阿四車仔麵 (已結業)

<<Thursday Couple 為食記👣😋>> 好耐無同男朋友堂食了，而家晚市無咗，唯有午市去食下嘢。所以就同男友係番工之前去附近找嘢食！我哋不嬲都食開一開車仔麵，今日就想試吓啲新嘢，知道之前係聯和開左間阿四車仔麵，見佢係以灰色裝修為主！都幾特別，裡面係木枱高凳，同埋多數係比你單人坐，符合車仔麵要快靚正嘅感覺！但我今日就同男友黎大食四方！為大家試下！係咪可以再過黎食！🤣🤣🤩呢度就好似普通車仔麵檔咁，自己剔紙嗌嘢食，麵底，醬汁，餸，小食，飲品，樣樣都有！佢仲有比你加辣菜浦，同辣椒油，建議試下！成碗惹味好多嫁🥳🥳係時間嗌嘢食！🤩🤩我就叫左牛腩，蘿蔔，貢丸做餸，每樣都比得好足料，牛腩炆得淋，同入味，蘿蔔係幾大嚿，😂我起碼三大啖先可以食得完一嚿，佢一碗都有成三嚿，最緊要係佢好鮮甜，又冇渣，唔知係咪因為當造呢！貢丸都好有香菇味！而且係啖啖實口感覺，一啲都冇偷工減料！男朋友就叫了仿鮑片，牛腩，牛柏葉做餸，佢話同外面一般食嘅差唔多，味道同口感都唔差，同我樣比較推薦牛腩！😎而湯底佢就比較清，因為佢會有個醬汁做底，我哋都叫左沙嗲汁，個味好香，🥳係花生香氣，但唔會太濃，

自費架阿四車仔麵（粉嶺店）好多人在Instagram 介紹呢間車仔麵，講到好好食。於是有日在附近做完健身就去試吓。唔想諗食咩餸，就叫碗招牌麵。一碗麵有9餸，每款餸一件起兩件止，價值$60，抵唔抵就見人見智。▶️麵底幼麵煮得淋左少少，無鹼水味餸1️⃣辣魚旦無辣味，唔入味，魚旦少少彈牙2️⃣蘿蔔正常，冇渣3️⃣滷水蛋偏鹹，滷水味淡4️⃣辣魷魚無辣味，唔入味，似白灼5️⃣瑞士雞翼得表面有少少鹹豉油味，欠缺色澤，瑞士雞翼本應係甜同深色6️⃣豬紅冇腥味，唔會一夾就散，幾辣7️⃣豬大腸係九轉大腸，有口感，冇豬既腥臭味，洗得乾淨8️⃣雞翼尖比起瑞士雞翼好d，入味同上色9️⃣豬皮唔入味，但都爽口總括嚟講如果要9個餸揀一個叫好食應該係豬大腸。好味指數👍：2/5以上反映當日質素

今日lunch嗰陣時見到裝修幾靚，就入咗去試吓。我就嗌咗米線丶貢丸丶糖心蛋，同埋幾道小食，包括吉列豬扒丶瑞士汁雞翼等。首先呢度嘅米線好煙韌，比起平時係出面食到嘅米線硬正好多，好合我口味。之後但係貢丸同埋糖心蛋都冇乜特別，貢丸細細粒，而糖心蛋蛋黃太熟，會有啲失望。好在瑞士汁雞翼同埋吉列豬扒都好加分，瑞士汁雞翼好入味，而且$22有五隻，超抵！之後吉列豬扒係啱啱炸出來，所以啲皮食落去好似食緊薯片咁脆，好深刻，超級推薦呀！

