阿來泰式地道風味

营业中

休息中

早幾日放假同朋有去睇戲睇完戲就緊係搵野食啦兩丁友諗極都諗唔到食咩經過呢間門口有人等位咪裝下點知就話兩位即刻有是但啦！反正肚餓😂廢事再行首先叫咗個泰式生蝦刺身好新鮮爽口配埋個汁辣得好過癮😂之後就係呢個泰式大蝦炒金邊粉份量好多，睇落好似冇咩大蝦但其實俾啲金邊粉遮住曬有好多隻大蝦🍤正啊♥️我地仲叫咗呢個泰式炸蝦餅哈哈！三樣都係蝦究竟我地有幾鍾意食蝦😂呢個炸蝦餅好值得推介外面脆卜卜係基本入面彈牙到爆蝦味勁重👍🏻最後我叫咗個椰汁三色冰解渴降溫😂正啊！今日呢餐簡簡單單但好滿足睇落唔多，但食落好飽因為每樣嘅份量都好多性價比高👍🏻

是日又約左朋友食飯，本身都有一舖泰式野食癮，所以就睇下有邊間泰式野好食，就搵到阿來！我去嗰日都唔少人喺門外排隊等入去食，但好彩都唔係等左好耐就入到去！餐廳本身有兩層，下層比較有設計啲，樓上就比較簡陋，我哋係坐左樓上的。座位之間都比較逼，但唔理咁多，快啲嗌左野食先！事不宜遲，黎個我最愛既生蝦刺身先！一路以黎，相比起日式嘅甜蝦，我都係比較鍾意食泰式嘅生蝦刺身。肉質比較爽，又有個酸辣汁吊一吊味，比較岩我口味。呢度嘅生蝦刺身好大隻，肉質亦都爽口。唯一嘅不足就係辣椒片切得比較厚，如果連埋辣椒片一齊食，辣味就會蓋過咗蝦嘅鮮味。但係整體嚟講都好正朋友話好想食金邊粉，所以就嗌咗。金邊粉炒得乾身，花生碎亦都令成個金邊粉生色不少。面頭嘅蝦都好大隻，好味道呢個簡直係呢一餐最好食嘅嘢！！有起碼兩隻脆卜卜嘅炸軟殼蟹，軟殼蟹炸得脆口， 無炸過龍亦都冇油益味，超正！！！佢哋用個法包裝住啲咖喱汁，食完面頭大部分嘅軟殼蟹，就可以將法包撕碎點個咖哩汁黎食。法包本身個皮硬硬地，索曬咖哩汁之餘食落去仲有少少口感，超級好食！！！！！仲有我去親泰國餐廳一定會嗌嘅龍眼冰，呢度嘅龍眼冰比較淡，龍眼肉都比較少，但係都係唔錯嘅食咗一餐咁

最近天氣有點回暖 又是時候搵飯腳食個飯 東南亞菜式永遠吃不膩 皆因菜式選擇多 味道亦多元化對於喜歡周圍試既我地實在是驚喜 試過不同泰菜既我地 呢日去左旺角呢間 阿來泰式地道風味(旺角) 門口早早就已經排滿人 足以證明阿來好受歡迎 牌菜式選擇不少 有套裝小食仲有招牌小菜...睇到樣樣都好想試 跟飯腳糾結左一陣之後點左例牌海南雞、泰式SUKI海鮮炒粉絲、 小食拼盤以及泰式蒜茸燒大蝦 海南雞賣相吸引 去骨雞肉嫩滑爽口 肉汁豐富而且帶有鮮雞味 沾上特別調製既海南雞醬 味道又大有不同 醬汁酸中帶微辣 而且帶有蒜香 雞肉頓時生色不少 例牌份量也不算少 兩個女生吃完全足夠有餘 泰式SUKI炒粉絲基本上是必食推介 粉絲炒得乾身 用上蒜頭以及辣椒調成特色醬汁 味道酸酸地又帶點辣 炒粉絲配以芹菜雞蛋菠菜大蝦以及魷魚墨魚淡菜蜆肉等 不論是賣相又或是口感都非常豐富 食落惹味令人欲罷不能 一口接一口 小食拼盤採用長形竹筒 賣相設計特別 小食種類多樣有炸春卷、炸魚餅蝦餅以及炸雞翼 跟平日食既春卷有點不一樣 用上粉絲作為餡料 餡料中亦似有薯蓉 口感變得豐富多層次 蝦餅以人手拍打而成既蝦膠做成 爽

