阿爺八鮮鍋 (已結業)

佢地一開始會一道一道上瘦肉花膠嚮螺雞湯一壺燒秋刀魚:我覺得完全unnecessary, 但冇問題，燒得好乾下，但ok 啦花膠雞煲，刺身盛，海鮮併盤 (非常高質!!)有幾大缺點 : 任食火鍋料計人頭，餃丸果啲一粒一次，落一次單出得極慢。牛肉好有牛味，瘦，鞋豬好好食，人頭每次2片餃子好好食，但都係每次比一隻你其他生料選擇都好少。加$20 任飲，但唔係任攞，係要order…提一提男廁好乾淨冇異味，mk 火鍋店真心難得總結: 邊爐極古寒，但火鍋前部分用質及準備得非常高質。將功補過，不過不失。1930~2130 加任飲加一 ，大概400。我會回頭，帶朋友去試下

朋友嘅同事介紹嚟呢度試吓，又見到其他食評大部份都係👍🏻👍🏻，所以就決定試一試。由於呢間餐廳都幾爆嘅關係，我哋早一個星期之前已經打電話嚟訂位，當日嚟到講返Booking Number，其實都唔使點等，直接有職員帶你入坐。首先，講返呢間餐廳的確係好旺場，我哋預約咗7:30pm去到已經人山人海，而且座位比較迫夾，職員都算多，但運作極之混亂，佢本身限時兩個鐘，我哋落單之後，差唔多等咗15 mins先有嘢食上枱，仲要中間追左N次，嘢食未食完，又趕住收走，勁趕客！不過，都知香港好多任食嗰啲餐廳都有同樣嘅問題！嘢食方面佢有刺身，雞煲，多種海鮮，賣相都算新鮮。本來以為佢除咗人多，座位比較迫同埋嘈啲之外，點知到咗第二日中午，我開始肚瀉，瀉咗3-4次，我冇睇醫生，因為唔想食止瀉藥，變相困住啲菌係入面，仲衰！跟住即刻whatsapp我個friend，佢話佢冇事，仲話可能係啲火鍋蠔有問題，因為淨係我有食到（佢冇）點知去到差唔多傍晚，我個friend whatsapp我話佢開始肚瀉+發高燒，之後仲入埋廠，從此呢間嘢永久blacklist 完！

「阿爺八鮮鍋」主打任食靚海鮮火鍋，呢日特登同女朋友嚟試一試👫🏻。.店員首先送上燉湯同刺身。燉湯滋潤，刺身新鮮。.接住落嚟就開始食雞煲🌶，雞煲有唔少花膠，醬汁香辣得嚟又開胃。.跟住終於有我哋最期待嘅海鮮盒，有齊龍蝦、鮑魚，仲有各款時令海鮮🦐🦞🐟。值得一讚係龍蝦鮮甜又彈牙。.除咗海鮮之外，佢哋亦有唔同嘅打邊爐配料任食。.當中最有驚喜係各款手工丸類，尤其係薑汁陳皮豬肉丸，創新得嚟仲好足料👍🏻。

