阿來泰式地道風味

营业中

休息中

講到泰國菜最平靚正，好多人都會講呢一間，平日夜晚兩層都爆滿，睇得出佢係有幾受歡迎。佢除左價錢便宜，食物既質素一啲都唔差，上菜既速度好快，基本上落單5至10分鐘就會上菜。叫左海南雞飯，呢個有套餐，所以佢會送埋野飲，加2蚊就可以轉凍飲，個海南雞好滑，油飯都好香，仲有雞髀，真係好好彩，甘如果人少又想食海南雞嘅話，其實叫海南雞飯餐係好實惠，當然佢都有單叫海南雞，價錢就貴少少但係雞嘅份量做多啲。冬陰功湯，叫左小份，2個人食絕對足夠，份量都好足，味道到位，夠酸夠辣，唔錯唔錯，不過見到每一台都有叫到，相信佢都係店入面較出色既菜色，鍾意飲冬陰功湯嘅一定要試試。芒果糯米飯，佢真係有成個芒果嘅份量，因為出邊好多都係比半個芒果，呢度成個芒果令我覺得好抵食，而且佢個味道都好有泰國食到嘅味道，下次一定會叫。椰青，好大個而且好多肉，清甜可口

我今日行過呢間人氣非常高嘅泰國菜，終於唔使排隊，位置喺旺角鐵路站附近，地點都非常方便，而家冇得去旅行唯有周圍食下野，食我最鍾意嘅泰國菜，餐廳價錢又好合理行到入去環境雖然有啲迫，但原來樓上仲有好闊落嘅地方午餐都只係$50一，個比起出邊嘅餐廳平得多而且份量仲非常充足上到樓上，冷氣非常足夠，而且地方比樓下闊落，所以我食都會揀樓上午餐有不同種類嘅選擇，非常吸引，而且性價比極高份量都算充足湯底濃郁，帶有少許辣味，顏色好靚望落都好吸引，材料豐富，而且香氣撲鼻非常香濃嘅嘢香味金邊粉唔會太林少許彈牙豬頸肉成為配角最主要係個湯底喇沙豬頸肉金邊河，喇沙帶有小小嘅冬陰功味，入面有豆卜，芽菜，芫荽，個味道都教得幾好係大眾都會接受嗰款味道全隻海南雞$188去咗骨嘅海南雞有啖啖肉嘅口感再配上彈牙緊致嘅黃色雞皮雞肉又夠嫩滑沾上泰式汁特別滋味呢個醬汁非常辣又帶少少酸，醬汁都食到停唔到，再配埋個雞油飯香味一流好短時間就給我食清了雞肉鮮味多汁慢慢咀嚼嘅時候鮮甜無比嘅雞汁流出喺唇齒間留下一絲絲濃郁嘅新鮮味道香甜可口口感仲非常豐富而飽滿真係食過返尋味餐飲加兩蚊有一杯凍飲，跟咗杯凍咖啡，咖啡都算香濃，但可以叫佢加多少少奶

Grilled squid The squid was nicely grilled with some smoky taste without being too charred. It came with sweet yet spicy sauce which adds another level of flavour the squishy salty squid.Pork flat rice noodle with gravyPresentation wise, it definitely isn’t the best but taste wise it’s definitely up there! I like how these noodles are usually served with a lot of vegetables and the thick gravy reduces the oiliness of the stir fried rice noodles, without reducing the the flavour of the wokhey.Fre

呢間餐廳位於先達對面，平時經過無留意，今日朋友話想食，就第一次入去試喇😛午市menu都幾抵。我地嗌左個香煎肉碎飯。呢碟其實好難煮得難食的😂😂因為肉碎撈飯+埋香葉 係絕配，所以我無特別comment,略嫌隻蛋雙面煎到熟哂。之後就上蠔仔煎旦飯。一上碟有些驚喜，個蠔蛋蓋哂成碟飯，個價錢絕對係抵！好大份量嘅蠔蛋餅 比起出面其他餐廳還要大份！而且啲蠔一啲都唔腥，可以放心食喔～我地仲嗌左個小食汁筒魷魚🦑 落單時 個侍應有提我地 呢個要等3-4個字..ok!!無問題！不過就唔知點解上碟嘅時候佢唔係熱架囉😂 但味道係唔差嘅

