好美食已經扣晒分，做生意有咁既員工企門口真失敗！今時今日想早點結業嗎？？？

此點的發跡地是在新蒲崗區 有幾十年了 附近街坊都非常熟悉 走潮州打冷平民版的路線 收費合理 豐儉由人 最近在將軍澳開了新店 便來懷舊一下店鋪不算大 座位不多 潮州菜以滷水鵝馳名 門口放了一隻鵝的模型 亦有以前大排檔造型的圖片 很有特色 我一早訂了位 5大1小 給了一張大枱😊為了迎合大眾口味 餐牌除了常見的潮州菜外 也有一些粵菜和四川菜 我們共點了七個小菜 一碗蠔仔肉碎粥 和兩款甜品小菜方面 各有優劣 其中一致認為最好味的是煎蠔餅 香脆鬆化蠔仔又多 其餘的沙爹炒蜆 潮式打冷墨魚 洋蔥豆豉炆雞 潮式醃螄蚶 也可以而豬潤浸西洋菜 西洋菜比較硬和老 XO醬西蘭花炒豬頸肉 只得幾片肉 味道有點怪 蠔仔肉碎粥也不錯我最期待的甜品反而有點失望 福果芋泥比較稀 反沙芋 外層的糖太厚 芋頭不夠香 明白小店經營大都希望能做多幾枱客 可是不停提醒快D落單 清理枱面又超快 明示暗示客人 一吃飽就要盡快走 有些不舒服的感覺呢😒

第一碟鵝片得勁少 一人夾左兩塊可能好似已經冇晒 下面勁多都係荳芽 連豆腐都冇墊底 同埋啲鵝片勁薄又勁細舊🙈 但都幾好食嘅 有鵝味又唔鞋之後黎嘅手工蝦粿同手工粿肉 都唔錯 蝦粿就好似蝦餅不過變左粒丸咁 然後粿果就有啲似鯪魚球咁😂然後我覺得個椒鹽百花釀大腸幾唔錯 出面層豬皮好香 然後入面嗰啲好似係墨魚肉咁 唔錯👍👍個沙嗲芥蘭牛肉同上次潮樂園比就爭左少少 啲沙嗲味同牛肉味都唔係幾出🙈🙈蠔仔粥我覺得我淨係食到芫茜味 其他野味唔係幾食到 不過啲蠔仔係幾大粒嘅蠔餅炸得幾好食 外面夠脆 裡面都多蠔仔同幾大粒 反沙芋唔知點解會有啲蔥 不過今次係我第一次食 平時唔食芋頭嘅我都覺得好食

一家人滿心歡喜食個生日飯 訂好8點 我地都趕住甘無遲到去到 去到一個西口西面員工同我地講無台 要等 甘以為未執好台 點知等左半個鐘 好啦走埋去問佢 點解重未有 個伙記好唔想理我地甘講 就有架 等等 我女朋友忍唔住問佢一句 我地訂左台8點 依加8點半 點解要我地等甘耐 佢入去一陣出黎安排左張近出菜位既台黎 嘩 一家人肥少少都坐唔到 安排真係好依間野要訂台等甘耐 甘訂台黎做乜先 下次直接埋黎嘈兩句你會安排台食飯先架啦！唔想做生意咪直接講唔洗比面色我地睇啵

有4個人食飯就可以去啲可以嗌多啲野食既地方搵食，大家都住係將軍澳附近既關係，就搵左依個「陳儀興飯店」。記得一年前去依個舖位既時候唔係依間餐廳，所以依間「陳儀興飯店」應該唔係開左好耐。一如既往，每次打開menu咩都想食，最後決定左叫：「鵝片拼墨魚」、「雙面黃 糖醋煎麵」、「腐乳炒通菜」、「台式鐵板三杯雞」、「潮州蠔仔粥」、同埋「傳統反沙芋」。「鹵水鵝片拼墨魚」：😉😉😉比較之前係其他地方食既鹵水鵝片同墨魚，依間既份量比較細，同埋鵝片同墨魚唔夠厚身，味道都唔夠入味，所以個人覺得只算合格。「雙面黃 糖醋煎麵」：😉😉😉😉友人話依碟一定要試，上碟果時覺得個樣同質感食落有啲似細個食果啲零食，但灑左砂糖同落左啲醋之後，食落味道又唔錯喎，加埋本身個麵脆既口感，成個感覺唔錯。「潮州蠔仔粥」：😉😉😉食潮州野無可能唔叫蠔仔粥，一鍋黎講都夠4個人食，味道中規中矩，覺得可以再多少少肉碎。「傳統反沙芋」：😉😉😉😉依個個人黎講覺得幾有驚喜，可能本身自己唔太好芋頭既關係，但因為佢用左好多糖去整個coating，食落有啲似新年糖冬瓜既感覺，當然有陣陣既芋頭味，所以自己最後都食左3舊。個人評分（滿分為5）味道：😉😉😉環境：

這店我曾在它試業時即六月中來過一次，鹵水味道和魚飯都非常有傳統水準，但相隔四個月的今天再食😔完全相反，沒有一道菜合格，我叫咗鹵水鵝片、鹵水豆腐、凍黃油烏頭、漁香九菜花及潮州炒麵線先講鹵水味道，得一個字形容“咸”沒有鹵水味，鵝片又韌；另外條黃油烏頭魚（因為上次食過好食）☹但可惜今次一啲魚油香味都無，食得出應該是幾日前賣剩，魚肉死死實實又乾又咸；相反炒麵線就好淡口似無落鹽，又乾又無料，只得幾條又咸又硬嘅肉絲襯托下，完全不是傳統炒麵線做法🤦‍♀️🤦‍♂️整餐飯簡直食不出試業時嘅水準，不會推介，失望😓

