阿爺八鮮鍋 (已結業)

同朋友gathering唔係去食壽司，就係食雞煲就係打邊爐，why not both?! 呢度成個晚餐set有燉湯、小食、刺身、雞煲、同火鍋海鮮放題，嘩睇住個menu我都唔信真係有咁豐富，仲要係呢個價錢都唔貴。Menu上面仲有俾大家揀火鍋海鮮放題配料，真係好多選擇。個燉湯係花膠松茸燉湯，有好多松茸同花膠，真係落足料，湯都好入味，唔似其他餐廳太咸或者味精feel。仲有大蝦蟹肉沙律，仲有好多蟹籽同三文魚籽，真係勁fresh又好味。呢兩個頭盆都已經好有驚喜，材料、味道樣樣都好唔錯。在拎埋佢Facebook page或者Instagram就會送一個芝士煙肉薯蓉焗帶子，真係好好味啊！之後就緊係唔少得個雞煲啦！啲雞夠曬入味，仲有花膠同洋蔥等等配料，幾個人share剛剛好。刺身有三文魚、魷魚、象拔蚌，都好大舊。真係多嘢都食都食唔晒！今餐叫咗嘢飲，有果汁先生嘅蜂蜜雪梨同竹蔗馬蹄，加$20任飲，都幾抵。終於都黎到主菜啦，就係海鮮火鍋，海鮮有鮑魚、龍蝦、帶子、扇貝，好豐富！海鮮夠曬新鮮，龍蝦超大隻，之後仲有牛肉、魚滑、響鈴等等，勁多野食！到食完先記得影埋個魚缸，d龍蝦同鮑魚象拔蚌都係睇住佢拎出黎處理，證明

一入秋，約親friend食飯，個個都話去打邊爐，今次嚟到阿爺八鮮鍋，專食海鮮放題，都只係$338 ja！話明專食海鮮，咁點少得刺身呢！呢個刺身拼盤有好多唔同款嘅刺身，樣樣都好新鮮，賣相又吸引，讚！然後有一個雞煲前菜🤣，志在食下個味道，重點係火鍋！火鍋嘅重點係湯底！番茄石崇魚湯，一打開個煲已經聞到好重嘅魚味，真材實料！最值得讚嘅係個海鮮拼盤，有南非鮑、龍蝦、鮮魚片、元貝等等，材料勁新鮮，而且仲係任食，超抵！不過唔好浪費食物丫，食得晒至好嗌！配料選擇多，而且材料新鮮，啱晒鍾意食海鮮嘅人！Like facebook仲有是日精選海鮮送，抵食！

喜歡試新野的我，就試試這間款式多，一個價錢全包，加多$20飲品任飲。海鮮款式好多「多款任食」有龍蝦（一次性），勝子大大隻，鮑魚生猛，蜆類，由於我們都唔太識烹調，建議張貼烹調時間，讓客人知道幾時食為最鮮味。後續仲有鮮炸響令，蔬菜類，唯獨肥牛得一款 安格斯，口感麻麻。 程序先食花膠雞煲，唔夠味。再另上煲打邊爐，湯底無咩味，只有顏色 。最後在結帳時，感覺像老闆的詢問了我們有否在open rice 儲分？莫名其妙的我反問為何這問，他回答了「沒有甚麼，只是他們收了我們每位$12」 回想一下，這是甚麼意思？！是我們令佢收費用，所以有意見給客人嗎？

同事推介，所以收工後齊齊去食阿爺🤭一黎到每位一個燉湯同雞煲先，跟住再有刺身拼盤... 食完雞煲後會換煲，好啦，開始打邊爐，每拎一碟海鮮上枱我地都嘩，嘩，嘩😂因為真係好生猛新鮮又多款式。食完晒d海鮮仲有任選打邊爐食材... 可惜我地食晒d海鮮已經飽飽地。9點後到又再平dd，埋單人頭唔洗4百蚊，真係好值得再去！

