阿來泰式地道風味

营业中

休息中

這一晚也如常地到旺角區買些攝影用品, 留意到攝影用品店對面有間泰國菜館, 看看手錶原來尚有時間, 不如先試試這裡的泰國菜才回家。原來店名「阿來」在泰文就是好味的意思，坐下來，店子不大，但也潔淨舒服, 是日人客也不少,透過玻璃窗見到廚房內掛了幾隻黃油雞, 也看到廚師都是泰籍人士，感覺上應是地道的泰國的風味吧。先來一杯椰汁三色冰解渴, 椰汁香甜夠滑, 味道清爽而冰涼可口，唔錯。也試試牛油雞翼，是即叫即炸的,每隻都炸得外層香脆無比, 但內裡的雞肉還是嫩滑和肉汁豐富，加上小許辣味, 是相當惹味。奶白色的椰汁雞湯賣相也相當對辦，聞起上來香噴噴的，似乎也不錯, 湯面的油份不多，湯料都不少, 喝起來味道濃郁，雞肉的肉味盡在湯中,香茅及香葉味道俱備，也不錯。 賣相已經討好的阿來海南雞(無骨)飯，雞肉整齊排列, 雞肉烹得唔會太熟, 無骨海南雞食落啖啖肉,肉質嫩滑非常, 雞皮好滑，雞味夠濃, 油飯也有水準, 食落味道豐富, 油飯香味，飯粒極有咬口，同雞肉的味道配合得非常夾, 蘸上酸酸地又有少辣的醬汁, 吃起來更醒胃。個人覺得這裡的泰國菜水準不錯, 價錢也不貴, 雖然店內環境只是一般, 但店鋪位處小巴站附近

i am always a fan of thai food!!仲未食過宜間成日經過都幾多人既THAI國野喎,, 今次終於來TRYTRY!FRIDAY NIGHT來, 都係好多人,, 不過原因佢有樓上位嫁喎叫左個炒棷菜苗,, 好有FIBRE既感覺,, 但我係幾鍾意的 不過又唔可以食太多 個胃頂唔順之後仲有個mango crab fried rice,, 唔會好dry, 幾好的,, 份量都有2-3人份~~豬頸肉都幾okay的喎! 唔會好肥,, 都幾多片~~多數來share都幾抵食arrr~oh my godddd 嗌唒送先見到人地嗌既海南雞好似d色水幾靚但我地真係係唔唒了 所以唯有下次先再來trytry la haa!!The waiter there are also helpful and nice although they are busy 👍🏼👍🏼

好耐都無食過THAI FOOD啦！！因為係香港食Thai food都貴((一碟海南雞飯都要hkd50以上啦，所以多人去叫多啲食先抵食嫁我覺得～))個日行行下街見到原來MONGKOK開左宜間Thai 野 所以就同朋友去食飯就約左去食!!4個女仔嗌左半隻海南雞share泥食又幾多肉同滑喎，起埋骨嫁((唔洗加錢))不過最重要都係個醬，夠耶味之後仲嗌左個濕炒牛河，哇ＨＡＨＡＨＡ佢個樣真係好有驚喜！！好似湯咁ＸＤＤＤ好特別，未試過咁既炒河，佢都多配料既，幾過癮～～仲叫左杯龍眼冰雖然佢入面無我最想要既龍眼肉＞＜。。。但係好彩佢都唔係死甜個種！！個日約６點幾去到，算早食飯，都唔洗等位既～～～不過食食下都開始多人，好似係有２層的！

四個人時間刚好到，唔洗等位。不過就要上阁楼。唔紧要..最紧要D野係好食。等左15分鐘左右上第一道菜。海南雞肉好滑好新鲜之后陸续每十分鐘左右上一道菜.開心時間過得特别快。4人叫了一个套歺。最后追加了一份柯仔煎蛋〈四个男人食唔饱。〉吃完刚好有员工行來说差不多時间我们才离去。非常愉快的一歺

泰國係香港人鍾意嘅旅遊勝地，我相信同樣哋泰菜亦都係香港人嘅至愛，除非你一啲辣都吃唔到啦。今日喺旺角見到間鋪頭寫明係正式泰菜，就估到一定會有我喜歡嘅芒果糯米飯。咁就入來喇，叻叻，真係有亦都有10幾款嘅粉，飯，米線午市套餐，全部唔過50蚊，抵到爛吖跟住就叫咗個芒果糯米飯，由於不是套餐，又想飲3色冰，咁就加22蚊來個特飲。糯米飯軟軟糯糯，加埋D椰奶，又香又易入口，睇真D，芒果也好大份，畀咗成個芒果你，除咗2個半邊之餘，總有芒果核邊邊嗰二舊都畀埋，真係又香又好吃。三色冰椰奶濃郁，亦唔錯。朋友喜歡金邊粉，於是order咗個午市套餐，呢個超抵，加5蚊就有個特飲青檸蘇打跟住加多個小食，咖喱炒軟殼蟹，菜一上到來，燦爛的金黃色讓我就來流口水喇，蟹有2隻，切成四舊，色，香，味俱全令我好難忘

