阿來泰式地道風味

营业中

休息中

勁鐘意食泰國嘢既我成日都會無啦啦好想食，仲會想食到不斷搵啲吾同既泰國餐廳去試。除咗九龍城之外，我發現好多地方都有好好食既泰國野。今次係旺角搵咗依間，聽朋友介紹依間係抵食又好食。睇到餐牌都見到餐廳有好多平時泰國必食既菜式，不過我地得2個人，所以叫既野食好有限。諗咗好耐先揀到淨番3個，見到隔離枱既冬陰公湯好吸引，但驚食吾晒，無得叫。我地叫咗個泰式鐵板蠔仔蛋，嚟到既時候真係覺得比我地想像中大份好多，而且見到每一個位都會有蠔，而吾係成大啖蛋先得一隻蠔仔。餐廳仲比咗泰式辣醬我地，等我地食得惹味啲。之後叫咗個好邪惡既泰皇咖哩火山軟殼蟹法包。無諗住原來都有2隻軟殼蟹，仲叫啲咖哩煮到啲蟹好入味。咖哩汁入面仲有三色椒。最後叫咗個每次都必食既泰式鮮蝦炒金邊粉。依個同我平時食開既有少少吾同，平時食既都會有花生、糖同埋辣椒粉，但今次就得花生。

作為一名健身教練, 泰菜食極都唔厭今晚近近地係旺角搵食, 落堂係附近逛逛見依間阿來入面都幾多人, 門口menu又幾岩食, 就入去解決晚餐。無華麗既裝修, 都有泰國小鋪既地道味既, 牆身都有餐牌可以睇到。生菜包我既最愛, 試過好多地方既生菜包, 依度既都做得好味, 夠辣岩我口味, 酸味唔強, 肉有乾蔥炒得好香, 豬肉脂肪唔算多唔會好油膩, good紅咖哩牛肉泰式咖哩一向比較稀身, 但係稀得黎夠香且濃, 入面配菜有四季豆, 矮瓜仔, 蕃茄仔同埋幾特別落左菠蘿, 原本以為薯仔黎但一食落係菠蘿又幾夾喎。依種稀身d既咖哩我就中意配飯食多d, 當然都可以叫薄餅啦。芒果糯米飯必食既泰式甜品啦, 芒果唔知點解切得好薄😗不過都無影響因為最緊要夠甜, 糯米飯軟糯有椰香, 不錯! 依間餐廳感覺似地道飯堂, 價錢貼地普通叫個海南雞飯咁都係五十零蚊, 我地咁樣散叫黎食都係二百零蚊, 仲要係免加一, 非常抵食

今日地鐵終於唔洗早收, 出左旺角就唔怕無車返屋企, 所以特夠食埋飯先返屋企阿來其實唔係第一次黎, 貪佢唔貴又抵食, 最緊要係又好食!No.1_豬手飯食得泰國野, 碟頭飯都係離唔開海南雞同豬手飯, 海南雞就食得多, 所以今次叫左個豬手飯試下, 一黎到個樣就覺得見得下人, 而且份量都好足, 豬手食落淋得黎唔會溶溶爛爛, 仲係有D彈牙既口感, 食落仲要十分痴口, 堅係正! 同埋叫飯加特飲都係+5蚊, 真係好鬼抵XDNo.2_木瓜沙律木瓜沙律係我每一次食泰國野都一定會叫既dish, 因為本人不嬲係鍾意D酸呀辣呀既野, 宜個就好岩我口味. 個沙律食落都好fresh, 我自己就覺得味道係岩岩好, 淨食木瓜就有爽脆口感, 加埋生豆角就有多一層草青既味道, 宜個味道唔係人人鍾意, 所以大家自己衝量下! 仲有再加埋花生食既話, 果種花生既香口同埋木瓜既爽脆, 真係唔試唔得!No.3_沙爹串燒串燒都係必點之一, 濃厚既沙爹鋪滿係豬同雞肉串上面, 如果覺得沙爹唔夠濃厚既話, 同店員單聲, 佢地會好樂意幫你一把, 將你碟串燒變得更邪惡!食落口感係有些少乾, 我反而係最鍾意乾得黎唔係硬崛崛, 但又十分香口!正!