呢日同朋友係先達整完電話就行左過隔離街呢邊食泰國野先呢度全日免加一，午市時段仲有套餐可以揀，包埋飲品都唔過50蚊所以入到已經坐滿晒客人啦，姐姐就叫左我地上樓上，喺我地嗌完野食個刻就連樓上都坐爆除左有午市套餐，原來都仲有全日套餐啵見個 海南雞飯套餐$54 好多人order,等我又試下先份量唔少，望落個賣相都吸引啵油飯粒粒分明，香而不膩啲雞就經已去晒骨，啖啖肉之餘，d雞肉仲好嫩滑添而朋友就要左碟午餐既 泰式炒金邊粉$48朋友話味道都唔錯，加埋青檸汁同花生碎一齊食就更正我見套餐轉特飲都係加5蚊，所以就加錢要左杯 椰汁三色冰最後想食甜品既我地仲order左份 椰汁西米糕$48 share食一份六件，一人三件岩岩好

今日約飯腳旺角行街，行完新之城就揀左這間一試，因為我好想食海南雞，而這間都有唔少讚，就來試試。冬天都係熱飲行先，揀左熱龍眼水及熱柚子蜜，味道不會太甜，我好喜歡食龍眼肉的， 所以我有點貪心，如果多幾粒給我就好啦！海南雞上枱，要了例牌，無骨來說都算大碟，雞有雞味，而且算滑，不錯，雞胸都不太痴牙，點了個海南雞醬又是另一好味道小食拼盤的賣相，係我地估唔到的。竹筒上好靚。蝦餅都算彈牙，而且中間仍見些蝦肉，應該是特色吧！而魚餅有我喜歡的檸檬葉，好香但個人就覺得個咸度餸白飯會好些。春卷外脆內似有薯蓉及蔬菜做餡。而雞翼都可以啦！這個泰式Suki海鮮炒粉絲, 真的好惹味，可令人一口接一口的食，而且海鮮好多好多，每口都是海鮮，有蝦、魷魚、墨魚、淡菜、蜆肉等，配菠菜及芹菜，很喜歡這味道燒蝦是最後上枱的，都算大隻，蒜料很香，但蒜味沒有蓋過蝦肉。推介海南雞及Suki 炒粉絲，下次再試其他。

今日放工同老公去旺角行街,行到攰攰地又肚餓,見到有間泰菜,即刻同老公去食,有follow開我既朋友都知道,我好中意食泰菜😬👇🏻即使已經9pm依然座無虛席👇🏻餐牌,二人餐(B),$328,其實二人餐都有分A,B,C,不過老公中意食生蝦,所以我地選擇B餐👇🏻頭盤,生蝦刺身,蝦好新鮮,爽甜👇🏻泰式肉碎生菜包,生菜好新鮮爽脆,肉碎帶少少辣,真係好好味啊👇🏻燒豬頸肉,即燒,新鮮熱辣👇🏻泰式滷豬脾,超入味,夠霖,好味👇🏻鹽燒側魚,無乜骨,入面好juicy,必點👍 即叫即燒,大約要等30mins💕👇🏻新鮮椰青,跟餐需要另外加$20,雪得夠凍,鮮甜多汁,最後仲食曬d果肉😋

📍HongKong🇭🇰🍗泰式豬脾飯($48)▪️12:00左右剛開店不久已有1~2枱客，過多45min~1hr😂係full晒人咁滯，真係好多客👍好多人一坐底就叫，應該都係常光臨😮全日嘅海南雞&豬脾飯就係最具人氣😌差不多全都點名食佢~雞脾就食得多，豬就好少食🤔本身以為會好韌肉地，估唔到食落唔太韌之餘，又鹵得幾入味，又不會過鹹😋比雞肉多一份韌度嘅食感。另外豬皮好嫩滑，有點厚度，不是平時彈牙嘅口感，比較軟腍，肉塊都淋滿醬汁juicy送飯不錯🍚但最出色我覺得係墊底嘅咸菜😛鹹香爽脆和豬脾肉更成嘅對比，昇華了豬脾肉嘅味道，鹵蛋就不過不失~👳🏾‍♂️泰式小食拼盤($138)▪️拼盤往往係For有選擇困難症嘅朋友🙋🏻‍♀️🙋🏻‍♂️依個即叫即炸 加上超霸氣嘅勁長竹筒盛裝住🎋長到個鏡頭都Handle唔到😂點搞(?)一共有四款炸物，炸蝦餅，炸魚餅，炸素春卷，炸雞翼~當中最喜歡炸蝦餅🍤😍首先形狀是甜甜圈型的，中間有一個凹坑🤔我估想炸嘅時候可以快熟d /方便分辨。外皮好香脆，不厚👍彈牙有蝦味，不過無乜蝦肉，似蝦滑多d，蘸埋泰式辣醬更美味！然後炸素春卷也是有驚喜的，以為素就會好清淡，外皮一片片薄脆的，入口有陣咖哩香，餡是

