阿四車仔麵 (已結業)

今日去咗踩單車 辛辛苦苦去到粉嶺聯和墟搵食 見到呢間阿四車仔麵 入去食個午餐午餐時間都幾多人 價錢唔貴 地方寬敞坐得幾舒服唔係太肚餓所以叫咗幾款小食瑞士雞翼 大大隻夠曬入味 而且仲炆到好冧 老人家小朋友都啱食鹵水豬大腸 同樣煮到入曬味 大腸嘅形狀有啲特別口感更加豐富炸墨魚卷 外脆內彈牙 墨魚味香濃而且入面仲有粒粒墨魚肉 非常足料甜酸齋 味道酸甜適中 夠曬咬口好有童年回憶你到梗係要食車仔麵啦叫咗個招牌麵 有魚蛋 豬紅 豬皮 魷魚 蘿蔔 大腸 雞翼尖等等 配稻庭烏冬 超級豐富 材料正常發揮 豬紅超級入味 好食 烏冬 食得出係貴價貨 彈牙有咬口