陳儀興玫瑰餐廳

营业中

休息中

鮑魚花膠海參冬瓜盅雞湯就似豪華既打邊爐湯底，食材都被認為具有高價值和滋補的功效，整合這些食材，加入雞湯的基礎上烹調，可以產生豐富的湯汁和濃郁的味道。這道湯品結合了海鮮的鮮美和滋補的效果，所以係先飲湯後邊爐。食完鮑魚、花膠、海參飲左幾碗湯都已經飽飽地，冬瓜一開始相對比較硬，打邊爐煲多陣先再食。響鈴可以吸晒D湯汁，叫左一定無錯，雙拼可以食多幾款，加堆蝦丸味道口感都唔錯。肥鵝腸是一般邊爐店沒有的食材，不同於雞腸，鵝腸腥少，腸身爽口但不難咬。鵝腸中包有鵝脂肪，每一條都充滿鵝香，但滾兩下就好拎起，滾多左就縮水又唔爽口，唔知如果用鵝肉打邊爐會咩味呢？朋友唔食牛肉，我地轉食黑毛豬，黑毛豬肉具有豐富的油脂同獨特的風味，比一般豬肉香口，比美高級牛肉，對於唔食牛既人猶如神物XD。打邊爐d肉唔可以太瘦，黑毛豬就岩岩好喇。野菌餃子的特色在於使用野菌作為餡料，例如松茸、牛肝菌、黑木耳等。這些野菌質地鮮嫩，多種野菌再加上豬肉口感豐富，並具有獨特的香氣和味道。用料多，隻隻都大大隻勁飽滿，似係人手包製。野菌餃子以其獨特的香氣和豐富的口感而受到喜愛，鐘意食菌類既人士就唔好錯過喇。自製魚皮餃使用自製的魚皮作為外皮，相比於

陳儀興嘅打冷食得多，但都係最近先發現原來佢地係有間打邊爐餐廳叫陳儀興玫瑰飯店，價錢都幾親民！所以今次👧🏻就約咗一班朋友去試下！🌟冬瓜盅配海蝦火鍋湯底有唔少選擇，👧🏻今次就事先預訂咗冬瓜盅、湯底係冬瓜雞湯，配料就有雞件、花膠、鮑魚、海參。店員建議我地先飲湯後打邊爐🍲，湯底幾清甜飲得多都唔覺得口渴，冬瓜又索湯，事後煮埋海蝦，夠曬新鮮彈牙，又多蝦膏！🌟招牌手切肥牛(大) // 極品黑豚肉手切肥牛眼見就知道肉質甚好，雪花紋路清晰可見❄️，入口卻唔會太油膩。至於黑豚肉片打邊爐計就算係幾厚切，肉味濃郁，相對瘦啲！🌟松露墨魚丸//麻辣豬肉丸手打丸方面就叫咗兩款，松露墨魚丸就夠曬足料，松露味十足，墨魚丸冇點溝粉🦑夠曬彈牙！至於麻辣豬肉丸就真係估佢唔到麻辣味咁強烈！麻辣感覺長期逗留喺舌頭👅，辣度🥵係會令人即刻想飲水，幾過癮！豬肉丸混入少量肥膏，入口又滑又腍，值得一試。🌟雲吞+魚皮餃唔少火鍋料可以加錢雙併，岩曬咩都想試下嘅朋友仔。雲呑餡料有唔少蝦仔、蝦籽同大地魚粉。至於魚皮餃就係大路貨色。🌟鬼馬墨魚膠朋友落Order嘅鬼馬墨魚膠就係將墨魚膠釀入油炸鬼，放落湯底煮一至兩分鐘就好攞上嚟，否則油炸鬼會淋到夾唔到。