早幾日喺旺角行街行到攰想食泰國菜，咁啱見到呢間餐廳就決定試下雖然宜家係冬天 ，但天氣都仲係暖暖地，所以叫咗我最愛嘅椰青解下渴蠔仔炒蛋係我每次姇泰國菜都要食嘅菜式今次都唔例外朋友話椰汁焗飯好好食，所以我地叫咗個等我試下一食落椰香味好重，鍾意食椰子製品嘅大家一定要試下佢呢個軟殻蟹咖喱盅唔係間間泰國餐廳都有，難得阿來有得食梗係要叫嚟食佢嘅咖喱都有好香嘅椰汁味，對於唔係好食得辣嘅我嚟講簡直係perfect另外最想見嘅椰菜苗同泰式鳳爪都唔錯，大家嚟到都可以一試

旺角咩都有得食, 但係呢間喺先達對面嘅泰式餐廳集合咗方便,美味於一身, 搭車經過都一定會見到, 今次終於有得來同朋友食, 非常好食環境不過不失先來前菜泰式炸蝦餅, 大件夾抵食飛天炒通菜, 呢個都非常推薦, 每一條菜都炒得好惹味辣椒膏蝦頭油海鮮炒飯, 海鮮少咗一啲但味道搭救, 都一樣好味之後特別推介椰汁三色冰, 椰子味香濃, 好似食緊真嘅椰子, 口感好似珍珠奶茶總括而言呢個價錢呢個地方呢種餐廳呢種質素都係物有所值, 無論快食慢食拍拖朋友聚餐都非常的適合, 推介

今晚我同朋友嚟到旺角嘅一間泰國餐廳，位置非常方便，好就腳，岩晒一班朋友嚟食嘢！我地一路睇menu，一路等朋友到，睇到見到二人餐幾吸引，野食都好似夠我地3個人食咁，但我地心郁郁想試下火山軟殻蟹法包，所以就散毻幾樣野。如果下次2人黎，叫餐好抵食，份量應該最少呀。等埋個朋友，我地一共叫左5樣野食，先黎個馬拉盞炒通菜，係我既泰菜必點既菜式，炒得好野味，正呀！我地又試叫左個蟹膏炒飯，岀其地辣辣地又幾開胃，一定要有飯落肚的人，可以試試呀。最期待已久既火山軟殼蟹法包，個份都岩三至四人食，不過我地3個都可以ko晒佢，哈哈。個包既汁夠多，食晒冇難度，個咖哩汁可以辣少少就好啦。炸蝦餅都好香口，必點大蝦冬蔭公湯係一另亮點，味道好岩我，辣得黎又有料，我私心好想加點面落去食呀，一定好正三個人一人都係食左百幾蚊，價錢合理唔貴，最重要地點就腳，方便過去九龍城呀。呢一間已經係我地既飯堂之一，下次再試下其他先。

由新加坡馬來西亞傳入嚟嘅海南雞飯，而家去到邊度都可以食到，上桌時，通常配以老抽、薑茸及蒜蓉辣椒醬三小碟醬汁。 <海南雞飯>呢度泰國餐廳食嘢當然係用泰式辣醬，做醬料食海南雞飯， 呢隻海南雞已去埋雞骨， 服務周到，唔怕咬到骨頭。海南雞雞底唔會油，有清淡嘅雞香味。店舖環境幾好， 我需要裝修唔係富麗堂皇但係夠大， 有私人空間咁喺樓梯度，仲擺放咗好多自己店舖醃製嘅一啲食物， 呢間鋪頭， 值得約埋朋友下次再嚟食過。<餐牌>

行過這間泰菜，見到人頭湧湧，通常係好嘢， 反正肚餓，排了一陣 已經有位。面積唔算大， 地方較為窄小， 沒有什麼豪華裝飾，真是好地道呀😉😉人太多，趕忙叫菜。無骨海南雞(例牌)肉質滑嫩入味，就算是雞胸部分都不覺柴口冬陰功湯以秀珍菇為主，另有鮮蝦、 墨魚等 配上大類香茅， 酸酸辣辣，飲完出了一身汗，好刺激焗椰青海鮮飯椰漿勁多鋪滿了飯面，飯混和了大蝦，帶子、椰青粒、青口、 墨魚， 每口都香噴噴，喜歡椰味濃的朋友不要錯過食完辣野，叫杯熱柚子蜜潤下喉唔好阻人做生意，食完即走價錢算合理，飯多多，抵食

