阿來泰式地道風味

营业中

休息中

新年期間，幾乎餐餐都係中菜，太誇張了所以放工就拉埋同事逃離一下中菜，就黎左旺角食泰國野，之後仲可以行一陣街兩名女子，叫既食物唔多，但都以飽肚為主火山軟殼蟹法包因為menu影得好吸引，爆多的醬汁，大大隻既軟殼蟹幸好，實名同相既份量同賣相都差唔多軟殼蟹要快啲夾起，唔係就好快變淋(但我朋友竟然係鐘意淋身，我理解唔到麵包就外脆，內煙un，屬於較有嚼口既類型醬汁好充分，完全夠食到最後泰式炒金邊粉呢一款就係乾身既炒金邊粉，好香好有鑊氣乾身之餘又唔燶件有花生碎、青檸同大蝦，蝦亦幾彈牙爽口我個人亦好喜歡佢既調味，有香辛鑊氣之餘，一點都唔濃味，很推介食泰國菜必點既椰青，非常清甜，椰肉嫩，好易括出黎食

今晚去旺角行街，朋友話想食泰國菜，但又唔想食太貴嘅餐廳，行左陣，見到呢間泰國餐廳既價錢都幾親民，所以一於入去食下。呢間餐廳唔係好大間，而且枱與枱之間嘅空位唔會好大，所以你要預咗坐得會有啲迫。因為得兩個人食，所以我哋就淨係叫咗個柚子沙律，一個火山軟殼蟹法包，同埋一個辣椒膏蝦頭油海鮮炒飯。首先嚟嘅就梗係個柚子沙律啦：開頭以為佢咁嘅價錢，應該都淨係得啲柚子同埋啲青菜。點知嚟到發現上面竟然有蝦，即時覺得好抵食。而且佢啲酸酸甜甜嘅味道 ，令到你胃口大開。跟住就到火山軟殼蟹法包：佢應該係有兩隻嘅軟殼蟹，對切放咗喺個法包入面。 軟殼蟹炸得好脆，而且點埋啲咖哩醬食，好好味。食完個軟殼蟹，仲可以將啲法包點佢入面嘅咖哩汁。法包點咗啲咖哩汁之後十分惹味。最後到個辣椒膏蝦頭油海鮮炒飯：個炒飯中規中矩啦，入面除左有蝦米仔之外，仲有有粒大蝦。呢個炒飯帶少少微辣，食落口好惹味，但佢嘅份量唔算好多，女仔ok,男仔只食炒飯未必夠飽。

🤮🤮🤮🤮🤮🤮🤮🤮🤮🤮🤮🤮🤮🤮一年前過黎食過，味道中上，今日好想食泰國菜，就諗起旺角依間阿來泰國菜餐廳。泰式鮮蝦炒金邊粉，味道麻麻，麵質過林，整體味道一般，不值58元，海南雞半隻價錢128，上菜的時候竟然有4隻雞翼，而牠們的味道明顯有雪臭味，肉質十分霉。馬拉盞炒芥蘭只有十分咸的味道，菜本身十分老，很多渣。兩個人來吃，點了三款菜連加一要254元，到頭來唔知食左啲乜，街市外賣仲好食。

有朋自遠方來，自要盡地主之誼帶她賞靚境啖美食。今曰在旺角買買買之後，去了在通菜街97號的阿來食泰式菜，雖然這裏的午餐$48客超抵，大大份又好味，但做東道主都是點些小菜給朋友嚐嚐，套餐就待平時要速食時才點。金柚鮮蝦，一食便知金柚不假，柚的甜配炸了椰絲的脆，蝦的鮮再加泰汁的微酸，味道同口感好豐富又勁開胃。碟鐵板蠔仔蛋很足料，蠔量足同蛋量不是相伯仲而是量多過蛋咁。蠔隻隻脹卜卜，新鮮就是新鮮的模樣，蛋炒得剛好，不老，食到底配銀芽食解膩，增爽爽的口感，食得更過癮。主食是火山軟殼蟹法包，法包焗到脆脆，將溶漿模樣大大隻炸脆的軟殼蟹放入，睇到食指大動，又擔心胃能否放得落。美食當前，減肥放兩傍，開懷大嚼至重要。入口滿嘴鮮嫩的蟹肉。用匙羹滔一些醬料加蟹肉放法包上食，味道調得宜，咸、甜、鮮都嚐到。今餐主要點的都是海鮮肉，不然碟頭咁大，二人未必能ko所點的美食。最後以清涼椰青作結，人生快樂就是這樣簡單，良友相伴，美食在前，佳飲在手， 夫復何求，暢快。