車仔麵係香港嘅特色，已經好耐冇食過。今次黎到粉嶺，唔知有咩好食，行行下見到依間餐廳，就去食，結果野食都幾好味，好有香港特色。佢有好多材料可以選擇，最後好難咁簡左最想食嘅食材。溏心蛋係用日本豉油煮，蛋都幾入味，不過蛋有少少熟，但整體都幾好食。貢丸係香菇貢丸，平時都好鍾意食，貢丸嘅菇味都幾濃，鍾意菇味嘅朋友會好鍾意。牛柏葉係平時必簡嘅野，口感好爽脆可口。牛腩煮得幾好味，最鍾意牛腩有筋同香香嘅五香味，佢煮得都幾軟腍，幾好味。叫左香辣魷魚，平時咖喱魷魚都係街頭食得多，平時都係得幾條，但佢一上菜，就比佢嘅份量嚇親，佢嘅份量都幾多，佢非常抵食，同時都煮得好好味。炸腐皮墨魚卷同出面食嘅差唔多，食落都幾彈牙，配泰式辣醬就非常夾。平時依個價錢($22)，雞翼可能都係得2-3隻，但依間車仔麵食材嘅份量真係好多，雞翼都幾入味，係好好味嘅瑞士汁，同粉麵一齊食都好正。炸唐揚雞塊係岩岩炸好，上菜嘅時候熱辣辣，差D熱曬條脷。麵粉包住雞塊咁炸係真好好食，食落有少少似麥樂雞，佢都可以點泰式辣醬。吉列豬扒就非常推介，吉列豬扒最怕就係充滿油味嘅皮，但佢嘅皮炸得岩岩好，食落唔會覺得炸皮好油膩，食落都係熱辣辣。

之前獨自食過一次下午茶，印象不俗，但胃容量唔容許我試埋其他餸🤨今次帶埋朋友再戰！！每枱都配有辣菜脯😋配麵食一流👍🏻個人喜歡再辣一點🌶$60招牌麵🍜大大碗絕對超值🤤有齊哂本土特式配菜☺️ 一直以黎都覺得，要知一間車仔麵水準，蘿蔔一定係必食👍🏻蘿蔔真係做得好好食，入味又冇渣！仲食到蘿蔔鮮甜😋😋😋大讚！豬紅唔會一夾就散，大腸有咬口，魚蛋爽口，雞翼尖豬皮魷魚🦑夠稔🤤反而當日雞翼煮得比較實肉😣$45自選車仔麵🍜魚腐稔得黎有咬口，滷水腩肉夠軟，但反而滷得唔夠入味，只食到湯底味道🤔$26日式吉列蠔🦪即叫即酥炸👍🏻入面係由數隻蠔仔一齊炸🦪$26吉列豬扒🐷炸粉唔厚又夠哂大件，肉質都夠稔，醃得入味，相比起炸蠔，豬扒就啖啖肉😋$18樽仔奶茶☕️！必飲！茶香奶滑又可以解辣😋$18樽仔奶茶☕️！必飲！茶香奶滑又可以解辣😋醬汁可以揀加腩汁/咖哩/沙嗲/辣醬/麻辣醬😋我就覺得沙嗲醬最惹味😋當日訓到三點幾先起身食第一餐😂食完呢餐豐盛餐，晚飯都唔洗食😋兩個人埋單$175 免收加一 仲送凍飲🥤

原來聯和墟個頭都有li間車仔麵店, 喺li頭咁多間食店一眼就認得出佢嘅裝修(好新), 剔麵紙同旺角差唔多, 我都係食返個幾味😛.🍜豬大腸x魚腐x牛腩x沙嗲汁x米粉 (HKD45)最正就係豬大腸, 厚”肉”但唔係肥膏, 面且滷得勁入味; 魚腐夠腍之餘有個微彈牙感好食, 醬汁用一個羮分開上, 所以直接撈湯底/用黎點都得啫.🍜扎肉x蘿蔔x牛腩x腩汁x河粉 (HKD44)扎肉有兩大塊, 河粉好滑.🍜咖哩角(HKD22)肚餓!! 整個微辣咖哩角, 好脆口呀, 一碟有五件👍🏻, 點泰式辣醬好食.🍜南瓜薯餅 (HKD26)北海道炸南瓜薯餅, 炸得透而入面熱辣辣南瓜肉腍軟實在, 每件都有相當嘅份量, 必食Happy Share之選.🍜店家嘅熱好立克 (+HKD10)同凍奶茶(+HKD12)都係足料抵飲的.