之前見其他foodie嚟依到打邊爐嘅食物超豐富🤩，除咗有海鮮任食嘅邊爐之外，仲會有埋雞煲同刺身食！乜都想試吓嘅我就決定嚟食吓😋。一坐底店員已經攞咗生果杯🍉🍎🍐同小食魷魚串燒🦑俾我哋，仲好貼心咁介紹會有啲乜嘢食。食完小食之後就有一大盤刺身奉上🍣，有帶子，呑拿魚，油金魚同魷魚🦑🐟，味道鮮甜好食。之後有花膠雞煲上枱🐔，雞肉嫩滑，唔會太咸，花膠份量很多。最後仲有花膠老火湯飲，飲落一啲都無味精味👍🏻，就好似啊媽煲啲湯一樣咁足料鮮甜。未開始打邊爐已經有咁多好嘢食，cp值很高😎！除咗任飲任食嘅食材之外，店員仲會送上一客海鮮船，有龍蝦🦞，賴尿蝦🦐，鮑魚同扇貝，依到嘅海鮮真係意想不到嘅高汁😲，唔會因為係送嘅就張貨就貨。龍蝦肉質鮮甜彈牙，仲要有蝦膏嘅，鮑魚同扇貝用嚟打邊爐都唔會韌同縮水🥳。任飲任食嘅食材都十分高質！有自家製丸子，安格斯牛小排🐮，各式各樣嘅海鮮，響玲同蔬菜🥬......牛小排十分高質🥩，唔會係肥膏多過牛嘅肥牛。蟹柳超超超超長😛。手打丸子都好彈牙。任食嘅海鮮連鮑魚都有🥰，我哋食咗佢同蝦，蟶子，生蠔，全部都好新鮮，人均300幾，海鮮控嚟依到一定可以回本！

喜愛食火鍋，現在已沒有分季節了，今晚來到旺角，又選擇了食火鍋。旺角是香港的旺區，美食非常多，今晚我們就揀了登打士街的阿爺八鮮鍋放題。阿爺八鮮鍋$338跟餐的有:時令精選燉湯、廚師推介小食、時令刺身拼盤、海鮮超級盒及花膠雞煲。等煲上的期間，餐廳很是貼心，先送上小食燒魷魚串，魷魚燒得很香口，做餐前小食最適合。餐廳上菜非常快，跟餐的一下子就全上了。花膠響螺燉湯餐廳很細心，花膠響螺燉湯用細細火熱著，令客人可慢慢品嘗，湯料很足，見到裡面有很多的花膠及響螺，湯底很清甜。花膠雞煲花膠雞煲可揀辣及辣，我們揀了食不辣，花膠大大件又夠厚身，雞肉也是切得較為大件，當中的芫茜及秘制調味，令雞及花膠非常入味，美味哦。刺身拼盤有劍魚腩、鮮魷魚、鮮鮑片及帶子拼盤…等刺身。每款刺身都很新鮮。當中最愛食的劍魚腩很油香，又鮮味。鮮鮑片有鮑魚味，很鮮甜。帶子拼盤份量很多，細細粒，也是非常新鮮。link 社交平台會送廚師推介，今日送的是新鮮又吸睛的海膽，海膽軟滑油香，食完口腔也帶著餘香呢。食完雞煲跟著換鍋打邊爐，要了個鴛鴦鍋。海鮮超級盒餐中的重主角，當然是海鮮超級盒，有龍蝦、鮑魚、扇貝…等。各款海鮮超新鮮。龍蝦及鮑魚，肉質

食得豪，坐得舒服，咁既價錢街市都買唔到1家5口去食次次最怕2隻馬騮仔冇位坐，任食場多數逼都爆丫爺張枱bb車都放得落正，又有bb櫈，兩隻都坐得舒服，個晚食左隻蟹，其實係第2次水準一流蒸都8成熟再冰鎮蟹鮮蟹水留哂係壳到又唔會暒，不過老虎話中意熱食，頭盤雞煲刺身船有水準，再黎龍蝦帶子，不過主力梗係食海鮮啦，生蠔鮑魚大大隻聖子花膠蟹食到飽，隻蝦先要贊串得有心機隻隻淥完頭岳岳好似游水咁好得意，食都7788先見到個茶壺，原來係湯，花膠响螺清到佢飲到free左3次最後連甜品都食到乾乾淨淨