又係食麻甩嘢嘅時侯😍😍呢間陳儀興喺爵祿街已經好多年老字號，仲有玫瑰餐廳都係同一個老闆，一早已經去潮聖過，水準甚高，價錢親民，但係嗰頭真係比較小去，知道佢地8月開始喺屋企附近開咗分店，梗係要去幫襯下啦，食物質素亦都keep到高水準，menu除左傳統打令食物，仲多左好多特色小菜，新裝修更加乾淨企理，而且佢可以開到凌晨2點（同區好小開咁夜，唔駛話食到10點咁趕😅😅，最好嘅係近屋企，以後夜咗想食嘢或者想食下消夜飲下🍻🍻都有地方，諗起都開心🤤🤤🥘鹵水拼盤$108鹵水好入味，係好惹味嗰隻，打冷必食，尤其裏面啲鵝片&大腸超正，又夠淋，不過下次可以再試下鹵水鵝肝🤔🤔🥘韭王炒黃蟮$85黄蟮夠爽口，韭王火候又啱啱好，唔會謝晒，茨頭又剛剛好包住，所以成個餸係炒好好，恰到好處，乾身香口😍😍🥘蝦棗拼蚧棗$158呢個可以淨要蝦或蚧，我地梗係雙拼啦(可以食晒兩款😍😍）但其實兩種口感差不多，炸得都夠脆，都係比較傳統潮州小菜，唔太特別🥘韭菜豬紅$70Mr.C至愛🤤🤤豬紅係爽嘅，個汁夠惹味，但略嫌韭菜份量小左d，全部都係豬血😅😅🥘辣酒煮花螺$98汁夠辣夠麻，但啲螺太細，有啲失望😌😌同埋個湯太多，好難夾啲螺出嚟🙈🙈到最後甜

•韭黃炒黃鱔• $85韭黃幾好食！食完一啖又想食多啖好有鍋氣味！不過個黃鱔個日食就麻麻地唔係好新鮮！味道方面好夠 唔會太咸！•鑊氣小炒皇• $105平時食呢碟 係會食到好多渣！呢間啲材料真係靚！又無渣 又爽 唔係淋！夠香口！食左一啖 仲會想食多啖！•蒜蓉開邊蝦• $208呢個食完真係要飲茶去臭🤣🤣🤣好香蒜蓉呀呀呀送飯一流！！！啲蝦又新鮮！中等size嘅蝦 都叫多肉！！！覺得新鮮已經好夠～•滷水鵝片,另加墨魚• $118+40嘩！呢個真係要讚！我覺得自己好似食緊刺身咁😂😂😂真係切到好薄！但係好好食！！！唔使厚 都食到肉味！墨魚爽口！又夠薄！真係好似食緊刺身！個滷水味同出面唔同！但一食就記得係呢間出品！個滷水好有味道呀！！！•方魚肉碎粥• $138/窩好有茜味！仲要好強烈添😆唔鐘意食茜 我諗吹窩嘢應該搞唔掂！但我好鐘意😆😆😆又濃湯 又有茜味！肉碎連飯 真係食到好多碗！仲可以另叫白飯倒入去 再食多一窩🤫🤫🤫•蒜香排骨粒• $95呢個味道偏甜甜地 但唔係非常甜！蒜香唔夠蒜蓉開邊蝦濃！蒜香唔算好香 呢個普普通通啲排骨粒比較多肥豬肉Ps 呢間嘢嘅食材每日都有限！海鮮都係得幾份！保證到每日都係用新鮮

本來開開心心特登book位想試新野，點知最後黑住面走。。Book枱時已知90分鐘，都合理呀！本來進餐時成個過程都好正常，上菜職員都好有禮貌，我都好有禮貌每次講唔該回應，最緊要大家開心嘛！中途我食完一碟收一碟，你唔想阻我食野又好，或者想我快d食完都好，都ok既！食到大約70分鐘靜返一碟未食完，有職員黎催我話出面有好多人等緊，要交枱，我都覺得奇怪，我心諗，明明未到90分鐘，唔通出面多人我就要讓張枱出嚟？！我叫左4碟餸兩個人食，都唔係食得慢呀！咁我答左嗯一聲！咁我繼續食埋靜低既個碟啦！食緊途中又聽到有個職員指示另一職員幫我張枱賣單，我都心知不妙，好啦你拎張單黎我照埋，咁我繼續食，食完野飲兩啖茶漱下口，又有職員拎哂盤同d新餐具走埋黎問我食哂未可唔可以執，你都拎哂盤仲企係四座位其中一個位到（唔係枱邊），唔通我話唔執得咩！你邊執我就邊飲埋啖茶啦！飲埋啖茶享受埋我應有既權利就走左啦！前後大概75分鐘到啦！至於食物，普普通通啦！魚湯浸蜆-胡椒味極濃，蓋過哂d魚湯味，蜆就一般般啦，細細粒，尚可接受。蠔餅-正正常常，質素同廟街差唔多！避風塘茄子-都係正正常常！鹵水拼盤-擺盤雜亂無章，味道都係正常啦！電話b