阿四車仔麵 (已結業)

傳統車仔麵，估唔到阿四車仔麵都做得咁好食，而家係出面食既車仔麵既餸又小又細件，好耐未見過豬腸會咁大舊，大舊得嚟又唔(un)，魚蛋同豬皮又夠辣又好食😋，價錢3餸一麵加埋支樽裝可樂都係$44好抵食👍🏻，下次會試埋小食☺️。環境方面，夠光猛、乾淨企理，有禮貌服務好👍🏻👍🏻👍🏻👍🏻👍🏻而家食車仔麵又多個選擇😌

甚少去粉嶺，果日行行下見到幾多人等位既車仔麵，其實因為太肚餓，就去食個lunch 🥰豬腩肉、魚旦、冬菇米線，小辣，愛spicy food 既你可以再加辣椒醬的冬菇入哂味，大大舊好抵呀，再黎魚旦，估唔到咁彈牙，好爽口，豬腩肉雖然係肥，但都好入味。同埋唔會好溜。我最愛魷魚，叫埋個咖哩魷魚就perfect! 完美了。以為佢冇味唔太辣，點知都辣，香噴噴咖哩味！人頭湧湧要等位，我就食完快閃。但味道整體唔錯，會再去。

📍阿四車仔麵咁大個女都係第一次去粉嶺，行左一陣有d攰，又好想食d簡單既食物，就黎左呢間車仔麵食個light lunch。--小編叫左個粗麵搭配蟹柳，辣魚蛋，龍蝦丸。粗麵有嚼勁，份量都多。龍蝦丸彈牙可口。魚蛋夠曬香辣。--友人叫咗四個餸嘅讚岐烏冬，有滷水蛋、蘿蔔、牛腩、瑞士雞翼配腩汁。四餸麵嚟講真喺好足料，特別喺蘿蔔大大舊煮得好入味好淋，加埋滷蛋、牛腩同瑞士雞翼，食落好滿足。--小食叫咗炸墨魚卷，青菜同埋辣魷魚。炸墨魚卷，皮炸到好薄，食落外脆內軟，入面重加咗細細粒嘅墨魚，口感一流。辣魷魚好彈牙爽口，夠香辣，食落好惹味。--凍奶茶同鴛鴦 (少甜少冰)奶茶香濃順滑，夏天飲啱啱好。

我鍾意食呢間車仔麵，因為環境好，唔會污糟。車仔麵有好多款式選擇，又有小食。呢度嘅樽仔港式奶茶係必叫，因為夠香滑，茶味濃，好好飲。叫咗小食，炸豆腐一份有五件，大大件，非常抵食。一定要加個甜辣醬，有少少臭豆腐風味。另外叫咗咖喱魷魚，味道都唔錯 ，再叫咗份油菜夠林。車仔麵揀咗咖喱魚蛋，大大粒有四粒。魚片頭夠爽口；豬紅配沙嗲湯底好夾。墨魚春卷我覺得好食，兩大條有墨魚粒。揀咗米線湯底揀腩汁及沙嗲汁，好正！另一碗揀咗豬大腸、滷水腩片、豬皮、魚片頭、仿鮑片及墨魚春卷。豬大腸及豬皮都夠林，滷水腩片夠入味。

今日有d趕時間, 整個快靚正車仔麵先! 話時話而家d車仔麵唔再嗱渣, 好多都裝修到靚靚仔仔成間冰室咁, 今日食依間阿四就係其一,  而家食野最緊要乾淨企理!好肚餓叫左6餸! 滷水腩肉, 牛腩, 瑞士雞翼, 蘿蔔, 雞翼尖, 溏心蛋飯, 又擺得幾靚仔, 最吸睛係個滷水腩肉, 估唔到佢咁大塊同埋肥瘦相間, 入口果然邪惡, 好香, 另外溏心蛋都好正, 溏心狀態岩岩好, 仲有d醉蛋既味道~ 飯就簡單配個腩汁已經好ok~ 加杯紅豆冰, 夠濃又多紅豆!朋友叫左個魚蛋, 蘿蔔,  炸墨魚卷, 豬大腸同瑞士雞翼油麵, 魚蛋可能浸左湯所以唔辣, 豬大腸大舊有咬口, 最緊要係非常乾淨同埋冇一舊舊肥膏痴住, 炸墨魚卷彈牙幾好食~ 配埋麻辣醬, 枱上仲有店自家製既辣菜圃, 加埋落去仲惹味! 叫左支樽仔奶茶, 茶味香入口滑, 而且唔算好甜, 好岩佢口味咁話wo~叫個油菜食下, 新鮮又嫩綠, 而且中意佢冇乜油!

