阿來泰式地道風味

营业中

休息中

泰式夜，友人鐘意咖哩，我鐘意大蜆，所以就試左咖哩大蜆。門口有貼住介紹過呢首菜嘅報章，應該喺穩陣嘅選擇。果然冇令我失望，佢嘅大蜆大隻、鮮甜、冇霉、冇沙。咖哩係甜甜地，應該有落椰奶，岩晒怕辣嘅我地。個汁仲用左好多洋蔥去煮，好鬼正!叫得咖哩大蜆就梗係要叫埋佢嘅蒜蓉包啦。蒜蓉包點落啲咖哩汁度夾埋啲洋蔥食， 真係一流呀!另外我哋叫咗碟蒜蓉炒椰菜仔，份量好多，好抵食!甜品方面，我地叫左芒果糯米飯，佢比左勁大舊芒果我哋，個芒果好甜好好味。個糯米飯都好好吃， 啲飯暖粒粒，好有咬口，加埋啲甜甜地嘅椰汁一齊食唔會過甜，好正!值得推介!鋪頭掂完落單執枱各方面都好快手， 態度良好，餐牌定價合理，食物質素對得住價錢!餐廳位置方便，近地鐵得黎又近行街，隔離仲有間傳統中式糖水舖，好適合年輕人行街前後黎補充能量。