夜晚去新蒲崗拎完野經過間，見到門面好懷舊餐廳feel 就被吸引入去哈哈原來夜晚主打邊爐小菜，我地一行多人又肚餓，當然要食佢嘅邊爐啦。邊爐小菜都好多選擇😳，1️⃣鮑魚花膠冬瓜盅🍲見有瓜有花膠海參鮑魚實好補😄，所以諗到無諗就叫左啦！湯底清甜😋好味，d冬瓜吸哂湯嘅精華🤩，係淥野前飲番幾碗暖暖胃都唔錯呀！2️⃣招牌手切肥牛🥩上枱時超靚，店員不論切片功夫同擺盤都好靚😍，當然牛肉都好好味！脂肪紋平均分布，牛肉味超濃😝3️⃣鬼馬油炸鬼👻呢個好得意呀！油炸鬼加手打黑魚肉係上面！淥1-2分鐘就食得😍，d油炸鬼完全吸哂湯嘅精華！配埋彈牙嘅墨魚肉，超正！4️⃣極品黑豚肉🐽黑豚肉超大塊又唔膻😍，仲要食落口唔膩呀！5️⃣松露墨魚丸🦑松露味超出但又唔會好肉黑松露味咁濃烈👍🏽，好夾個墨魚丸呀！6️⃣麻辣豬肉丸🐖鍾意食辣🌶️嘅朋友一定要試試佢！辣得黎好過引😂，豬肉夠新鮮彈牙，唔洗加豉油都好入味！7️⃣炸午餐肉🐷呢個係打邊爐必叫食物之一！外表炸到金黃色🤩，外脆內嫩，淥一淥就食得，超好味滿足😋8️⃣雲吞+魚皮餃🥟佢地嘅雲吞同魚皮餃都好足料大大粒😝，皮薄餡靚夠新鮮呀🙌🏽9️⃣響玲卷🫔響玲卷都脆夠新鮮！亦都係打邊爐必叫之一😄🔟萵荀及其他菜類🥒🥬🥦打邊爐當然唔少得

已經很久沒有來到這裏火鍋，最近秋風起，非常適合火鍋，便想到這裏來。無蝦有蟹鍋$238 ，內有蟹、蜆、鮑魚、花甲、蕃茄、薯仔，就係沒有蝦😂😂😂。所有海鮮都很新鮮，味道鮮甜。招牌手切牛$288，肥瘦均勻，脂肪和肉質比例適中，紋理有於大理石，牛肉味道十足，吃火鍋又點會少得牛肉，如果以這個價錢來說，非常超值，值得一試。脆肉鯇魚腩$78，看似平凡的脆肉魚腩，香脆可口，在外面的火鍋店，大部份吃到的都是急凍的，沒有太多鯇魚肉味道，在這裏吃到這麼新鮮的脆肉鯇魚腩，吃完令人回味無窮。海蝦$98，由於鍋底沒有海蝦，便追加了一碟，想不到這碟海蝦，非常新鮮，蝦味十足，爽口彈牙， CP值高。凍蜂巢豆腐$42，豆味十足，入口溶化。這個豆腐吸湯能力十足，將海鮮湯底的味道，完全發揮到淋漓盡致。蓮藕片$22，爽脆可口，加上海鮮湯底的味道就更佳。羅漢果茶$20，羅漢果味道香濃，對喉嚨非常之好，喝完之後，喉嚨非常舒服。圓肉紅棗薏米水$20 ，甜度適中，薏米味道十足，感覺非常健康。

市面上打邊爐的餐廳多，比較多的是以椰子雞湯、花膠雞湯或麻辣湯底的選擇最為多。網上見到這間以冬瓜盅雞湯做湯底，加上鮑魚、花膠、海參及海蝦等海鮮做成冬瓜盅海鮮雞湯湯底打邊爐，就是前所未見。鮑魚、花膠和海參的滋補效果可以透過湯底充分釋放出來，使得打邊爐的食材更加美味和營養豐富。同時，冬瓜的清爽口感也可以平衡打邊爐中的油膩感，為整體的味道增添一份清新。打邊爐前先飲湯，冬瓜盅海鮮雞湯大大煲，三個人飲極都有，海鮮雞湯鮮甜美味，飲完正式開始打邊爐。新鮮手切牛肉，298大大塊，性價比好高，新鮮牛肉拎出黎唔會有血水，又唔怕放入湯到有冰要滾多幾秒。手切牛肉比較厚身，肉味濃郁，唔會似日本和牛咁油膩，但又唔會乾身難咬，肥瘦度適中，比起去連所店叫美國/澳洲肥牛抵食又好味多。咁靚既湯底，緊係要配上吸水力極強既竹笙啦。生竹笙具有獨特的清香味道，質地鮮嫩，口感爽脆。它帶有一種淡淡的竹子香氣，能夠清一清充滿油膩既喉嚨。68竹笙既份量一D都唔少，好似仲抵過我自己出面買。鯇魚片配埋鯇魚腩，想又肥既又得瘦既亦得。鯇魚每日新鮮切片，唔會解凍唔新鮮，鯇魚片具有鮮嫩的質地和柔軟的口感。它的肉質細嫩，帶有淡淡的甜味，比起咸水魚我更愛

