陳儀興玫瑰餐廳

营业中

休息中

天氣開始有點涼意，又係時候打邊爐！🍲約咗朋友試咗呢一間位於新蒲崗店既玫瑰餐廳陳儀興 ~ 侍應安排我哋坐喺卡位，非常舒服！佢有好多款唔同特色湯底，我哋就揀咗無蝦有蟹鍋~ 喺等待嘅同事我哋就揀咗醬汁先，有辣椒、炸蒜粒、青蔥、豉油等等 ◑無蝦有蟹🦀鍋份量勁大！飲一飲個湯底，味道非常濃厚鮮甜 ～有四隻爽口嘅鮑魚 、肉質鮮美嘅大蟹、仲有好多蜆仔、蕃茄🍅同薯仔🥔喺底 鍾意食海鮮嘅人唔好錯過！我哋另外叫咗啲配料～◑鬼馬墨魚膠呢個真係必食！非常特別 喺油炸鬼入邊放上墨魚膠， 外脆內爽！一客有八件◑鮮滑牛放上個邊爐上邊 一陣就食得 非常嫩滑◑黑松露豬肉丸🍗我自己好鍾意食黑松露，放入豬肉丸令到成個味道更加突出 又夠香 ◑獨門芥辣西芹餃🥟大大粒 餡料極多！食落去溫和不嗆喉，加上西芹 爽口彈牙，正～

入冬後天氣開始凍，阿女急不及待話要去食羊腩煲，新蒲崗玫瑰餐廳陳儀興係老字號，食物多元化，有海鮮火鍋、惹味雞煲、鑊氣小炒等，街坊生意，價錢親民。今晚就專程過嚟食返煲羊腩煲暖下身。枝竹羊腩煲，送生菜一碟羊腩煲夠足料，用明火滾住食，羊肉相當大件而且厚身，入味之餘沒有羶味，枝竹、冬筍、冬菇等配料都非常入味，贈送的生菜吸收晒羊腩湯汁的精華，非常惹味！羊肉點些腐乳醬，味道更香濃。另外小炒都好有鑊氣：茄子魚柳煲，用煲仔上夠哂熱，茄子夠腍同夠入味，魚柳炸至外脆肉嫩，沾滿特製醬汁非常惹味。伴飯食一流。京都豬扒，洋蔥和豬扒，加埋特製酸甜醬汁，經過廚師用猛火炒成，非常之有鑊氣，豬扒入口多汁,唔乾身，洋蔥香甜，味道酸酸甜甜好開胃。青島啤酒，美食當前當然要啤一啤！

陳儀興係老字號, 之前食過一次潮州菜覺得幾高質👍今次趁天氣終於凍, 提前預訂左呢個無蝦有蟹鍋🤩無蝦有蟹鍋 $238打邊爐湯底選擇好多, 除左大路嘅例如花膠雞, 椰子雞, 花雕醉雞, 烤魚, 雞煲, 仲有特別嘅例如呢個無蝦有蟹湯底, 仲有海鮮船同冬瓜盅都要提前預約.鍋底用左蕃茄薯仔湯再加入每天新鮮送到蟹、鮑魚、沙白蜆所以要提前預訂. 店員提醒可以先飲湯再打邊爐, 一喝真係有驚喜到, 湯鮮甜帶蟹味香又不會太咸, 我地每個人都飲左兩大碗🤣蟹雖然望落唔大隻, 但都厚肉有膏, 鮑魚都鮮嫩, 各有4隻招牌手切肥牛(大) $298呈鮮紅, 切得厚薄均勻. 灼幾秒就食得, 肉質軟腍帶頗香濃牛肉味, 叫大份量亦足響鈴卷 $57即炸起金黃香脆, 好食野生竹笙/皇帝菜 $62/36竹笙唔會係白雪雪漂過咁, 反而natural color, 好吸湯好食. 皇帝菜夠鮮甜脆鯇魚腩 $78脆鯇魚好夠香脆新鮮蟹籽墨魚滑 $98 好彈牙, 仲食到有fd 墨魚粒肉潮洲手打牛丸/手打三寶丸 $88/98更喜歡前者, 好彈牙夠香牛味. 3寶分別有蝦、豬肉、鯪魚球.蝦丸都彈牙似墨魚滑、豬肉加左梅菜比較腍同易散. 鯪魚球都ok潮

