阿來泰式地道風味

营业中

休息中

原來觀塘紅色小巴對面有間🇹🇭泰國菜館，位置非常方便，今日經過見到剛好有一張枱，就衝🏃🏻‍♀️🏃🏻‍♂️咗入去試下。就咁望入去以為得好少位可以坐，但是原來他們是有二樓的。🥥椰汁三色冰 $22：我哋叫咗少甜，所以飲到香濃🥥椰香味，不會像街外有濃濃的糖水混雜在其中。辣椒膏🦐蝦頭油海鮮炒飯 $68：炒飯炒得好香亦炒到粒粒分明（最怕濕嘅炒飯）。不過，可能我們有點了小辣，所以，這個飯個名有辣椒膏三個字但亦沒有太辣。由於太肚餓，並沒有太留意炒飯有什麼海鮮，印像中是有墨魚。咖喱炒軟殼蟹🦀 $108：原本係menu嘅時候見到，咖哩炒蜆係有，但係炒軟殼蟹🦀就沒有。猶疑咗一陣，最後都係點咗軟殼蟹🦀，因為覺得坊間很少有泰式咖哩炒軟殼蟹🦀。真係好有意外驚喜，2大隻軟殼蟹炸至非常香脆，而咖喱汁非常香滑且帶有濃濃咖喱味，調味得非常好，我直頭一匙一匙🥄放落咀吃，食咖哩汁食到好似飲湯咁，這個菜非常值得推介。由於我哋叫咗太多餸很飽，如果唔係叫個白飯嚟撈咖喱汁，簡直係完美配合。串燒沙嗲 $78：串燒上枱時非常熱辣辣，吃第一串時，混有濃濃沙爹醬的串燒，非常可口惹味。串燒切記要襯熱就好食，唔好掛住傾計影相啊冬陰功 $78：冬陰功用

阿來泰式地道風味👻旺角行街搵野食行到先達附近見到有間泰國菜即刻比佢吸引咗入去原來佢仲有上層坐位夠大間唔使點等位不過都坐得好滿🤣🤣.🔅泰式粉絲蝦煲 HKD 158佢個粉絲份量相當多個店員好貼心問我地使唔使少鹽咁樣出到黎就唔會太咸味道啱啱好入面包咗好多隻大蝦稍為開咗邊食落都方便啲😆🔅泰式肉碎生菜包 HKD 78最愛既生菜包每次食泰菜都必點既依到有得走辣佢加咗啲檸檬汁肉碎夠大碟調得好好味☺️🔅泰式金邊粉 HKD 58咁平既價錢以為係細碟既但係估佢唔到同樣係好大大碟性價比真係好高又炒得好食😛.整體黎講：抵食泰菜 正宗好食😚.🎈 阿來泰式地道風味 (旺角)旺角通菜街97號地舖

超高性價比！ 認真 咁樣隔住好安心！！ - 香葉辣椒肉碎炒飯 $58 大大隻流心煎蛋撈炒飯真係好正！！ 唔係度度都有呢個香葉辣椒肉碎炒飯！ 好多都係on side! 推薦大家要食😍 真係好好味咖🤤- 飛天炒椰菜苗 $68飛天炒係偏辣🤤 最愛重口味！ $68 一碟菜都好大碟！！ 椰菜苗都好嫩！ 仲要唔使額外加錢！ 出邊食不嬲椰菜苗都會貴啲- 火山軟殼蟹法包 $148重頭戲！！！！ 痴線 跟本就係巨型農夫包！ 滿寫嘅咖喱汁🤤 仲要應該有兩隻嘅軟殼蟹！ 軟殼蟹炸得好好 好香口 ！ 唔會好油！ 而且個咖喱汁真係好正！ 佢仲要加咗蛋！！ 超香濃🤤個包每一舊都有咖喱汁！ 真係super match !! 喺旺角邊度仲可以搵到咁既價錢！ 咁既質素！ 2個人埋單$300 食到個肚大一大咁走！ ！ 同場加映 去到隔離既良心小店💛 泰然揼骨！ $200 泰式推油60分鐘！！ 揼完泰骨食泰菜 當左自己去泰國🤣