阿來泰式地道風味的泰國廚師致力將泰國菜美味帶給食客招牌菜泰式雞飯及其他菜式均是水準之作食左海南雞飯同串燒,炸蝦餅,春卷,都相當出色~!海南雞飯配油飯 (如要雞脾位加10蚊)海南雞飯建議揀油飯，香口好多,，雞肉都幾滑連雞皮下面個層果凍都係度,浸雞最好食就係皮連果凍油脂,特別滑嫩雞肉啖啖肉,雞脾位更加係好嫩滑有雞味 油飯食到少少香茅同蒜味,唔止夠香好夠味道!唔夠味仲可以加埋辣椒汁食小食一款$15 (炸蝦餅,春卷) 鮮蝦肉打成膠再炸,大件又脆口,彈牙又鮮味素春卷有粉絲菜絲,脆又清爽牛肉串燒 燒得岩岩好,唔會太柴流失太多油脂,入口味濃肉質都幾重牛味加埋香濃既沙爹汁食味道更豐富店家推介既青檸茶都係好好飲 夠清新解渴呢~旺角通菜街97號地舖消費$200

天氣咁熱無咩胃口食嘢，泰國菜香辣口味最啱呢啲天氣，下午花墟膠遊遊後就去旺角覓食第一次食，通常都會叫冬陰功湯試試口味，呢個酸辣味平衡做得好好，而且湯底濃郁，有一陣蕃茄帶出嚟嘅酸味，辣味唔嗆喉，應大部分人都會接受到嘅辣味，叫個細size湯都有2隻蝦，其他配料都好豐富！一見菜名辣椒膏蝦頭油海鮮炒飯就心心眼😍直接𝗈𝗋𝖽𝖾𝗋無商量～泰國炒嘢最正係鑊氣，但平時成日食到油淋淋或唔夠特色嘅炒飯，今次炒飯真係好得！😎😎😎😎粒粒分明食完碟底都唔多油！辣味好出，但唔係辣到食唔落兼胃痛嘅辣，非常之出色！海南雞嫩滑，雞皮爽口唔肥膩，酸辣醬非常出色！雞肉蘸滿醬汁非常開胃，辣度唔係太高，但就好開胃😜天氣太熱就叫埋最愛椰青，大大個超多水，消暑解渴最好嘅朋友～搵到間咁好食嘅泰國菜真係好驚喜，而且地點非常方便，客人多都無𝗁𝖾𝖺煮，💓💓真心會再訪～💓💓

阿來泰式地道風味 (旺角)旺角通菜街97號地舖泰式鐵板蠔仔蛋 $78份量十足，滑蛋包住粒粒飽滿既蠔仔🦪 誠意十足！而且仲清洗得好乾淨! 無沙、唔腥！出街食蠔仔最驚食到有沙🙈主觀感覺用鐵板奉上嘅食物特別有風味😻鹽燒鰂魚 $148原條鰂魚奉上😍魚皮燒得香脆，有焦香味之餘，而且鹽度控制得宜，唔會令魚肉過咸！揭起香脆魚皮，魚肉夠厚身啖啖肉！魚皮成功鎖住魚油～魚肉肉質嫩滑～充滿魚油脂香～😋泰皇咖哩炒大蜆 $108大蜆清洗得乾淨，無沙～唔會有腥味！咖哩椰奶味較重而唔辣～口感濃厚，配菜有青椒、大蔥、洋蔥～如果叫碟蒜蓉包嚟蘸呢款咖哩會好夾！失策左添😝椰青🥥 $35@1椰青水冰涼清甜🤩可以平衡下食泰國嘢嘅’重口味’😚小妹鍾意飲完椰青水~用匙羹刮埋啲椰肉食🙊😋

每一次經過阿來都好多人而卻步，今日有多d時間就等下啦，試試呢度既泰國風味呢間泰國餐廳既菜色選擇好多，有素食既，有辣有唔辣既，老少咸宜！而且70幾蚊已經有大大份主菜，十分重料！生蝦刺身蝦肉新鮮彈牙，呢間餐廳最特別既係距既泰式醬汁，好夠酸，而且十分十分辣，和其他餐廳不一樣，非常惹味！絕對係開胃前菜！泰式肉碎生菜包肉碎份量超多，落左好多調味料包括乾蔥、豬肉粒和辣椒等一齊炒；生菜新鮮爽脆，十分惹味！酸辣鳳爪鳳爪份量好多，加上海量既洋蔥同芹菜，酸酸辣辣，十分惹味！炸蝦餅一碟有六件，外皮酥脆，入面既蝦膠彈牙，可以encore泰式蝦醬炒飯飯炒得乾身，蝦醬亦都好夠味，飯上面仲小量臘腸同煎蛋，香而不膩！新鮮椰青

