阿爺八鮮鍋 (已結業)

而家粥底火鍋大行其道，越開越多，如果冇乜食嘅話好難吸引食客。今日去咗旺角登打士街廣場嘅阿爺粥底火鍋，令我覺得幾特別同創新佢呢度嘅粥底火鍋同其他有啲唔同，先將雞肉煎香，滲出油份，再爆炒肉蟹，令蟹羔同肉味完全散發出嚟，跟住將龍蝦同其他海鮮，放落個鍋度炒香，再加入一啲上湯邊，令到味道更加突出同埋濃郁，喺食海鮮嘅時候更加能夠食到鮮味。自己覺得最正喺龍蝦同大花竹蝦，龍蝦肉質爽口，新鮮，雖然唔算好大隻，但係肉都唔少。另外大花竹蝦不得不讚，夠大隻，非常爽口彈牙，連個蝦頭嘅羔都非常鮮甜，十分正其他海鮮仲有蟹同鮑魚，都非常新鮮、好食。另外仲跟咗豚肉，貢丸，黑椒牛丸，雲吞同埋蔬菜，水準都非常之好，雖然牛丸同貢丸唔係手打，但係都好香，真心覺得好少會咁好食最後加入粥膽煮成海鮮粥，鮮味非常濃郁，自己再加入芫茜，香蔥，榨菜等，真停停唔到口，每人最少食咗三碗，飽到不行。整體來講呢度嘅食物選料新鮮，水準幾高，加上招呼服務亦都唔錯，人均大約300鬆啲蚊嘅價錢，我覺得非常抵食，值得回頭

前幾日同朋友去旺角行街。行到肚打鼓， 加上近日氣溫轉冷，朋友提議食打邊爐，我要求要食好啲，海鮮為主打。這間真是意外驚喜，粥底加上蟹黃（蟹糕）一齊烹調，滋味無比。前菜我點了黃金魚皮,熱辣辣脆口好醒胃，非常有魚香味，仲好食過星加坡黃金魚皮，這裏真是必食推介，好快食完整碟。我們之前已經按自己口味做了屬於自己的調味碟。香蔥蒜及辣椒我的最愛。終於等到今晚嘅主角，海鮮拼盤，紐西蘭蟶子、蘇格蘭大元貝、南非龍蝦、大肉蟹、芒蜆，每人都有一份。出場時仲有少少乾冰噴出，非常奪目。職員首先炒一炒豬肉及蟹，再加入其他海鮮。加上高濃度酒，鍋會露出火焰,香氣四散，等到酒精煮透，會加上蟹黃湯及米水， 就會變龍王母米粥粥底。店員叫我們食其他海鮮先, 最後食蟹肉令粥底更美味。海鮮是十分新鮮，在盤上見到他們跳動，所以十分彈牙，真是原汁原味。除了海鮮仲有其他嘢食，非常美味菇。蟹粉蝦餃皇，非常濃味， 同個湯底好襯。招牌唐三彩、一層係墨魚、玉子、蔬菜整成。非常有特色。仲有櫻花葉鮮蝦丸。甜品都好有特色，不是平時嘅紅豆沙，食生果西瓜啫喱。

未食過粥底火鍋，友人提議一齊試。每人叫左個海鮮A餐。非常豐富，有花竹蝦、泰國肉蟹、南非鮑魚同雞件。鮑魚非常大隻😆😆仲有雲吞、丸類同黑豚肉片。蔬菜方面有娃娃菜、生菜同油麥菜。一開始店員幫手炒海鮮、任何調味料都冇加。我地第一次食粥底火鍋，唔知道要乾炒海鮮。炒到咁上下，店員攞左枝火槍出黎點著啲海鮮，嗰陣掛住傾計，冇為意，一望個鍋就見到著哂火。之後啲火熄左，店員就加左啲上湯煲熟啲海鮮。急不及待試左個鮑魚，非常鮮甜，啖啖肉好正！海蝦好大隻，肉質彈牙，炒過果然係唔同啲，全部海鮮都好香口同鮮甜惹味。丸類同雲吞都好正。海鮮湯底令全部食材都好鮮甜，唔會重口味，好味。全晚最驚喜係個粥，集合哂所有海鮮嘅鮮味，忍唔住食左兩碗。

