阿來泰式地道風味

营业中

休息中

鋪頭非常大間 ，一共有兩層。<冬陰功湯 （小）78蚊> 評級:::::滿分冬陰功湯料非常多， 呢度既冬陰功同其他嘅店既冬陰功食落都幾大分別，呢間嘅冬陰公湯非常鮮甜， 唔會比辣味搶走，加咗檸檬葉， 香茅， 芫茜， 車厘茄菇 ，新鮮唔黏殼既令三隻蝦， 重手椰醬， 仲有一種非常特別嘅薑。紅咖哩牛肉（小菜）68蚊材料好多，味道好獨特，咖哩好鮮甜， 有四季豆 ，菠蘿，紅椒， 牛肉， 泰國 瓜??（ 個樣似係青檸，非常特別，好爽口，好好食）阿萊海南雞飯 54蚊最鍾意係佢呢一隻雞醬 ，酸酸甜甜有少少辣， 蕃茄 ，青瓜 ，非常新鮮。豬頸肉飯配熱奶茶 48蚊最緊要最吸引人嘅地方都係佢嘅秘製醬汁， 少少鹹鹹地 ，酸酸地， 帶有微辣 ，豬頸肉皮脆。食不言，寢不語， 唔使 十分鐘Clear

人不可貌相，餐廳都一樣。同老公去旺角行街，行都攰攰地，搵地方食lunch，我突好想食泰國菜，本來諗住同老公搭小巴去九龍城，行到小晚巴站附近見到有間泰國菜餐廳，心思思，望下入面，見到有泰國定印尼定菲律賓人係餐廳食緊飯，覺得可能可靠，所以入左去阿來泰式地道風味試下。lunch有$48嘅炒粉麵飯，仲有一杯野飲，都算抵食。我哋兩個揀左金不換泰式豬肉碎炒河（$48）加$5叫左椰汁三色冰。炒河粉夠鑊氣，夠重口味，好好食。椰汁三色冰嘅椰汁味夠濃郁，好飲。泰式無骨酸辣鳳爪沙律（$68），份量好多，都幾辣，而且酸味好夠，好食。泰式炸蝦餅（$78），蝦餅有6件，好厚身，好彈牙，睇到仲有一粒粒蝦肉，好有蝦味，我覺得係必食！！！泰式炒雜菜（$5x)，都好食。味道夠正宗、地道，而且好抵食，冇加一，下次會再去食！推介！！！

臨時臨急約食屋企生日飯，亂打亂撞為了方便老人家預約這間食肆。我們點了以下7碟菜：軟殼蟹火山包- 味道不過不失，蟹夠脆，麵包吸左咖哩味道係不錯泰式烏頭 - 味道一般，個汁有改善空間沙嗲串燒雞肉- 沙嗲汁係煮得不錯黃金豆腐磚- 外脆內滑，野味！推介👍🏼青咖哩牛肉- 青叻喱不夠香炸蝦餅- 蝦肉彈牙，推介👍🏼最後，因為知道我們是慶祝生日，居然送上驚喜，送我們一碟黃金雞亦，仲整得好靚，老人家見到好開心！我們還在店內切蛋糕慶祝。服務方面我覺得各員工也很貼心和細心，我們一枱又老人家又細路都照顧週道。食物方面係港式泰菜，有改善空間。如果要求不高，其實也是不錯選擇。

男朋友係一個熱愛泰國菜嘅人，每次出街大多數都會食泰菜，今日去旺角比我地發現到間好嘢—阿來，望到餐牌就覺得好吸引，所以就決定晚餐食依間。我地叫咗個二人餐，二人餐有海南雞飯、生蝦刺身、生菜包同野飲，另外再叫咗個冬蔭公同炒大蝦。海南雞食落肉質嫩滑唔老，無骨帶少少肥 入口啖啖肉。生蝦食落鮮甜，肉質彈牙唔霉，加埋個生蝦汁辣得過癮又開胃。炒大蝦好有鑊氣，大蝦隻隻都彈牙啖啖肉，加上炸過嘅麥片又脆又香口。係香港真係好難搵到好飲嘅冬蔭公，依到嘅冬蔭公好夠味 好岩我口味，辣辣地中帶啲酸味，仲有少少椰奶提香，湯底又濃又惹味。

