阿來泰式地道風味

营业中

休息中

泰菜黎講，旺角通菜街嘅 *阿來泰式地道風味*都幾岩我心水，不但價錢夠貼地，想食嘅泰菜樣樣齊，而且仲一啲都唔嬉場，份份都大大碟，好抵食，不過如果食飯時段都會見等候嘅人龍架。🥢先黎個木瓜絲沙律🥗，底部鋪上新鮮生菜🥬，中間木瓜絲爽口，配上甜酸醬汁，上邊仲有大蝦，既爽又脆，非常醒胃餐前沙律。🥬肉碎生菜包，嘩，份量好鬼多，熱辣辣上枱，一般都會用生菜包裹黎食，入口肉味香甜，之後九層塔味道慢慢浸出，微微辣度，好鬼開胃。🥢咖喱炒大蝦🍤，又係份量超多，一碟有成8隻大蝦，個汁杰度適中，就緊係要order蒜蓉飽蘸點黎食啦😋，唯一如果再辣啲就更加prefect啦😋

好長一段時間冇得出外✈，今晚突然好想食泰國野，所以約朋友去旺角食野，兼買聖誕禮物。 旺角通菜街，除小巴多外，食肆都好多。我地今晚去一間，我覺得唔錯嘅泰國餐廳「阿來泰式地道風味」。呢度招牌菜有明爐烏頭魚、炒蜆、泰式煲仔菜、泰式海南雞、滷豬脾、生菜包、蠔仔蛋，仲有咖哩配肉、海鮮類等，泰國人氣小食，湯類等，種類非常多。泰式木瓜絲沙律爽脆大蝦、木瓜絲、紅蘿蔔絲，加上小番茄、長角豆、辣椒和花生等材料，再加上泰式沙律汁，入口帶有酸酸辣辣、鹹鹹甜甜等味道，整個配搭清爽，開胃。 泰式炸蝦餅蝦餅外層炸到金黃香脆，中間口感軟彈。咖哩炒大蝦稠濃咖哩汁，掛滿大大隻蝦上，咖哩入口辣度適中。 香噴噴蒜蓉包，本身已好食好香脆，再點上咖哩汁，簡直係完美配搭。 椰汁三色冰咸檸檬7up

今次終於入到阿來食野！有時窮去唔到食貴既泰國野，就會想黎呢到。呢到既特色係正宗，有正宗泰國廚師煮餐，而因為整個setting(地點、裝潢）比較大眾化所以都會平d.今次叫左椰青，炒金邊粉，同埋咖喱軟殼蟹農夫包。椰青就無咩好講，新鮮涼爽清熱必備！炒金邊粉黎講呢，呢到既醬汁同調配真係正宗，我食得出佢有加一隻泰式甜酸醬，係我係泰國既時候有用黎煮過野！好味！另外佢既特色呢係會比較多花生碎，如果大家唔想要呢，只要係面頭唔好撈埋一齊就可以！之後就係個咖喱農夫包，其實呢個組合好common,不過可以係整得好差。呢到既mix and match就非常穩陣，有香脆而鬆軟既包底，配上夠新鮮既軟殼蟹（有時梅左臭左真係好難食）同埋夠味夠濃既咖哩底，以一個貴價食品黎講仍然非常抵食！襟飽，好食，周不時都會番煲！

泰高興之阿哥生日😆阿哥生日提早食生日飯，往年阿哥生日都會飛去旅行🧳過生日，疫情下無得出走，唯有偽旅行咁去食泰國菜，當自己去左泰國啦🇹🇭叫左個二人餐再散叫d小食，4個人食都係$600埋單，性價比都幾高💰​————————————————​🥇汁燒魷魚筒🦑($98)👅魷魚燒得好香口，食落爽口彈牙🥈串燒沙嗲 ($78 - 6串)👍🏻叫左豬牛雞各兩串，沙嗲微微辣，個人比較喜歡雞肉串，沙嗲配雞感覺match d🤣二人餐C($378)Pre set左冬陰功湯、炸蝦餅同飛天通菜，兩碗白飯/油飯同兩杯飲品另外仲可以揀1.泰式滷豬髀 / 泰式海南雞 🐥2.青咖喱豬/牛/雞🥇泰式海南雞👅雖然係例牌但都幾大碟，雞肉好嫩，餸油飯食就啱哂🥈青咖喱牛👅 青咖喱唔係好辣，仲幾惹味，撈飯食又係一流🍚————————————————​📍 阿來泰式地道風味: 旺角通菜街97號地舖