與朋友去旺角shopping，之後朋友想食泰國菜做晚餐後，知道通菜街有間阿來泰式地道風味，有正宗地道泰國菜，味道不錯，於是我們就決定去食晚餐。餐廳裝修簡約，有平民化的感覺，價錢大眾化，不收加一服務費。餐廳有散叫，亦有多款套餐選擇，我們點了其中一款二人餐，鮮蝦冬蔭功湯：湯濃郁，味酸中帶辣。大大隻蝦好彈牙，又有菇菌好爽口。泰式海南雞(亦可另選泰式滷豬脾)，已經去骨，雞肉嫩滑，配特製醬汁，味道帶辣，相當惹味！泰式炸蝦餅，蝦餅都好大舊，外層酥脆，蝦膠彈牙，點些泰式酸甜醬好好味！青咖喱(可選豬、雞、牛肉或雜菜)我們選豬肉，青咖喱味道比較淡，但都有咖哩香味，豬肉片嫩滑，青豆角爽口。飛天通菜都好有穫氣，味道帶點辣。油飯2碗，有海南雞就要有油飯配合，咁先完美！油飯夠味夠香，軟硬適中。飲品：椰汁三色冰，椰汁味香甜，綠色啫喱狀的珍多軟滑。咸檸七，味甜中帶咸，冰涼好飲。

與朋友在旺角找地方食晚餐，行過通菜街近小巴站，見有間泰國菜館，店名阿來泰式地道風味，門前餐牌圖片吸引我們觀看，正宗泰菜朋友提議試試，那麼就入座吧！鹽燒鯽魚，都好大條又厚肉，除了用鹽還放入香茅香料等焗，熱辣辣的魚肉好鮮嫩，香噴噴非常入味。也可點些泰式酸辣汁，味道酸酸辣辣好惹味！飛天通菜，有穫氣，菜嫩有辣味。泰式炸蝦餅，酥脆彈牙，點泰式甜辣醬，另有一蕃風味。阿來海南雞已經去骨，肉質嫩滑，配以特别調製的泰式酸辣汁，味道更美味！

呢間已經係第二次黎次次食都係大滿足！基本上唔需要推薦菜式因為每樣餸都好好味雖然話鋪面唔算好大但都算坐得舒適生蝦刺身係我嘅摯愛不過我自己食就唔會連埋上面嘅辣椒同蒜頭食 會就咁點醬今次呢個綠色嘅sauce味道比上次食較淡食完個口都冇咁臭🤣但仍然十分惹味嘅青檸梳打酸酸甜甜 不過不失飲完好似番左泰國咁 呢個滷豬脾 應該係香港嘅滷豬手啲皮好嫩 好易入口用黎送飯真係一流啲泰式辣汁都係偏淡 唔會好濃而蓋過左佢本身嘅滷水味生菜包肉碎啲肉碎好香好惹味佢個種香味應該係黎自花椒同洋蔥（我估）不過呢個建議有4個人一齊食先好叫 如果唔係會食唔曬😂😂我就打左包番去食Pad thai 即係炒金邊粉同泰國當地食嘅有啲唔同 多左一種甜味本身以為會怪怪地點知又幾好食 主食黎講 我覺得係可以再黎一碟嘅另外 呢度嘅員工都好當地local feel 令到我好似真係去左泰國咁再加上佢地服務態度好好 好想令人一去再去！

朋友話想食泰國嘢，令我諗起旺角有間餐廳嘢食都OK，就帶埋佢嚟食～ 好耐之前食過一次，印象中所有菜式都係大大碟🤣我哋懶健康咁，首先叫咗個沙律🤪👻金柚子鮮蝦沙律原來有少少辣，作為開胃嘅前菜，幾好！如果柚子無整到咁碎就好了😂👻椰青海鮮焗飯不嬲原隻椰青都好吸睛😺 椰青面佈滿海鮮，一睇就知我哋將會食唔晒😂😂😂 除咗好多海鮮，椰汁飯份量都好多，有粒粒嘅椰子肉，好美味！👻青咖喱肉碎釀魷魚筒依味海鮮真係好特別😆 賣相一流！肉碎同魷魚筒兩種唔同嘅口感，配埋青咖喱汁，令人食完一件又一件😌有幾件魷魚鬚😀 配菜有啲茄子同菇！食泰國嘢當然要叫椰汁三色冰🌟 我哋一人一杯🏖🏖下次應該叫多啲朋友來食，因為佢份量真係好多，大家share嚟食就好了🤪🤪

