阿來泰式地道風味

营业中

休息中

呢日同事話落左去旺角食飯，話呢間都幾好食，當時我有啲却步，始終食飯時間得一個鐘，一來一回都好趕下😅不過佢再三推介，雖然遠左啲，都落去一次啦。呢間食泰國菜，間鋪唔係好大，好彩我食飯果個鐘數唔多人，咁就睇下個餐牌，之後點了泰式菠蘿炒飯。碟飯來到都幾靚，顏色好吸睛，而且好足料，飯面有我至愛既肉鬆，仲要唔少架，另外入面仲有海鮮配料，都係好多，所以成個飯，我係食唔晒🤣雖然遠左少少，不過呢間可以下encore，下次可以試埋其他先得😋

久唔久都會去阿來食lunch，中午如果遲少少都要等位。今次竟然被領到上層坐，原來上面有多張大枱！午餐有多款選擇，我點了炒金邊粉，同埋冬陰公湯河。炒金邊粉有埋花生粉、青檸，基本野都算有齊，但今次炒得太乾身⋯同埋呢度奶茶茶底唔夠濃，有少少似飲緊西式奶茶⋯冬陰功湯底比較重椰奶，配料有多款可以㨂，麵底都可以㨂。但份量都多，女仔朋友食唔晒阿來係快食午餐既好選擇，但由於坐得比較迫，唔坐得太耐，同埋聽到晒隔尼枱聽咩，想要慢慢傾計catch up就未必啱啦

見得小弟食野都係來來去去係泰菜,無錯,今日又係去食泰菜,百吃不厭,今次去返上次小弟吃過非常好評既"阿來"到再食,連同小胖女 & 佢老媽一齊食,因為泰菜多人食先叫得多款一黎到唔洗講野,直接係冬蔭公湯開場,水準仲係keep到,夠哂辣同足料,份量以3人食用都岩岩好每人分到兩碗主食今次就叫左一個無骨海南雞飯同咖喱炒大蜆,,海南雞味道ok,但份量有dd 小,淡淡肉係唔錯既,炒大蜆亦都夠味,最好係隻隻都有肉,唔會渣流灘比d吉殼你,小食就叫左串燒同飛天椰菜苗,串燒火喉都幾好,唔好太燶,炒菜方面都好大碟,非常夠食,仲夠哂辣,最後當然唔小得嘆返隻椰青同椰汁冰啦,呢間阿來真係超抵食同好味黎開既朋友一定要試試

放工與朋友仔相約旺角吃晚飯選了這家泰國小店店面不算太大幸而位子不算太狹窄兩個人點了小食：泰式炸魚餅 $68主菜：泰式鮮蝦炒金邊粉$ 58馬拉盞炒椰菜苗$68甜品：芒果糯米飯$58各款菜式份量適中「泰式炸魚餅」出奇地不會太油膩感魚餅充滿香料味道很喜歡「泰式鮮蝦炒金邊粉」是小妹泰菜必點金邊粉不會太濕味道夠酸不錯「馬拉盞炒椰菜苗」這道菜有點辣不吃辣就要留意啦最後就是泰菜必點甜品「芒果糯米飯」芒果不會太酸糯米飯口感剛好再配上椰漿為整餐劃上句號小店來說這家可以一試呢

我和閨蜜發現原來我們從未有貼紙相的二人合照，趁貼紙相還未撒出市場，好好把握留影一番。在去影貼紙相前，我們去了阿來泰式地道風味吃午飯，阿來全日免加一，又可吃到便宜地道泰菜，所以我經常光顧。閨蜜最愛泰式生蝦刺身，生蝦刺身如盛開的花朵擺放著，充滿活力。生蝦刺身冰冰涼涼，蝦肉新鮮彈牙，伴上蒜片，辣椒，再沾點香料醬汁，一口一隻，香辣過癮。雖然泰式鮮蝦冬蔭功湯點了小碗的，但用料很大方，足足有三尾大蝦，嚐得大蝦，蕃茄與草菇的鮮美，最重要的就是冬蔭功湯頭酸辣度恰到好處，微酸微辣的滋味，令人胃口大開，難以忘懷。泰式冬蔭功炒飯超有鑊氣，飯粒炒得粒粒分明，每一口都能嚐到具彈性的海鮮配料。炒飯吸飽冬蔭功的精華，撲鼻而來的冬蔭功香氣讓我們垂涎欲滴。吃泰菜怎可缺少泰式飲品，我依舊選喝龍眼冰，閨蜜則喝鹹檸七。龍眼冰的龍眼甜絲絲的，天然無負擔，清香退火，吃完酸辣的泰國菜最適合喝上一杯。鹹檸七閨蜜大愛，醃漬的青檸檬加上七喜，酸鹹口味十分生津解渴，七喜的氣泡小小的刺激，隨著七喜漸漸喝到見底，鹹檸味道更為濃厚。

