陳儀興玫瑰餐廳

营业中

休息中

人氣小店已經幾十年老字號，主打鑊氣小炒同火鍋，因為太掛住大排檔既風味，所以今次試左佢地幾款小菜環境 ⭐️ ⭐️ ⭐️ ⭐️ ⭐️ 環境乾淨整潔衛生，座位與座位間有足夠空間，非常寬敞舒適，冷氣充足，抽風系統理想，重點係有卡位，坐得舒服❤️服務⭐️ ⭐️ ⭐️ ⭐️ ⭐️侍應服務主動有禮，會主動幫手，上菜速度正常，不用久等食物質素⭐️ ⭐️ ⭐️ ⭐今次點左四款小菜推介📣📣📣薑蔥桶蠔 🦪 手掌般大既桶蠔非常新鮮，炸粉薄而香脆，配合薑蔥爆香，相當惹味金不換潮式炒蜆 味道咸甜適中，能帶出蜆肉既鮮味，火候拿捏得剛剛好，蜆肉不韌蝦乾濃湯浸娃娃菜娃娃菜掛上濃湯，非常清甜，不油不膩，清淡之選，蝦乾甘香，送飯一流鐵板薑蔥啫啫魚標鐵板上菜功架十足，香氣撲鼻，可惜魚標overcooked ，略帶韌，有點失色，但小菜岀色，夠穫氣，每啖都充滿著大排檔既風味😋期待下次試小店的花雕醉雞鍋

我哋一家都好鍾意去新蒲崗食飯，今次試玫瑰餐廳陳儀興抵食、用料新鮮、小炒高質，重點係唔收茶芥加一😂今次試佢嘅花雕醉雞鍋 $148湯底用上紅棗、南棗、杞子、黨參、川芎等藥材加埋花雕，仲有半隻雞，真係超級補氣血🔥火旺人士慎用隻雞真係好好食，肉質鮮嫩有雞味，千祈唔好滾到overcook頭幾件我哋都係浪費咗，慢慢調節，先至品嚐到最好味嘅狀態！食雞煲打邊爐就係咁嘅哲學～加$48就有安格斯 · 肥牛好新鮮，高質👍🏻除咗火鍋仲有小菜～見到poster實在太吸引百花釀大腸 $118街頭橙色炸豬大腸，釀左墨魚膠炸到好香脆，點埋個甜酸汁真係好好味！大家都一致驚喜豉汁蒸脆腩 $98媽子好想食所以點嘅，我冇期望，所以超驚喜🤩😂明明係真嘅，但佢又真係好脆😂入晒味，下面仲有好多豆卜其他小菜，例如魚標、九肚魚、鮮魷，我哋想食嘅都賣晒😂下次早啲嚟啦至於其他火鍋配料鮮鵝腸 $98 肥美爽脆炸魚皮響鈴雙拼 $43 姐姐話係新鮮炸起，又真係特別香脆黑松露墨魚丸 $98有八粒，食到好香黑松露味又食到粒粒墨魚肉👍🏻唔知係個鍋底鹹定係本身調味，味道鹹咗啲蓮藕片 $22 超級鮮甜，好正女士多食蓮藕好好㗎皇帝菜 $32 呢個時候冇茼蒿

新蒲崗的玫瑰餐廳陳儀興，除了港式手工火鍋，還有精美鑊氣小菜、時令海鮮……，今晚我就揀了食小菜。餐廳裝修都寬敞舒適Menu菜式頗多選擇芫茜蠔仔炒蛋$88蠔仔炒蛋用鐵板上，上枱還吱吱的響，熱辣辣好有鑊氣感，裏面有非常多的牙菜、芫茜、蔥，所以整個蠔仔炒蛋都好香口~~啫啫豬潤雞煲 $88 啫啫雞煲雞肉切得頗大件，醃得好入味，裏面有豬潤、芫茜、蔥、乾蔥、蒜粒及青椒……等等做為配菜，令整個雞煲都好惹味~~西蘭花炒鮮魷$148西蘭花吸收了高湯及鮮魷的鮮味，腍中帶爽，好清爽。魷魚切得不是很大件，整個小炒味道頗為不錯，頗鮮味。食小菜配返個檸檬可樂，大大杯，酸酸甜甜，冰冰涼涼，這個大熱天就最正了~~~