早前朋友在F字頭平台見到有人推介阿爺粥膳八鮮鍋, 賣相相當吸引, 有新嘢我哋當然唔會錯過啦！我哋一行四人叫咗個海鮮併盆$1088 再另加其他食物海鮮都算新鮮鮮甜, 仲有專人烹煮服務招牌唐三彩$58 ,即係墨魚滑啲friend, 由3種味道整成一磚(墨魚,菠菜,仲有個唔記得咗添😣)黃金炸魚皮$58 ~ 即炸的, 好脆口, 好食👍新鮮鵝腸$88 ~ 最鍾意食帶有肥糕嘅鵝腸, 好爽口台灣黑椒腸$28 ~ 估唔到有成12條, 份量同自己係街買嘅差不多, 呢個價錢真係良心價😂安格斯牛肉湯底係蟹皇母米粥 ~ 未變粥之前略兼湯底味淡 我哋每人like咗佢哋嘅F字頭fans page , 可以每人多半隻龍蝦再加埋啲粥一齊煮就幾鮮甜#純粹個人口味

聽聞這個阿爺的海鮮非常新鮮, 今日兩個人,見人小小 又想食海鮮所以便來到阿爺粥底火鍋。上到黎就見到一大個魚缸, 肯定有新鮮海鮮啦。待應姐姐好貼心為我們介紹可以叫的海鮮餐, 初試牛刀就點一個基本$298 。 最開心係like Facebook 有半隻龍蝦仔送, 再加套餐包括三款海鮮, 丸,餃, 蔬菜同豚肉片, 夠曬飽。先睇一個炒海鮮的表演, 雞件開爐, 炒曬所有海鮮, 加點酒 , 將海鮮鮮味迫出黎先,然後加南瓜粥就可以打邊爐喇。最欣賞竹節蝦 好大隻, 新鮮爽口 啖啖肉, 我仲覺得多肉過隻龍蝦仔添呀。鮑魚都係大隻新鮮, 有味, 可以用刀叉慢慢切開黎食。 蟹不用多說,肉結實啖啖肉。其實湯方面就較淡,相信要更多的海鮮才能引出味道, 所以不用淨飲。有三款丸, 最出色的是芝士流心牛丸, 是牛根丸,非常彈牙,咬下去真係湧出內裡的少少芝士汁再加埋有牛味的肉汁, 真係好好食.! 其實個湯味道不重 但煮起蔬菜同肉時出奇地滑溜, 好似有一層漿包著食材, 吸曬 海鮮精華, 食蛙蛙菜時直頭食出有奶油的香味。當食完黎,待應姐姐幫我們加個粥膽, 煲一煲,再比我們一些調味料如菜蒲, 蔥等... 蟹的鮮味仍然停留在,

粥底火鍋成日聽，其實都係第一次試。先整醬料，有位貪心朋友咩都要哂。我地叫左個298餐，以海鮮為主，再有啲丸類。侍應首先燒紅隻鍋，然後放哂全部食材入去乾炒，吱吱喳喳煮到咁上下，就加左酒，突然好大火，非常驚喜，夠哂火喉。之後就加入粥水做湯底。先食南非鮑魚，本身仲郁緊，好新鮮，點一點醬油鮮味十足。然後有蝦同蟹，滲入海鮮粥水好正，肉感彈牙。黑豚肉片同蔬菜都唔差。配料有帶子雲呑，鮮蝦丸，芝士牛丸同貢丸，全部都好食！最後就係食粥，集所有精華所在，好味，連食2碗，貪心朋友再次加上好多佐料調味。甜品：場內有夾公仔機男友人上鏡了

