陳儀興飯店 (嘉悅)

营业中

休息中

禁左晚市堂食之後，相信唔少人都被逼留係屋企叫外賣，但食嚟食去都係啲茶記外賣真係好悶，咁岩見到將軍澳南嘅陳儀興飯店都有推外賣，於是就買嚟試下。叫左條元朗黃油烏頭王，一份澄海鹵水鵝同蒜香骨，賣相都唔錯，仲好細心咁附上好多醬料，同堂食一樣咁。黃油烏頭係凍烏頭，好似魚飯咁嘅食法，魚肉味道鮮甜結實，油香十足。鹵水鵝件份量唔少，醬汁好香但唔太咸，鵝肉嘅肉質有彈性，肉味好香。蒜香骨好香口，炸得好脆，排骨有肉汁，炸蒜好多，好岩送飯。整體味道唔錯，就算外賣都有水準，係屋企都可以打到冷，唔錯！

上個禮拜，探外婆前去左附近既餐廳打算買埋外賣一齊食，最後揀左陳儀興飯店試下外賣質素如何？澄海滷水鵝：滷水鵝份量適中，口感吾硬吾乾，而且大部分位置都系啖啖肉，鵝皮唔算太肥，所以連皮一齊食吾會覺得太肥膩啊！另外，餐廳提供埋白醋點用，味道酸酸地更開胃。生炒排骨粒：份量幾多粒，吾會得啲骨無肉食。排骨粒外皮吾會太多粉去炸，咬落肉吾會過硬。醬汁酸酸甜甜的確令人愈食愈開胃。整體來講味道吾錯，用黎送飯一流！黃金雞軟骨：話明黃金當然有咸蛋黃既味道，依種味道幾香口，但吾算太易覺得漏個種。雞軟骨有口感，吾會硬到咬吾開。最後加多罐汽水比自己飲下。

舊同學搬咗入去將軍澳，趁今日放假入去探吓佢，中午本來話去附近嘅陳儀興飯店食飯，但因為太多人冇位，於是買兩個餸返屋企食。餐廳主打潮州打冷，又有小菜，每種買一款試吓！潮州馬友魚飯，潮州魚飯，又稱凍魚，大家切勿被「魚飯」之名誤導，此菜不含米飯，魚一定要新鮮才可以做魚飯，凍的馬友魚肉質緊緻，油份豐腴甘香，微鹹更特出魚的鮮味！咕嚕焗排骨，排骨入味有口感，甜酸醬汁調得適中，加上蜜桃好香甜！配碗白飯一定好開胃！

疫情嚴重，又停咗晚市堂食，上班一族冇時間買餸煮飯，唯有買外賣，同事上網搵到間陳儀興飯店，位於同事將軍澳家樓下，打冷和小炒都唔錯，放工就跟咗佢去買外賣回家食。餐廳6點後全部做外賣，都有不少客人等緊，落單後都好快煮好有得拎。生炒骨，見到已經胃口大開，排骨炸至外層脆口，就算沾滿酸酸甜甜的醬汁，都不會林。肉質有口感但不會鞋口，呢間配菜不用菠蘿用桃一樣好食。蒜香骨，望落去好似好乾，但食落就唔會，排骨炸得香又入味，夾埋炸過嘅蒜蓉超美味！糯米釀大腸，糯米腸比預期中薄, 外層好似脆皮腸嘅薄衣, 包住濕潤糯米, 唔會太乾, 糯米中夾集超林嘅花生碎同埋臘腸粒。整體口感都好林好濕, 散發淡淡糯米香。

潮州菜餐廳登陸將軍澳，附近居民有口福啦，最近禁晚市堂食就去支持吓，外賣自取都好方便。久未品嚐潮州菜嘅我地當然要點啲潮州特色菜，順道比家人一嚐潮式滋味。食潮州菜點可以唔食鹵水鵝，鹵水鵝件片好一件件，面頭有啲鵝片位，下面就為有骨嘅部位，鵝肉好香鵝皮帶油脂，愈邪惡嘅東西愈好吃。糯米釀大腸都係第一次品嚐，薄薄腸皮包住香軟糯米飯，糯米飯料都幾多，除咗平時嘅蝦米花生菇粒等，仲見到有鵪鶉蛋，食落幾香口不過帶少少羶味。潮式甜品必食反沙芋，平時係屋企唔會整到嘅食物，當然要買返嚟試吓，綿密嘅芋頭帶少許金黃外層裹滿糖，有碎嘅砂糖更有一層層糖衣，嗜甜控必會被滿足呢！

去將軍澳幫阿妹屋企大掃除，上去之前佢叫我去附近嘅陳儀興飯店 買外賣，陳儀興飯店是一家香港地道潮州飯店，亦揉合現代新派創意菜式。迎合不同客人口味！澄海鹵水鵝：汕頭澄海出名獅頭鵝，獅頭鵝的肉味跟一般鵝不同，肉鬆軟且鵝味重，師傅用秘製滷水汁烹製，味道濃而不鹹，鵝肉嫩滑。滷水拼盤：有鹵豆腐、鹵蛋、紅腸、豬腸、墨魚、腩肉、豬頭肉。材料鹵得入味，有爽口有滑溜多種口感。蒜香骨：採用貴價一字排豬肉，即叫即炸，外脆肉嫩，加上炸蒜更添香味！