一下手滑跌爆左 iPhone 塊玻璃，真係喊出嚟 😭放工即刻走去先達求救🆘 整得返不過荷包好傷，搞掂都已經宵夜時間，近近地去咗商場對面條街搵食。見到呢間泰國嘢最多人等位，即管又試吓！泰式炸蝦餅 $78炸蝦餅幾乎是我每次到泰國餐廳都會點的菜式，吃泰式炸蝦餅喜歡是這裏手打的，所以蝦餅特別爽口彈牙，口感吃起來比平常的蝦餅更出色。黃咖喱牛腩煲 $88我喜歡泰國咖哩的香而不辣，黃咖哩最適合我伴白飯吃，牛腩炆得軟腍而且沾滿濃濃的咖哩汁，滋味真的無窮，超級好味道，果然是地道泰風味的咖哩。泰式鮮蝦炒金邊粉 $58另一款到泰國餐廳必吃的就是 Pad Thai。泰式鮮蝦鮮味可口，炒金邊粉夠 Q彈。豐富的配料青檸、韭菜、荳芽、花生碎和乾辣椒⋯酸辣開胃。椰汁三色冰 $22最後冇食甜品但係就飲左杯色澤鮮艷的三色冰，口感豐富的特飲，椰奶香甜味道香濃，紅綠馬蹄外層煙韌，爽脆口感。

想食泰國口味，未必要去九龍城個邊先食到地道泰國口味，今晚同朋友行完街行過這裡，就見到佢，價錢都相宜，就係咁入去了，店舖雖然座位較窄，但位置同免加一，最緊要係好味，今晚點了個牛油雞翼$68，雞翼超香，上面放滿香脆嘅香蒜，入口個陣香油嘅肉質滲滿了香蒜同牛油香味，啖啖肉正！而金柚子鮮蝦沙律$68，除了大大隻嘅鮮蝦放在柚子沙律上外，還有香甜多汁嘅柚子肉，入口在口中爆開嘅感覺混埋個酸辣嘅泰式醬汁，十分開胃醒神！辣椒膏蝦頭油海鮮炒飯$68，口味比較新鮮，一樣有大蝦在個炒飯上，肉質彈牙爽口，而裡面嘅材料有不同嘅海鮮材料，墨魚粒、蜆肉、魷魚等爽口海鮮，加埋啲蝦頭油炒飯，入口還帶點辣真係多重口感！味道新鮮！有點辣追加了杯咸檸七$22，咸檸加7-up完全係絕佳配搭，酸甜味道即減口中辣感！在旺角區又多個選擇了！

喺旺角先達廣場附近搵地方食晏，見到呢間泰式餐廳，記得之前喺度食過野，印象幾好食，價錢又大衆化，所以再次光顧。呢度午市除左有炒粉麵飯之外，原來仲有湯粉麵餐，可以揀清湯丶冬蔭公湯或者喇沙湯底，主餸都有得揀：海南雞、豬頸肉丶鹵豬脾丶雞絲扎肉，如果加十蚊仲可以㨂兩樣，即係雙併，唔單止咁，連麵底都係可以自由選擇：金邊粉丶米粉丶米線丶河粉，仲包埋咖啡或茶，成個湯粉麵餐只係四十幾蚊，直係抵過去連鎖快餐店食。落單之後好快趣食物就熱辣辣地上桌子，上面的鷄件非常吸引，皮肉中間有一層鷄的黃油，非常吸引，而且湯底喝起來沒有味精的味道，估計味精不是很重，在這這個年代，尤其是在旺角區，餐廳用不多的味精去料理食材，實在難得。

