陳儀興玫瑰餐廳

营业中

休息中

竟然冬天沒有吃過雞煲，忽發奇想走到新蒲崗試試朋友推薦的牛什雞煲，一煲內有齊我愛的麻辣和牛什，正合貪心的我之意。想不到牛什加雞煲效果不錯，香口惹味，牛膀吸收了辣汁非常滋味，喜歡吃內臟的不要錯過。吃過雞煲後 點了個芫茜湯底吃火鍋，配料選了手切牛，牛魔王朋友大舉姆指，新鮮重肉味，三兩下就給我們吃清光。小食椒鹽雞軟骨也不錯，配啤酒一流。另外炸響鈴、炸芋頭是火鍋恩物，熱氣之選😝立即喝枝五花茶，大滿足的一餐。

新蒲崗曾經係香港嘅工業重鎭，時移世易雖然工業不在，但仍然留低好多美食，價廉物美！當年老竇都好鍾意帶我去新蒲崗爵祿街搵食，因為佢工廠就喺附近，嗰陣時已經識得食 陳儀興，玫瑰餐廳 煲仔小菜都好出名。魔鬼牛什雞煲 半隻雞 ＄288 陳儀興魔鬼牛什雞煲超級正，鍾意食牛雜嘅朋友唔好錯過！平時食一碗淨牛雜都要過$150，呢度二百幾蚊已經有勁大份量，送飯一流。牛雜非常惹味，真材實料，牛肚、牛腸、牛潤、牛肺，大大件，我對內臟唔係咁大興趣，都覺得好好食，最緊要材料新鮮，食得出濃郁的牛香味。雞件亦都讚不絕口，吸收了醬汁的精華，肉滑多汁，半隻雞份量很多，加上配料，伴飯食冇得頂。免費升級多多芫荽湯底加埋個多多芫荽湯底非常好，好多芫荽，又食又可以飲湯，然後慢慢打邊爐傾偈。特選火鍋配料鮮蝦雲吞 $48大大粒鮮蝦，彈牙爽口，雲吞皮薄餡靚，出色。新鮮滑牛 $58最鍾意食新鮮滑牛的口感，肉質鮮嫩，沾上生熟蒜蓉醬汁非常可口。手打薯粉 $18手打薯粉入口滑嘟嘟，吸收了醬汁精華，而且份量非常足。日式芥末蒿荀片 $48估唔到日式芥末咁勁，蒿荀片好似辣辣壽司邊個食咁，食到我流晒眼淚。建議鍾意食 Wasabi 先好挑戰。玫瑰小炒皇

又係麻甩雞煲時間😜今次去玫瑰餐廳試，見有個牛雜雞煲比較特別,一於試呢個！🥢魔鬼牛雜雞煲 半隻$288一隻$428分量好多，強烈建議兩至三人叫半隻足夠。食得辣既，可以好似我咁叫中辣（其實都唔係好辣😜）牛雜有牛肺、牛膀、牛大腸、牛竹腸、草肚、金錢肚，樣樣入味，最鐘意佢牛肺大大舊，可以大大啖咬，食得夠爽！仲送咗盤生菜，有菜食下健康少少！一邊雞煲，仲嗌咗個小菜一邊食。🥢椒鹽百花大腸一碟有10件，係切半左既炸大腸上面釀墨魚滑，炸大腸勁脆！墨魚好彈牙！好香嘅椒鹽，配埋個特制橙色醬汁冇得頂！唔係度度有既野，黎到呢度真係要試！大大力推介！食完雞煲，仲可以加湯繼續打邊爐。因為我地嗌既係魔鬼牛雜雞煲，所以可以免費升級多多芫茜湯底，芫茜控啱曬，豐富嘅芫茜仲有幾嚿豆腐。店員其實有話換過個煲畀我哋打邊爐嘅，但我地因為免得麻煩，就叫啲湯直接倒落個雞煲底就算。後來發覺其實咁樣就唔係好食到啲芫茜味🤣所以芫茜控記得分煲打邊爐🤣打邊爐配料都唔貴，有啲仲可以嗌雙拼，於是我哋叫咗個🥢豬潤拼豬腰，同脆鯇魚片脆鯇魚片唔使烚好耐，魚肉變白捲曲就得，新鮮！口感堅脆！ 又厚肉無骨！呢個又係必叫推介！一路食當然一路啤啦，🍺🍻呢度青島$2