今晚約咗好朋友吃飯，大家都喜歡吃火鍋，便相約到新蒲崗這間非常抵食的火鍋店。美國桶蠔 $178，一桶大約有七隻，每隻尺寸都很大，蠔味十足，放在鍋來大約4分鐘，便可吃到鮮甜美味的桶豪。蟹籽墨魚滑$88，墨魚滑爽口彈牙，加上蟹籽的味道，味道層次豐富。無蝦有蟹鍋 ，材料有蟹、蜆、鮑魚、花甲、蕃茄、薯仔，有這麼多海鮮，加上蕃茄的鮮甜味道薯仔的香味，這個海鮮鍋的味道層次非常豐富。皇帝菜$32 ，味道有點像茼蒿菜，吃蔬菜是這個年代的標桿。生菜$22，只需放在湯來數秒，便可吃到先前的生菜了。青島$24，冰凍的啤酒，配合冰凍的酒杯，便是火鍋必備的一道飲料。

最近去了位於新蒲崗的陳儀興玫瑰餐廳，餐廳光猛舒適，平日去都差不多滿座！然後食物和湯底都很高質，真的要推😎湯底我們預訂了無蝦有蟹鍋($238)，他是蕃茄薯仔海鮮湯底，再配每天新鮮送到的蟹、鮑魚和蜆，店員說要先喝湯才開始打邊爐，一喝真的有被驚喜到！湯超鮮超重蟹味，又不會太重口味，我們每人都喝了兩大碗🤣 ．鮮滑牛 $62．脆鯇魚腩 $78．蒙古羊卷肉 $98．招牌手切肥牛 $298/大喝好喝滿後就加湯開始打邊爐嚕！肉方面我們點了兩款牛、一款羊和脆鯇魚，全部都高質喔！招牌手切肥牛又甜又濃味，而且很腍，份量也超大方的！鮮牛就較爽身，沒手切肥牛肥，這個價錢真的很可以！羊肉也挺高質，是比較羶的羊，我喜歡！🐏．蟹籽墨魚滑 $98．麻辣豬肉丸 $78．自家手包韭菜餃 $53除了肉，我們也點了幾款丸餃！麻辣豬肉丸很特別，吃起來香辣麻香很惹味🌶️ 最後我們每人都只是三百多，但真的好吃又大份，超滿足滴🥰

晚市晚晚排哂隊係有原因，今次同幾個朋友一齊嚟，主要係食蟹，潮州菜嚟講，陳儀興都算係龍頭😁今次叫左潮州醬油生醃蟹、潮州凍蟹、滷水拼盤、魚露浸花甲⋯ 全部都好新鮮，一隻醬油生醃蟹切開咗原來有咁多件⋯每件都切到細細件，好方便進食，非常鮮甜～入口即溶，真係齒頰留香😜👍不過都有啲小貴$800潮州凍蟹好鮮甜，好多肉👍 佢係按重量收費 $700魚露浸花甲超鮮，而且啲花甲好乾淨，完全冇沙，隻隻都好肥美，仲要已經拆左半殼，方便進食 $158滷水拼盤唔記得影相，但係份量都好多，魷魚、雞腎都好新鮮，唔會又乾又硬，好爽口 $158服務態度好好～ 侍應反應好快～環境好乾淨👍👍好多打冷鋪都好污糟，所以陳儀興絕對係潮州打冷嘅首選👍

