阿四車仔麵 (已結業)

呢間鋪頭有車仔麵，又有小食供應...款式多元化，價錢又合理啊！三餸一麵（$38）價錢合理又足料，麵底唔會太細份。另外，想食多幾款餸的話亦可自由添加。每個餸+$9推介必食辣魚蛋，咬落爽彈。辣度唔算太多，但香辣感十足，非常惹味。另外，炸墨魚卷都超正！炸墨魚卷厚身大條，外層香脆咬落富有口感之餘又食到粒粒炸墨粒，非常出色呀！還有魚皮都係必食之一呀！炸魚皮會分碗上，夠哂貼心！咬落脆卜卜，超正！-炸唐揚雞塊 ($25) 新鮮即炸，黃金香脆面頭加咗酸辣醬更加惹味！-炸燒賣（$20）炸燒賣外脆內軟，非常香口非常適合愛吃炸物之人呀！-樽仔奶茶 ($16）入口順滑，唔會好甜喜歡飲港式奶茶嘅愛好者絕對要試試呀！-雜果冰（$12）跟餐$12就嘆到雜果冰，好抵飲呀！雜果份量都好足料，超爽凍！每啖都透心涼，解暑一流！