旺角真係好多野食，咩國家ge菜式都有。今日就同朋友黎到旺角食泰國野。位置就係先達附近，好方便好易搵。餐廳有兩層，weekend lunch黎唔難搵位。lunch set好抵食，不過我地今日就散叫，鍾意食咩就叫咩。落左單，等一陣啲野食都到啦。柚子沙律$68蝦份量唔少，除左一般柚子沙律材料之外，好似仲有少少唔知係咪椰子絲ge野，增加口感層次。馬拉盞炒通菜$68 次次食泰國食都必食馬拉盞炒通菜，份量好多，兩個人食都綽綽有餘。泰式香芒蟹肉炒飯$68 啖啖都係芒果同蟹肉，唔錯。椰青$35 椰青夠晒凍，呢樣真係好重要，我地一人一個，飲完仲挖埋啲肉黎食，好滿足。總括黎講，呢間餐廳走平實路線，飯同小食都大件夾抵食，食物質素同價錢亦成正比。

突然之間好想食泰國嘢，於是就展開尋覓美食之旅，係旺角通菜街發現一間泰國餐廳「阿來泰式地道風味」，即刻去門外擺放餐牌睇下有咩食先，價錢合理，圖片又好吸引，決定要入去試下。我地簡左一個套餐，二人餐(C)＄378- 鮮蝦冬䕃功湯- 泰式海南雞（例牌）- 泰式炸蝦餅- 青咖喱牛- 飛天通菜- 油飯 2碗飲品2杯，可簡特飲重點: 估唔到二人餐既份量可以甘多。鮮蝦冬䕃功湯，好足料，有三隻蝦、菇和蕃茄仔。湯帶少少辣和鮮甜的味道。😋泰式海南雞，份量多，雞件不會太過肥膩，肥瘦適中，而且雞肉肉質很滑。泰式炸蝦餅，超好食好香脆！勁大舊同大碟，點埋泰辣漿更加好食！青咖喱牛，很香濃的椰汁味，很足料，勁多牛。飛天通菜，勁多，成座山甘高🤣🤣串燒沙嗲(豬肉,雞肉各半）$78大大串，抵食。汁燒原隻魷魚筒 $98都係大大份，正👍🏻

食泰國嘢唔一定去九龍城嘅，今日我經過旺角呢間阿來泰式地道風味，知道呢間已經開咗好多年，都終於一次啦， 果然味道一流，價錢公道！我地2人食，食到勁飽，點了炒通菜，泰式海南雞，泰式鐵板蠔仔蛋加2碗飯，超好食！樣樣都正！首先炒通菜份量勁多！！超值丫！成碗實的的咁上碟，不過可以揀辣d就更好啦！海南雞我都預左好食，果然冇失望，雞又肥，肉又滑，個2隻調味漿都係精髓，送飯一流！鐵板蠔仔最後上碟，份量勁多！！我估有2，3隻蛋，當然蠔份量冇蛋咁多不過都真係有做到啖啖有蠔，第1次鐵板咁上，好正，好惹味，份量勁飽，食吾晒，底有d芽菜，都好好食，食到勁飽，大滿足！