上次同屋企人食過一次，價錢平之餘，味道又唔錯~ 今晚又帶朋友黎潮聖。火山軟殼蟹法包❤️賣相非常吸引，用大大個法包盛起黃咖喱，唔會辣，好惹味。軟殼蟹炸得脆身大大隻，香口鮮味😋😋泰式木瓜絲沙律❤️好清新，木瓜絲粗度剛好有口感，花生粒增加層次，醬汁酸酸甜甜，好食👍青檸梳打❤️夠哂大杯又夠氣，解渴又唔會甜。女仕因物。 每次嚟到人氣都曝哂登，價廉物美又免收加一，支持良心小店🙌下次嚟到旺角一定會再食😋😋

喺旺角行完街想食泰菜，喺OpenRice見到呢間都幾多，就黎試下喇。晚市食飯時間要等位，等左一陣有位，因為有兩層都算多位。坐下層環境光猛企理，係有少少逼，但可接受。落單無耐啲菜好快到，旺區做嘢效率係快啲😂泰式炒金邊粉 ($58)即叫即炒熱辣辣，啲蝦幾大隻，份量多，兩個人食都足夠。燒泰式大蝦 ($108)又係即叫即燒，呢個等得耐少少。啲蝦大大隻又新鮮，所以就咁用蒜蓉燒啲蝦味都好出。一百蚊倒食到四隻大蝦，真係好抵食。泰式豬頸肉炒通菜 ($72)咸魚炒通菜食得多，想食少少肉加菜叫呢個餸就啱哂。不過就無用咸魚炒咁香。但都好夠穫氣最後就當然要個飯後甜品。怕食芒果糯米飯太飽，就叫左個椰汁糕。味道正常，但椰汁唔夠滑。總括，呢到食泰國菜真係好抵食，唔洗加一又野食又大份。以後喺旺角行完街想食平價泰國菜應該會諗起呢間喇。

今日去先達整電話，去附近搵食，正正下午來個泰式午餐先平民化的泰國菜、深入人心幾十蚊有交易、份量多又抵食泰式鮮蝦冬陰功湯$78～大大隻鮮蝦，冇雪味，肉又唔會梅，好爽口彈牙、湯底我order加辣，好啱我口味！仲有秀珍菇、好多香料，非常美味推介泰式小食拼盤$138～非常大滿足有蝦餅～彈牙之外仲啖啖蝦肉、泰式春卷好多料，粉絲、紅蘿蔔絲、脆脆春卷皮吖，雞翼不過不失，正常水準，泰式魚餅超級正，沒有腥味，仲加入芫茜青豆粒更爽口椰青～清涼又解渴的健康飲品！青檸梳打～泰菜中不能缺少的特飲，我最愛青檸獨特的味道加埋梳打透心涼兩個人食下傾下又半day

旺角由細到大。都是一個旺區。每次去到。最不用擔心搵食今日同honey 出去shopping 後。就搵食。係通菜街真係不少美食店。見到有泰國菜。當然不會放過其實店內有少客人點左四款美食1。鹽燒鰂魚2。以飛天炒芥蘭3。串燒 雞肉同豬肉沙爹4。椰青飛天炒芥蘭熱力足,比平日的飛天通菜味道多了黃豆味。因為加了黃豆味道更惹味。鹽燒鰂魚以特別煮法需要時間較長魚身用粗鹽慢火燒魚身內舖滿各種香料避魚腥味之餘更可以把香料的味道散發魚全身魚嫩及味鮮沒有濃厚的咸味反而用簡單泰或酸醬去配食。感覺新鮮一瞬間已經消滅。串燒 雞肉同豬肉沙爹各3 件一串約有2 至3 件比較大件肉質較嫩沒有根位但沙爹醬料比較甜。如果沙爹味重些更好。簡單一餐美味晚餐價錢合理。已經好有滿足感。

與友人聚會，朋友提議食泰國菜，途經呢度見到人頭湧湧，我們一於湊下熱鬧等下位。菜式選擇應有盡有，選擇困難症既可以簡set。價錢非常公道，仲免加一，可能呢個就係咁多人既原因生蝦刺身有9隻咁多，蝦身彈牙厚身，亦有冰底保持新鮮。辣椒同生蒜夠哂刺激，點埋辣汁一齊食，味蕾頓時覺得非常過癮。炒通菜通菜無渣，蒜咪濃郁，惹味火山軟殻蟹法包軟殻蟹份量多，黃咖哩香料味突出，有豐富層次感，與法包配搭。冬陰公湯味道正宗，有大量海鮮同配料，完全唔吝嗇。酸酸辣辣好開胃，必點！！

之前經過旺角先達對面見到阿來泰式菜館門外總是堆滿人、人氣高企、今日早放工特意過去一試。想不到七點水前還是要排隊、等了十五分鐘左右才有位。生蝦刺身 $98 好像是這裡的必點、玻璃蝦幾大隻、肉質爽口、附上泰式辣椒醬、跟蒜片一起吃還蠻辣的！如果多點青檸的酸味應該會好一點。椰汁雞湯 $58 點了個小份、有不少雞肉和什菌。咖喱炒蜆 $108 咖喱汁加上雞蛋好香滑、 甜而不辣、配上洋蔥、青紅椒送飯實在好吃、蜆肉的大小亦適中。