最近呢一個禮拜，突然氣溫急降，好大風又凍，諗起食羊腩煲就一流，所以帶咗爸爸去食呢一間玫瑰餐廳，之前食過佢嘅雞煲真係好出色。餐廳喺新蒲崗，好近巴士站已餐廳地方都幾大，兩個人可以坐卡位幾舒服。我哋兩個人叫咗一個羊腩煲，仲叫咗啲火鍋料嚟打邊爐。羊腩煲好快就上枱，會用電磁爐煲熱住，份量大，羊腩件件啖啖肉，入面仲有枝竹，筍，冬菇等等，好豐富。羊腩煮得好腍，老人家都食到。調味唔會好鹹好惹味，而且暖笠笠冬天食真係好正。枝竹，筍呢啲索晒羊腩汁真係一流。而且羊腩煲本身就會跟一個生菜俾我哋好抵食。食完羊腩煲當然就係加湯打邊爐，我哋叫咗響鈴，響鈴炸得好酥脆，唔似街外嗰啲，感覺到係自家製即炸。落湯掛晒汁好好味。另外仲叫咗手切牛肉，牛肉嚟到好大碟，但其實只需要$68，所以真係好抵，牛肉好新鮮好滑。我哋仲叫咗墨魚條，墨魚條入邊真係食到粒粒墨魚，而且好彈牙。最後最後當然要叫過一丁，唔好浪費咗個湯底佢啦。另外呢度嘅飲品都好抵，我哋叫咗一杯鹹檸七，嚟到好大杯，解渴一流整體嚟講呢間餐廳主打街坊路線，價錢平民但係質素高，所以都好滿座，大家不妨一試

今次到我帶朋友嚟新蒲崗食嘢啦👅呢間餐廳打邊爐絕對係我心目中排名頭幾位🤣上次食過覺得性價比勁高💦餐廳新出咗羊腩煲，一於食食佢🥳入去地方好大，坐咗好多人，可能天氣轉涼個個都想打邊爐😈🐏枝竹羊腩煲($398) 5/5羊腩數量勁多🤣仲要係啖啖肉冇乜骨！佢哋經過燉煮後非常軟嫩，入口即化咁😍除咗羊肉，配料有冬菇、枝竹、馬蹄同荀💕味道豐富鮮美～冬菇同枝竹嘅香氣同羊腩相互融合，帶嚟獨特嘅風味。馬蹄同荀增添咗口感同層次感～叫羊腩煲會奉送一碟新鮮嘅生菜，吸哂啲汁食勁正🥰配搭住美味嘅腐乳醬，係完美嘅組合🥰🥩(細)招牌手切牛 ($208) 5/5食落好正👅！牛肉好鮮嫩，切得好細緻。入口即化，肉汁豐富，好滋味💕🥩(細)安格斯牛肉 ($178) 4/5質感好豐富多汁，肉質鮮嫩又有口感🥳一啖咬落去，牛肉嘅濃郁味道就出嚟～令人回味無窮！💕嗰晚飲咗可樂，朋友就飲餐廳提供嘅茶，服務員都好勤力不斷周圍睇下有冇人要落單/加湯，呢間餐廳絕對會令我會想帶更多唔同嘅朋友嚟食，期待下次嘅期間限定啦😍

每年秋冬都會出街食羊腩煲，今年第一次選擇嚮公司附近的陳儀興。原來除左羊腩煲，陳儀興仲有椰子雞、蟹煲、花甲煲等等…今次點左羊腩煲、一d火鍋配料、飲品同小食。首先不得不讚侍應的服務態度，除左有禮貌外，亦會留意客人餐碟，差不多滿的時候，侍應會主動替換，值得一讚👍🏻。食物方面，羊腩煲炆得入味，羊腩枝竹都大大舊，沒有偷工減料。不過，我呢煲羊腩比較少冬菇，唔緊要！羊腩同枝竹數目都多，已經值回票價。配料方面，萵筍、牛骨髓、鯇魚片、萵筍、油麥菜、響鈴、雙拼餃子、鬼馬墨魚膠同手切肥牛。全部配料都好新鮮，份量都足夠。主要推介，手切肥牛。手切肥牛絕對係一定要叫，軟滑有咬口，比自己落牛肉檔買火鍋牛仲正，真係唔好錯過！另外，比較少見係鬼馬墨魚膠，之前都試過叫黎當小食食，拎黎打邊爐都係第一次，大家都可以試試。小食方面，我就叫左避風塘粟米，炸得香口，粟米夠甜，真係送酒佳品。飲品方面，叫左凍檸茶，大大杯都係$23。叫1杯都夠飲成餐😂😂😂同行朋友都相當滿意呢餐，下次想食羊腩煲都會再黎。

