影片
更多
2023-03-19
135 浏览
又係麻甩雞煲時間😜今次去玫瑰餐廳試，見有個牛雜雞煲比較特別,一於試呢個！🥢魔鬼牛雜雞煲 半隻$288一隻$428分量好多，強烈建議兩至三人叫半隻足夠。食得辣既，可以好似我咁叫中辣（其實都唔係好辣😜）牛雜有牛肺、牛膀、牛大腸、牛竹腸、草肚、金錢肚，樣樣入味，最鐘意佢牛肺大大舊，可以大大啖咬，食得夠爽！仲送咗盤生菜，有菜食下健康少少！一邊雞煲，仲嗌咗個小菜一邊食。🥢椒鹽百花大腸一碟有10件，係切半左既炸大腸上面釀墨魚滑，炸大腸勁脆！墨魚好彈牙！好香嘅椒鹽，配埋個特制橙色醬汁冇得頂！唔係度度有既野，黎到呢度真係要試！大大力推介！食完雞煲，仲可以加湯繼續打邊爐。因為我地嗌既係魔鬼牛雜雞煲，所以可以免費升級多多芫茜湯底，芫茜控啱曬，豐富嘅芫茜仲有幾嚿豆腐。店員其實有話換過個煲畀我哋打邊爐嘅，但我地因為免得麻煩，就叫啲湯直接倒落個雞煲底就算。後來發覺其實咁樣就唔係好食到啲芫茜味🤣所以芫茜控記得分煲打邊爐🤣打邊爐配料都唔貴，有啲仲可以嗌雙拼，於是我哋叫咗個🥢豬潤拼豬腰，同脆鯇魚片脆鯇魚片唔使烚好耐，魚肉變白捲曲就得，新鮮！口感堅脆！ 又厚肉無骨！呢個又係必叫推介！一路食當然一路啤啦，🍺🍻呢度青島$2
今次去玫瑰餐廳試，
見有個牛雜雞煲比較特別,一於試呢個！
🥢魔鬼牛雜雞煲 半隻$288一隻$428
分量好多，
強烈建議兩至三人叫半隻足夠。
食得辣既，可以好似我咁叫中辣（其實都唔係好辣😜）
牛雜有牛肺、牛膀、牛大腸、牛竹腸、草肚、金錢肚，
樣樣入味，最鐘意佢牛肺大大舊，可以大大啖咬，食得夠爽！
仲送咗盤生菜，有菜食下健康少少！
一邊雞煲，仲嗌咗個小菜一邊食。
🥢椒鹽百花大腸
一碟有10件，
係切半左既炸大腸上面釀墨魚滑，
炸大腸勁脆！墨魚好彈牙！
好香嘅椒鹽，配埋個特制橙色醬汁冇得頂！
唔係度度有既野，黎到呢度真係要試！大大力推介！
食完雞煲，仲可以加湯繼續打邊爐。
因為我地嗌既係魔鬼牛雜雞煲，
所以可以免費升級多多芫茜湯底，
芫茜控啱曬，
豐富嘅芫茜仲有幾嚿豆腐。
店員其實有話換過個煲畀我哋打邊爐嘅，
但我地因為免得麻煩，
就叫啲湯直接倒落個雞煲底就算。
後來發覺其實咁樣就唔係好食到啲芫茜味🤣
所以芫茜控記得分煲打邊爐🤣
打邊爐配料都唔貴，
有啲仲可以嗌雙拼，
於是我哋叫咗個
🥢豬潤拼豬腰，同脆鯇魚片
脆鯇魚片唔使烚好耐，魚肉變白捲曲就得，
新鮮！口感堅脆！ 又厚肉無骨！
呢個又係必叫推介！
一路食當然一路啤啦，
🍺🍻呢度青島$24，黑啤$35。
我哋其實係一支一支咁樣續住叫，
不過好驚喜抵讚既係，
佢畀個冰桶我呀！😳😍
服務好好！
食完埋單俾錢，
見到張單又係好驚喜！
平時出街打邊爐，通常d醬芥都20-30蚊位。
咦喂，呢度無架！😳
無芥醬費，無茶錢，無加一！
好抵喎！！
下次絕對要黎翻兜！！
张贴