同男朋友去左mikiki 行街， 行完佢話想食雞煲加打邊爐，記得之前同朋友去過玫瑰陳儀興食雞煲平靚正，所以今次帶男友黎試下。佢地新出左個魔鬼牛雜雞煲，2個人order左半隻，我地唔太食得辣，所以叫左微辣。上枱時已經香氣撲鼻，有大量嘅芫荽同蔥鋪面😍😍雞同牛雜入份量都唔小， 好足料。雞煲汁辣度岩岩好，牛雜有肚、大腸、牛肺等位置，勁入味，雞肉肉質好滑彈牙，整體好惹味 。牛雜雞煲仲送新鮮生菜，食完可以免費加芫茜湯打邊爐，岩哂我呢個芫荽控，勁抵食呀👍🏻👍🏻食完個牛雜雞煲都已經有7成飽，但又真係好想用芫荽湯底打吓邊爐，所以我地主要叫豆腐響鈴淮山唔太飽肚既食物😜呢道火鍋配料價錢都唔貴，仲有好多選擇，可以加$5雙拼，一次過滿足想食幾樣野既願望，非常貼心。打邊爐當然要叫番大大杯既鹹檸七， 今餐真係大滿足🥰

已經唔係第一次嚟陳儀興打邊爐，我記得上次食過一次佢嘅三黃雞之後，係俾佢隻三黃雞驚豔火鍋當中，港式同台式係最令我著迷呢間港式邊爐，火鍋配料唔單止港式地道，亦都有鮮見既，例如鬼馬墨魚膠（油炸鬼墨魚膠）、鮮雞子、魚標、豬粉腸、豬腰、豬潤雖然好多唔常見叫配料都想試，但因為今次同朋友得兩個人，就先黎試試牛骨髓同埋花膠仔☺️就係呢隻三黃雞令我對佢念念不忘💓平時你可能會覺得呢句好廢，但呢隻三黃雞真係完美演繹咩叫食雞有雞味！雞味洋溢，肉質滑嫩，會係我再黎既原因😗半隻花雕醉雞鍋餐+$48就有埋安格斯牛牛味好濃！完全超乎我預期😍😍牛骨髓既口感好似食緊豆腐，好滑加埋花膠仔一齊打邊爐，我地兩個女人仔呢餐真係超級進補🥰🥰飲品依然係大大杯！一杯等於兩杯既份量無理由唔點☺️我係港式鴛鴦愛好者！

聽朋友推薦陳儀興好正，佢話火鍋好食，食個鍋底已經夠開心又夠飽，於是乎就book枱食下。今晚黎到，以為係潮州野個幾間店，佢原來又有潮州菜，又有米線，又有火鍋，八足咁多爪。如果你同樣黎食，記得係另一條街先正確，唔係新九龍廣場個邊。入到黎，好夠冷氣，餐廳好大，係麻甩少少，但坐得好，一定食得開心。有火鍋有小菜，剩係鍋底都勁多選擇。呢個牛雜雞煲，朋友推介我食，開頭我都唔信，食落去真係非常大份，佢嘅牛雜好足料，乜嘢部位都有，個人最鍾意牛腸。雞你可以揀半隻同一隻。我貪心揀咗一隻，非常多，而且佢嘅雞都切得比較大件，最正嘅係佢夾埋啲汁嘅味係非常之一流。你可以選擇加芫荽湯底，仲要唔使錢就可以打邊爐，不過我今晚就加清湯同水。加完之後打邊爐特別正，我選擇左紅薯粉，嗰陣大陸味真係好夾。另外我點咗兩個火鍋料，韭菜餃係超級大推，勁大隻非常之足料。麻辣餃就幾特別，肉肉感強烈。每個煲都會奉上個菜，我再叫了點菜送，加落個湯到，特別辣同正。最後都試下過小菜，可惜夜左，我點了個墨魚餅，都唔錯，下次可以飲啤酒，食小菜。

