阿四車仔麵 (已結業)

叫咗碗滷水雞翼，牛筋丸，咖哩魷魚，牛腩，油麵，咖哩汁朋友本身想叫大腸，但太好賣無哂...另外佢讚牛筋丸好味，牛腩就唔夠「林」我叫咗滷水雞翼，墨魚丸，滷水蛋，牛腩，米粉，腩汁滷水雞翼真係好正!!本身又係無哂，臨時又有返，真係勁好彩~滷水蛋就有啲太硬~墨魚丸一般不過我地都覺得個湯底好好味，下次叫下其他餸先~車仔麵價錢係38蚊(3餸1麵or淨4餸)，加餸就9蚊一款。炸南瓜薯餅 $25 兩件好驚喜! 估唔到咁好食!呢個南瓜薯餅咬落去啲南瓜蓉好香甜，外脆內軟，都係鮮炸嘅，所以要等一陣先有，但係值得嘅!炸吉列蠔 $25 五隻好好食!推介啊！即炸嘅，咬落好鬆脆，咬開入面啲汁會爆出嚟，係炸得啱啱好先會有嘅效果，蠔味都好突出。滷水雞脾 $25 一隻雞脾好大隻，肉質鮮嫩，但略嫌滷水未夠入味碗仔素翅 $20 一碗冬菇，素翅較多，肉絲較少，但味道都唔錯，本身車仔麵已經食咗好多肉，所以覺得多素菜反而幾好凍檸茶 跟餐加10蚊偏淡，唔會太甜，但因為廚房唔夠人，手沖飲品都要等