轉眼間已經有秋意🍂🍁真係好適合打邊爐呀🤤今日就去左一直好想去既🌟阿爺八鮮鍋🌟🔺刺身拼盤😍 黎做頭盤有我最愛既三文魚、象拔蚌、海立魚刺身etc🤤之後就到今餐既重點🔺火鍋海鮮🦐🦞🦀🦑 有超多款海鮮類 無限放題‼️‼️eg.花膠、元貝、聖子、北寄貝、花蟹、馬甲貝 、蝦🦐etc樣樣都好新鮮、鮮甜👍🏻仲有好多適合火鍋既材料都係任食架~令我最期待既就一定係🔺海鮮盛宴有龍蝦🦞、南非鮑魚、阿拉斯加長腳蟹🦀火鍋湯底就揀左🔺南瓜🎃海鮮湯非常香濃、鮮甜今次仲試左幾款廚師推介既小食最後當然吾少得甜品啦依家有優惠 : 每日送一款時令海鮮架仲吾快啲約埋朋友仔去「十下十下」😆阿爺八鮮鍋 📍地址 : 旺角登打士街你43H號登打士街廣場3樓營業時間 : 星期一至日 5pm至0100am電話: 2527-8383

海鮮新鮮，款式選擇多，員工態度友善，上菜速度快，任食套餐每人一個花膠湯，跟一個小食一個雞煲，海鮮質素高，龍蝦鮮味肉質彈牙，鮑魚大隻軟滑仲會郁，象拔蚌爽口唔會太薄，超值抵食高質海鮮放題

一行8人，第一次幫襯。同行友人都有咀尖嘅，一個個來到先話，冷氣太夠了，未開飯有啲凍。。。當然食到中段就知冷氣足嘅重要性。選了任食火煱餐，加20任飲。 未上熱食，先一人一盅燉湯。 足料有花膠，魚翅，雞，以附送湯水來講，絕對無投訴。再來就一個象拔蚌，三文魚，北寄貝拼盤，拔蚌生猛出色，其他幾樣就叫基本大路貨啦。跟住就乾燒花膠雞煲，夠香，夠多料。食左熱身，就入戲肉，生猛海鮮拼盤，一人半隻龍蝦，絕不欺場，隻龍蝦最少有成10兩，再加蟶子皇(係北歐貨)，大元貝，生猛鮑魚，生猛海中蝦，刀貝，蜆，樣樣新鮮，除左龍蝦都係任加任叫，牛肉係安格斯。。。真係無投訴。成班朋友話，痴線，呢間嘢點維皮架？食到勁滿足，一人都係3百幾。一定會再來。

正!!! 估唔到任食火鍋都有咁新鮮嘅海鮮食!! 除左海鮮之外, 個套餐仲包咗好多嘢食!! 一坐低就每人先有一盅足料花膠燉湯, 飲落無味精味, 夠曬滋潤!! 飲完湯就上餐前小食, 今晚係椒鹽班頭腩, 脆卜卜, 夠曬惹味!! 之後就再黎個刺身拼盤, 店員仲同我哋講, 今晚象拔蚌刺身係任食架!! 食完刺身就到熱辣辣嘅花膠雞煲, 仲有得揀辣定唔辣添~ 黎到呢到, 終於到海鮮火鍋上場喇!! 先黎個海鮮拼盤, 有青口、星斑片、海蝦、花甲、蜆同南非鮑魚!! 拼盤唔夠食, 仲可以追加添~!! 今晚不停追加南非鮑魚同象拔蚌刺身, 真係食到捧住個肚走呀!! 下次一定會再黎幫襯!!

之前去過食就好差海鮮又唔好食又收費又高，但我尋晚去食已經唔同哂，問返店長先知到原來係轉左手所以D野食唔同哂，海鮮又新鮮又大隻又多，雞煲又好食仲有魚生等等好多野食樣樣都好好食，希望一路好落去啦咁大家都有好野食👍

第一次食海鮮粥底鍋，首先要揀一個海鮮set同埋湯底。然後店員會攞個鍋過尼係你面前煮d海鮮，會細心提你記得攞相機出尼影相，同埋每款海鮮既最佳品嚐時間，仲會表現個鍋著曬火。但係食落味道其實好一般無特別，反而個海鮮湯底就有驚喜幾鮮甜，好似叫龍皇湯。食完曬d海鮮之後就會加粥加湯底落去個鍋度煮，我食左兩碗就停左食唔落，但係感覺只係短暫式飽肚。每人最後200-300蚊埋單。

