阿來泰式地道風味

营业中

休息中

平時食泰國菜通常都揀Pad Thai同青咖哩，今次叫左d平時好少食嘅，就係泰皇咖哩軟殼蟹法包同泰式蠔仔蛋。個軟殼蟹法包真係好大份！2個人就咁食一份法包就已經夠飽。軟殼蟹炸得幾脆，但就唔夠調味，唔夠香口，咖哩味好少，d醬汁好似係雞蛋既成份比較多，但醬汁份量好多，令成個包都好濕潤唔會好乾，如果咖哩味濃d香d就一流。蠔仔蛋，一d都唔油膩，係健康人士既好選擇。78蚊既價錢，有好多蠔係入面，真係幾抵食。椰青超大超甜，入面椰子肉都好好味。

‼️終於介紹晒3個🇯🇵⛩️🗻旅遊景點‼️介紹番一間🇭🇰既泰國餐廳▫️餐廳：阿來泰式地道風味Aroy Khao Man Gai▫️地點：全香港有2間分店📍 旺角通菜街97號地舖港鐵旺角站 D2 出口, 步行約2分鐘▫️營業時間⏰：星期一至日12:00 noon - 02:00 am▫️價錢：～$50+（📍中午有特價菜式—美味：🇹🇭🇹🇭🇹🇭+0.5🇹🇭環境：🇹🇭🇹🇭🇹🇭+0.5🇹🇭價錢：💰💰💰—🇹🇭👧🏻之前去過泰國旅行，鐘意咗泰菜💕前日同咗班👦🏻去食泰菜，依間比想像中平💕🥰辣椒膏蝦頭油海鮮炒飯$68都幾大碗同足料✨仲要夠晒辣🤩🤩👧🏻好鐘意辣野🌶🌶而海南雞飯$54都同埋大碗同味道唔錯🤤🤤夠泰式‼️想飲椰青既都可以一試$35☺️

雖然已經不是第一次來這裏吃，但是這裏最出名就是大件夾抵食，今晚叫了和之前不同的東西，就是肉骨茶。雖然只是抱嘗試的心態來吃，但一來的時候就發覺這個肉骨茶是十分的足料因為除了豬肉之外他還有雞腳，所以湯的味道不夠藥材味，但是肉香四射，最好就是雞腳煲得很稔想不到飲肉骨茶嘅時間還可以吮雞腳，唯一美中不足的地方就是沒有油炸鬼，好吧，就當吃健康一些吧。之後再來一個泰式明爐魚呀，魚非常多肉，而且還會另外附上一碗湯，滾的時間可以再添加長期保持濕潤，魚肉鮮甜，而且帶陣陣鮮味，到最後還可以作湯一起喝。大蝦金邊粉亦炒得相當好味，而且條條分明，不會糊在一起。蝦肉爽口，唧一些靑檸會令整個金邊粉不會太油膩。

很久也未到外地玩～今天跟朋友到了一個充滿香港味道之泰國餐廳*旦包泰金邊粉很大的金邊粉，正宗的感覺大，炒金邊粉甜酸鹹並重～旦網包裹誘人，一定要吃，已混合的醬汁、韮菜、豆干、銀芽、花生碎，全有喔*豬手飯還沒出發去曼谷前，壓根兒沒想過泰國的豬手飯這麼有名的！ 這間餐廳的豬手飯是好吃到每人亦有點喔，這裡賣的滷水豬手，很棒。是泰式料理不油膩酸又辣又加入多香料調味～天然香料感覺很重，記得曼谷旅行的時候，如果每天都是吃大餐，吃的飽飽的話，不只是女生，其實男生也會充滿罪惡感。但這店的不會太油，大大口也不怕。泰國道地美食除了酸辣湯、青木瓜沙拉之外，也要吃豬手飯，這店最有名的豬腳手飯，棒青咖哩雞泰菜晚上來一個咖哩來送飯是一定的，而我最愛吃青咖哩，店子住的很好吃椰香令雞肉變得也滑也好吃，很棒呢*全泰餐的其中一味，就是青咖哩雞。其實加了薄餅也好吃，一個簡單，好吃的菜喔！新鮮咖哩的香味撲鼻，與現成的咖哩醬煮出來的效果真是不同。好好吃，很有當地的感覺呢～今天，快樂地延續泰國味道