之前去過陳儀興玫瑰餐廳食早餐 一直都想試吓夜晚嚟食下小菜👅 今晚去到見到佢哋推出左新嘅魔鬼牛什雞煲 忍唔住要試下🤩2個人食叫左半隻雞 仲送一份生菜🥬 好快就上菜 滾2滾加熱就食得👅 第一樣要讚嘅係份量真係超足 好耐無試過可以放任食牛雜🤤 叫左bb辣 覺得岩岩好 夠麻 有辣味又惹味😋 牛雜超入味 好香濃 鍾意食牛雜嘅朋友一定要試‼️‼️ 半隻雞嚟講真係超大隻 每一件雞件都好滑 就算食到尾都唔會老 又夠入味👅食完雞煲就可以加湯打邊爐 叫魔鬼牛什雞煲可以免費升級加多多芫荽湯底🤣 不過我哋並非芫荽愛好者 所以就揀返普通湯😆 揀咗幾款火鍋配料 包括自家手包韭菜餃拼魚皮餃 超正牛爽肉同埋特式鵝紅🤤 3樣都推薦比大家！自家手包韭菜餃拼魚皮餃韭菜餃餡料十足大大粒 香濃韭菜味道👍🏻 魚皮餃亦都係高質版本 外皮煙煙韌韌好好食😋 超正牛爽肉唔係周圍都食到 牛爽肉相信係牛舌嘅部位 食落非常爽口😍 特式鵝紅又係比較少見 口感介乎於鴨血同豬紅之間 浸完係麻辣湯底之後好入味非常好食😋 呢度嘅性價比真係好高 好食之餘又唔貴 大家不妨一試🌟

前排放工同咗同事黎呢間火鍋店打邊爐，食完真心覺得幾正，而且埋單又唔貴，仲要唔洗加一服務費，所以真係要推介一下。💯因為自己唔食辣，所以我地叫咗滋補花雕鷄湯底 (半隻)，花雕鷄湯底相當足料，上枱時香到爆炸。半隻雞係另上嘅，雞件肉質幾嫩滑。安格斯肥牛 ($48) : 只係加 $48 蚊就有唔加就笨，睇雪花紋同色澤就知係正野嚟。招牌手切肥牛 ($208/細) : 擺盤幾精美 😍 而且份量都唔少，唔似外面啲餐廳擺盤係好靚但係得幾塊，手切肥牛非常新鮮，肉味濃郁。鵝腸 ($98) : 相當肥美大條 😍 而且洗得非常乾淨。三菇拼盤 ($48) : 自己幾鐘意食菇類，呢個拼盤啱哂我。松露墨魚丸 ($98) : 果然冇推介錯，濃郁嘅松露味，加上爽口彈牙嘅口感，真係打邊爐名物。😍😍自家手包韮菜餃、鮮蝦雲吞 ($48/雙拼) : 兩款餃都超級大粒非常飽滿，啲餡料多到瀉咁滯 😍 必食推介。潮州手打牛丸 ($68) : 手打牛丸幾多汁幾正，唔似啲冰鮮丸口感咁實。響鈴卷 ($38) : 響鈴即叫即炸，油炸技術唔錯，脆卜卜之餘唔油膩。