估唔到三月溫度都仲係咁低當然唔可以唔捉緊「冬天」的尾巴啦上次食過將軍澳陳儀興食潮州菜都幾滿意一直都想試下佢地新蒲崗分店除咗一般嘅潮洲菜外，佢地呢間主打邊爐適逢佢地仲有雞煲供應，當然唔可以錯過落單嘅時候店員無問要食曬雞煲再後上邊爐料搞到啲邊爐野一早就到曬哈哈𓂅 魔鬼牛什雞煲 (ᴴᴷᴰ 288/ 半隻)我地選擇了bb辣🌶️，不太吃辣的都吃得到，不過自己就嫌雞煲味道本身唔夠濃郁，勝在佢嘅雞、牛什料都幾足；食完再加湯打邊爐，慢慢煲番個辣香出嚟～𓂅 安格斯牛肉 (ᴴᴷᴰ 228/ 大)牛肉片相對厚身但夠曬牛味，安格斯本身唔會太肥🥩𓂅 芫荽蠔仔炒蛋 (ᴴᴷᴰ 78)見到隔離枱點我地有點，但佢同傳統潮州蠔餅不一樣，呢到係用大量洋蔥去炒蛋跟蠔仔，在放上鐵板上保持溫度，第一次食都幾搞嘢𓂅 潮洲手打牛丸 (ᴴᴷᴰ 68)朋友挺喜歡的菜點，夠曬彈牙有力，又唔會太多筋𓂅 脆鯇魚片 (ᴴᴷᴰ 58)我自己本身麻麻脆鯇，但呢到嘅夠曬彈牙唔錯

呢幾日天氣開始暖和返好多，不過一入夜，又開始涼涼哋‼️原本打算簡簡單單食個小菜就算，點知見到隔離枱食緊「御前極品冬瓜盅」，看似好吸引當中有鮑魚，花膠，海參，用雞湯浸熟雞湯係極鮮甜既我已經即時飲左幾碗「芥末炒牛柳粒」牛柳粒炒得啱啱好，食落一啲都唔鞋但就略嫌芥末味有d濃，我個鼻都被嗆左幾次呢個餸用嚟送飯一流「金磚豆腐」呢個外皮夠薄脆，再加上金蒜舖面，非常香口而且份量非常足但可惜我飲完湯已經好飽，所以我倆食吾晒‼️「御前極品冬瓜盅」真係好值得嚟食凍檸芬即係芬達橙汁汽水

都好耐冇嚟呢度食飯，見到佢哋最近有新菜式，所以今晚可以試吓。7點左右去到，差唔多都爆滿。極品冬瓜盅，份量材料足料，有一大個冬瓜，上面有4隻鮑魚及海參，另外，冬瓜中間有¼ 份隻雞，湯底亦十分鮮甜，我都飲了差不多4碗湯。黃金魚皮，鹹蛋黃唔算好鹹，魚皮炸得夠薄脆，用嚟送啤酒10分合適。潮式墨魚餅，食落同泰式墨魚餅都接近，墨魚好彈牙好有咬口，墨魚餅有好大件，外皮炸得香脆。日式芥末萵苣片，萵苣新鮮爽脆，配合芥末食，可以減少佢嘅草青味。豉汁蒸脆鯇，一向脆鯇都係打邊爐食，原來用豉汁蒸到一樣咁好味，脆肉鯇好爽口，有夠肥美，脂肪感十足。

這間玫瑰餐廳陳儀興一向出名火鍋及雞煲，食左好幾次都沒有令我失望。今日兩個人就唔打邊爐，就食他們的極品冬瓜盅，雖然係四位用，但因為沒有再叫配料打邊爐，食完整個冬瓜肉，其實已經好夠飽。這裡的冬瓜盅可以給客人打邊爐作湯底用，所以不是原個冬瓜上，半個冬瓜浸於濃雞湯中，舖上爽口鮑魚，海參，花膠，中間仲有幾件滑身雞件，十分足料，雞濃湯十分香甜，冬瓜肉滾至淋身，清甜多肉。多人食的話，可以追加配料打邊爐。另外點了一客蜆芥鯪魚球，蜆蚧醬確實有泥蜆在內，咸咸香香。鯪魚球炸得乾身不油膩，口感爽彈，內邊還食到些蝦米，送酒一流。