#merry豬覓食在粉嶺今日同男朋友踩完單車，記得之前聽frd話粉嶺有間車仔麵幾好食，諗住都嚟到依邊，當然要去試試啦！----因為去到都已經8點，間店唔算好多人，唔洗等位，量完體溫就直接坐低叫野食，正～呢間除左車仔麵外仲有好多唔同類型既小食同樽裝野飲、特飲😆----腩汁x粗蛋麵x炸豆腐x牛腩x豬紅腩汁既份量唔算多，所以落左湯之後味道唔算太濃。牛腩夠軟身而豬紅都無腥味，炸豆腐係最好食😋即嗌即炸，炸得岩岩好，豆腐又夠滑，值得一試----沙爹醬x油麵x辣魷魚x辣魚蛋x滷水蛋沙爹醬夠曬濃味，魷魚食落幾爽口，唔會太硬，鹵水蛋同魚蛋都算入味，再加埋辣菜脯一齊食，口感好好----諗住消耗咗咁多，就叫左三個小食加個菜（冇咁有罪惡感🤭），炸唐揚雞塊同炸墨魚卷都係即叫即炸，上檯仲係熱辣辣。碗仔翅雖然唔算好大碗，但好足料😋最值得一讚既就係個腩汁菜心，好有驚喜～腩汁夠多夠濃，菜心又夠幼身，食落夠嫩又幾濃味！----男朋友點既紅豆冰飲落奶味好濃，但略嫌冰落得有d過多。----整體而言，每樣野食既份量唔算好多，所以如果同朋友share既話可以試到好多嘢，值得推介👍🏻👍🏻

好耐冇食過車仔麵，最近先發現粉嶺區內原來有呢間裝修幾新嘅車仔麵店，就決定喺度食個平靚正lunch🤣餐廳主打自選車仔麵，有好多餸可以揀，既有傳統嘅豬皮，豬紅，豬大腸可以揀，亦加入不少新款菜式，例如魚肉春卷，牛筋丸，魚腐等等🙈麵底仲有讚岐烏冬可以選擇，腩汁愛好者仲可以額外加腩汁☺️自選車仔麵(魚肉春卷，魚腐，牛筋丸，麻辣魚蛋，墨魚丸，生菜，溏心蛋)一向鍾意食多餸嘅車仔麵，今次亦不例外，叫咗6至7樣餸，整體賣相不錯，鋪滿滿滿的餸感覺好滿足🥰未食已經流晒口水🤤先講麵底，加$3揀咗讚岐烏冬，麵條十分煙韌，粗身質感十分有咬口，分量充足，吸收晒腩汁湯底精華，啖啖都感受到濃郁的牛腩香氣😝ps仲有額外加嘅腩汁，充滿濃濃的牛腩味道🥳魚腐質感厚實，有淡淡的魚肉香氣，厚切啖啖肉😝牛筋丸質感則較為爽彈，味道十分juicy，一啖咬落去爆曬汁，肉味香濃，忍唔住想食多幾粒😆溏心蛋用滷水汁調味，外面呈現淡淡的啡色，醬汁滲透於蛋白入面，令味道帶有小小的鹹香，蛋黃剛剛熟，仍有少許的蛋汁，味道香濃🥰墨魚丸和魚肉春卷都係用墨魚製成，質感較為Q彈，食到粒粒墨魚粒，口感有咬口，魚蛋亦十分彈牙😆自選車仔麵(豬大腸，豬紅，魷魚，豬皮)同