完成星期一工作，經過勞碌工作後肚很餓了。來到餐廳，座位坐滿了，要等一陣.原來有兩層座位💺。見餐牌食物款式豐富且多元化，甜品，小食，主菜，飲品都有。我地叫了6個菜；豬頸肉炒通菜、阿來海南雞飯、青檸疏打、泰式炸蝦餅、柚子沙律椰青、牛油雞翼、芒果糯米飯、咸檸7.泰式炸蝦餅、柚子沙律到，份量足。炸蝦餅好大顆，不亁，外脆內軟。通菜還可以，味道不錯。而來海南雞飯的雞🐔肉滑，皮薄。牛油雞翼賣相吸引，牛油和炸蒜挺香。最後送上芒果糯米飯和咸檸7，個人感覺咸檸7，檸7挺好喝。糯米飯的椰汁香噴噴。芒果甜。整體而言，座便宜位多，兩層高，價錢適，份量充足，食物不錯。

今日同朋友特意過黎旺角食番餐泰國野，上年嘅呢啲時間都係黎呢間阿來泰式。呢間鋪頭嘅野食真係又大碟又好味，真係好有泰式風味。今次無叫到套餐，但可以講佢嘅二人餐無論係BCD邊一款都好抵食，同埋真係會食唔曬嗰隻。印象中上次啲野食多到張檯放唔曬。今次選擇咗散叫野食係恐試多啲唔同嘅野。有鮮蝦炒金邊粉，必定要叫嘅豬脾，泰式生蝦刺身，生菜包炒肉碎同埋汁燒魷魚筒。豬脾真係食過番尋味，無論係泰式醬定係燒汁都好正。生蝦刺身又真係好味道，但會辣嘅。另外金邊粉真係好似係泰國道地嘅小炒。好肯定咁講，呢個餐廳真係食到好飽，絕對飽住走。

今日去咗旺角睇戲，睇完之後有啲肚餓，所以就決定喺附近食啲嘢啦。天氣開始涼，所以就想食返啲辣辣地嘅嘢，於是經過就嚟咗呢一間阿來泰式度食啦，就算唔係食飯時間但係都幾多人見佢哋有二人餐三人餐嗰啲都好似好好食但係因為我哋食唔到咁多，所以就選擇左單買我哋要咗一個海南雞飯要左一杯椰青仲有通菜同埋牛油雞翼，同埋嚟泰國餐廳梗係唔少得要一杯泰式奶茶個店員好貼心咁樣同我地講會有少少甜，咁我就決定咗要多啲冰頭先上嘅係海南雞飯，我覺得係呢個價錢來講都真係幾唔錯🤩真係平過我平時食嗰啲飯好多啊第一次食佢嘅牛油雞翼我覺得非常之特別，因為泰式餐廳好少有呢個菜式。佢嘅牛油味令到雞濺到好香，亦都非常之新鮮，以佢嘅通才亦都係非常之入味，加埋豬頸肉真係好唔錯

又再黎到呢間泰國菜食飯時間已經就黎十點但都仲係好多人上下兩層都坐滿曬不斷聽到員工問搭枱得唔得阿媽話想試滷豬脾，咁我二人套餐有就費時散叫本身勁肚餓嘅關係，一見到碟豬脾嘅肥肉就流曬口水最最最重點就係呢層膏，放心唔係全部都係膏係咁啱我夾呢舊比較吸引我豬皮有彈性其餘脾肉脂肪比例都均勻，汁煮得入味伴有酸菜同蛋送飯係一流蒜蓉炒通菜本身阿媽唔想要辣，職員建議轉成蒜蓉但其實都係有少少辣份量足夠，菜葉嫩口而鑊氣十足，讚咖哩炒蜆阿來嘅咖哩係我食過香港數一數二好味的椰香味十足，味甜甜唔會太辛口，撈飯食好易再encore伴有洋蔥，青椒等等，蜆數量都幾多撩極都仲有，隻隻都幾大，鮮味香濃除咗飯，蒜蓉包都係點咖哩佳物趁熱辣辣上枱，真係要快啲食熱檸水&柚子茶隔咁耐再黎，依舊係免加一良心小店呀~~~~