我和朋友在午餐時段旺角去阿來泰式，點了金蝦柚子沙律，咖哩軟殼蟹法包和2杯飲品。柚子沙律是餐牌上顯示不辣的沙律選項，粒粒柚子肉上灑上了辣椒碎和脆條，吃起來清爽有口感而又帶著獨特的泰式風味。蝦子感覺上沒有加其他調味料，吃著爽口和有點點鹽味，覺得惋惜的是蝦子只有兩隻。順帶一提，裝盤的生菜包上柚子沙律一起吃會有不同的感覺，感覺更清爽更開胃。而咖哩軟殼蟹法包的份量挺多的，軟殼蟹在滿溢而出的黃咖哩法包上非常的引人注目。個人很喜歡其中的蔬菜，洋蔥塊圍在法包內側的做法十分有心思，而生菜絲和彩椒沾上咖哩吃就不會感到油膩。咖哩本身很濃厚，但是嚐起來的味道又不像它看起來的那麽濃郁，反而是有雞蛋柔和的口味，所以配搭軟殼蟹吃就不會蓋過軟殼蟹的味道，而能夠做到美味的配搭。飲品方面，我們點了凍泰式咖啡和熱朱古力，熱朱古力很濃，即使不額外加糖也很甜，泰式咖啡點了少甜都很甜。

只要上網打泰國菜，基本上都會彈呢間餐廳出黎，因為佢真係好抵食好平。同平時係九龍塘食泰菜一樣，某幾款泰菜係一定有嘅，例如炒金邊粉，生蝦刺身，飛天通菜等等。而今次晚餐叫咗一個二人套餐，入面有齊以上所有嘅菜式，仲要有經典冬陰功湯，仲要令我眼前一亮嘅豬頸肉。

前排在旺角突然想食泰國菜，剛巧見到了這間。店內看起來不大，但原來還有二樓，所以座位都幾充足，坐起來都舒服~因為老公和我都好喜歡吃辣，所以點了幾個菜都是以辣為主~辣椒膏炒大蜆大小適中，辣味充足~!!!好惹味~!!!而且當中除了大蜆，更有一點點的菇菌類~吸收了辣味~正~!!再來的是飛天辣椒炒通菜~我最喜歡菜就是通菜，平常食泰國菜，最喜歡點馬拉盞炒通菜，今次卻點了飛天辣椒~~!因為想試下這個辣椒到底有多辣~很不錯的味道~~~辣椒配飯或麵真的好讚~所以，最後再點了個辣椒膏蝦頭油海鮮炒飯~~大大隻蝦~個飯夠乾身，入口口感不錯~~~!!好吃的菜餚，當然要配個啤酒~~泰象啤味道易入口，好喜歡~~~總結，味道不錯，而且價錢合理~加上地理位置方便~以後去旺角又多一個食飯餐廳之選~

最近莫名想食泰菜就嚟左呢間平民地道泰菜小館試試～泰式鐵板蠔仔蛋（$78）份量夠大蠔仔又多，抵食Rating:燒豬頸肉（$68）豬頸肉肉質鮮嫩，同醬汁十分夾🐷🐷🐷🐽🐽Rating:馬拉盞炒椰菜苗（$68）碟菜炒得中規中矩🤔🤔🤔但好似有有少少硬（有口感）？！🤣Rating:泰皇咖喱火山軟殼蟹法包（$148）咖哩甜甜地，啱哂我呢啲唔食得辣又要食咖哩既人🤣🤣 入面既麵包吸哂咖哩醬十分正Rating:整體而言算幾抵食，應該會再食豬頸肉同試下其他食物🥴

情人節揀了食泰國菜，估唔到都好多人，我地早食，咁先唔使等好耐有兩層，坐位幾多，情侶、朋友、家庭聚餐都有，環境光猛，都算係寬落，坐得舒服今天我話事，可以食泰式無骨酸辣鳳爪沙律 ，份量好大碟，鳳爪大隻爽口，醬汁酸酸的，入口都有點辣，不過味道正中，沙律菜係泰式d菜，配合d酸辣汁一流咖哩軟殻蟹係主菜呀！軟殼蟹炸得剛剛好，不太油膩，入口熱熱的，新鮮無比，咬落蟹味十足，炸粉薄薄的，蟹的鮮味十分突出。咖喱味道好濃郁，不會稀稀的，一點咖哩汁就會掛在軟殼蟹上，好夾的組合。蔬菜掛了咖哩汁，也特別好味泰式咖啡，嗅到好香，咖啡味好濃，入口幼滑，味道偏甜，如果喜歡甜的會大愛椰青大個，味道清新解渴，椰肉厚厚，不彷食埋d椰肉，好鮮甜