7月7號 同5個朋友夾埋6個人黎係點心紙點左的菜10有8都冇黎最過份係紫菜響玲，我地枱點左3次，1次都冇黎，但冇隔離枱遲過我地入座同交單的反而一盤一盤咁上。最大問題係你地果時唔係滿座仲有4-5張空枱，咁所可以漏單？定係專登唔出比我依枱。最搞笑係我有位朋友追單你地居然有位姐姐出聲話「上漏野咩？上漏左d咩野呀。」果下先火，之後居然係個爐底爬左幾隻迷你小強出黎，當堂無哂胃口。家下隔離枱3條女食同我果枱5男1女食，係咪大細超，多女多服務d。168+1 買難受，唔會再有下次，包括你地旗下所有鋪頭。Ps.其中4位食完個肚唔舒服左幾日。

永不會再來！由一入餐廳已經只有2.3枱客，完全不繁忙時段，樓面又勁hea，連另外一位姐姐比較有心啲做，都說係丫我都覺得唔係做野架d人！入到餐廳完全無介紹，又要等勁耐先有人理你！完全唔知食咩！落左單又等左半個鐘以上先出菜！得一張枱既時候都可以咁樣？而且叫極都無人理你！成個場無人架！食物更加唔好講，劣質，人頭400幾一個海鮮火鍋，我唔會要求係咩質素，但亦都唔係特別便宜，餐廳的服務同食物令到以後不會再黎！邊個話好食底食？完全係伏伏伏！

食飯食到第一次為依間垃圾餐廳寫食評！晚上十點半左右入座，全場得三張枱，一張是我地剛入座，另兩張已經食完坐係度吹水。無幾耐已經得返我地一枱。由一開始入座叫野食全程無人理會，就算落左單都無人入單，全餐廳得我地一枱，成班人唔知去哂邊偷懶，再講亦無人介紹點樣叫餐。食物質素唔再講對唔住依個價錢！另外有朋友後來加入，叫佢加多個位。直到我地食到飽哂，之後先同我地講話要收返另外一位個套餐價錢298。但朋友已經食到飽食唔落，問佢點解叫你加個位時你唔講？而家個個食飽先黎講？唔係價錢問題，係處理方式好有問題！身為經理答唔出！問佢點解成晚得一枱等野食要等到勁耐？佢答話要等爐著，食物配料手工切。如果全場得一枱，如果依你所講手工切，咁繁忙時間應該要等一小時以上先出到菜。以後都唔會再黎，唔會介紹朋友，做餐廳除左講食物質素，相比服務態度更重要！唔推薦大家黎依間，幾百元一餐飯有更好選擇。

今次已經是第二次來了，水準仍然好好。我們點了298的海鮮套餐，再加69元任飲任食。 首先來一個花膠湯，有好多花膠仲配半隻雞，超鮮甜。 海鮮非常新鮮，碟上的鮑魚仲郁緊的。 他們的招呼很好，好用心煎海鮮。 任食的款式很多，巨根蟹棒，黃金魚皮，即炸響鈴是必叫的。 最後就是主角粥底，有點咸，但也是相當鮮甜的。

係facebook睇到某著名foodie賣廣告賣到好好食 而且仲話二人同行送雞煲 所以就去試下一去到店員介紹個套餐 我地就跟個foodie介紹簡左$218個個 **除左$218仲要加$10醬料費 但由一開始食到最後都無店員比醬料我地 仲想收我地醬料費 好彩有相為證（圖6）**（facebook賣廣告時係寫$198 可能係星期五關係所以無追問）然後店員問我加唔加$68任食任飲 如果唔加套餐亦都包左6樣火鍋料/小食/甜品揀 （冇得揀野飲）咁我地得兩個女仔 諗住有海鮮鍋又有雞煲都夠 所以就唔加 店員即刻黑臉 🙃haha跟住我地落單時問左第一次係咪會有雞煲送（某foodie優惠 有訂座就會送 訂座時wts店員都話左會有）然後店員都話會上左個雞煲比我地先 但最後係黎左海鮮鍋先唔緊要我地食完咪再轉煲囉海鮮都幾新鮮 尤其係北寄貝 但蝦就唔太靚入面仲包左女件雞 都幾滑幾好食另外我地揀左6樣火鍋料同小食講講我最深刻既幾樣腐乳炸雞翼 凍既 連翻炸都唔炸 仲衰過放題手打丸 一蚊都大粒過佢 不過唔差烏冬 估唔到貴既火鍋連稻庭烏冬都冇 係包裝烏冬食哂後就叫店員上粥 我自己都食過幾多次呢啲火鍋但好多都係用米再煮粥