晚市繼續暫停堂食，星期五晚不想自家煮，便去買外賣支持一下飲食業。心血來潮想吃潮州菜，想起之前經過的陳儀興飯店，店外的一幅畫令窩夫留下深刻的印象。餐牌上列出多款潮州打冷和招牌小廚等，選擇很多，窩夫選了三款經典的潮州菜式。鹵水鵝件($118)切得厚薄適中，鹵水入味卻又不會太鹹，肉質不韌，下面有豆腐墊底。潮州凍烏頭($188)大大條，肉質結實，鮮甜美味，既沒有泥味又沒有腥味，蘸少許普寧豆醬更能提升味道。魚尾有個牌，原來是楊氏元朗烏頭的認證。轉眼烏頭魚已經被吃得一乾二淨，只剩下魚皮。打開沙嗲芥蘭牛肉($98)的盒蓋，香氣撲鼻，還在冒煙，可見它的熱力，沙嗲惹味帶微辣，用上芥蘭苗，爽脆得來不會太硬。

抗疫措施晚市禁堂食, 足足挨咗一星期, 今晚丫媽叫我放工買料返屋企加餸。聽街坊講附近有間打冷味道唔錯, 於是今晚就去買黎試下, 外賣單點仲有9折。menu上選擇都幾多, 落單後等咗大約十分鐘左右就拎得, order咗三個dishes,【元朗黃油烏頭王】HK$188元朗烏頭魚身肥美、冇泥味, 肉質清甜幼嫩, 點普寧豆醬食提升了鮮味。【澄海鹵水鵝】HK$118幸運地餐廳比咗鵝髀位我, 啖啖肉, 肉質juicy, 算得上幾嫩, 鹵水唔會過鹹過淡。【蒜香骨】HK$95雖然拎到返屋企都相隔大半個鐘時間, 預期唔會好似堂食即食咁香脆。蒜香骨仲keep到三成脆, 表面唔會太油, 幾香口, 特別係相夾少少炸蒜食, 再提升了香口度,唔會冇肉食, 肉質有口感得黎又唔會太乾而咬唔開果種, 最中意食近骨d肉, 帶點爽口。

陳儀興飯店已經扎根於新蒲崗56年之多，最近看到食評，將軍澳都已經開咗分店，今天下午便專程來享受午餐。潮州馬友魚飯，聽其名以為是飯，其實是蒸熟了的新鮮馬友魚，攤凍之後，用來凍食，是潮州特色之一。本來想點烏頭的，可惜下午午飯時間太好賣，賣完了，不過原來馬友比芋頭更加美味可口，只需點.些寧波的豆瓣醬，便增加了其鮮味。澄海鹵水鵝，滷水的味道適中，花椒$0.8味道香濃，鵝肉肉質軟淋可口，加些自家製的蒜蓉白醋，味道更佳。糯米釀大腸，煎香了的大腸，釀滿了糯米和配料，大腸味道十足。這裏的衛生做得很好，落場時間，看見女侍應用清潔劑，將所有桌面清潔，值得一讚👍👍👍👍👍

呢間老字號陳儀興係新蒲崗五十年，之前專程去食過，都幾正。今日去開將軍澳，都專登去試一試佢新店。而家無晚市堂食，所以就叫左幾樣野外賣返屋企慢慢嘆。澄海鹵水鵝🌟118潮洲打冷店，鹵水鵝一定要好味先留得住客。呢度師傅濃郁的滷水，鵝肉入哂味，又腍，連皮食一樣正，唔會太漏。潮洲蠔餅 80有兩大件，炸得好香口又唔覺油膩，蠔仔份量都多又juicy，就咁食又得，點佢比既辣醬仲惹味。反沙芋 88反沙芋我好少食，朋友叫左就試下，原來咁鬼正，用黎做甜品一流。芋頭包住薄薄一層糖霜，外脆香甜，芋頭夠哂腍芋香十足，功夫十足。朋友仲講香港好少食到咁正。

最近疫症關係，又好想食中菜，於是去咗將軍澳澳南海岸嗰邊嘅餐廳搵好嘢食😋💗 其中見到一間中菜廳好吸引，叫做陳儀興，聽朋友講話好出名打冷小炒，超級有獲氣，今次嚟食果然冇令我失望，嘢食超級高質😋梗係叫呢度嘅王牌小食：蠔餅🥰🎉必食推介！蠔餅外層炸到脆卜卜，但又唔會好厚粉，輕輕一層嘅炸粉包住大大隻又鮮甜嘅生蠔🦪食到停唔到口😍脆盞生炒骨酸酸甜甜非常開胃😁 而且好多肉，肉質都好鮮嫩，好嫩口㗎😝滷水拼盤材料好豐富，落足料👍🏻 材料包括大腸、豆腐、紅腸、墨魚、滷水蛋、滷水鴨翼，每一樣食材都好新鮮，而且得好入味，滷水世一😛最後仲叫咗一罐無糖可樂飲到，爽🤣總括來講，今次間餐廳有意外嘅驚喜，食返正宗嘅潮州打冷味道，每樣菜式都好用心製作👍🏻