早前試完一間聯和墟新開既車仔麵店，充滿我中學時代既味道和回憶，重燃我對車仔麵既興趣，所以今日決定試另一間評論較高既車仔麵店。三餸車仔麵$38，再送熱飲/加$3凍飲，如果想食炸野，呢度都有吉列豬扒、吉列蠔、南瓜薯餅、炸雞塊。本身見其他食評講吉列蠔好正，打算試下，點知無貨，無緣試。辣魷魚、滷水腩肉、炸墨魚卷粗麵沙嗲醬分量唔算多，加埋杯餐飲對女仔黎講岩岩好。各樣都係正常水平，值得一提既係滷水腩肉，我見十個食評有6-7個都推介，當然要試!! 腩肉切得幾厚唔會薄到似紙，食落亦有口感，而且滷得幾好，豬皮同肥膏都炆到好軟。友人點左經典既白蘿蔔、魚蛋、牛腩米白蘿蔔無渣多汁亦好有蘿蔔味，牛腩炆得幾淋幾好味。小店始終係專做粉麵，所以飲品味道麻麻地，如果要加錢配，我就唔太建議。

🟩每次去車房檢查車輛，都會去呢到食車仔麵，一來在車房旁邊，二來呢到既車仔麵又平又好食又乾浄，睇佢哋整食物就知道，尤其是豬大腸，整得乾唔乾淨，好唔好食，一食個豬大腸就知道，所以我既小食就係叫豬大腸，一流，又正又好味我一直以來都好鍾意食車仔麵，所以又不可放過😂😂😂😂😂——————🟦招牌車仔麵——-我哋兩個都食呢個招牌麵，不過一個配粗麵，一個就配出前一丁👍😊何謂招牌，因為有九款餸菜，唔使左唸右唸，啱晒D有選擇困難的我.…，而且D餸仲整得好好味😋———————-🟧粗麵——滑溜有口感，加埋呢到既菜莆放在麵上一齊食仲正👍👍👍🟪出前一丁——-唔使介紹，係人都識🤣————————❤️1-招牌🦑鱿魚——-呢個鱿魚又爽又有咬口，味道更加不用講，像咖喱又似沙爹又有香辣，就是好味👍👍👍——————❤️2-鹵水豬🐷大腸——有咬口又唔會靭，豬大腸好食，但做既過程真係唔小嘢，如果通得唔乾淨，食落就會有豬臭味，所以真係食功夫，呢到通得乾淨.連入面浸油脂都挑清哂，隨了不會有🐷臭味，仲鹵得好味加炆得夠腍又帶一點口感的煙靭，出色👍👍👍👍👍————————❤️3-瑞士雞翼——又係做得好好食👍❤️4-咖喱魚蛋——咖喱惹味，爽口彈牙😋❤️

在北區好多居民無人不識老字號車仔麵檔。但近來在粉嶺聯和墟一個角落位。開了一間車仔麵舖頭。招牌車仔麵。豬皮/豬紅/豬腸/蘿蔔魚旦。車仔麵最重要係湯底再加上各式各類配料配搭的味道。我個人認為湯底味道有獨特優勢。另外豬皮和豬腸都獨立一個汁料。與麵身上混和更是美味相當。日式吉列蠔。好多地方都會做吉列蠔。但今次喜出望外的在一間車仔麵舖食到美食。他們好用心即叫即做的方式。食入口熱辣辣的蠔味道。瑞士雞翼。好多餐廳都會做。但做得好不好是另一話題。這裡做的瑞士雞翼是高水準級別。肉滑多汁。豉油同甜味配合適當