呢間阿來泰國菜，平時經過旺角間唔中都會幫襯下，皆因佢價錢親民食物又好食👍🏻今次星期日晚市來到，又係坐滿曬人，要稍等一下位，不過好快都入到😌🦀火山軟殼蟹法包 $148落單時已經被菜單上的圖片吸引，上到嚟都不負所望。法包同咖喱都超大份，面頭有兩大件炸軟殼蟹，份量十足，對得住呢個價👍🏻炸軟殼蟹脆卜卜，咖喱唔辣，有少少蛋香味👍🏻法包比想像中鬆軟，點少少咖喱汁Perfect，我同朋友兩個成個法包食曬😋🐷泰式肉碎生菜包 $78呢個我哋次次嚟呀來都會叫，食過九龍區泰國菜來講呢間肉碎生菜包都係above average👍🏻 肉碎份量大，酸味同香料調得啱啱好。🌱豬頸肉炒通菜 正常水準，豬頸肉同通菜一齊炒得有啲濕咗少少，豬頸肉應該係烤過嚟，但因為太濕已經霖左，可惜。整體來講雖然呢間環境迫咗少少，但以呢個價錢同食物質素來講，已經係超值，會繼續幫襯😌👍🏻

第一個禮拜番工好大壓力呀 所以想出去食下野放鬆下 去左好多人食嘅阿來泰式地道風味 食泰國菜 舖頭有分1-2樓 果日去食都幾滿下 睇黎都幾受歡迎 叫左一個椰青 椰青水清甜 椰青肉幾滑嫩 肉厚番d就更滿足 亦叫左細嘅冬蔭功湯 一碗都有2-3蝦 蝦真係新鮮彈牙 仲有其他秀珍菇 夠香料同辣 加埋d香菜 香茅 辣椒 好味！ 主食叫左 泰式炒金邊粉 有3隻大蝦 彈牙爽口 有足夠花生碎青檸 好落甜甜地 又夠鑊氣 加埋花生碎口感豐富此外仲有d 雞蛋絲 芽菜 好味又夠飽肚 無論返工放lunch 定係 假日同朋友一齊叫都十分合適 最後叫左食泰國菜必叫嘅芒果糯米飯 糯米十分軟糯 淋上椰汁 好香滑 芒果清甜帶少少酸 食起上黎冇禁膩 冇渣整體十分好味 份量好大 食唔哂所以仲打包左一半番屋企哈哈 整體食物大份夾好味 味道唔馬虎 

今天出了旺角買東西，順便解決一下午餐，經過這間發現有很多東南亞人在吃，我想味道肯定不錯的，如不是不會有那麼多東南亞人來吃的，那就馬上來試試他們家鄉的味道！泰式蒜茸燒大蝦（１０８元）這個燒得非常香，蒜香味較重，應該也有下了炸蒜下去，因為吃起來帶點脆的！蝦肉鮮甜彈牙，燒到帶點焦香，配上蒜茸吃起來特別惹味！阿來海南雞飯（５４元）這個份量不錯，剛好幸運的是拿到雞腿的部位，吃起來挺嫩滑的，而且有雞味！油飯也挺香的，質素不錯！而配的醬汁的酸辣口味的，辣度挺高的，但配合起來吃會挺過癮！芒果糯米飯（５８元）想不到這個給了一整隻的芒果，芒果酸甜可口，芒果味濃，配上軟糯的糯米，再撒上濃香的椰漿，吃起來特別過癮，冷熱的口感不錯！椰汁三色冰（＋５元）這舍椰汁也是非常濃的，配上嫩滑的三色條來增加口感，喝起來特別好喝！而且跟餐加配也不貴，非常推薦！