📍 陳儀興玫瑰餐廳🌍新蒲崗爵祿街33A-37A號百勝工廠大廈地下33A-37A Tseuk Luk Street, Victorious Factory Building, San Po Kong📝整體評分：8／10同屋企人食過幾次，次次都食小菜，今次兩個人就試下唔同野。🥢極品冬瓜盅🥢鮑魚、海參、花膠各4件，有啲比跌左落湯內，無夾返起影相😂一大圈冬瓜中間有雞件。鮑魚咬落去會慘汁，入到味喎！湯色奶白，雞味唔重，主要係好鮮甜～ 🥢 蜆芥鯪魚球🥢鯪魚肉裡面係有粒粒蝦米，鯪魚球爽彈，用料好足。個醬汁勁鹹鮮，用左薑絲，蔥段同埋芫茜，不過未必個個接受到隻味。

今日，朋友生日，專登帶佢去新蒲崗陳儀興玫瑰餐廳一試佢地小炒。招牌冬瓜盅：冬瓜盅有4隻鮑魚和海參做主菜，加上原隻雞去整，食落不但雞味濃厚，而且海鮮味十足，加上清甜冬瓜肉，實在必叫。美國手切肥牛：肥牛肉質鮮嫩，紋理幼滑，食落牛味香濃，加上雞湯，令到牛肉味更濃烈。避風塘炒粟米：實在十分惹味的避風塘炒料，食落麻香十足，加上粟米鮮甜，令到麻味好快消失。總括來說，這裡空間闊大，食物又大份量，實在係同朋友慶祝生日的好地方。

位於新蒲崗爵祿街的「玫瑰餐廳」經常人頭湧湧，人氣旺盛的必要條件，當然是有美味的食物啦！特色雞煲、火鍋、小菜……都非常惹味。 餐廳地方寬大光猛，座位舒適，可以比客人慢慢品嚐美食。自製醬料「魔鬼牛雜雞煲半隻」$288牛雜有牛肚、牛肺、牛蒡、牛腸，加埋嫩滑的雞肉，非常豐富惹味，喜歡吃牛雜的朋友一定要試啊！送酒一流吃完雞煲，可以用原煲加湯打邊爐，或者免費轉芫茜湯底，芫茜湯底有很多芫茜，還有豆腐、皮蛋，食完濃味的牛雜雞煲，再用清湯打邊爐，好正。火鍋的配料很新鮮，人少可以選雙拼，只需加5元就可以吃到不同種類的食物，份量都很足夠。「魚片」$58「芫荽粟米餃」$48「滑牛、竹笙」$63「墨魚卷、蝦肉捲」$53「蜆蚧鯪魚球」$72鯪魚球有六粒，炸得外脆內軟，不用點蜆蚧醬都夠味。「圓肉紅棗薏米水、五花茶」$20自家製的飲品有4款選擇，夠晒健康。

新年就到，每年都會同屋企人一家人一齊食盆菜，盤菜象徵合家團圓，預示豐衣足食、賺到盆滿缽滿💰💰今年order咗陳儀興迎春發財鮑參盆，同屋企人、親戚朋友一齊品嘗迎新年佳節🎉🎉❤️盆菜材料好豐富❤️👇🏻香扣鮑魚、蠔皇花膠、香扣沙井蠔 🦪、柱候豬手、貴妃雞、白灼大蝦🍤、潮式滷鴨、濃炆玉掌、厚肉北菇、上湯髮菜、原粒柱甫、秘汁腩仔、清甜蘿蔔、 爽脆蓮藕、嫩滑枝竹、黃金芋頭、金黃魚蛋🍡，田園青菜🥬🥦…唔止材料豐富、而且好入味，豬手同鵝掌都炆得好腍😋😋🎁而家訂盆菜仲送陳儀興自家港式蛋卷(原味/香葱味) 馳明酒店師傅👨‍🍳全程監督生產製作、一盒入面再有一包包獨立包裝，蛋卷佈滿蜂巢狀、好鬆化、蛋味超香💯💯再配埋佢秘制嘅辣椒油，好香花椒味，麻麻辣辣，食落去真係會刺激你味蕾，越食越想食😍😍