今日難得同朋友在新蒲崗做完嘢，就找個地方食飯吹吓水先，見到呢間有小菜、火鍋，還有冬天至噤食嘅羊腩煲，一於入去叫個羊腩煲和小菜填飽個肚。枝竹羊腩煲：羊腩和配料份量十足有羊肉、枝竹、馬蹄、冬菇和竹筍。羊肉炆得好淋，冇乜骨啖啖肉， 馬蹄好爽，枝竹同冬菇好入味索晒肉汁，竹筍入口嫩而無渣椒鹽脆肉鯇：脆肉鯇新鮮炸起熱辣辣，香氣樸鼻，脆鯇入囗外脆肉嫩彈牙爽囗，炸蒜微辣非常惹味芫茜蠔仔炒蛋：蠔仔都幾大隻幾甜，蠔仔數量算多，內裏好多洋蔥和芽菜，幾爽口不過唔喜歡食洋蔥和芽菜就唔好叫，蛋內全部都係洋蒽和芽菜今晚呢餐食到好飽和好暖，食飯期間大約7：30左右都座滿食客，平日都噤多人，睇來呢間應該幾好食，而且見好多人都叫火鍋，下次可以約多d朋友一齊試吓

天文台表示由這個星期開始會逐漸變冷了，又到港人喜歡的火鍋時候了！而冬天就肯定少不了吃羊腩煲，這間小店性價比很高，料亦都非常足，難怪晚上差不多快坐滿了！羊腩煲（３９８元）羊腩煲一來到就可以吃了，滿滿的一大煲，羊肉都燉得非常入味和軟爛，羊皮都變得入口即化的口感了，而且完全沒有羶味！而配菜還有大量的竹筍，馬蹄，炸腐竹等，都吸飽湯汁，吃起來鮮嫩多汁！煲整體味道調味剛好，不會太鹹，帶陣陣香料味！自家手包韮菜餃拼自家鮮蝦雲吞（５８元）可以雙拼，性價比很高！而且每粒都跟乒乓球差不多大，裡面都塞滿餡料！韮菜餃的韮菜超多，帶點肉香。鮮蝦雲吞的豬肉和蝦肉比例各一半。鮮滑牛拼野生竹笙（６７元）雙拼的份量也比想像中要多，牛肉滑嫩有牛香，竹笙非常吸湯！鮮魚腩（６２元）雖然只有６片，但每片都是非常大片的，吃起來非常嫩滑，又完全不腥！魚腩骨較少！辛辣麵（18元）

微涼的秋風，是不是心郁郁想吃火鍋、羊腩煲呢？陳儀興玫瑰餐廳主打火鍋雞煲還有惹味小炒，而且評價幾高。剛發現這間餐廳亦有羊腩煲，所以就安排了時間去吃我入秋的第一煲 (笑)位於新蒲崗百勝工廠大廈的地舖，大大的玫瑰 Logo 很易找。這裡不論是一大班親朋戚友聚餐或少人聚會也沒問題，卡座坐起來都頗舒適。點了鍋煲後就可以選配料，不想羊腩煲的話其實都有幾多選擇。各式各樣的雞煲、海鮮鍋等也很吸引，不過要注意有些是需要提前預約的。飲品就地道茶餐廳飲品、汽水外，都會有健康飲品。圓肉紅棗薏米水 (HKD 20) 雖然是加了圓肉，但喝起來並不會很甜。枝竹羊腩煲 (HKD 398) 好大一鍋還超足料。每件羊肉都很大件，不會只是骨頭沒有肉那樣子，且非常入味。肉很軟嫩，皮的話則很有彈性，吃落有微微羊羶味。枝竹、冬筍、冬菇等的配料也是滿滿的，所以整個超豐富，同樣好入味。當然也不能少了翠綠的唐生菜，這是點羊腩煲便會送一碟。愈煮愈濃厚的汁，在吃完羊肉後加清湯就可以開始吃火鍋囉。響鈴配彈牙蝦肉卷 (HKD 62) 響鈴夠脆，喜歡吃腍身的可等吸飽湯汁才吃。蝦肉卷確實幾彈牙，就平時吃的蝦餅變成卷狀那樣子。脆鯇魚片 (HKD 5