店舖門面唔太顯眼，當日隨機揀左黎食，本身無太大期望，點知食物反而有驚喜餐廳入面唔算太大，但餐牌選擇好多！而且價錢合理仲有套餐選擇，適合唔同人數嘅聚會。我同朋友當日就散叫菜式。咖喱炒大蜆咖喱調味適中，蜆都算大隻，但份量就唔係大多，但連洋蔥都好好食，建議叫埋麵包點咖喱食炒通菜通菜幾乎係我去泰國餐廳必食嘅一碟！今次依碟正常水準，辣度調味份量都啱啱好，值得一試泰式炒粉絲依碟真係好抵食，$58好大碟，又多配料，一個人食絕對好飽！留意番味道係有啲酸酸地嘅泰式醬料，幾開胃，但唔中意酸嘅朋友就未必中意，但CP值好高haha!大蝦柚子沙律🍤依樣好啱我口味，泰國菜通常都又酸又辣，依個沙律好清新，中和番成餐晚餐，開胃又解膩！汁燒魷魚筒🦑好大一隻，附送一碟泰式醬汁，酸酸甜甜，唔錯！但上枱時唔熱辣辣出煙個隻，如果熱啲就perfect椰青大推清甜多汁！重點係入面滿滿嘅椰子肉，一定要食埋，真係好好味

今日心情好，決定食泰國菜🧚🏻‍♂️黎到依間都有幾多好評既泰式餐廳，睇下餐牌，原來佢d食品一d都唔貴，好似幾抵食🤣餐廳應該係做街坊生意，裝修唔算好靚，但都吸引到一班捧場客！我鍾意一坐低就睇咗嘢飲先🍸 叫咗一個椰青，可以share飲🥳椰青水好清甜，最尾仲可以食埋啲椰子肉🤪本身諗住食小食拼盤，但驚食唔晒，最後只係叫咗個炸蝦餅！原來都好大份，蝦肉好彈牙，而且炸得好香口👍🏻之後嚟咗個鮮蝦炒金邊粉，係招牌菜！依然係好大碟，真係四個人食都得😯有一條蔥做點綴，好搞笑🤣🤣我鍾意佢炒得好乾身，味道亦好好！炒雜菜係後加既，除咗菜，仲鍾意食佢嘅粟米同菇😺我覺得呢度性價比高，欣賞佢每碟餸菜都大大碟，價錢亦好合理！！

I long time no eat Thai food already. Perhaps it has been half an year. This restaurant is a bit like Hong Kong local food 🥘👍🏻 Simple but the taste is delicious ~It looks normal but the food is surprising. There are 2 floors. We sat on the 1/f floor.Egg with oyster~ a well-known Thai foodie~ it is not very oily. The taste is yummy 😋 I guess there are 3-4 eggs. Very full for 2 girls豬頸肉炒通菜～ a normal dish with vegetables This is recommended as the size is big and worth to give it a try~ very mouth-

泰式夜，友人鐘意咖哩，我鐘意大蜆，所以就試左咖哩大蜆。門口有貼住介紹過呢首菜嘅報章，應該喺穩陣嘅選擇。果然冇令我失望，佢嘅大蜆大隻、鮮甜、冇霉、冇沙。咖哩係甜甜地，應該有落椰奶，岩晒怕辣嘅我地。個汁仲用左好多洋蔥去煮，好鬼正!叫得咖哩大蜆就梗係要叫埋佢嘅蒜蓉包啦。蒜蓉包點落啲咖哩汁度夾埋啲洋蔥食， 真係一流呀!另外我哋叫咗碟蒜蓉炒椰菜仔，份量好多，好抵食!甜品方面，我地叫左芒果糯米飯，佢比左勁大舊芒果我哋，個芒果好甜好好味。個糯米飯都好好吃， 啲飯暖粒粒，好有咬口，加埋啲甜甜地嘅椰汁一齊食唔會過甜，好正!值得推介!鋪頭掂完落單執枱各方面都好快手， 態度良好，餐牌定價合理，食物質素對得住價錢!餐廳位置方便，近地鐵得黎又近行街，隔離仲有間傳統中式糖水舖，好適合年輕人行街前後黎補充能量。