好耐之前同男朋友食過一次呢間餐廳，突然又掛住佢個蠔仔蛋，又要嚟幫襯吓喇😆餐廳裝修都偏向簡單，座位唔算好迫～首先當然要講吓個泰式鐵板蠔仔蛋 ($78)先～一嚟到已經咋咋聲又勁香，好吸引！佢啲蠔仔都算係粒粒都好飽滿，唔腥，而啲蛋都非常之香呀😚佢下面亦會有啲芽菜墊一墊啲油，食落口都唔會好油膩，好好食😆而另一樣就係泰菜必叫泰式肉碎生菜包 ($78)😋調味好惹味，雖然我哋走咗青，但係都有好香嘅泰式香料味，份量亦都唔少😚👍咖哩類別都叫咗一個😆泰皇咖哩炒大蜆 ($108)～我覺得呢個都幾有驚喜，個汁甜甜地，而啲蜆真係好大隻架，咬開仲會爆汁🤣覺得佢哋嘅海鮮都幾有保證👍而點咖哩食嘅蒜蓉包 ($25)都好脆，配埋啲咖哩真係好正😋飲品就叫咗一個椰青 ($35)～真係透心涼😆仲刮埋入面啲椰肉食添🤣整體嚟講，真係樣樣嘢都好好食，價錢亦都好親民～推介😁

去食泰國嘢唔一定去九龍城嘅，今日我喺旺角食咗一間好好食嘅泰國餐廳，叫做阿來泰式地道風味。呢間真係好地道的！味道好價錢又親民！每碟都大大碟！好味又抵食！難怪keep住好多客人！熱氛好好丫！最怕全餐廳得我1枱，雖然好多客人，不過服務都勁好又細心！有笑容，仲見我地食蝦會拎濕紙巾比我地！真係好好！講返野食，我地嗌個2人餐，才3百多，不過就好多野食同碟碟大份，先來冬陰功湯好多料，菇丫蝦等各種食材，蝦都新鮮又大隻，味道又好，分到2碗多d，好味。之後炸蝦餅，超好食好香脆！又係勁大舊同大碟，點埋漿好好食！選擇之下揀左海南雞，好肥隻雞，但食落吾會油膩，好滑，仲有一大碗青咖哩，我地揀左牛，太大碗，真係好抵食，吾會太辣，我吾太食到辣嘅都食到，食吾晒！仲有通菜！我估佢有斤半係度，因為放到好實，4人份量嘅菜咁，好多！最後套餐仲可以飲埋特色飲品！我老公嗌左咸0 7，我就凍柑桔蜜，正丫！！呢間平靚正又方便一定常來！

sawadika～最近都冇得去旅行，唯有食下唔同美食過下癮先啦，今次我地去泰國。。。餐廳！環境，餐廳冇特別整泰國風，但係裝修簡約整齊光猛，有上下2層，上層空間大d，要行樓梯上，我地坐下層，因為有e個窗口可以偷師，望住大廚煮野食，可惜。。。本人唔夠高睇xd食物，海南雞，雞脾位係滑嘅，雞胸位係實嘅，重點佢個醬非常好食，好似泰式辣醬 + 泰式沙律果種酸酸辣辣嘅感覺，正！炸蝦餅，正常泰式蝦餅口感冬陰功湯，d料多到呢，佢個份量係2碗湯，但係d料係足1碗咁多，3隻蝦，菇，蕃茄等等，佢整到唔係好辣，連唔係好食得辣嘅我都飲到半碗青咖哩豬，e個咖哩偏甜，令到個辣味更易入口，另外d豬肉量又係勁多，每塊有2個硬幣大小，有10塊 + 左右馬拉盞炒通菜，好中意馬拉盞味，好食！蒜蓉包，佢包包上面有d小蒜粒，仲要個包係脆身嫁！！！龍眼冰，飲落好有紅棗味XD，完全冇曬罪惡感椰汁三色冰，e杯野帶左我番泰國，椰汁味一d都唔會hea我地叫左個378二人餐，非常抵食，2個人食到抱住個肚腩走，而且佢個組合都係好食，重點，佢樣樣足料，絕對冇hea底，就算冇泰國環境，食物都帶左我地去泰國咁