中醫說粥能養胃，其實簡單一碗白粥，營養豐富且容易消化，鹹甜皆宜，既可做早餐也可做宵夜。「阿爺粥品」的創辦人明師傅，以爺爺的家傳煮粥食譜作主打，讓粥品成為養生食療，可陰陽調理而且延年益壽。「阿爺粥品」的粥底每天至少煮五小時以上，質感綿滑又有米香，當吸收了各種海鮮及美食精華後，粥底更清甜綿軟。餐廳推介有極品蟹粉母米粥底，以黑松露粥底及含豐富蛋白質的燕窩木瓜雪耳粥，煮法獨特又香甜好味。手工火鍋配料款式包羅萬有，首推海鮮拼盤，有八款選擇豐儉由人，我們四人選了$1888海鮮拼盤，有波士頓龍蝦、阿拉斯加蟹、蘇格蘭元貝、貴妃蚌、海中蝦及美國石蠔，跟了母米粥底。餐廳最特別是有一部「夾海鮮機」，每位食客都有一個代幣，夾到海鮮即可加入粥底加餸。餐廳的餃子及肉丸選擇也很多，如蟹粉蝦餃皇、三彩墨魚、樱花葉鮮蝦丸及黑松露墨魚滑，牛人必點手切牛肉，蔬菜類比較特別的有水蓮及福岡縣產的舞茸菇等，最後的精華都盡在粥底裡，幾飽都要來一碗鮮甜粥底！秋冬將至，想吃養生粥底手工火鍋的話，「阿爺粥品」絕對是價格相宜的好味之選！

粥店出品多元化，不同配料應百客。來到講求更新更潮的年代，自然也有不同路向。粥現已不只用來填肚，還結合不同食材，變成 2.0 版本： 前晚四人飯局 (有好耐無見的 Monica，是四年前同我一齊拍愛情故事的女一！)，去了旺角的港式粥品手工涮涮鍋，吃粥底邊爐。打邊爐後，再把吸盡精華的粥底吃掉，暢快！ 甫進餐廳，已見有巨型魚缸，養着各種大隻生猛海鮮： 店內其實有部「夾海鮮機」，就像日本夾公仔機，可以夾海鮮。機內海鮮是即時更換，定期又會轉款，客人可以得到一個代幣，投入便可以開始遊戲，夾到額外海鮮就即場加入粥底熬煮。可惜當日遊戲機送了去修整，當晚暫時無得玩。 打邊爐不一定要人多，知己四、五人可以圍在圓枱一起吃；兩、三個亦可以舒舒服服的坐邊位： 一如以往，先行混醬： 當晚先吃套餐 $ 398 / 每位 (2位起)，包一個「燕窩桃膠木瓜粥底」及「海鮮拼盤」。 有圖有真相，燕窩放在旁邊，份量一目了然。還有木瓜、紅棗、桃膠和杞子等配料： 在侍應幫助下，一一加入粥底，因為以上材料的味道比較清淡，用來淥海鮮會可突出鮮味。 桃膠是新一代平民燕窩，加上燕窩真身和各種養顏食材，能滋潤美肌

舊同事來電，約我一齊食晚餐，聚一聚順便比喜帖我，並介紹他的未來太太我認識，真係恭喜矖！他提議去阿爺粥膳八鮮鍋，因為他太太喜歡那兒有纖體火鍋食，做新娘當然要Keep Fit，食方面當然要就下佢，我冇所謂啊！其實湯底都有好多選擇，為了未來的新娘子，我們選了纖體紅豆紫薯粥，首先上一鍋粥水，再放入紫薯、紫准山、紅豆健康食材。跟住就食火鍋，首先食海鮮，波士頓龍蝦、花甲、肉蟹、海中蝦，粥水火鍋不能大火，海鮮在鍋裏用文火煮，龍蝦都好大隻，肉質鮮甜，其他海鮮味道都鮮味。鳥結糖和招牌唐三彩彈牙，蟹粉蝦餃皇，蟹粉鮮、蝦肉爽口。色澤翠綠、外觀細如繩子的「水蓮」，口感清甜爽脆，含有膳食纖維、鉀、鈣、鎂、鐵離子等人體必須營養素。最後就係將有米粥加入火鍋粥底，做成鮮甜的纖體紅豆紫薯粥。芒果沙冰冰凍好飲，芒果味香。西瓜大菜糕作為飯後甜品。