相信呢間係旺角最得好平嘅泰國料理餐廳見到咁多好評忍唔住要過嚟試吓係咪真係咁好食唔好以為餐廳細，等位要等好耐其實仲有二樓嫁所以雖然多人食等位都吾係等左好耐我見廚房煮野食既真係泰國人所以已經充滿期待黎食泰國野點少得我最愛既金邊粉你會發現真係每枱都有一碟平民價錢性價比高味道亦都相當吾錯食金邊粉最怕就係太乾或者太濕睇相都睇得出呢到金邊粉真係粉得好好吾會痴埋一餅野加上芽菜同花生碎，食落多層口感而且啲蝦都吾細隻嫁另外叫左個牛肉紅咖哩入面除左牛肉有豆角，菠蘿🍍，茄子🍆，紅椒仲有好多香料食落好香口，好想連汁都飲埋真係令人好想叫多碗飯黎食最後叫左個平時食其他泰菜好少見既辣魚青芒果沙律🥗落單前店員仲提我地呢個要等得耐少少因為炸魚已經起哂肉一塊塊炸好冇骨既炸魚塊食落口吾會太過油再加上酸辣既青芒果沙律最適合鐘意食重口味既人青芒果🥭真真真係好酸所以真係幾開胃有種愈食愈肚餓既感覺😂因為2個人食吾到太多野我見其他人叫既炸蝦🍤餅都好似炸得吾錯仲有泰式芒果炒飯芒果糯米飯同埋冬蔭公我都好想試下次再黎既過會試呢幾樣

平時同老公去食泰菜，首先諗到嘅都係去九龍城，因為覺得果邊食會地道啲。但今日喺旺角行完街，行過發現呢度都有間泰菜餐廳，於是就入去試下啦~ 話曬個招牌叫「阿來」(泰文係 「好味」咁解)，就一於試下係咪好食先我地到餐廳時，可能未係晚飯PEAK HOUR，我地唔洗等位就有最後一張檯。到我地食到中途，已經見到門口好多人喺度等位喇!我地坐低後，店員都好快俾餐牌我地揀食物佢地晚市都有套餐架，價錢都合理嘅。不過套餐內唔係樣樣都岩食，所以我地都係自己就咁單點開頭以為佢地間鋪細妯地，一眼睇曬，點知店員指示隨後入座嘅佞客上2樓，我地先驚覺原來仲有第二層店內嘅牆上面，都有溫馨提示食客，如果唔係咁食到辣就要同店員提出我地一開始就點左個小食---炭燒豬頸肉豬頸肉極快上檯，炭燒味不濃，但唔算乾到鞋，都唔錯! 而重點係個醬汁，帶有少許微辣，十分惹味。之後我地再點左個咸魚炒芥蘭，好明顯呢碟係即炒嘅咸魚香被菜葉索曬，用黎送飯真係一流我地就點左個蟹肉芒果炒飯真係有好大舊蟹肉同芒果架!  勁滿足埋單 兩個人食左2百幾蚊，真係好抵食。下次如果同D朋友黎旺角想食泰菜都會再考慮呀!