今日向旺角剪完头发之后唔知食乜好，見到呢間野排晒隊就中左入去试下☺️午餐都有好多選擇，有粉、麵、飯等…… 我胃口不太大所以揀咗海南雞冬陰功湯金边粉配一杯凍咖啡☕️，咖啡不错只是甜咗少少及金边粉略咸左少少，但整体还是不错👍🏻所以会再来😍

Omg ,口痕想食泰國嘢，搵間平平哋結果比我搵到呢間超級抵食泰國餐廳！好好味呀，六點已經full，出面開始有好多人排隊，唔怪得要限時粒半鐘。今次叫咗個海南雞飯同埋豬髀飯，加咗$10要雞髀飯，啲雞好滑仲有好大份，有咬勁。豬髀飯肥瘦適中，加埋個酸菜真係冇得輸！

之前食過泰式豬脾飯，好味又抵食。決定拉朋友一齊食好嘢。今次上2樓朝聖。沒有華麗裝修，但處處人情味。有額外椅子放袋，電視播的台又好看，坐得特別舒服。泰式明爐冬陰功烏頭魚，$168。有火溫熱著，熱辣辣好好味。烏頭魚是鮮活貨色，肉質鮮美易起肉。要小心某些部位較多骨。配搭的醬汁很香辣惹味，醮著吃一流。當然不能浪費冬陰功湯、菇和蕃茄，全部都好好味。泰式炸蝦餅，$78。超大件，要不是切開了，就似個脹卜卜的冬甩。蝦肉餡很結實，炸粉外層不厚，真材實料，很香口，也吃得出蝦味。泰式咸魚炒椰菜苗，$72。這個稍微遜色。不夠穫氣，不夠熱辣辣。但味道搭救。椰菜苗很爽脆，而且有咸魚香。食完下來，門口已經要等位。這裏真是平靚正，下次也會再來。

好耐冇食泰國菜，朋友就搵咗一間喺旺角好出名嘅泰國餐廳試吓。七點幾零鐘嚟到，餐廳外邊已經有人龍，可見人氣旺盛。等左一陣就已經有位，見到餐廳不算好大，但都利用晒空間位置擺晒枱，亦有不少大台適合一大班朋友一齊聚餐傾計。⭐️麵包咖哩軟殼蟹如同菜名，就係以麵包裝住軟殼蟹，麵包沾咖哩食，麵包配咖哩，份量夠多，咖哩煮得好稠身，軟殼蟹好索汁，炸皮唔算油膩，幾香口，配麵包食好夾，軟殼蟹份量好多。⭐️泰式烤魷魚魷魚烤到外邊酥脆，內裏肉質彈口，配上酸辣醬，味道質感都唔錯，亦想到魷魚的海鮮鮮味，值得推薦⭐️泰式菠蘿炒飯泰式菜招牌招牌菜式，配料夠多，甜甜的，很醒胃，料都好足炒得好香口，入口酸酸甜甜好味道，又是一個高CP值的存在！今餐每人不用一百，整體好食，性價比高，口味來講唔算太重口味，適合香港人嘅味道，值得推薦。

呢間一年前同朋友食過，覺得咖哩好岀色，價錢又合理，所以再食二個人叫咗二人餐A泰式海南雞(例牌)，肉質十分嫩而入味，但雞皮今次肥少少，醬汁配搭十分夾飯可自由選擇油飯或白飯，油飯雞味十分香，令人愈食愈上癮😆其中一碗飯加$10可轉蒜蓉包，配搭咖哩十分正👍🏼烤至金黃色，十分香脆可口咖哩炒蜆，岩岩個蒜蓉包就可以沾呢個食，十分惹味配菜分別有洋蔥、大蔥、青椒紅椒咖哩係十分滿意的，比較甜，很適合香港人口味😋蜆類都幾大隻和新鮮和鮮甜，每個殼都有蜆😆👍🏼配搭咖哩十分好食❤️飛天通菜，只有很少少辣🌶️所以唔怕食唔到，配搭蒜蓉、蝦米🦐等配料，炒至十分香套餐包兩杯飲品，分別凍朱古力、椰汁三色冰，椰汁🥥十分香滑，唔似岀面加咗好多汁