今日同另一半先出旺角行陣街。再打算睇戲，因為戲院依家唔食得野，所以決定先醫肚再睇戲，反正有時間。男友話想食泰國菜，話記得先達後面等小巴個度有間泰國餐廳。餐廳望落去唔算大，不過後來我聽到佢地講「樓上丫」（原來有兩層）我同另一伴則坐係樓下。✨睇黎繁忙時間佢地都係好忙，出出入入既客人不斷，但發覺個個店員都好有活力，感覺好似同好多客人都好熟咁。而且佢地做野都幾快手，但又唔急同唔會因為忙而黑臉。✨另外我更驚喜既係，佢地每張枱都放左消毒搓手液比客人用（感覺好窩心）講返野食先，因為我鐘意食生蝦同生菜包，餐廳有數款二人餐可所供選擇，我地就簡左$328 2人餐。估唔到2人既量，我覺得可以3個人食，因為份雞係例牌，豬頸肉都係例牌，生蝦仲要好大隻！仲有兩配白飯👏👏

有句說話 唔怕生壞命 最怕改壞名 呢間泰國菜就完全冇呢個問題喇😂 阿來喺泰文嚟講代表好食 真係食物質素都唔錯 而且價錢親民 唔怪得知客似雲來😗 夜晚八點 全店都坐滿 仲諗住要等吓位 點知原來仲有上層😮 覺得自己好好彩 可以唔駛等位泰式炸蝦餅 呢碟小食真係每次食泰國野都會想嗌☺️ 呢間整得非常好食 蝦餅夠晒彈牙 又大件 而且唔會炸得過咗火 keep住金黃色🍤泰式炒金邊粉 女朋友太鍾意食辣 呢碟金邊粉都要特登嗌加辣 不過加咗辣的確惹味咗好多 配埋旁邊嘅花生碎 蝦仁好大隻🦐椒鹽軟殼蟹 軟殼蟹有四件 炸粉唔算太厚 再配埋惹味嘅配料 椒鹽再配一啲彩椒 令配料唔會太鹹 真係好想嗌碗白飯食吓 不過食咗金邊粉已經夠晒飽😺 椰汁三色冰 椰汁好香 同埋夠晒凍 啱晒炎炎夏日😗呢間泰國餐廳真係好抵食 下次糧尾又想食泰國嘢會考慮再嚟食

琴晚同一個好耐冇見嘅朋友去咗旺角依間泰國嘢度食晚飯，一入到餐廳已經聞到一陣陣香氣，坐低之後，我地就開始叫野食，我哋叫左個二人餐c，因為見到有我鍾意嘅冬陰公湯同埋又有我朋友鍾意嘅青咖哩，仲包埋海南雞、泰式炸蝦餅同埋飛天炒通菜，再一人一杯泰式野飲，首先講下個冬陰公湯，佢嘅海鮮非常新鮮，而且辣得黎又唔會完全得辣味，飲完佢個湯之後，令我有少少返左泰國嘅感覺，之後炸蝦餅炸粉同蝦肉嘅比例啱啱好，絕對唔會出現炸粉過多既問題，再講埋佢個海南雞，係無骨海南雞，啖啖肉，雞皮，中間透明脂肪同肉比例分明，食得出佢整呢個海南雞花咗不少心機，然後到我朋友最鍾意嘅青咖哩豬，佢話呢個咖哩唔太辣，有椰香味，拎黎撈飯同點蒜蓉包簡直係一流既美食，一路食一路飲椰青，彷如置身泰國一樣，總括而言，如果你太耐無去泰國旅行，又好掛住泰國嘅野食，不妨去呢間試一試佢哋啲泰國菜

平時成日見到呢間泰國野大排長龍，睇完餐牌覺得價錢又ok就同朋友try try佢，環境細細地但唔會有好逼既感覺，卡位之間落左透明膠廉所以有少少隔音，店員反應快，落單都好快上菜，我地揀左個二人餐，飽到上心口！通菜炒得香辣，有蒜頭辣椒等調味，主菜一定要叫海南雞！份量多之餘佢個醬汁集酸甜辣於一身，好開胃，最中意用埋黎撈飯，唔食飯可以加10蚊轉蒜蓉包，我好中意佢地個蒜蓉包因為非常香脆，係多士口感，而且夠多蒜蓉好香，飲品推介係椰青，好新鮮，清甜椰子水果然比起普通椰汁差好遠，飲落去即時解渴，朋友揀個龍眼冰都好飲，夏天最啱飲消暑野👍