說起好吃的打冷店，必定有陳儀興份。可說是我在香港吃過最美味的潮州菜，那秘製的滷水濃香，其他小菜炒得又惹味。晚市禁令也無阻食慾。店內空間寬敞，空氣流通，有不少圓桌，格局有點像中式酒家，而且半開放式的廚房掛滿新鮮的燒味，還有生猛海鮮的魚缸。 澄海鹵水鵝 (1/4隻) - $260澄海是內地一個地方，有滷水鵝之鄉之稱。淋上店家秘製熱熱的滷水汁，入味得恰到好處，鹵水鵝肉質軟腍嫩滑，皮帶腍滑，肉汁好豐富，蘸上辣椒醋汁的話，酸酸辣辣又惹味；還有大豆芽菜墊底，一樣入味。撚手蒜香骨 - $95外層酥香味美的蒜香骨新鮮即炸，每件肉厚又熱辣辣，蒜香味好重又不油膩。生炒排骨粒 - $85香濃而酸甜的糖醋汁份量恰到好處，腩排連骨，肉質較嫩滑，還有一粒粒的酸甜多汁的蜜桃。

晚市又禁堂食, 唯有外賣番屋企食…屋企煲個飯, 再係陳儀興飯店買兩個餸搞掂~平時黎到陳儀興飯店都會叫D打冷小菜飲下啤酒, 食下海鮮..好啦~嗌左份澄海鹵水鵝(有骨), 因為本人覺得骨位特別香同埋油脂會多啲鹵水鵝皮薄啖啖肉. 鹵得好入味, 全件鵝都好吸色 仲有Jelly架, 送酒必備!另外叫左份又係大大件啖啖肉嘅生炒骨,由於係外賣關係, 外皮脆度一定爭啲, 但師傅已經將外賣蓋開窿, 盡量焗少啲~生炒骨酸甜度適中, 好開胃又飽肚, 三色椒炒得好出味, 唔係花樽咁簡單另一出色位係一改傳統以桃代菠蘿, 有清新感之外又甜甜地一埸到陳儀興飯店, 順便買埋潮式糖水, 兩款糖水都市面罕有:綠豆清心丸 同手工褔果芋泥兩者都比較甜, 特別合適低血糖人士清心丸好煙韌, 有口感 ; 芋泥好香芋頭味, 大啖大啖咁放入口, 芋泥控一定要試!

又到爆假的時候，既然沒了晚市堂吃了，那就跟朋友去吃個豐盛的午餐吧。不過因為跟朋友跑到老遠的將軍澳吃飯，又吃太飽了，傍晚就打電話回家問要不要買外賣回去就不用煮飯了，媽媽二話不說就好，所以就特意去附近買了一間很有名的潮州菜館買媽媽最喜歡的鹵水鵝了！澄海鹵水鵝（１／４隻）（２６０元）今天挺幸運的，竟然是拿到下裝，有大大隻的鵝腿！鵝真的挺大的一隻，肉很多，而且鹵非常入味，味道很香，而且鵝肉吃起來結實不鬆散，鵝香濃郁，而且鵝肉保留了不少的肉汁，吃起來也挺嫩的，整體質素真的挺高！生炒排骨粒（８５元）小菜都是即叫即炒的，去到裝盒都是非常熱的，真的是夠鑊氣！這個是用上排骨粒去弄的，炸得外脆內嫩，而且肉香味十足，吃起來酸甜惹味，配上白飯來吃，真的能吃幾碗！而且整體份量也挺多的！糯米釀大腸（９８元）媽媽是客家人也有類似的的糯米釀大腸，但這個是潮式口味，就叫一份讓她試試！這個是將釀大腸切成一片片再煎香，內裡放了很多材料，如花生，栗子，香菇，鵪鶉蛋等等，不止這些，但其他吃不出來！因為加了多款材料，又經過煎香，吃起來又香又糯的，大腸又帶點韌性的，吃起來味道鹹香，挺特別的！PS:餐廳環境挺大挺光猛的，坐位也不會太

又回到食外賣的日子，雖然很多食店都有做晚市外賣優惠，但不是每種食物都適合外賣。打冷是冷盤熟食，不怕焗壞，是其中一種合適的食物。陳儀興將軍澳分店開了一段時間，每次經過門外，見到要排隊等位，都打消了幫趁的念頭。是夜等外賣的客人不多，可以一試。鹵水鵝件鹵水食物是打冷的重要元素，是夜叫了鹵水鵝件，很驚喜的是鵝脾。鵝皮皮薄，完整無缺，鵝脾肉嫩多汁，鹵水色澤適中。鹵水鵝件沒有用上豆腐墊底，感覺上比較抵食。韭菜豬紅豬紅入味爽脆，韭菜同樣入味，配飯配粥均佳。沙爹牛肉炒芥蘭沙爹醬濃杰適中，牛肉薄片軟嫩，加上芥蘭苗，是一道簡單下飯的好菜式。