旺角經過呢間泰式餐廳，見到入面好多東南亞人嚟食嘢，之前響呢度都食過，印象中都幾好食，所以同朋友入去食番個晏先。精選午餐有成9款可以揀，朋友要咗泰式豪仔餅飯($48)。我睇睇下見到午市湯粉麵餐都係一樣價錢，我就叫咗星馬喇沙米線($48)，可以從海南雞、滷豬脾、豬頸肉、鷄絲扎肉之中揀一款，(加多$10就可以揀多一款)，麵底可以改為金邊粉、河粉、米線或者米粉，最後我要左海南雞金邊粉喇沙。我又想食🐠，所以跟住鹽燒鰂魚($148)。海南雞皮、油、肉一層疊住一層，見到都覺得好味道，喇沙湯底係唔錯，如果椰香味再濃郁啲就更加好味道喇。燒魚即刻燒比你，所以要等大概半個鐘頭，不過魚肉放入口鮮、嫩、滑，肉質水份充足，好味道！

鍾意重口味嘅我，一向都好鍾意食泰國野！前幾日又去咗一間未去過嘅泰國餐廳- 阿來泰式。同大家分享下食咗d咩好嘢啦！我叫咗二人餐B：B餐有嗮我鍾意嘅嘢食🥰大家一定要轉椰青！好好飲！勁清甜！d椰肉都好好食！另一樣推介係肉碎生菜包。呢個生菜包d肉碎，唔會死鹹/死酸，非常香，味道調味得啱啱好。仲有肥肉係入面，真係好難唔香口。不過d生菜有d唔夠，除非你攞超多肉落一塊菜度啦！不過加生菜都好平～生蝦都好好食，仲好靚tim～豬頸肉都幾厚，食完超級飽！海南雞飯d雞好嫩滑，而且份量都好大！唔怕肥膩嘅人可以轉油飯！通菜就冇乜特別！好難唔好食😂

呢日同屋企人去到旺角， 我哋去到先達廣場附近嘅一間泰式餐廳度食飯， 餐廳裝修唔算係豪華， 但餐枱及環境幾整齊和乾淨。串燒沙嗲 (一打)呢度嘅串燒沙嗲有分豬肉和雞肉， 我哋叫咗每樣各一半， 豬肉和雞肉都醃得幾入味， 燒起上嚟唔會太乾身， 咬落都有肉汁， 沙嗲汁幾重花生和薑黃味，好惹味。泰式肉碎生菜包我個人都幾鍾意食肉碎生菜包， 好多時去到泰國餐廳都有叫， 呢度嘅肉碎生菜包嘅份量都幾多， 大概可以包到十多片嘅生菜， 呢度嘅肉碎加咗紅蔥頭，檸檬葉，辣椒等其他香料嚟炒， 雖然有辣椒但係個辣嘅程度唔算好勁。青咖哩肉碎釀魷魚筒之前喺其他餐廳都有食過魷魚筒釀炒飯， 覺得都唔錯， 今日喺呢間餐廳見到有肉碎釀魷魚筒， 覺得幾有新意，所以我哋叫咗過嚟試下， 魷魚筒嘅處理做得唔錯食落唔會韌， 肉碎本身有底味， 加上用泰式茄子，豆角煮嘅青咖哩， 味道更升一級。原隻椰青海鮮焗飯呢個焗飯嘅份量都幾多，塞滿陣成個椰青， 海鮮有蝦，青口 ，魷魚等， 個飯食到有椰汁味， 應該係焗個飯之前用椰汁燴過個飯底， 夠原汁原味。 最後我哋做叫多個椰青嚟飲。