收工ot同同事一齊走，喺公司樓下覓食先走，咁啱見到呢間陳儀興新推出咗羊腩煲，我哋幾隻餓狼即刻打算試試佢。枝竹羊腩煲👍👍👍👍👍估唔到份量好足，黑山羊腩唔會太肥，啖啖肉嘅口感實而不柴，炸枝竹香得黎唔會多油。熬煮過一段時間嘅羊肉仍保持住鮮嫩，搭配大量枝竹吸哂湯汁，令我哋大口大口咁不斷食，好過癮🤭再嚟打個羊腩汁精華湯底邊爐😍我哋叫左唔同配料，全部都好大份，好抵食，正！美國桶蠔大大粒蠔，一共有12-15隻，鮮嫩之餘好爆汁，食落就知夠新鮮，口感一流😋👍👍👍海蝦伙記誠意推介$88/8隻，真心抵，而且非常新鮮，啲蝦咬落彈牙，仲食到鮮甜味👍👍👍花膠仔浸入羊腩煲湯底索哂精華夠哂入味，咬落軟綿。鬼馬墨魚膠墨魚膠食得多，拼埋油炸鬼一齊嘅餐廳十分少，今次果然冇叫錯，好正！油炸鬼仲好脆，墨魚膠有咬口，配搭真係恰到好處🤤雙拼餃子+$5麻辣香芹餃🔥川味style餃子一般都係食重慶火鍋嘅店先見到，呢度竟然有得點，食落好有重慶辣椒風味，有啲紅油配上芹菜香氣，大大粒，份量足。鮮蝦雲吞有原隻蝦仁係入面，配搭適量嘅豬肉，口感都唔錯，個人推薦麻辣香芹餃多啲🤫手打鮮蝦丸蝦肉份量多，唔會食到一口粉，仲有彈牙口感，真係有心之作，呢個都

真心推介無蝦有蟹鍋！ 有4隻鮑魚4隻蟹仲有蜆，材料真係好足呀，我地兩個人食完d 海鮮都已經飽左一大半！值得一提嘅係佢個湯底，本身係蕃茄薯仔湯，一開始比較淡，但煲煲吓d海鮮同蕃茄味出晒黎之後就勁鮮甜，搞到我都飲左兩碗😍火鍋配料方面，我地就全部都係牛： 細嘅招牌手切牛，牛骨髓同埋牛柏葉！ 最好味係個手切牛，肉味香之餘又唔會鞋，淥耐少少都仲係嫩滑。牛骨髓就比較特別，係滑嘟嘟嘅口感。羅漢果茶都好真，係我飲過最濃嘅，打邊爐飲清熱一流～

香港冬天最鍾意就係坐埋一枱shabu shabu，我鍾意呢間餐廳傳統嘅裝修，一張大圓枱，圍住一個火鍋爐，大家可以一邊食一邊傾偈，八個人坐都好鬆動。呢度嘅裝修雖然比較地道，唔係走奢華路線，但係呢度嘅食物質素好，價錢公道親民，如果你真係想俾合理價錢又食到好西，而唔係純粹食氣氛，呢間餐廳幫到你。我哋今次人均$3xx，性價比高，有海鮮有牛，有手打丸，有蔬菜。我哋一早預訂咗新湯底，係海鮮鍋底「無蝦有蟹鍋」，估唔到材料豐富，四隻花蟹、四隻鮑魚，仲有蜆肉，賣相非常吸引之餘，而且味道鮮甜，加上蕃茄薯仔去滾，我哋個個都爭住飲幾碗先開始打邊爐，$238呢口價超抵玩，啲鮑魚好大隻。食完湯底，我哋就叫咗好多配菜，有圖有真相，餐廳所有食材都真係唔馬虎，牛肉花紋勁靚，肉質口感都夠軟，所有滑同餃都自家製，大大粒，餡料充足，竹笙份量又夠多，魚腩一片片切得好靚，基本上就係覺得每一樣食材都新鮮，同處理得好乾淨。飲品更加唔使講，本地各大啤酒😆，包羅萬有，另外仲可以叫我最愛嘅鹹檸七🫶🏻。總之你間餐廳一定冇「伏」，比完三百幾蚊都覺得好抵，今時今日香港要搵間冇伏嘅餐廳都唔容易，推薦推薦！不得不提雖然呢度嘅侍應，都係啲阿叔，不過真