周圍行搵嘢食平時比較少食車仔麵 怕污糟～但係見到呢度光鮮企理 價錢又平 一於一試！點菜紙 一目了然餸菜嘅種類都算幾多～再加埋特色小食 Menu相當豐富！然後仲發現佢哋仲有雞髀飯、牛腩飯嗰啲唔食車仔麵都有另一個選擇～我就好懶既所以叫咗招牌車仔麵咩都有齊：魚蛋、魷魚、豬皮、豬大腸、雞翼尖、蘿蔔、豬紅、滷水蛋、雞翼配埋沙嗲醬 睇落好吸引 其實食落都好吸引～同行友人揀咗滷水腩肉、炸墨魚卷、炸豆腐同蘿蔔佢嘅滷水腩肉另外我哋仲貪心叫咗個日式吉列蠔本身以為$25嘅小食應該都係細細粒嘅蠔仔～上到枱發現粒粒到成隻雞蛋咁大！超抵食！Overall我哋都幾推薦呢一間車仔麵！食材選擇多，味道唔錯而且價錢相宜，環境乾淨，坐得舒服闊落有機會我哋都會再嚟幫襯！

呢間鋪頭有車仔麵，又有小食供應...款式多元化，價錢又合理啊！三餸一麵（$38）價錢合理又足料，麵底唔會太細份。另外，想食多幾款餸的話亦可自由添加。每個餸+$9推介必食辣魚蛋，咬落爽彈。辣度唔算太多，但香辣感十足，非常惹味。另外，炸墨魚卷都超正！炸墨魚卷厚身大條，外層香脆咬落富有口感之餘又食到粒粒炸墨粒，非常出色呀！還有魚皮都係必食之一呀！炸魚皮會分碗上，夠哂貼心！咬落脆卜卜，超正！-炸唐揚雞塊 ($25) 新鮮即炸，黃金香脆面頭加咗酸辣醬更加惹味！-炸燒賣（$20）炸燒賣外脆內軟，非常香口非常適合愛吃炸物之人呀！-樽仔奶茶 ($16）入口順滑，唔會好甜喜歡飲港式奶茶嘅愛好者絕對要試試呀！-雜果冰（$12）跟餐$12就嘆到雜果冰，好抵飲呀！雜果份量都好足料，超爽凍！每啖都透心涼，解暑一流！

早前喺呢間車仔麵店嘅旺角分店食過，好味留有好印象，知道佢哋喺粉嶺有分店，今日晏晝同住粉嶺嘅朋友一齊，就俾個地址佢睇叫佢帶我去。我哋兩個都係叫咗$38嘅三餸一麵，另外再加餸，每款$9。我哋揀咗：辣魷魚、辣豬皮、豬紅、瑞士雞翼、滷水蛋、蘿蔔、牛腩、貢丸、滷水腩肉、雞腎和冬菇。我揀咗出前一丁，朋友就揀咗粗麵。基本上每樣食物都有番咁上下水準（所以先會再幫襯），其中特別好味嘅有：豬紅好滑味道調得好好；辣魷魚爽脆彈牙，感覺好新鮮；蘿蔔有三件，每一件都幾巨型，好甜又煮得好腍；滷水腩肉滷得好入味，少少肥，但冇油膩嘅感覺；瑞士雞翼用甜豉油煮得好香好入味；雞腎彈牙有咬頭，同樣好入味。我嘅出前一丁麵湯底加咗腩汁同麻辣醬，非常惹味。朋友話佢嘅咖喱汁湯底都唔錯。一定要記住食佢放喺枱面嘅自家製醃菜脯，同麵一起吃好好味😋我哋仲分別叫咗紅豆冰同綠豆冰。呢餐絕對係高質嘅車仔麵，我哋會再幫襯😊