呢到係我同男朋友的老地方，因為我地兩個都鍾意食泰國菜，而且價錢非常合理，所以今晚我地又黎呢到食晚餐金柚子鮮蝦沙津泰國既沙津同西式的唔同，不是用沙津醬，而係用酸酸辣辣的特制醬汁，別有另一番風味。抵讚既係鮮蝦份量非常多，正!雖然睇落去好辣咁，其實呢個沙津唔辣架泰式鮮蝦炒金邊粉食泰國野點可以冇pad thai 呢，呢到既pad thai調味好正宗，微辣，但不會辣得過火，好快就清哂成碟泰式濕炒河 (雜菜)除左雜菜外，其實仲可以揀豬，牛，雞或海鮮，濕炒河冇乾炒河咁熱氣，但仍然可以食到有鑊氣，而雜菜種類都好多，有芥蘭，紅蘿蔔，椰菜，菇等等，好豐富最後我地叫左兩個椰青，一人一個，最尾仲可以食埋d椰肉，好清甜，好滿足呀!

今日同朋友黎到旺角想試下泰國野食，咁岩見到阿萊泰式，就入左去試試。阿萊泰式有提供多人餐，等一大班朋友有多個選擇。阿萊泰式既食物種類有好多，有好多泰式小食，例如泰式炸魚餅、蒜蓉牛油雞翼同燒頸肉等等。我同朋友叫左兩個海南雞飯、泰式炸魚餅、燒豬頸肉、炒通菜、一個冬蔭功同埋兩杯野飲，承惠394蚊，唔洗兩百蚊就食到咁多好野食！其中海南雞飯係必食之選，完完全全係高水準之作，份量亦十分之多，胃口小的話可以與朋友分享，留肚食其他野。另外佢既豬頸肉亦都十分好食，不太油膩，十分爽口，建議大家一定要試下。泰式炸魚餅就充滿泰國地道口味，香料十足，最岩一眾重口味既人士！食得泰國野又點可以唔嗌冬蔭公？呢到既冬蔭公十分有水準，用料十足，值得一試。

今晚我同朋友嚟到旺角嘅一間泰國餐廳，位置非常方便，好就腳，岩晒一班朋友嚟食嘢！即興食飯永遠最開心！我地一路睇menu，一路等朋友到，睇到見到二人餐幾吸引，野食都好似夠我地3個人食咁，但我地心郁郁想試下火山軟殻蟹法包，所以就散毻幾樣野。如果下次2人黎，叫餐好抵食，份量應該最少呀。等埋個朋友，我地一共叫左5樣野食，先黎個馬拉盞炒通菜，係我既泰菜必點既菜式，炒得好野味，正呀！我地又試叫左個蟹膏炒飯，岀其地辣辣地又幾開胃，一定要有飯落肚的人，可以試試呀。最期待已久既火山軟殼蟹法包，個份都岩三至四人食，不過我地3個都可以ko晒佢，哈哈。個包既汁夠多，食晒冇難度，個咖哩汁可以辣少少就好啦。炸蝦餅都好香口，又熱又脆！必點！大蝦冬蔭公湯係一另亮點，味道好岩我，辣得黎又有料，我私心好想加點面落去食呀，一定好正三個人一人都係食左百幾蚊，價錢合理唔貴，最重要地點就腳，方便過去九龍城呀。呢一間已經係我地既飯堂之一，下次再試下其他先。