【新蒲崗•陳儀興玫瑰餐廳】ππππππππππππππππππππππππππππππ新蒲崗驚嘆養生之雞煲火鍋店🌻｜驚蔘鐵棍雞重慶雞煲（半隻）｜HKD 188整隻的雞以特有的調料經過炆煮而成，皮薄肉嫩，使口感更佳。雞湯鮮美，其香氣和湯汁入口後，格外回味。驚蔘鐵棍雞煲具有滋補養性、補氣養血的功效，對於改善氣虛血虛、提高免疫力等都有一定的幫助。🌼｜手切肥牛（細）｜HKD 208肥牛肉片非常嫩滑，入口即化。現場烹煮，保證左肉質的鮮嫩度。🏵️｜脆鯇魚腩｜HKD 78店家將脆鯇魚腩切成薄片，不僅保持了肉質的鮮嫩，也讓肥美的魚腩更容易入味。🍁｜西洋菜｜HKD 26西洋菜的脆嫩口感和清新的味道，可以中和火鍋的油膩感，同時豐富了火鍋的口感。🍁｜三菇拼盤-竹笙｜HKD 67三菇拼盤-竹笙不僅味道鮮美，而且營養豐富。它結合了不同種類的蘑菇，讓菜品更加豐富多樣。同時，竹笙的清熱解毒功效和蘑菇的營養價值讓這道菜成為一道健康美食的選擇。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 567✨✨✨✨✨✨✨✨✨✨✨✨✨#新蒲崗美食 #陳儀興玫瑰餐廳 #web3新蒲崗 #玫瑰

天氣轉涼，又同屋企人喺中秋前夕去打邊爐黎到餐廳，點左佢近期主打的鮑魚花膠冬瓜盅湯底。湯底用濃厚雞湯打底，入面有四隻彈牙活鮑魚，大大隻好新鮮，花膠，厚實海參，雞件以及吸曬味的原塊冬瓜。上台後會幫手將冬瓜剪開，落火鍋料之前飲幾碗雞湯，omg超暖胃鮮美🥺🥺🥺即刻飲多幾碗，雞件又唔會燉到無曬味，仍然好滑，有雞味，好食湯底已經好味，火鍋料都一樣好味佢既火鍋料有一部分可以嗌雙拼，啱曬人少少可以試多幾款我地嗌了鮮牛肉+肉青，豬肉，章魚丸+炸芋頭，鮮淮山+生根，平菇，皇帝菜，推薦大家一定要嗌鮮牛肉，超滑超彈牙；炸芋頭章魚丸都超正!!必點!!呢間餐廳真係比到我驚喜，食材都好好好新鮮，味道好好，好平實的餐廳裝修，但比我120分的滿足

一直以來都不知道陳儀興還有火鍋店，直到朋友帶我到新蒲崗這家擁有玫瑰標誌的店面時，才意識到工廠區果然是要靠朋友帶路。朋友為我預訂了冬瓜盅，這是需要提前預約的菜式，一整片冬瓜𥚃而有着鮑魚、蚌、冬菇和雞件。冬瓜切開後可以繼續留在裏面燉煮，雞件有醃製過，十分嫩滑。因為都是天然的食材，湯底清甜不膩。我們點了手切牛肉、響鈴、招牌雲吞、萵筍。牛肉大概有十來片，肥瘦摻雜，不會過分的油膩，又有細嫩的口感。自己個人在長大後都比較喜歡本地牛，因為安格斯比較多油花。響鈴是現炸的，上菜的時候還有熱騰騰的氣息。雲吞一共有八隻，手工包製，裏面有兩隻蝦以上，加上芝麻調味， 皮薄餡多。萵筍切得較為有厚度，下鍋後不會不見，而且又吸收到湯底的味道。最後把冬瓜吃掉，冬瓜軟糯，又有海鮮和蔬菜的鮮甜。我們坐的座位是卡位，兩個人坐起來十分的闊落，以街坊式的餐廳而言舒適，加上廁所也乾淨企理，不失為在新蒲崗的一個好選擇。