我地7：30到，$338一位， 任食多款海鮮、火鍋配料。一開頭上咗碟蝦多士，連頭盤都係有海鮮。另外，有花膠湯飲，非常足料，成壺都係花膠。過咗無耐就上埋刺身拼盤，元貝鮮甜，配柚子汁很開胃。因為like & share 咗佢地社交平台，所以送咗兩隻阿拉斯加長腳蟹比我地。刺身未食完，雞煲已經黎到！裏面D雞已熟透，花很短時間就可以將佢加熱。雞煲很惹味，肉質嫩滑。呢度同其他食雞煲嘅餐廳唔同，食完雞煲之後，店員會拎另一個鍋比客人火鍋用。好處就係煲湯唔會有燶味，同埋唔會太油。海鮮拼盤好足料，有龍蝦、帶子和鮑魚。 重有很多其他火鍋配料任點。

第一次黎到阿爺八鮮火鍋，令人有意外驚喜，鐘意食海鮮既朋友仔就必試啦！雞煲火鍋兩小時任食放題，海鮮新鮮👍🏾✅老火燉花膠湯雞煲未黎之前店員為我地送上燉湯，仲一直用小燭台保溫，燉湯清甜滋潤，無加味精，仲見到有大大舊花膠係壺內✅刺身拼盤拼盤內有5-6款唔同既海鮮，個人最鐘意帶子粒，細細粒但夠鮮甜✅海鮮拼盤🦞厚肉龍蝦夠睇頭，仲有扇貝同鮑魚，見到鮑魚係拼盤上仲郁下郁下，非常新鮮肥美✅惹味雞煲搵咗少辣既口味，雖然見到有唔少辣椒，但味道吾會太辣，雞肉既份量適中，雞肉吾算厚肉但肉質嫩滑，而且入面仲有厚身既花膠，吸哂雞煲既醬汁好入味✅清湯邊爐揀左個清湯湯底，鐘意食辣既朋友可以試下麻辣，配料方面選擇算多，有自家制既丸同水餃、海鮮同時蔬，所有材料都足料冇飛單✅火鍋配料：必試安格斯牛肉牛肉既顏色新鮮，切到有少少厚度，但重牛味，有口感得黎唔會韌，脂肪比例平均，必試之選😛✅火鍋配料：泥猛、花蟹、龍躉斑片泥猛新鮮，見住廚師會係魚缸度捉出黎，肉質結實鮮甜；花蟹雖然細細隻但都多膏，斑片肉質嫩滑🌟值得一提點單既時候，店員會因應人數安排選擇食物既份量，咁就可以試到好多唔同既食物，又吾會浪費左，係貼心又環保既做法👍🏾

呢個餐真係好多嘢食，感覺啲嘢食源源不絕咁嚟，完全冇停過口!! 首先上是日小食同燉湯，今日個小食係秋刀魚，因為自己唔係咁鍾意食魚，所以只係試咗少少，個燉湯就好正，應該係雞燉湯，有大大嚿花膠，有個火keep住個溫度，好飲!! 餐牌冇寫生果，但無啦啦有生果餸，生果都幾新鮮鮮甜!! 估佢唔到刺身拼盤竟然有海膽，三文魚都幾厚切，味道OK架!! 食到呢度其實都飽飽地，但係仲有好多嘢食!! 跟住到上雞煲，啲雞幾滑嘅，我聽到隔離枱話走雞煲，唔想食嘅話就主打打邊爐都可以，要讚下幾flexible!! 打邊爐唔係用雞煲啲汁，會換過一個清湯俾你，呢樣野幾好，非常推介佢嘅安格斯牛肉，雖然我哋好飽但都食咗兩碟，另外佢嘅海鮮任食嘅選擇都多，亦會上一個海鮮超級盒俾你，龍蝦就冇得refill，龍蝦啲肉幾鮮甜彈牙!! 總括嚟講性價比好高，有好多嘢食，特別適合鍾意海鮮嘅朋友!!