新蒲崗都幾多美食，今次嚟到陳儀興玫瑰餐廳食雞煲打邊爐～～環境闊落有卡位有大枱～先嗌半隻花鵰酒調味嘅醉雞鍋～雞件份量夠晒食，啖啖肉，肉質嫩滑有彈性，湯底濃郁，好養生～有個「好事成雙」價，加$48就可以有一碟安格斯肥牛，份量唔細，切得厚薄適中，肉味濃，唔會鞋口～另外，order咗啲火鍋配料，手打三寶丸，有鯪魚球、豬肉丸同蝦丸，有嚼口～黑豚肉幾爽彈～水魷ok, Q彈~響鈴脆口～蟹子墨魚滑呢個good~鮮甜好味～可樂冰底透心涼～

今日喺新蒲崗放工見差唔多又係晚飯時間，所以就係附近搵吓有咩嘢食，有啲想打邊爐所以就叫埋同事一齊去。上網睇見呢間餐廳嘅評價幾高，而且又有幾多好評，而且近期主打嘅魔鬼牛雜雞煲又幾吸引，所以就決定食呢間，可惜同事唔食辣，魔鬼牛雜雞煲唯有下次再試。叫咗滋補花雕鷄湯底 (半隻) 補一補身 😋 湯底上枱時香噴噴，搞到我即刻好鬼肚餓 🤤 半隻雞真係大隻，雞肉肉質幾嫩滑，呢家叫花雕醉雞鍋重可以用 $48 蚊嘅優惠價，加配安格斯肥牛真係超級超值。安格斯肥牛 ($48) : 雖然係跟湯底加配嘅肥牛，但係質素一啲都唔差。招牌手切肥牛 ($208/細) : 見到個款都知正 😍 手切肥牛非常新鮮，而且牛味濃郁，兩個成人食都非常夠。鵝腸 ($98) : 果然同餐牌個名一樣真係超肥鵝腸 🤤 鵝腸洗得好乾淨，鵝腸上嘅油脂同本身嘅爽脆口感，所以食起嚟油中帶脆。🤤🤤炸薯角 ($22) : 熱辣辣又香口，就咁食又得，放入去湯底吸收下啲湯嘅精華再食又得。😋凍檸樂 ($18) : 食啲咁熱辣辣嘅嘢，當然要飲番杯凍飲嚟爽一爽。

📍 陳儀興玫瑰餐廳🌍 新蒲崗爵祿街33A-37A號百勝工廠大廈地下33A-37A Tseuk Luk Street, Victorious Factory Building, San Po Kong📝 整體評分：9／10有個伙記勁nice，可能係太早黎到比較照顧到，仲勁熱情咁教我地拎生菜去炒係最正既食法。🥢魔鬼牛雜雞煲🥢 $288 / 半隻雞一煲兩味正呀，好少又有牛雜又有雞煲。醬汁香濃惹味，麻香十足雞件乾炒逼出油先係精髓牛雜有牛肚牛肺牛腸最正緊係牛肚爽又入味。🥢鹹魚蓮藕煎肉餅🥢 $78肉餅好有口感，特別係蓮藕粒粒既爽脆，煎得香脆又有肉汁，可惜在佢話鹹魚蓮藕煎肉餅，但唔太覺有鹹魚味。🥢豆腐雙腩煲🥢 $88炸魚腩同燒腩仔，炸魚腩外皮脆脆地又唔腥，豆腐又軟滑，食完個雞煲再食雙腩煲會覺得淡左D，下次要由淡食重濃先得。

性價比：⭐️⭐️⭐️⭐️回頭率：⭐️⭐️⭐️⭐️最愛雞煲!當小菜食又得，心血來潮變咗邊爐都得。蜜椒薯仔牛柳粒鑊氣之選,薯仔走過油外脆內軟,牛柳粒軟淋, 黑椒汁帶甜惹味魔鬼牛雜雞煲（一只$428）可以叫半只, 但牙家半只一定唔夠分,上枱時候有大量嘅芫荽蔥鋪面, 撈勻嘅時候就見到好多雞同埋牛雜, 大大煲, 牛雜有牛肚牛蒡牛肺牛腸...雞煲汁香辣少麻, 食完之後就決定加湯做邊爐鍋火鍋配料選擇算多, 一定要叫招牌手切肥牛同埋牛柳粒, 有少少肥嘅牛肉同麻辣醬汁係好夾仲叫咗鬼馬墨魚膠, 呢個又係同麻辣超夾嘅一樣火鍋料, 墨魚膠一陣就食得, 油炸鬼就用嚟吸收湯汁。推介嘅仲有彈牙嘅牛肉丸！