約了朋友食飯book左枱限時1.5小時入到去座低叫了幾個餸,鹹魚容炒芥蘭、泰式鳳爪、冬陰公明鑪魚、牛油雞翼！其實樣樣餸個味道都不過不失...但係啲服務員就真係要再培訓,佢哋好快上菜但係其中一味明鑪魚遲遲都未上因為其他餸已食完所以問一問服務員她說因比錯隔離即整反一條比我地ok無問題！條魚到時服務員唔小心倒瀉左啲湯落我哋啲背包手袋度我哋都OK冇問題最緊要小心d（條魚上枱時已過了一小時）！我們大約食了十分鐘個到個服務員走過來話夠鐘要我地埋單我話我哋未食完咼你哋條魚頭先黎遲咗！我哋食唔切跟住佢又話頭先俾咗人哋嗰條唔係呢個煮法!😮跟住他說好我比多10分鐘你地甘ok我地盡快！但原本嗰1.5小時都未夠鐘已經再有兩位同事崔我哋走，仲態度好差咁叫我地落樓下即刻埋單！為咗叫我地埋單差啲又再倒濕你我地d手袋，杯汽水都未飲完就已經比佢收咗！真係ok!我哋走嘅時候果1.5小時都未夠！我覺得如果咁樣做生意好難有返到客！

今日黎到旺角食泰國野。旺角有好多間泰國餐廳。但唯獨平靓正既泰國餐廳，就係呢間。雖然餐廳裝修簡單，但都依然好多人。因為野食好味。叫左個海鮮炒金邊粉。好大碟既金邊粉。岩岩炒出黎勁香。仲有煙出黎，見到都開胃。金邊粉酸酸甜甜，加左酸檸汁更開胃。金邊粉本身質感彈牙，加埋花生碎，成個口感彈牙又脆，口感豐富。金邊粉入邊既蛋都炒得好香，蛋味濃。好好食。叫埋個生菜包，肉碎整得微辣。香料落得好足。已經食過佢個生菜包好多次但依然每次都會叫。因為味道好惹味。生菜又俾得多。生菜既鮮味同肉碎濃味一齊食真係天衣無縫。之後叫個芒果糯米飯甜品。糯米飯會整熱先上菜。香噴噴既糯米飯，加埋椰汁真係好香。芒果甜。芒果糯米飯係食泰國甜品必食。感覺自己去左曼谷。再黎個椰青。椰青係泰國香椰。味道甜，香味濃。好好飲！一邊飲一邊食椰肉。彈牙又重椰味。好滿足

這一晚也如常地到旺角區買些攝影用品, 留意到攝影用品店對面有間泰國菜館, 看看手錶原來尚有時間, 不如先試試這裡的泰國菜才回家。原來店名「阿來」在泰文就是好味的意思，坐下來，店子不大，但也潔淨舒服, 是日人客也不少,透過玻璃窗見到廚房內掛了幾隻黃油雞, 也看到廚師都是泰籍人士，感覺上應是地道的泰國的風味吧。先來一杯椰汁三色冰解渴, 椰汁香甜夠滑, 味道清爽而冰涼可口，唔錯。也試試牛油雞翼，是即叫即炸的,每隻都炸得外層香脆無比, 但內裡的雞肉還是嫩滑和肉汁豐富，加上小許辣味, 是相當惹味。奶白色的椰汁雞湯賣相也相當對辦，聞起上來香噴噴的，似乎也不錯, 湯面的油份不多，湯料都不少, 喝起來味道濃郁，雞肉的肉味盡在湯中,香茅及香葉味道俱備，也不錯。 賣相已經討好的阿來海南雞(無骨)飯，雞肉整齊排列, 雞肉烹得唔會太熟, 無骨海南雞食落啖啖肉,肉質嫩滑非常, 雞皮好滑，雞味夠濃, 油飯也有水準, 食落味道豐富, 油飯香味，飯粒極有咬口，同雞肉的味道配合得非常夾, 蘸上酸酸地又有少辣的醬汁, 吃起來更醒胃。個人覺得這裡的泰國菜水準不錯, 價錢也不貴, 雖然店內環境只是一般, 但店鋪位處小巴站附近