前幾日喺旺角行完街好想食辣野，然後經過先達附近呢間泰國野，就諗住入去試吓因為之前朋友都有食過話ok，我哋六點幾左右到咗等左一陣就有位。我哋得兩個人，驚食唔到好多所以只係叫咗一個主菜，粉絲蝦煲都幾大份好多料，個煲有好多隻蝦，我哋食晒啲粉絲都仲有個兩隻蝦未食🤣粉絲都好煙un，唔會覺得好淋👍🏾👍🏾d蝦都好入味😍😍另外一個就叫左冬陰公湯，亦都有大蝦既，佢既冬陰公味道非常正宗，酸甜亦有小許辣味，配菜好足料，作為主菜前既開胃菜就岩哂啦！然後每次食泰國嘢我都好鍾意食椰菜苗，因為好似唔係度度都有得食呢個椰菜苗辣得黎都幾惹味😍😍😍椰青都係每次食泰國菜必叫🤣雖然啲椰青水唔係好甜，但係啲椰肉好淋同好好味

唉！ 未試過食咁差既餐廳！老麥都好過佢！ 一黎到餐廳就話地下冇位叫我地上樓上，唔緊要。但樓道樓梯喺十分非常污糟。算，上到去明明好多位但又逼住要我地搭枱。都算，但凍到得11度既時候候，佢冷氣又凍仲要吹住我地。於是我地就換位啦，個呀姐又唔俾！ 但明明好多位！頂！ 之後我地見枱枱有野食，就催下啦，原來漏單！ 之後上黎既飯喺凍冰冰的！大哥12蚊一細碗，你俾碗凍飯我？再者個黄咖哩牛腩煲喺好韌，又多肥膏，得7件肉。 至於個菜，中規中矩啦，但78蚊一碟黎講真喺太貴。不可一不可再既差店！

今日行街經過旺角，見到未夠七點鐘呢間泰國野已經坐滿人，反正今晚唔想打邊爐，一於就食泰國嘢啦！天氣咁凍，羊媽媽先飲一杯熱柚子蜜暖下個身先！我就飲個椰青！好清新，感覺都幾滋潤！我地點左個咖喱炒大蜆，另外加份蒜蓉包。蒜蓉包好香脆，點埋咖喱汁食好正！呢碟炒大蜆非常足料，一碟有十幾隻，而且每隻蜆都好新鮮，味道鮮甜。跟住仲點咗個牛油雞翼，味道幾惹味，而且炸到熱辣辣上枱，鍾意食熱氣野嘅人千祈唔好錯過跟住見隔離枱食緊個大蝦粉絲煲，又好似好香咁，於是我哋又點左一個！呢個粉絲煲分量十足，大蝦同粉絲都好多，味都幾濃，我哋稍為嫌佢咸咗小小。食食吓發覺個粉絲煲好啱送飯，於是叫咗個菠蘿蟹肉炒飯！呢個炒飯味道好清新，酸酸甜甜咁，好食！食完咁多嘢飽到甜品都食唔落不過唔緊要啦，學羊媽媽話齋，食埋呢餐先開始減

今日上午去砵蘭街買裝修材料，買完後都差不多午飯時間，於是前往先達廣場附近找間餐廳，在通菜街見到有一間泰國菜，心血來潮下入了去。餐廳的午餐，炒粉麵飯餐一般只是四十八元，貴少少的海南雞飯才五十四元，最後點了泰式豬髀飯、沙嗲串燒和青檸梳打。泰式豬髀飯很有泰國的風味，令我回想每次去曼谷必食的豬髀飯，它的豬髀、咸菜、醬汁完全與地道泰國餐廳無異，十分正斗。至於沙嗲串燒，半打份量豬、雞各三串，其實沙嗲好味與否，沙嗲汁十分重要，它的沙嗲味很濃，串燒每一吋都沾上了沙嗲汁，口口滋味。以數十元能吃到如此高質的食物，真是十分超值。

很喜愛食泰式菜，阿來泰式在旺角通菜街，平時經過都有見到，今日與太太來到旺角就專程過來食。餐廳裝修別緻，牆上貼滿了招牌菜式，圖文並茂，見到已令人垂涎。要了泰式炒金邊粉，柚子沙律，辣椒膏蝦頭油海鮮炒飯。泰式炒金邊粉$58。泰式金邊粉，裏面有芽菜，豆干及雞蛋，蝦仁大大隻，還有花生碎等，味道是泰式特有的少少甜味，很是香口。柚子沙律$68。甜甜帶少少酸的柚子沙律，拌著爽口的蝦仁，非常惹味可口。辣椒膏蝦頭油海鮮炒飯$68海鮮炒飯有蝦仁，魷魚，牛肉，雞蛋，青瓜及蕃茄，令整個炒飯充滿了海鮮的味道，非常豐富及有口感。