今日係屋企附近食，撞啱最近開咗依間車仔麵店，可以入嚟試一下。鋪位佔盡地理優勢，食正喺街頭嘅位置，裝修簡約但不失風味。事關我六點就已經嚟食所以比較少人，但係我食完之後人流開始湧現👻。瑞士雞翼（$22）整得超級入味，而且雞翼肉質彈牙好好食😋西生菜🥬（$22）食咗咁多嘢都要清下腸胃嘅，我鍾意佢依個夠晒清少少鹽都冇落，剩下的只有新鮮的青菜味，fresh!炸豆腐（$22）我鍾意佢炸出嚟口感好似臭豆腐，但係佢又冇臭豆腐咁炸同埋臭，好值得推介👍🏻日式吉列蠔（$22）隻蠔絕對對得起呢個價錢，大大粒，非常Juicy，又唔會過多麵粉，貨真價實。雞腎牛腩幼麵（$33）叫咗麻辣，真係好嘛好辣，雞腎好爽口好好咬口，牛腩亦都整得好淋，個幼麵亦都好彈牙性價比非常高嘅面。扎肉蘿蔔糖心蛋牛柏葉河粉（$52）作為蛋蛋控的我，隻糖心蛋絕對合我心水，牛柏葉好爽口，整體感覺好滿意，而且份量亦都唔少絕對對得起呢個價錢🤪

前排同同事去鹿頸行山，佢係係社交平台到見到粉嶺聯和墟個邊有間車仔麵，裝修靚靚，好似幾正，加上車仔麵自己揀自己鍾意的嘢食，所以就去左，原來聯和墟和火車站都有一段距離，交通唔叫方便，好在個到有小巴可以搭車去鹿頸。店舖裝修的確好靚，不過因為新meun再唔係38蚊3個餸，而係最低消費38蚊，飲品都加左假，我揀左食炸豆腐、素牛丸、腩汁跟河粉加豆漿。過左大約五分鐘就有嘢食，上菜速度都算快，但係一見到真係o嘴，因為餸菜份量真係好少，炸豆腐得一舊切開兩半舊，素牛丸12蚊有3蚊，反而同事叫的蘿蔔有四至五舊同好大舊，抵食好多，不過自己揀無得怨，同事見到我得一舊好可憐，就比左一舊蘿蔔我，蘿蔔好腍好入味，呢到叫蘿蔔的確唔錯。講返我個麵先，河粉份量都ok，索水之後會脹左少少，所以都夠食，腩汁就一湯匙左右，未算可以令到整碗粉都有濃濃的腩汁香，但味道都正常，而且佢足夠令整碗粉夠鹹。餸方面素牛肉我沒有什麼可品評，因為就是素丸本身的味道，有冬菇，有少少丸貢丸，亦都似似地牛丸的味，有食開植物肉的朋友會接受。炸豆腐無諗過得一舊，感覺少了一點，不過份量唔多唔係重點，重點係豆腐有苦味，特別係近邊位同角落位就更加明顯，少少似濃濃

今日喺上水，又想食車仔麵，就特登行嚟呢間乾淨企理嘅小店。要咗出前一丁麵，配腩汁同埋麻辣醬，另外再加餸，每款由$9至$12，揀咗：牛腩、滷水腩肉、牛筋丸、溏心蛋、午餐肉、大紅腸、蘿蔔、豬紅。每樣食物都幾好味，其中食到舔舔脷嘅有：3件大大件嘅白蘿蔔，好腍好甜好嫩滑，一啲渣都冇；滷水豬腩肉肥嘟嘟好香好滑好入味；午餐肉煎得好香，面層仲有少少脆，好正；溏心蛋火候啱啱好；豬紅好滑好美味😋出前一丁麵配腩汁同麻辣醬，非常之夾，又係食到舔舔脷😋仲有「腩汁菜心」，菜心好嫩，配腩汁食簡單好味。還有「炸唐楊雞塊」，雞肉嫩滑多汁，脆漿脆脆地好香口😋，配酸甜醬食好開胃😁「港式奶茶」好滑兼有香濃茶味，好正😋地道車仔麵美食，小店又乾淨整潔，食得開心滿足的一餐😋