今日同朋友特別想食芒果糯米飯，就係openrice search 到呢間感覺評語唔錯既泰國餐廳就貿貿然夜晚黎左呢度開餐喇～我地就叫左兩個主食同埋一個甜品share分別係pad thai 同蠔仔蛋飯。不過佢地都係冇跟餐既，要單買飲品就有啲啲貴喇（例如可樂就要加＄14）所以我地都冇另叫飲品。雖然係咁，但我同朋友都覺得呢間係好味同下次要再黎試其他款既野食！Pad Thai：濃味，炒得好香，同重蕃茄味既。重點係都幾足料，有起碼4－5隻肥蝦唔可以話好特別，但唔知嗌咩食既話食pad thai 就實冇死喇 ：P蠔仔蛋飯：蛋係煎得比較酥脆，蠔仔都好夠多配搭辣醬同飯食係好開胃既芒果糯米飯：好食芒果好甜，飯夠熱，只係棷漿多左少少整體黎講，成餐都算好滿意啲野好食，伙記態度好，坐得唔迫都舒服。

下就無食飯於是今晚約咗個大胃王食餐勁既，阿來之前同朋友食過幾次，抵食又唔錯所以返轉頭入到都好快可以坐低準備食好野～睇下食咩先杯青檸梳打清新，飲落唔太甜心大心細最後叫咗個平平地既二人餐。先上既有海南雞飯一上台已經覺得好醒神，雞皮閃閃亮亮好似識發光咁，肉質有彈性一絲絲咁，又唔會鞋口，點埋個泰性酸辣醬食，送埋個油飯幾惹味。但如果可以多幾件就好個set入面有咖哩炒花甲，入面粒粒都好大好肥美，唔會有沙係入面，如果可以重口味多少少就好，因為係偏甜既椰奶味比較多。識食叫埋個蒜蓉包食，香香脆脆，點堆個咖哩食，已經唔理熱唔熱氣。全餐最正既係呢個飛天通菜，食菜爽又唔會話有渣，而且調味又唔會過咸，我地最後幾飽都要清咗佢碟。另外我地加咗個青木瓜沙律做開胃菜，酸酸甜甜，下次可以加酸加辣阿來既野幾大份，下次可以約多幾個朋友再戰！

禮拜六去旺角買啲嘢，買完順便食埋飯 。見到阿來泰式地道風味唔使等位，所以入咗去。牆身寫咗溫馨提示，辣味可以調節，只要同侍應講聲就可以啦！午市時段可以揀套餐，亦有全日供應嘅套餐，多人一齊嚟食亦都可以揀二人或者四人餐，當然亦都有散叫。有啲肚餓，先要個泰式蠔仔蛋飯。驟眼睇有啲似芙蓉蛋飯，但叫得做蠔仔蛋，當然 加入咗大量嘅蠔仔，口感好豐富，蠔仔好肥美，咬落軟淋淋，加埋炒得好香嘅雞蛋 ，特別開胃。辣醬分開上嘅，食客可以按自己嘅口味調節辣度。飯底非常之多，絕對唔需要加底，反而細食嘅話，可能需要同侍應講聲少飯，減少浪費哦。蠔仔蛋飯本身係午市飯餐嘅其中一款，補幾蚊係可以加嘢飲，不過今日決定食好啲， 加咗一個唔係套餐裏面可以揀嘅嘢飲，就係椰青。冇話雪到好凍，幾啱而家呢個涼涼哋嘅季節去飲；味道清甜可口，食埋入邊啲椰肉，簡直慳番個甜品呀。另外仲追加咗一個泰式生蝦刺身， 一碟總共有八隻，每隻上邊都跟咗一片生蒜同埋辣椒，當然亦都有泰式嘅醬汁。個人唔係太喜歡辣椒，所以全部都自己剔走曬 。生蝦刺身非常之大隻， 一整口都係肉 ，非常鮮甜， 物有所值。