爸爸生日， 佢好想試下盤菜😜， 同時遇上團年飯， 當然要興祝一下啦😍。 今次試下這間（5⭐️最高）整體評分：5⭐️1. 服務分面：員工有禮， 小心及仔細幫我放入個保溫袋內。 醬汁分開，如果需要， 可以幫手call 車👍🏻2. ❤️材料：超足料， 因為比較少見盤菜同時鮑魚、瑤柱同時出現。材料包括：香扣鮑魚、蠔皇花膠、柱侯豬手、秘汁腩仔、紅炆沙井蠔、上湯髮菜、貴妃雞、潮式滷鴨、爽脆蓮藕、原粒柱甫、濃炆玉掌、白灼大蝦、厚肉北菇、清甜蘿蔔、嫩滑枝竹、黄金香芋、魚蛋、青菜😍😍💕3. 甜道： 好入味而不叫油膩， 平時食盤菜， 底部一定「十級油」🤪，相比起我之前食既， 這只是「3級油」， 所以無甘油膩😉👍🏻4. 價錢： 貼地及超價， 一個價錢， 而家仲有蛋捲及辣椒醬跟埋👍🏻👍🏻⋯⋯開年飯又多一個選擇啦🥰

爸爸生日， 佢好想試下盤菜😜， 同時遇上團年飯， 當然要興祝一下啦😍。 今次試下這間（5⭐️最高）整體評分：5⭐️1. 服務分面：員工有禮， 小心及仔細幫我放入個保溫袋內。 醬汁分開，如果需要， 可以幫手call 車👍🏻2. ❤️材料：超足料， 因為比較少見盤菜同時鮑魚、瑤柱同時出現。材料包括：香扣鮑魚、蠔皇花膠、柱侯豬手、秘汁腩仔、紅炆沙井蠔、上湯髮菜、貴妃雞、潮式滷鴨、爽脆蓮藕、原粒柱甫、濃炆玉掌、白灼大蝦、厚肉北菇、清甜蘿蔔、嫩滑枝竹、黄金香芋、魚蛋、青菜😍😍💕3. 甜道： 好入味而不叫油膩， 平時食盤菜， 底部一定「十級油」🤪，相比起我之前食既， 這只是「3級油」， 所以無甘油膩😉👍🏻4. 價錢： 貼地及超價， 一個價錢， 而家仲有蛋捲及辣椒醬跟埋👍🏻👍🏻⋯⋯開年飯又多一個選擇啦🥰

今日約左屋企人去陳儀興玫瑰餐廳食晚餐，佢地有款「魔鬼牛什雞煲」，好似幾特別，所以叫左煲試下。魔鬼牛什雞煲 - 出面雞煲食得多，牛什煲真係比較少見，因為我唔算好食得辣，所以我地揀左小辣。一上台就聞到好香，牛什份量好多，牛腸、牛肚、牛膀同埋牛肺，因為有預先醃過，所以好夠味。我地要左一隻雞，雞肉夠嫩滑唔會鞋口。食完牛什煲之後，我地另外點左幾款打邊爐配料：魚皮餃皮饀靚、蒙古羊肉唔會羶、花膠仔夠軟滑、新鮮魚標爽脆、生菜新鮮脆綠。總括黎講，牛什煲好出色，價錢唔貴，值得一試。

今日揀咗一間喺新蒲崗夾雜於住宅同工廠區嘅小菜火鍋店，佢個名叫玫瑰餐廳。揀佢嘅原因係因為佢有一個好吸引人嘅菜式叫”魔鬼牛什雞煲”。嚟到嘅時候發覺佢鋪面嘅裝修有啲似日本居酒屋，入夜之後門口重可以泊車喎呢度地方好乾淨座位又寬敞，有卡位又有圓枱。坐低見到除咗魔鬼牛什雞煲之後，重有羊腩煲，烤魚同冬瓜盅添。由於我地得兩個人，為咗唔好浪費食物，我點咗半隻魔鬼牛什雞煲中辣，脆骨腩，細嘅手切牛肉，水魷魚併豬腩肉，重有我哋至愛嘅芫茜同凍檸樂。首先講吓個魔鬼牛什雞煲，佢嘅味道好特別好濃烈嘅雞煲味道，混埋牛什一齊食令到牛什提升咗又好味咗咁嘅價錢食到呢種享受真係不得了手切牛～嚟到嘅時候賣相已經滿分油花分布均勻，重好濃濃牛味脆骨腩～食脆骨腩首要條件係要夠脆呢點大家都唔需要懷疑，我好似食緊薯片咁豬腩肉～賣相唔錯重有厚厚嘅豬肉味水魷魚～新鮮彈牙