「好鐘意食車仔 好多野簡 又可以簡得健康啲😆 有次去粉嶺同個朋友黎個車仔麵放題😂」.雞腎冬菇蘿蔔米粉「雞腎都算比較少見😆 佢蛋白質同鐵都高 但都有好多脂肪 間唔中食下啦」魚腐咖喱魚蛋粗麵「咖哩魚蛋既咖喱都好入味」.小食類炸燒賣「炸得好脆，份量都好多」.北海道南瓜薯餅「呢個先係大佬! 炸得好脆，入面好Creamy，但又唔膩先勁」.咖喱魷魚「鐘意食咖喱魷魚既人可單點一份小食，份量好多」.枝裝coke zero正而且重點坐得舒服

今日去左粉嶺探朋友，朋友帶我去咗佢覺得好食嘅車仔麵店食晚餐。依家好難先搵到咁抵食既車仔麵，配料好多款，又有小食揀，價錢平民價，仲要大大碗，仲可以配粉麵或飯，仲有為夏日推介既飲品添 🤭2個女人原來食到咁多野，每人叫咗一大碗車仔麵🍜 朋友碗車仔麵選擇：幼麵配咖哩汁，配料：辣魷魚、辣豬皮、蘿蔔、冬菇、滷水腩肉個咖哩汁辣得惹味，爽口幼麵，辣魷魚同辣豬皮都爽脆好味，蘿蔔又冧又甜入哂味又大大件，冬菇冧身好味道，滷水腩肉好入味，軟綿綿好好味 我碗車仔麵選擇：讚岐烏冬配沙嗲醬，配料：辣魷魚、辣豬皮、豬大腸讚岐烏冬真係好好味，配埋沙嗲醬真係好正既配搭辣魷魚夠爽滑，辣豬皮夠冧又夠入味，豬大腸爽口好味。 飲品 (🤭2個都咁愛紅豆冰)紅豆冰 (少冰，少甜) + 紅豆冰 大大粒甜甜地既紅豆，好好 特色小食 西生菜 (全走) ~ 食番個清清地既菜先碗仔素翅~足料好味，加少少浙江醋，一樣都好好味

今日又去阿四食車仔麵，貪佢近同埋地方夠乾淨，喺門口見到多咗個學生優惠，入到去見到多咗好多學生去食。我同朋友都有選擇困難症 ，所以最後叫多咗幾樣小食大家share一齊食。上次食唔到個豬大腸，今次終於食到啦，真係幾好味喎，夠彈牙又入味，正。小食方面，我地就試咗南瓜餅，素春卷同吉列蠔，其中素春卷最好味，炸得啱啱好，皮脆餡多，咬落去啲汁爆出嚟，仲有好多蘿蔔絲喺裏面，好味。記得枱面有罌菜甫係任食嘅，呢個真係好好好好味，每次都會食佢幾匙haha

✿╮❤╭✿✿雜感女生   好味日記✿˚*•✰。阿四車仔麵．掛住呢碗麵。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤自從在旺角食過阿四車仔麵之後一直都記住佢既香氣今次入粉嶺見朋友發現原來阿四車仔麵都在粉嶺有分店座位開揚舒服 既然天口熱熱先來一支鎮店之寶：樽仔奶茶堅香濃好飲  今次就試左佢既招牌麵份量真係好豐富包括了9款餸：辣魷魚，豬皮，辣魚蛋，豬大腸，雞翼尖，滷水蛋，瑞士雞翼，蘿蔔和豬紅我選了最愛的沙爹醬 沙爹醬我全部加晒入去湯底冇得彈香甜辣爽 蘿蔔激甜，一定要食豬紅味香濃，好唔錯豬腸香滑，好乾淨滷水蛋大隻入味，必試 炸豬扒口感極香脆帶肉汁，口感令人滿意 炸雞粒熱辣辣，脆到震可以令人一件接一件  同場加演：菜甫粒食麵狂加是常識吧？此店整體質素令人滿意