今次黎到旺角通菜街嘅阿來泰式食✌🏻間餐廳勁近地鐵站，行兩分中就到。同友人簡左兩個飯，一碟串燒同埋一碟菜😆我地簡左泰式蠔仔蛋飯、菠蘿炒飯、馬拉盞炒通菜同埋串燒吵嗲（雞肉及豬肉），仲叫左杯椰汁三色冰☺️泰式蠔仔蛋飯點辣醬簡直一流👍🏻菠蘿炒飯冇得輸，好香呀，啲飯粒炒到係金黃色，入面啲配料例如海鮮，肉鬆同蛋碎mix埋一齊好好味🤤仲有佢仲要大大碟！之後到串燒吵嗲，沙嗲醬滿滿地淋哂係豬肉同雞肉串上面，唔辣但夠哂味，豬肉同雞肉啲肉唔會話燒得好硬。到馬拉盞炒通菜，見到個個都推薦，緊係試下，唔走寶啦，我本身以為會好咸，又一驚喜之選，佢炒得係冇穫氣，食唔停口😋最後緊係要試佢地嘅特飲椰汁三色冰啦，椰沙味好濃，我幾中意😆

小妹今日要OT, 諗住係旺角食個飯先返屋企估唔到唔打唔撞搵到呢間泰國野 時間係8:45, 估唔到店入面都仲係咁多人, 好彩等左10分鐘就有位 見到餐牌上既食物就好肚餓, 價錢算係普通水平小妹叫左以下食物咖哩炒蜆($108): 咖喱唔太辣，有椰香味，入面有青椒洋蔥，加埋鮮味既蜆, 點D咖喱, 好好味！好想叫個飯撈咖喱汁, 但要忍口,  唔想太飽 泰式炒金邊粉($58): 金邊粉炒得夠乾身, 仲有幾隻爽口既大蝦, 又夠大碟, 冇得輸 明爐冬蔭公烏頭($168):  冬蔭公湯底香濃, 味道偏辣, 但好惹味! 烏頭冇咩骨又啖啖肉配冬蔭公湯, 入口又有魚鮮味又有冬蔭公既刺激, 雙重享受 青檸梳打($22): 飲返杯泰國特色既青檸梳打中和下 小妹好滿意呢餐泰國菜, 味道好味而且侍應態度好好, 好有禮貌下次再試下佢既其他野

今日行過先達，去左食泰國菜，嘩！真係好扺食。好平民價錢，但性價比好高。佢間鋪頭好大，總共有兩層，我哋入咗嗰陣時係六點，但未到七點已經爆爆地。我哋叫咗個二人餐A，其實都好豐富好抵食：1.泰式海南雞🐔2.咖喱炒蜆🍛3.飛天通菜🌱4.油飯🍚另外我哋仲叫左5.泰式青檸香辣蒸烏頭🐟泰式海南雞(推薦指數：😋😋😋😋😋)佢同我地拆晒骨，食落去啖啖肉，都幾滑！去到都叫做必實。咖喱炒蜆(推薦指數：😋😋😋😋😋)呢個係咁多碟餸我最鍾意食嘅一道，佢個咖喱味係最傳統嘅咖喱，但係反而咁樣食仲好，因為佢個味係香港人鍾意食嘅味道，如果係太地道嘅咖喱其實香港人未必鍾意，而呢個咖喱味就真係啱啱好。.飛天通菜(推薦指數：😋😋😋😋)呢個飛天通菜對我來講有啲辣🌶，再睇返佢鋪頭入邊嘅溫馨提示，佢寫住如果辣嘅可以叫佢小辣，其實都真係好溫馨🤗。除咗落咗機之外，其實都幾好食。.泰式香辣青檸蒸烏頭(推薦指數：😋😋😋😋😋)呢個烏頭用過明爐上，要冬陰公果個先有，不過都好大條，好滑。

平時同朋友係九龍城食泰國菜就食得多喇，今次試下係旺角食！唔錯啵！！抵食得黎又幾好味，可以再幫襯。Menu太多選擇下，我地揀左個唔洗用腦思考的2人餐，貪佢幾抵食😂首先揀左個泰式海南雞飯，因為平時我最鍾意食海南雞架喇😂而呢個泰式海南雞都唔錯，雞飲滑身，啖啖肉得黎又好新鮮。之後就係menu set定的飛天通菜同咖喱炒蜆。呢2個超好食呀！飛天通菜唔會太太太重口味，濃淡度剛剛好，惹味得黎唔會太咸，d通菜又夠新鮮，炒得夠爽口。而咖喱炒蜆簡直食唔停口tim呀，個咖喱汁係重點，唔辣，但滿滿的咖喱味令到我食指大動！好推介