幾個麻甩佬食飯，唔係打邊爐就係雞煲，揀咗新蒲崗呢一間陳儀興玫瑰餐廳，主打小菜、雞煲火鍋。魔鬼牛什雞煲（跟唐生菜）雞煲就食得多，加埋牛雜就第一次食，大家都係雞煲怪，所以就叫咗一隻！平時都係食開五香牛雜，估唔到雞煲嘅辣汁同牛雜都幾夾，份量都幾多，雞件肉質嫩滑。叫咗中辣，辣度啱啱好小小麻，惹味。食完雞煲之後就可以叫店員加湯打邊爐。牛MoreMore：招牌手切肥牛/ 牛爽肉招牌手切肥牛牛頸脊，非常之軟腍。牛爽肉即係牛舌，爽口。餃很掂系列：韭菜餃韭菜餃係非常之飽滿，大大粒，非常足料今朝早炸魚皮同埋響鈴卷，兩款都係浸一浸湯就可以食咗好主要都係為咗個湯汁🤭凍檸茶除咗汽水之外，佢哋仲有大大杯檸茶飲，邊食雞煲打邊爐邊飲就非常爽

放工後約左朋友去新浦崗食飯，突然朋友話好想去食下雞煲，咁眼前見到有間叫” 陳儀興玫瑰餐廳”見到餐牌果雞煲相唔錯喎一於同朋友去試下佢係米真係咁正。入到去” 陳儀興玫瑰餐廳”內的環境有啲似大牌擋Feel，比我諗返起細個時同家人都屋企樓下大牌擋食飯的兒時回憶，真係好鬼懷念呀。咁我同朋友就叫左佢地果Hot魔鬼牛雜雞煲，我地就叫左少辣，啲牛雜真係好入味，而雞肉都好滑溜，同埋果雞煲的分量都好足夠了，同埋好少可以食到牛雜。我地再叫左果安格斯牛柳粒及魚皮餃，牛肉味勁濃，加上肥瘦比例啱啱好。最後真係要推介大家一定要叫杯凍檸茶，佢勁大杯係用巨型的啤酒杯的超抵飲。

食雞煲個麻辣汁真係好重要，早排食咗呢度個魔鬼牛雜雞煲，醬汁味濃而且辣味夠，配料嘅辣椒、乾蔥、紫洋蔥等份量又多又新鮮，而雞件亦幾嫩滑，牛雜嘅牛肚好爽，撈埋醬汁好惹味呀！！ 🤤食完魔鬼雞煲仲可以免費升級多多芫茜湯底打邊爐，目測係用芫茜醬加湯製成，清一清無咁熱氣，由於雞煲味道太搶，同比較清淡嘅芫茜湯對比都幾大。而餐廳火鍋配料選擇都幾多，價錢好吸引，有啲配料仲可以加錢雙併。😆大大力讚魚皮，熱辣辣出爐，脆卜卜好味呀！另外點咗自家手包韮菜餃及鮮蝦雲吞，韮菜餃外皮有少少厚，而雲吞隻蝦幾大隻，好足料味道都錯。 👍👍除咗港式雞煲＆火鍋，餐廳亦有多款精美小菜都好吸引，性價比亦高。另外餐廳店員非常親切，會好主動加湯、換碟，抵讚。整體座位都夠闊落，坐得舒服。☺☺最可惜食完半隻雞煲已經飽咗一大半，試唔到呢度嘅靚牛肉，下次有機會都想試下佢地嘅小菜。😉