今日去咗踩單車 辛辛苦苦去到粉嶺聯和墟搵食 見到呢間阿四車仔麵 入去食個午餐午餐時間都幾多人 價錢唔貴 地方寬敞坐得幾舒服唔係太肚餓所以叫咗幾款小食瑞士雞翼 大大隻夠曬入味 而且仲炆到好冧 老人家小朋友都啱食鹵水豬大腸 同樣煮到入曬味 大腸嘅形狀有啲特別口感更加豐富炸墨魚卷 外脆內彈牙 墨魚味香濃而且入面仲有粒粒墨魚肉 非常足料甜酸齋 味道酸甜適中 夠曬咬口好有童年回憶你到梗係要食車仔麵啦叫咗個招牌麵 有魚蛋 豬紅 豬皮 魷魚 蘿蔔 大腸 雞翼尖等等 配稻庭烏冬 超級豐富 材料正常發揮 豬紅超級入味 好食 烏冬 食得出係貴價貨 彈牙有咬口

在旺角吃過這間車仔麵的分店，今天來到粉嶺，見到有另一間分店，當然要來試試！店面同樣清新寬敞，感覺不錯。招牌麵招牌麵有辣魚蛋、辣魷魚、豬皮、豬大腸、雞翼尖、蘿蔔、滷水蛋、瑞士雞翼和豬紅，性價比高，而且特製沙嗲醬非常正！豬皮配上沙嗲醬，非常惹味、蘿蔔是我最重視的一樣餸菜，難得的是，沒有渣，非常軟淋淋，。豉油雞髀&吉列炸蠔豉油雞髀好入味，在車仔麵店有吉列炸蠔，可謂十分特別！蠔是新鮮炸起的，卜卜脆，$25 來說，分量足夠！紅豆冰天時暑熱，最合適就是來一杯紅豆冰！紅豆大大粒，而且軟綿綿，糖分亦充足，配上椰汁，正。

天氣熱就會唔想食飯，所以今日就同朋友去食車仔面。我地兩個人入到去見到周維環境好乾淨同整潔，就諗起以前車仔面又名'嗱喳面`， 唔知大家記唔記得呢! 但係今時今日的車仔檔真係乾淨咗好多，大家可以安心食用。呢間面檔有好多不同款式嘅餸同小食，花多眼亂，最後我地叫咗兩碗三餸面同三樣小食。我覺得最最最好食嘅係日式吉列蠔，外趣肉汁又多，唔油膩，重有濃濃嘅蠔味，25蚊有5隻，好扺食，不過食個陣要小心熱，因為係即叫即做的。其次最最好味就係腩肉，本來我冇叫的，但朋友食完話好爽口，好入味，叫我一定要試下，於是分了一件俾我，果然係好味道。第三樣好味嘅係鹵水蛋，佢係好入味，但隻蛋又唔會老。其他的食物都唔錯，一定會再去食。 完

叫咗碗滷水雞翼，牛筋丸，咖哩魷魚，牛腩，油麵，咖哩汁朋友本身想叫大腸，但太好賣無哂...另外佢讚牛筋丸好味，牛腩就唔夠「林」我叫咗滷水雞翼，墨魚丸，滷水蛋，牛腩，米粉，腩汁滷水雞翼真係好正!!本身又係無哂，臨時又有返，真係勁好彩~滷水蛋就有啲太硬~墨魚丸一般不過我地都覺得個湯底好好味，下次叫下其他餸先~車仔麵價錢係38蚊(3餸1麵or淨4餸)，加餸就9蚊一款。炸南瓜薯餅 $25 兩件好驚喜! 估唔到咁好食!呢個南瓜薯餅咬落去啲南瓜蓉好香甜，外脆內軟，都係鮮炸嘅，所以要等一陣先有，但係值得嘅!炸吉列蠔 $25 五隻好好食!推介啊！即炸嘅，咬落好鬆脆，咬開入面啲汁會爆出嚟，係炸得啱啱好先會有嘅效果，蠔味都好突出。滷水雞脾 $25 一隻雞脾好大隻，肉質鮮嫩，但略嫌滷水未夠入味碗仔素翅 $20 一碗冬菇，素翅較多，肉絲較少，但味道都唔錯，本身車仔麵已經食咗好多肉，所以覺得多素菜反而幾好凍檸茶 跟餐加10蚊偏淡，唔會太甜，但因為廚房唔夠人，手沖飲品都要等