從朋友口中得知旺角阿爺粥品手工涮涮鍋提升，變成了阿爺粥膳八鮮鍋，除了提供新鮮的海鮮外，還有健康的粥底，喜歡試新嘢的我，今晚就叫埋老公去試試吧！粥底有多款選擇，有滋補的、有香濃的、也有健康的，我們選了健康的纖體紅豆紫薯粥，材料有：紫准山、紫薯、紅豆、紅豆等，侍應先將材料放入冇米的粥水內㷛滾。之後可以開始食火鍋。海鮮拼盤：海鮮好新鮮，有波士頓龍蝦、海中蝦、肉蟹、花甲。龍蝦鮮甜彈牙，肉蟹大隻實肉味鮮甜。黃金炸魚皮：沾上鹹蛋黃的炸魚皮好香口，口感卜卜脆帶鹹香味。帶子雲吞：雲吞皮薄，餡內有豬肉和帶子，味道鮮美！水菜是日本高級的食物，含豐富的維生素和胡蘿蔔素，輕輕灼一灼就食得，口感清香嫩脆。食完火鍋，侍應將粥膽放入粥水內。攪伴均匀，煮滾後就食得，因為粥水除了本身的材料外，還留有海鮮的精華，所以非常鮮甜。最後是自家製的甜品，西瓜雜果大菜糕，做得晶瑩剔透，十分精緻，味道不太甜。

好耐冇出街食飯，真係想嘆番餐好！其中一個朋友未到，叫咗個黃金魚皮，邊食邊傾，媲美星加波出嗰隻魚皮，熱辣辣,脆卜卜。之後店員會幫忙，全程服務非常好👍爆香材料之後，仲會加噴一噴火🔥，好似睇表演一樣。最後加埋個蟹皇湯，滾一下，有蟶子、元貝、肉蟹、蜆，仲有龍蝦。所有海鮮都好新鮮，所以我完全冇點調味。除了海鮮、仲有好多其他野食。 櫻花蝦丸幾彈牙呢個唐三彩色靚，入囗QQ的。個蟹粉蝦餃皇好正，好濃蟹皇味。濃湯加上啲蔬菜，真係正。其實我欣賞佢個甜品，有創意又健康，吾會好甜。

秋冬起，又是食蟹和食火鍋的日子，今年大閘蟹出問題，唯有改食其他種類。特登來到阿爺粥品食龍皇母米粥，這個粥底特別加了蟹黃，令所有火鍋的食物都加添了蟹黃的香味。黃金炸魚皮，新加坡的黃金魚皮就容易買到，但新鮮滾熱辣的黃金炸魚皮則是第一次食，新鮮做起的比包裝即食的鬆化，熱熱的像剛從熱鍋中炸起一樣，香脆的當然熱氣，少食多滋味，等下仍要留肚食火鍋。鍋底先用雞件，再加上其他海鮮，再注入金黃色的湯底。海鮮拼盤包含了蟶子、元貝、肉蟹、龍蝦、蜆，其中蟹和龍蝦上枱時仍是活的，超新鮮，新鮮的蟹肉質感特別不同，煮熟後蟹肉一疏疏，質感結實，而且味道清甜，店員建議肉蟹留在鍋內等待至最後才食，會令粥式更甜。新鮮活龍蝦，入口爽彈，以火鍋料來說，這個尺寸也頗大，可以用刀叉慢慢切來吃。蟹粉蝦餃皇，我想這個也可放入必點食物內，大大隻的蝦餃內有蟹粉，連粥式的蟹黃，即是由入至外，再由外至內都充滿著蟹黃香味，超邪惡。食完火鍋後會加入米做粥，粥也是超有蟹黃香味，不過咸了少少

約了幾個很久沒有見面的朋友一起吃火鍋,餐廳坐位不狹窄,不嘈雜,乾淨,店員非常好服務,幫忙煮野食,換碟,針茶,先到的朋友已點好食物,黃金炸魚皮是自家製,黃金沒有太濃味,但魚皮微溫,與出面買的凍冰冰魚皮不一樣,特別新鮮脆口不喜歡吃菇的我對這個舞茸不抗拒海鮮併盤包括聖子2隻,元貝2隻,肉蟹1隻,龍蝦1隻,蜆4隻,蟹&龍蝦好新鮮,郁下郁下,新鮮的海鮮口感很彈牙,肉蟹是用來煲湯,最後才吃,但肉質依然是一梳梳,十分鮮味!蜆,聖子沒有沙,味道也是一流,店員幫我們煮海鮮加入蟹黃湯蟹粉蝦餃皇很大粒,足料鮮蝦丸有點失色招牌唐三彩是墨魚,波菜,黃椒,味道濃, 彈牙最後加米煮成蟹皇粥,蟹黃味很鮮甜, 沒有味精,吃完不口乾大菜糕+chia seed+西瓜皮的甜品很可愛,味道清新