今天，陪朋友到先達買手機及貼保護貼後，就到附近晚饍。因心情欠佳，亦不想行得太遠，所以朋友介紹最近的阿萊泰國菜館。阿萊泰國菜館沒什麼裝潢，有泰國地道特色。一打開餐牌已經覺得非常抵食。我們今天點了泰式燒豬肉丸，因為朋友介紹而又真的未曾食過燒豬肉丸，所以試一試，其肉質鮮嫩，非常好味！但可惜唔記得影相。當然我每次到泰國菜館必定會點的就是泰式鐵板蠔仔蛋，蠔仔非常肥美及鮮甜，而且份量都頗大，非常抵食。我們還點了泰式鹹魚炒椰菜苗，椰菜苗非常鮮嫩，炒得非常有鑊氣，值得推介。因一開始不知道這裡的份量這麼足料，單憑價格看似小份量，所以一開始就已點了個原隻椰青海鮮焗飯呢⋯⋯椰子香氣撲鼻，海鮮非常新鮮。只可惜，我們實在吃不下，因為份量太大，最後還是要外賣取走呢⋯⋯這裡是一間非常非常非常抵食的泰式菜館，份量大又經濟又好味，怪不得客似雲來。

在旺角的飲食選擇看似眾多，從平價十元八塊到貴價的都有，不過菜式以日式最多最容易找到，其次就是一些連鎖集團食肆。今天想吃一些其他選擇，於是便選擇了這家泰國菜館。雖然單看餐單的食物與平常泰菜相似，但從店家的溫馨提示：吃不慣正宗泰辛辣的朋友要預先告知以便調較辛辣度，由此可見店家的體貼。而且店內都有不少泰國人幫襯，可見它正宗泰菜的美名所言非虛。小食拼盤中的炸魚餅加了大量泰式調味料，非常惹味。炸蝦餅又大件又彈牙，絕對令人吃得停不下來。雞翼則是我喜歡的炸得比較乾身，一個人已經可以吃掉三隻🤣鮮蝦炒金邊粉的蝦非常大隻，愛蝦人士絕對是大滿足。粉炒得乾身不油膩，非常好吃。我們更點了平常少見的泰式咸魚炒通菜，與馬拉盞炒通菜相比，咸香道更高。椰汁三色冰的椰香非常濃郁，而柚子蜜則有厚厚的一層蜜糖，絕對是貨真價實的好味道。在微風細雨的冬日晚上吃上這餐飽足的泰菜，加上店內店員說笑著的和諧氣氛，令人感到非常溫暖

一班朋友約食飯，我地呢d九龍人來來去去都係旺角，尖沙咀。。。其中一位朋友係泰國通，話想去 九龍城食泰國菜，但九龍城實在係太吾方便，所以有朋友就提議去旺角食阿來，咁就黎試一試佢我第一次黎呢度，一搵就搵到，係正先達隔離，真係食飽行2步就有紅色小巴返我屋企，超超超方便呀我地6點未夠就到左,見到都full 左。。。嚇左一嚇。。。好在原來佢有2層，d waiter 都幾好，即刻安排我地上2樓， 2樓d 位都幾闊落，大約有10張台左右。。。我地一班人都叫左幾多野食下，因為個個都生積我地叫左個 二人餐328蚊， 包左海南雞例牌， 泰式生蝦， 燒豬頸肉，泰式生菜包，加廿蚊要左8件 蒜蓉包 唔同兩杯青檸梳打另外散叫左勁多野，泰式炸蝦餅78蚊，雞豬串燒一打 108蚊，大既泰式鮮蝦冬陰功湯118 蚊， 泰式咖哩炒軟殼蟹 108蚊， 泰式金不換香辣肉片炒河58蚊，泰式鹹魚炒椰菜苗72蚊，2杯青檸梳打22蚊一杯甜品叫左個芒果糯米飯58蚊同泰式西米糕48蚊 每個人平均先係百幾蚊，仲捧住個肚走呢度既野食都好有泰國風味，所有配料都落得好足，每一樣都好好味，最 值得讚既係佢嘅咖哩， 唔算辣但係非常香，用黎點蒜蓉包超出色