約老友晚飯去了旺角通菜街97號地舖，亞來泰式地道風味吃泰國菜。室內環境尚可，枱數不多，環境也不大，還好這食店是有樓上雅座，晚上6時已滿座，泰式食譜選擇很多，應有盡有。黃咖哩牛腩煲$88上枱時已聞到陣陣咖哩椰香味，果然牛腩炆得很淋且很入味，還有薯仔車厘茄洋蔥青椒配搭，好味無比。蒜蓉包$25蒜蓉包本身已是香脆可口的食材，配上黃咖哩椰香汁，更覺可口，兩樣皆是絕配，好味。辣椒膏蝦頭油海鮮炒飯$68飯粒爽口彈牙， 兩隻大蝦魷魚粒和蟹柳，食材豐富，小小辣椒蔥粒蝦子碎提升炒飯味道，惹味程度再加分。金柚子鮮蝦沙律$68份量十足，美味可口，非常醒胃，酸辣恰當，滿滿的鮮甜柚子加上香濃泰式的配菜，還有爽口鮮甜的大蝦，美味無窮。

夏天總是成日令我憶起去東南亞旅行🥲咁啱揾到呢間喺通菜街近旺角站多啲嘅泰菜餐廳，入面牆上貼滿附有泰文翻譯嘅menu🇹🇭雖然我哋去食嘅時候已經兩點幾，但係入面依然滿座✌🏻泰式粉絲大蝦煲 ($158)超級推薦！！！粉絲完美吸收晒蝦嘅鮮甜同精髓，再加上豬肉粒、蒜粒、芹菜等吊味，口感超豐富！😋😋而大蝦份量比想像中多，質感彈牙，食起嚟好方便，不過略嫌唔算係超級入味🙈海南雞 例牌 ($78)兩個人食啱啱好，雞都算滑嫩，仲有啲青瓜同埋番茄作配菜，而嗰汁就酸酸甜甜好開胃，配埋雞一齊食好夾！🤗椰汁三色冰 ($22)每次食泰菜必叫！味道好正宗，奶味十足，再加埋超有口感嘅啫喱條，飲落好解渴，抵消咗泰菜嘅膩👍🏻龍眼冰 ($22)冰涼清甜啱晒用嚟消暑🥶不過愛食甜食嘅朋友就略嫌唔太夠甜👻

呢間餐廳食過幾次，性價比好高，有分樓下樓上，今日係平日都幾full了！泰式炒金邊粉（$58）每次我都會點既泰式菜！呢個價錢既份量都相當令人滿意，有好多芽菜、蛋絲同花生碎，配埋青檸中和左炒金邊粉既油膩。另外仲有3隻大蝦，大蝦都夠爽口，泰式滷豬髀（$78）豬髀焾得勁淋同入味，上面仲有酸菜，配埋泰式酸辣醬味道好豐富泰式肉碎生菜包（$78）肉碎分量超多，落左乾蔥、青蔥、肥豬肉粒、辣椒等去炒，令到味碎味道好有層次，最皇要唔會太乾，還保持juicy！椰青夠甜夠新鮮，食泰國野必點～

今日好掛住芒果糯米飯，於是收工就同男朋友去食泰國菜！今晚就決定試下好多人推薦嘅「阿來泰式地道風味」🇹🇭泰式蝦醬炒飯: 好靚啲飯粒粒分明咁👍亦都有好多細隻嘅蝦仔😋令到每一啖飯都有濃濃嘅蝦米味😋再加上臘腸片😋夠曬濃味👍泰式鮮蝦炒金邊粉：上面插左一棵可愛既小蔥花，外觀有d 搞笑😂金邊粉炒得好有鑊氣，有甜甜酸酸嘅味道同少少辣味，十分之開胃😋👍伴上花生碎食既話味道會比較豐富。芒果糯米飯： 用匙羹切開咗半舊芒果，芒果幾質感，唔會過熟👍伴上糯米飯送入口，首先會食到芒果既甜味，然後就伴隨住岩岩好嘅椰奶味😋最後會感受到暖暖糯米飯嘅甜味😋非常可口😋唔使3分鐘成碟糯米飯已經比我食晒😋炒飛天通菜：熱辣辣咁上檯，可想而之非常之夠鑊氣，加上辣椒同腐乳醬，非常惹味😋😋呢道菜亦都好適合撈炒飯食👍就咁食都可以自己食曬成碟😋