一坐低店員就送上燉湯同水果，為我地介紹會先食小食、刺身同雞煲，之後再打邊爐。雞煲入面仲有大大舊花膠，兩人份量都唔少，然後就送上一個海鮮拼盤，佢地唔同嘅優惠，我當日share 社交平台就送花咲蟹，拼盤仲有龍蝦、鮑魚、賴尿蝦同元貝，淨係個拼盤已經回曬本。佢地任食嘅食物種類亦都唔少，特別係海鮮，有花蟹仔、聖子、蝦、帶子等等，加8蚊仲可以任食鮑魚，而其他肉類、丸類同蔬菜類都好高質同新鮮。最後仲有甜品送，真係飽到抱住個肚走。

見到呢間阿爺八鮮鍋近排係openrice排名好高 今晚嚟試下啦 估唔到成場爆滿 要食記得一早訂位啦 佢有分3個時段 所有野任食 要加$20就有飲品任飲坐低左一陣 就有生果 小食（魚餅）同埋功夫茶比我地食住先 個功夫茶仲用野熱住 飲左幾啖先諗到係咩味 係有種杏仁味呀 好特別 跟住就有刺身拼盤 like同share 社交平台仲有海膽刺身送 即刻比個like佢先 食落都好新鮮 到花膠雞煲啦 叫左小辣食落好香口 雞唔算多 啱哂可以每樣試少少 留番個肚打邊爐我地叫左個鴛鴦鍋 一邊南瓜湯底 一邊係辣食完呢堆前菜終於到期待已久嘅海鮮拼盤啦 有龍蝦 鮑魚 扇貝隻鮑魚好新鮮上枱仲識郁ga 跟住仲有蟶子 海班片 頭腩 嘩真係食海鮮都回本呀 除左海鮮 佢d手打丸都好有驚喜 每份按人數比 唔怕多得濟會浪費 呢度無肥牛 有一款安格斯牛小排 不過我覺得用嚟打邊爐會厚左d 不過呢度主要食海鮮就唔focus係牛度啦臨尾叫左d菜呀烏冬 烏冬吸哂海鮮湯底 超好味 食到好飽好滿足嘅一餐 不過一人多就好嘈 要好大聲講野先得 同幾個朋友嚟吹下水都幾好

話說都有一段日子無烚下烚下🥢🍲, 於是今晚收左工就同朋友去打邊邊😝! 今次就揀左係旺角嘅阿爺八鮮鍋到試下😆! 7點去到已經人流湧湧, 好彩仲有一張枱🤗 餐廳唔算好大, 望落都幾企理, 地下亦無痴笠笠嘅感覺! 小妹同朋友坐左係靠窗嘅卡位, 感覺都幾闊落舒適! E到係食花膠雞煲火鍋海鮮甜品飲品放題🥘🦀🦞🦐🍰, 仲有老火燉湯🥣, 刺身拼盤同廚師推介小食, 仲要日日都唔同款😋 一次過滿足哂咁多個願望😏!是日廚師推介小食:醉蝦🍶🦐小冷盤有醉蝦的確幾有誠意!蝦肉幾爽同彈牙帶微微酒味, 一人幾隻作為前菜幾開胃, 小妹覺得如果酒味可以再重d更好😊!迷你冰凍水果盤🍇🍈🍉整體嚟講所有生果都好甜, 夠哂凍好消暑降溫, 但最有驚喜係入面竟然有荔枝而且都幾甜😯!是日老火燉湯:花膠湯🥣賣相方面幾吸引, 入面好足料好多花膠, 湯汁清甜滋潤唔味精😊!刺身拼盤拼盤有5種唔同刺身, 新鮮肥美, 味道唔錯!花膠雞煲🐔🥘雞煲叫左唔辣🙅🏻‍♀️🌶但同樣非常惹味😋, 花膠肉厚又大塊, 非常慷慨! 膠質重而且仲好入味, 大大啖食超爽🤣雞件又嫩又滑, 兩者份量適中, 食完又可以開始打邊爐😆👏🏻! 海鮮超級盒🦞有鮮甜龍蝦同帶子, 肉厚爽