這個足料海鮮鍋名為無蝦有蟹鍋，顧名思義就是沒有蝦的海鮮鍋，除了四隻小蟹之外，還有四隻中型鮑魚大量蜆及花甲，我實在是低估了這個海鮮鍋，於是點了不少火鍋配以如本地牛、餃子、竹笙、白魚蛋、蟹子墨魚滑、寬粉，然後菜也點了兩款！ ➡️ 鍋底：為無蝦有蟹鍋 $238。真的很足料，兩位女士的話，點這個鍋加一兩款火煱配料已經很夠飽 ➡️ 鮮滑牛 $58。打邊爐實在是要有牛肉的 ➡️ 蟹子墨魚滑 $88。彈牙，有咬口，口感證明食材新鮮！ ➡️ 韮菜餃子 $48。好大隻。 ➡️ 白魚蛋 $48 。彈牙 ➡️ 野生竹笙 $58。量超多，帶點黑黑的，應該是因為野生！ 環境方面，是工廠大廈的地舖無誤，不難找。在工廠大廈打邊爐是挺有風味的。

位於新蒲崗嘅工廠區附近，竟然俾我揾到間隱世火鍋店！🍲見佢有好多特別嘅湯底，當中見到好多都係海鮮湯，我哋今次就叫咗個期間限定嘅「無蝦有蝦鍋」，餐廳話呢個湯底啲海鮮係新鮮買㗎，所以最好預早通知會訂，唔係有機會食唔到！🍲🦀無蝦有蝦鍋 ($238) 5/5性價比超級高！一個鍋有四隻花蟹🦀四隻鮑魚✨超多蜆✨湯底蕃茄薯仔作basic🥔🍅蕃茄薯仔都多，令到湯底味道濃郁！由於冇落味精，所有鮮味精華都係咁多海鮮滲出嚟㗎🤩 飲落超級鮮甜！💓✨花蟹大大隻，剝咗蟹殼出嚟，但喺鍋砌好俾人影相打卡📸蟹膏都幾多下，食落creamy，蟹肉好新鮮，加埋湯好鮮甜😋✨鮑魚大隻肥美，肉質爽口彈牙，餐廳已經幫我哋起咗殼，唔洗大大力扯出嚟😎✨卜卜蜆超多，食極都仲有，好似食緊卜卜蜆煲😍蜆肉吸收哂鮮湯精華😍好食！✨蕃茄薯仔已經吸收哂海鮮味道，好入味💓呢個價錢有咁高質素係絕對推介💓💓💓🥩(細)招牌手切牛 ($208) 4/5牛肉質感鮮嫩多汁💦每片牛都均勻切片，肥瘦均勻，牛嘅油脂融化喺嘴裡面，然後有一種濃郁的肉香😋🥩(細)安格斯牛肉 ($178) 4/5安格斯肉質同口感都帶有微妙嘅油脂香氣🤤牛味較濃，淥起食落嫩滑而且多汁💓🦑蟹籽墨魚滑

之前日日蒸爐咁嘅天氣真係冇胃口，難得涼返少少，立即約fd去打個邊爐。手打三寶丸有鯪魚球、豬肉丸同蝦丸，我鐘意用料夠新鮮，食到好濃嘅食材原味。 最估唔到嘅係本來對鯪魚球冇期望，但同朋友一致認同係我地食過最好食嘅鯪魚球。 新鮮彈牙就基本，打得都好幼滑，重點係調味真係做得好好，食到少少蝦米碎好香口，亦都唔會有過量陳皮芫茜個啲搶味，真係想再encore。肥牛超靚，自己冇心機專程去出名嘅牛肉檔，係火鍋店真係唯一機會食手切肥牛，仲要快靚正。 肥牛感覺到係精心挑選嘅位置，每塊都大大片好厚，食到好滿足。響鈴岩岩炸起，乾爽唔油膩，好酥脆。 同滾到好似老火湯咁鮮甜嘅湯底好夾，吸哂所有精華。韭菜餃大大粒好飽滿，菜肉比例岩岩好，韭菜新鮮香口，皮薄得黎淥得耐都好完整。

陳儀興有好多好多間，裝修高尚的有，地痞的又有，牛雜粉麵又有。其實唔知道佢哋之間有什麼關係？淨係新蒲崗都已經有幾間陳儀興，呢間嘅價錢都幾實惠，不過是要搭枱的。平日嚟到，都幾多人，坐半張圓枱，所以都唔係幾影到相，因為會影埋人哋啲餸獅蛤很好吃，細細隻的，好鮮甜。最緊要係食完冇肚痛鵝片味道正常，喜歡鵝片不用吐骨。這個芋泥，超級好吃，可能因為我自己很喜歡吃芋頭，而且佢不會太甜。另外仲食咗一個避風塘茄子，不過冇影相，個避風塘茄子都好好食，就係比較油膩了一點。其實這家店的食物都唔錯，不過小炒類就比較油膩，而且坐得唔舒服，比較迫，可能要攬住個袋，而且要搭枱，唔係好適合約會或者傾偈。快閃食飯，是可以的。