喺香港，泰國菜都好常見，但係未必每一間都好有水準不過喺旺角鬧市，就相對容易搵到高質素嘅美食通常泰國菜閒閒哋都要六七十蚊一個套餐，呢度價錢相對較抵食四十幾蚊就食得飽真係好抵除咗午市推介，主餐牌仲有好多選擇泰式肉碎生菜包呢款肉碎加入咗泰式香料同辣椒去炒，食落香辣惹味我鍾意佢唔會太鹹，主要食到泰式香料嘅味道，非常易入口原隻椰青海鮮焗飯原本以為椰青即係做下樣，點知試咗個飯，飯粒充滿椰汁嘅香味，咬落仲食到少少椰肉除咗外面見到大大隻嘅蝦同青口，飯入面仲食到有蝦肉同墨魚仔等等嘅海鮮，份量比想像中更足青咖哩肉碎釀魷魚筒平時魷魚釀飯就比較常見，釀肉碎我都係第一次食好佩服廚師嘅功力，雖然釀滿肉碎，但係夾起來唔會散到周圍都係青咖哩有椰汁嘅香甜味，令人有想加多碗白飯嘅衝動串燒沙嗲肉串燒得剛剛好，咬落唔會好硬除咗沙嗲嘅香味，仲咬到粒粒嘅花生醬，口感豐富每次食泰國菜都忍唔住叫一個椰青，呢度嘅椰青大大個，水份十足我覺得呢度同一般泰國菜唔一樣，所有調味剛剛好，唔會食落好口渴好多味精嘅感覺但價錢又唔貴，確實係開飯嘅好選擇

隨著市道轉差慣常吃的菜館陸續結業，我的餐廳favourite list需要重新整理了。昔日愛吃的泰菜館已經撤出旺角，轉而在通菜街尾端找到這間經濟實惠的泰菜館開餐。單點的小菜徘徊在$60-80，每碟粉麵飯也僅$50，另外任何時間免加一，是區內大眾化的選擇。自問大食鬼各款食物都想試一試不妨點二人餐，價錢由二百多至三百多。冬陰功在菜單上有大小之分，跟套餐屬小碗份量二人用非常足夠了。用上多種泰國材料使其香氣非常馥郁，在內有香茅、南薑、秀珍菇、車厘茄、香葉，大蝦也有三隻，蝦肉飽滿緊貼著蝦殼。各款套餐滷豬脾或泰式海南雞選其一，海南雞較常見，果然滷豬比脾沒令我失望。後來想到旁邊食客點泰式海南雞，份量比滷豬脾還要多三分一，女仕們要有心理準備打包喔。豬脾以甜甜的滷水汁熬煮，豬皮早已變得軟嫩入味。比起中式滷水這醬汁香料味更弱，少了花椒八角濃烈的氣味非常下飯，女友大愛這道小菜。旁邊配有一隻滷水蛋，豬脾下的芥蘭吸收了豬肉味瞬間便被吃光了。青咖哩有牛肉/雞肉/豬肉/雜菜，沒料到牛肉片的份量可以疊滿一碗肉之多，還配上一些豆角、泰國茄子。青咖啡沒有丁點辣味容易接受，椰汁味也過關，但醬汁較稀所以拌飯要少量添加以免白飯

講真，泰國好吃嘅嘢實在太多，數之不盡。芒果糯米飯，菠蘿炒飯，冬蔭功湯，泰式金邊粉，三色冰，椰汁冰，椰子水，泰式蠔仔蛋飯，香茅豬扒飯……而我呢，自己雖然成日周圍去，不過泰國就好耐好耐都冇去過，但泰國美食就成日都會食，以前九龍城最多泰國餐廳，但宜家唔單止九龍城，而係全港，九，新界都唔少泰國餐廳，呢日來到位於旺角通菜街嘅『阿來泰式地道風味』餐廳，本來由旺角某出口行過來，2，3分鐘就到，但由於地鐵設施被破壤，要兜路行，加多一倍時間，6分鐘亦可以到，真係好方便。而且頭先講嘅泰國美食呢度都有齊，價錢仲好貼地，仲要唔使加一，正吖。嗌咗個生蝦刺身，呢度價錢又係平過人，98蚊有8隻刺身，但質數唔差，蝦肉新鮮彈牙，配埋蒜頭，辣椒，再點埋個醬汁真係冇得頂。青檸梳打正常好飲，炒金邊粉，串燒沙嗲亦可以吖。