朋角介紹旺角出名既泰國菜餐廳，係先達附近都幾易搵，餐廳坐位唔算多餐牌選擇好多、不過我地都係揀左餐因為餐入面都有我地想食的同朋友一行三人Order左二人餐另外再加左黃咖哩炒軟殼蟹同甜品跟餐既飯我地轉左蒜蓉包（+10轉有四件）我地兩個飯都轉晒所以一共八件呢一碟黃咖哩炒軟殼蟹、認真推介！！個黃咖喱好味到不得了、椰香味較重唔算好辣、我覺得配蒜蓉包比配飯更搭軟殼蟹完全可以「索」晒啲咖喱汁掂呀！而且份量都OK二人餐本身份量原來都唔細、其中炸蝦餅一份有6大件、好大份重有冬陰功湯青咖哩可以配豬牛雞或者雜菜我揀左牛肉、青咖哩都是椰香味比較重、好岩我胃口、佢係比較稀身的我忍唔住當湯咁一羹一羹咁飲太惹味了😂😂但佢味道同黃咖喱相比是較辣的餐飲有兩杯、飲杯青檸梳打有夠爽甜品點左椰汁芒果糯米飯份量十足芒果夠甜（呢樣重點）2人餐加多左兩樣野已經食到我地三人覺得好滿足

今日忙完一輪，成日無乜胃口，想食啲濃味甜酸辣既野食，於是去左間旺角一間泰式餐廳食晚飯！入到去餐廳都幾大，有兩層既，座位都算闊，企理乾淨。肚仔餓啦，事不宜遲，睇一睇個餐牌先！黎得泰式餐廳，當然一定要叫我最鍾意食嘅海南雞飯啦！雞肉份量多，一啲都唔孤寒，大大份，雞肉有鮮味，唔會淡茂茂，雞皮都好嫩滑，點埋老闆秘製既醬汁，唔錯！而油飯都幾香椰油咪，軟硬適重，唔會太硬亦都唔會太淋！第二當然唔少得就係泰式酸辣鳳爪！勁足料，又係巨型份量，目測裡面都有廿隻鳳爪，蔥頭芹菜份量一樣多，酸辣醬汁多到索晒係啲鳳爪到，勁惹味！第三就係柚子蝦肉酸辣沙律！同樣足料到爆，裡面有花生，椰脆粒，香茅，洋蔥，當然唔少得就係柚子，柚子勁juicy ，一啲都唔苦，唔會太酸，爽甜多汁，蝦肉仲要大大舊，爽口彈牙，唔錯！最後帶叫咗嘢飲酒係青檸梳打啦，食完重口味既野就當然飲翻青檸梳打清一清口腔，飲完成個人都refresh 晒！總括黎講，價錢公道，份量足夠，抵食既！

老公生日而佢又好鍾意食泰野野而家又去唔到旅行即刻四圍搜尋邊度有好食嘅泰國餐廳呢一間都係有人同我推介過嘅果然冇令到我同老公失望位置係喺旺角鐵路站附近都幾方便之前都有經過見到餐廳座位數量唔多嗰日去到以為冇位⋯原來原來重有上層架😁好快就有位，太幸運了見到佢嘅二人餐都幾啱我哋口味於是我哋點左一個二人餐鮮蝦冬陰功湯對我來講都幾辣而好似我老公食得辣既人黎講佢話覺得岩岩好😋😋😋入面重要有4..5隻蝦我地係海南雞同豬髀2選1揀左泰式滷豬髀豬髀滷得好入味D 酸菜勁好味😂😂😂蝦餅份量好多有六大件⋯2人食每人食3舊、勁飽通菜都係炒得好有鑊氣好香+微辣青咖哩一上枱大家掛住食就已經唔記得影相餐飲重包埋可以點特飲（除左椰青需要另外加錢）我點左椰汁三色冰食完辣野呢杯飲品真係幫你解解辣好爽總括黎講2人餐真係飽到抱住個肚走老公都話好滿意～下次叫多幾個朋友一齊黎咁可以試多幾款