🌋咖哩軟殼蟹火山包HKD138呢到最特別我覺得就系呢個火山包😁隻隻蟹都好大隻好多肉 d蟹一分為二都有我個拳頭甘大✊配上惹味嘅咖哩 甜甜地 冇咩辣味 配上軟殻蟹 第一啖落口就好吸引人 又香口又入味🙈👧🏻佢個汁撈埋蛋花 超正嫁😍🍝泰色炒金邊粉HKD48(午餐E)金邊粉真系好大碟🙈超級大碟😂😁佢成份好足料 蛋多 粉多 仲炒得好夠鑊氣 加上佢嘅芽菜 令佢嘅口感好好🤭配上青檸汁 好開胃 令人食完一啖接一嘮😏👧🏻其實佢仲蕃茄味好重🍳星蛋黃雞翼 HKD68(午餐加$12）呢個雞翼真系想像吾到嘅新奇好食☺️蛋黃起沙 鹹蛋黃味非常岀眾 而且雞翼炸得啱啱好 又吾會太油😍👧🏻真係好香脆既雞翼 推阿😚🌮泰色肉碎生菜包HKD68生菜包d味道調得好啱 試過食其他店嘅 都冇做得好好🤔但呢間就啱啱好 豬肉肥瘦比例均暈 再加上少少嘅辣味 惹味得尼又好吃

16 Jan今日去旺角食泰國菜，其實作為一個香港人，去過泰國既香港人，係香港真係食唔到滿意既泰國菜，當然有好多又貴又唔好食既泰國菜今次食呢間係先達旁邊，Location好方便，不過就多人左少少，我諗多人即係佢生意好啦我地叫左個2人餐$328，但係有好多野食，另外叫左條魚生蝦好新鮮，好爽，平時我去食泰國菜都一定會叫，但唔係間間好食，有好多都係霉既豬頸肉唔知佢係煎定係炸定係烤既，整到外脆內林果種感受最值得讚既都係條魚，雖然外面燒都乾晒，但一D都唔會影響到入面既Juicy，鮮味十足，兩個人食一條魚果種滿足感好大埋單$496,但兩個人都食到好飽，我好少會係出面揀Set Dinner黎食，但呢到個 Set Dinner 係幾吸引既

唔好以為好味嘅泰國菜只有九龍城先有，估唔到旺角都有！而且價錢仲好抵食。朋友話夜晚去有時仲大排長龍。話說我係行完街去，行完街後拎住一袋二袋，因為我同朋友2人，佢安排咗我坐2人台。其實我無咩所謂，諗住將袋嘢擺落去地下，但店員好好，即拎多咗張比我擺嘢，雖然係好小嘅動作，但對我嚟講就好深刻。炒芥蘭 $68我次次去食泰國嘢都一定會叫炒芥蘭 ，因為我本身好鍾意食芥蘭 ，今次佢仲係用馬拉紮整，好野味，真係好好好好好味！同埋熱d會更好，因為我覺得小炒都係要熱辣辣上碟。牛油雞翼 $68平日食越泰嘢如果有我都會點嚟食，牛油其實好夠，蒜香味濃。但雞翼唔算好大隻，但你話係咪唔夠呢?又唔係。因為我反而覺得呢個size方便我食。青咖哩 $68我之前係九龍灣食過一間泰國嘢第一次試青咖哩，覺得好有驚喜。今次見到有，我即刻又想試。味道好好，不過我可能唔算勁食得辣嘅人，所以我覺得太辣，反而朋友食得辣，佢就覺得好好！阿來海南雞飯 $54海南雞飯一向都係越泰餐廳必有嘅食物。飯量非常足夠，加上D雞好新鮮，價錢又公道。所以推介比大家。凍檸茶 +$2凍檸茶中規中矩，唔太租。剛剛好。🍽6/10🔎 阿

今日去旺角行街，黎到依間阿來泰式地道風味，味道出色，價錢合理，十分推薦。入到店裡都覺得有幾多人光顧，仲有泰國人黎食，所以應該係正宗泰國風味餐廳！最推薦的就係依個椰青，CP值力高。佢唔係一般既椰青咁簡單佢入面有好多果肉架！多到一個人食唔哂！果肉好有椰香味，口感QQ，係超好既飲品，解渴解辣！而綠咖喱都無令我地失望，辣中帶甜，好開胃！而且有好多雞塊，足料。 不過食食下就覺得有d過辣，可能因為我地唔食得辣，哈哈芒果蟹肉飯夠特別，加埋生果入飯度炒都係第一次試，感覺好有泰國風味！將佢撈埋咖喱一齊食就一流！又唔會好似食白飯咁dry。依個生菜包都好唔錯，酸辣味道，雖然肉碎份量好多，但生菜都不少，夠食哂全部肉碎，所以真係好抵食！