好味抵食！正！兩個人兩碗麵一碟小食兩杯野飲，$160。泰式雞肉球彈牙香口，鷄肉船河嘅麵十分煙韌，湯底濃，份量足，男士食得飽。冬陰公船河辣得嚟，適合香港人嘅程度。由於專心做好幾款麵，每碗都感受到廚師嘅心思。正常價錢，好好味，CP值高！環境乾淨，另外值得一提嘅係每位員工服務十分之有禮，笑容滿分，相當感受到泰式風土人情，令人感覺置身於泰國推薦！有時經過，見有人排隊，心想要揾次試吓，一試冇後悔，一定再幫襯。

好耐冇食過泰菜，今日同朋友喺旺角行街就即興去咗附近一間泰菜餐廳。循例次次食泰菜都會叫金邊粉，呢個泰式鮮蝦炒金邊粉都只係$58, 價錢嚟講OK。個造型都幾搞笑，有枝葱係頂。見到啲鮮蝦特意放喺面頭花生碎個金邊粉炒得幾好食，入面嘅配料好似係芽菜、蔥、豆腐乾、蛋碎等都好豐富，令到食個炒粉嘅時候唔會淨係食到粉嘅感覺。調味都合適。炒菜嘅種類都好多我哋叫咗馬拉盞炒通菜$68炒得好入味，又唔會好油膩，食食吓間中會食到啲馬拉盞碎。串燒沙嗲 (雞肉、豬肉各半)個沙嗲醬好惹味，d肉唔係薄薄一片，全部都啖啖肉好有質感。整體嚟講性價比都高嘅，兩個人都唔係好食得哂。

滷豬脾夠淋好入味👍🏾👍🏾。燒豬頸肉 肉質怪怪地 唔係變咗酸咗嗰隻怪 類似諧霎霎鬆泡泡咁樣😔。生蝦刺身有進步 啲肉係爽口 可能轉左貨。生菜包 幾好食 鹹辣適中。香葉辣椒肉碎炒飯 哇呢個超好食冇得輸😍。三色冰 可能佢叫三色冰所以好多冰 啜下都冇晒😅 以前有幫襯過幾次 所以有對比感覺今次係有進步咗少少🤏係個豬頸肉失色左 不過還可以接受😅今次係外賣返屋企食 我諗堂食應該再好食啲。

幾個月前買過幾次都好食既，但今次食已經唔再係果種味道，真係差左，牛肉炒粉絲，鹹到完全食唔到，泰式蝦炒金邊粉，泰式醬味道唔夠，如果再加多d落去炒應該會更加好食……

眾所周知，九龍城有好多泰式嘅餐廳，旺角就有呢一間阿來泰式地道風味嘅泰式餐廳。價錢宜人，海南雞出眾。大部份嘅泰式餐廳有嘅嘢， Menu都有，呢度最給正嘅莫過於泰皇咖喱炒蟹，但鑒於最近有啲熱氣，所以最後冇嗌到。（1）汁燒原隻魷魚筒，88蚊。乾身煙韌，撈埋個汁好惹味，如果嗰個燒烤再香啲嘅話就更好啦。（2）泰式炒金邊粉，$58。呢個價錢嘅金邊粉，可以話係非常實惠，味道正常發揮，份量頗多，粉上嘅汁掛得都幾黏口。（3）炒飛天通菜，小辣，$68。佢有馬拉盞、蒜蓉揀嘅，但係我哋揀咗辣味，菜菜很新鮮，係正常發揮嘅好味。冇咩好挑剔。（4）海南雞例牌，$78。呢個係出乎意料地好食，份量頗多，雞肉帶油香味，肉質爽滑，油而不膩。（5）龍眼冰、青檸梳打，各22蚊。建議大家要飲嘅話，叫青檸梳打啦，龍眼冰嘅話可能要當季先好味。整體來講性價比都幾高，我見隔離枱嗌左啲泰式風味啲嘅嘢食係好吸引，但我今次冇食到，期待下一次：今次比7/10。