朋友帶路嚟新蒲崗打邊爐真心抵食 份量勁足之餘仲免加一不過留意番小店只收現金 記得帶cash無蝦有蟹鍋呢度除左雞煲出名之外 幾款海鮮鍋都好吸引我地揀呢款有蟹有鮑魚有蜆 仲有好多蕃茄薯仔感覺好似海鮮版羅宋湯咁 食完海鮮飲碗湯好鮮甜另外有兩種貴少少仲有龍蝦或者肉蟹都好正咁招牌手切牛打邊爐點可以冇牛 呢度啲牛質素都唔錯呢盤係大size 夠我地幾個牛魔王share鮮蝦雲吞大粒過乒乓波 入面有兩隻蝦同豬肉真係好足料黑松露豬肉丸黑松露味都幾重 比較多肥豬肉口感偏腍蟹籽墨魚滑好鍾意呢個夠晒彈牙 墨魚滑入面有墨魚粒同蟹籽幾有口感花膠仔見幾抵就叫左 比較薄身淥一陣就食得黃金炸魚皮仲叫左呢款差唔多枱枱都叫嘅小食每塊都俾咸黃黃醬包住 好脆好香口圓肉薏米水好正 唔會太甜好足料 店員姐姐話可以去水腫㗎

一年到晚總有幾次會黎陳儀興打邊爐，未開啟德站前已經有幫襯開，咁多年黎食過咁多好野，估唔到都係冇咩地方取代到手切牛界佢係我心目中嘅地位。唔洗諗叫返個大手切肥牛先，睇個色澤同雪花就知正，加上大塊厚切，牛味更加倍升，腍滑甘香，兩個人必須叫大份先過癮。無蝦有蟹鍋真係我咁多年打邊爐生涯入面食過最足料嘅湯底，近乎係料多過湯，淨係蟹都有四隻，鮑魚又四隻，仲有海量蜆同炸過嘅薯仔，仲要海鮮真係新鮮唔頹，滾左一陣個湯底已經甜到爆。蟹籽墨魚滑夠哂爽口彈牙，足料有鮮味，仲有大量卜卜脆嘅蟹籽同墨魚粒，口感好豐富。

大家都知道陳儀興的潮州菜出名之外，今次來到另一系列之餐廳，外觀毫不起眼位於新蒲崗爵祿街，主打火鍋、雞煲同時提供小菜項目，餐牌款式超多，招牌菜色都有好幾款，當日雖然只係星期三，但係餐廳都人頭湧湧，相信主要原因是-價錢經濟貼地又好食無蝦有蟹鍋$238掙扎咗好耐食雞煲好定係呢一款海鮮鍋，但係見到$238已經包埋咁多海鮮就覺得好抵，一來到已經被份量嚇一跳，大約有三隻「三點蟹」、鮑魚、大蜆滿滿一整鍋，慢慢食晒海鮮再開始打邊爐，而且湯底好清甜，勁濃郁的海鮮味道和大量芫荽、西芹等，完全唔會腥，仲有薯仔同洋蔥等，增加湯底的甜度，而且相對其他湯底冇咁熱氣，值得一試黑松露豬肉丸$72想不到這種傳統的火鍋餐廳都會有這種創新的火鍋料，豬肉丸非常彈牙，配上黑松露類似菇菌淡淡的香氣，風味十足即炸響鈴 $48很香脆的炸響鈴，相對其他火鍋店來說，這裏的響鈴，質感比較厚身，咬下會發出酥脆的輕響韭菜餃$48一份竟然有八隻，這個價錢真的非常超值，因為都是新鮮手工包製，而且每一隻都分量足，韭菜餡料非常新鮮，非常適合打邊爐—————————————————陳儀興玫瑰餐廳 (新蒲崗)新蒲崗爵祿街33A-37A號百勝工廠大廈地舖—