朋友相聚當然打個邊爐，今次就揀左出名海鮮正嘅阿爺八鮮鍋一坐低無耐，就有同事上咗份生果、刺身，涼拌小食同埋燉湯俾我哋食住先刺身好夠新鮮，啲海膽食得出鮮甜味。而個燉湯係花膠瘦肉燉湯呢，睇落細細壺但係量都幾多，另外佢仲有個火爐仔煲住佢等佢保持到微熱嘅溫度。飲完個燉湯仲可以食埋煲湯嗰嚿花膠😂食晒前菜之後就上左雞煲先，雞煲嘅份量唔算好多，但係以二人嚟講係足夠嘅。雞煲唔會太咸，都惹味嘅，完左雞煲就直接可以打邊爐啦～同事上咗個海鮮拼盤俾我哋打邊爐落嘅，當中有龍蝦、鮑魚、帶子同埋青口邊爐個湯一上我都諗咗陣個湯底會唔會齋咗啲，咩料都無咁，食落去先知因為呢間店係專食海鮮，而且有部分海鮮係做放題，而且仲要係高質海鮮，唔係俾啲便宜貨出呢，所以煲煲吓個湯會吸晒啲海鮮嘅精華，愈煲愈有味。另外佢有啲自家製嘅餃同埋丸都好好食，份量十足海鮮高質仲要放題，真係無幾多間店可以做得到😂

今日約了朋友食飯選擇了這間火鍋店~一入到去已經安排坐卡位 環境相當闊落 坐得舒服 有一張大枱可以放很多食品這兒分三個時段 我們的時段是7:30至9:30 $338一位 已經包括了是日精選燉湯 廚師推介小食 刺身拼盤 雞煲同放題 非常豐富 燉湯非常清甜 放在小壺上保溫 廚師推介小食 送上生果盤和枝豆 非常開胃刺身拼盤有三文魚 吞拿魚和海膽等等 感覺也新鮮的雞煲可以選擇辣或不辣 我們選擇了不辣 很快送上 雞件有五六件左右 雞煲也非常入味 炒得夠香接着便是主打的火鍋 首先送上海鮮拼盤 有龍蝦鮑魚帶子 全都非常新鮮 啖啖肉 我覺得食到這裏已經差不多值回票價 然後還有一張菜單 任叫任食飲品只要加$20也可以任飲 有啤酒 可樂 七喜等等 叫了很多食物 值得推介的安格斯牛肉 手打黑松露墨魚丸和水餃 這兒的份量每次上的不多 所以可以再有空間嘗試其他非常飽 非常滿足最後叫個一口意大利咖啡蛋糕 為這一餐畫上完美嘅句號

聽朋友介紹，話呢度好正，雞煲，刺身，海鮮打邊爐樣樣都有得食，仲有靚湯飲添，地點又方便，係正旺角，結果就上黎試試地方四正坐得都幾舒服，我哋叫咗任食任飲，侍應話like & share仲有刺身送添，侍應仲好風趣幽默！先上雞煲，叫左個小辣，好啱我口味，少少甜，雞肉又嫩滑刺身有海胆，吞拿魚，三文魚同池魚，每人一塊剛剛好海螺花膠靚湯堅好飲，完全無味精又足料，我直情食埋啲湯料重頭戲黎啦，海鮮火鍋任食，先送一盤海鮮，有龍蝦🦞，鮑魚，扇貝，隻龍蝦都幾大隻，一啲都唔馬虎，海鮮新鮮到不得了！其實仲有勁多任食海鮮比你揀，有生蠔，海斑片，聖子，瀨尿蝦，海蝦，帶子，蟹。。。。樣樣都好味！其他打邊爐配料如牛肉，豚肉，午餐肉，丸，菜等咩都有，必點推介一定要食安格斯牛肉同牛筋丸，牛肉味重又好味😋！仲有甜品同生果杯食添，今餐真係堅