相約朋友聚會, 佢地約左呢間旺角食泰國菜, 我覺得平靚正。成個menu既食物都好吸引, 價錢又親民。果晚可能近聖誕, 好多人幫襯, 差d要排隊先有位坐。我地叫左馬拉x抄芥蘭, 材料新鮮, 煮得入味。泰式雞翼, 一碟好似有成6隻, 炸得黎炸粉唔多唔太熱氣。岩哂一齊share食呀。 。。。甜菜包辣辣地好正呀。 只係唔夠生菜我地包。 豬肉碎抄到好香口呀。。。。。最後有芒果糯米飯, 芒果冬天黎講好似唔多當造, 不過d糯米飯就好香軟喇。

天氣忽冷忽熱, 胃口好差。 有見及此我們揀間泰國菜提早慶祝平安夜。見到呢間平民泰菜 煮得乾淨, 上菜好快, 又好味。 難怪我朋友係呢度常客喇。首先叫份泰式鳳爪, 好辣, 鳳爪夠爽, 加上d沙律, 好開胃呀。 唔太食到辣既我都食左好多。香芒蟹肉抄飯, 同menu張相係一模一樣。 蟹肉都幾多幾大塊, 都好新鮮。 加上香口惹味既芒果肉。 呢個抄飯簡直係要搶住食呀。 最後我地叫左個雞肉濕抄河, 真係勁多材料又大塊雞肉。 我們食到好飽飽要散步個鐘先消化完。

臨近聖誕即使沒有約人晚飯，都不想開爐煮飯，所以放工後就求其吃完晚飯才回家。阿來泰式是一間平民泰菜小店，味道要食過才知道，但見食物抵食又大碟，所以平日店內都坐滿人，一於就支持下小店。＊＊＊＊＊＊＊＊＊＊＊＊＊阿來泰式的餐牌都幾豐富，泰式小食、小菜、飯麵和飲品選擇非常多，而且大部份幾十蚊有交易，價錢非常大眾化。龍眼水($20)天氣凍不想飲凍飲，就選擇了熱龍眼水，龍眼水甜度適中，內有幾粒龍眼肉，飲完成身暖晒。泰式生蝦刺身($98)平時一碟生蝦刺身不會太便宜，這裡一碟有八隻，都算足料。生蝦下面墊了冷塊，入口蝦肉仍見爽彈，味道不錯。泰式鮮蝦炒金邊粉($58)炒金邊粉比想像中大碟，足夠二至三人分吃，上面有三隻鮮蝦和少量豆乾，金邊粉炒得夠鬆，只是略嫌味道有點偏甜。芒果糯米飯($58)糯米飯口感軟糯，椰漿香而不膩，芒果甜中帶點微酸，整體味道不俗。總結，食物中規中舉，勝在抵食夾大件，而且全日免加一，上菜亦快，如果去開附近都值得支持一下。

個日行完旺角就黎試下呢間阿來一睇餐牌真係覺得佢啲野好平我地叫左炒金邊粉好大碟 熱辣辣味道都唔錯 但就冇咩特別仲叫左椰汁海鮮焗飯又係好大個 椰汁撈晒係飯到好重椰汁味 但係海鮮唔多同埋食多就好膩仲有叫左豬頸肉唔咸 唔油膩 燒到岩岩好呢個係最好食既野最後叫左芒果糯米飯佢個椰汁太甜 食落好膩同埋啲飯太漿不過芒果好甜成餐好抵食 都係260左右但質素就一般般啦