突然好想食泰國野，咁岩收工約左人去旺角，於是openrice search左下，決定去試下呢間阿來泰式地道風味~去到見到門口都幾多人排隊，直覺話我聽應該揀左間幾好味嘅鋪頭🤣本身驚咁多人等會唔會等好耐先有得入座，無諗到等左一陣就已經入座了🥳原來間餐廳有兩層！餐廳好多食物選擇🤤🤤辣椒膏蝦頭油海鮮炒飯🦐 $68由於返左日工實在太肚餓了，決定叫個炒飯頂頂肚🔥於是揀左個有👍🏻嘅辣椒膏蝦頭油海鮮炒飯，一上菜後就迫不及待拿拿林舀黎食。炒飯一入口，哇，有啲驚喜。成個炒飯好夠味好有鑊氣，飯粒粒粒分明，咸道剛好，有少少辣但又唔算好辣，即使唔太食得辣嘅都應該無問題Handle到~隻辣係辣得黎好惹味個隻，令成個飯嘅氣味味道提升左！飯粒之間夾有蟹柳、新鮮魷魚粒、炒蛋同埋好幾隻爽口大蝦。$68食到個咁足料，咁好味，咁有份量嘅炒飯我覺得真係完全良心價👍🏻👍🏻👍🏻🌶️泰式鮮蝦冬蔭公湯(小）$7810次食泰國野我有9次都會叫冬陰公湯飲，無他，就係中意😆😆😝由於我地得兩個人食，所以order左個細份量嘅湯~ 湯一上枱就已經聞到個陣酸酸香香嘅冬蔭公味🤤湯一入口有啲嗆喉嚨，但飲多啖真係🤤🤤十分夠味，湯酸得黎又好夠辣，唔會稀身同

美味泰國菜份量足「阿來東南亞風味泰式餐廳」餐牌上每樣主菜好吸引🤩搞到我懶眼花撩亂最後叫咗幾個嘢未睇過小菜加椰青「咖喱軟殼蟹火山包」呢款係招牌菜火山爆發中黃咖喱🍛精華向上訊息音樂玄學蟹一齊食風味十足「蛋黃單骨雞中翼」蒜香牛油雞中翼，唔油膩之餘，外皮非常脆口，龍龍散發著濃濃的蛋黃香「椰青」清甜嘅健康飲品☺️☺️「飛天炒通菜」泰國地道風味炒通菜🌶️炒得很香，極具鑊氣，頗為出色，呢款炒菜甚佳！推薦👍🏻

餐廳位於旺角，非常方便，旺角地鐵站落車，行幾分鐘就到， 地理位置好優越， 餐廳食物價錢非常之抵食。小食有好多唔同款嘅泰國小食。 有小食拼盤 ，雞翼 等等， 非常之吸引。海鮮有蝦，有軟殼蟹， 有好多唔同嘅選擇， 價錢一啲都唔貴， 地道嘅價錢， 食到好靚嘅泰國菜。 非常之抵食。泰式金邊粉， 賣相好靚， 材料都好足， 有大大隻嘅蝦， 而且彈牙可口， 而且炒得好香， 好有泰國嘅風味。炭燒豬頸肉 ，燒得好香脆，配上特製嘅汁， 好好食， 豬頸肉好爽脆好香口。蒜蓉炒通菜， 青菜好新鮮， 加上蒜蓉炒， 非常之好香口，同有鑊氣。 值得推介。 甜品係椰汁芋頭西米糕， 椰汁西米糕下面嗰層， 有好多西米同芋頭， 口感非常之好食， 芋頭大大粒， 用料豐富。

去到男人浪漫既街，就去食返間男人浪漫既餐廳 — 阿來東南亞風味。店舖非常之地道嘅港式茶餐廳， 依家香港地買少見少兩個人，叫左三碟野，本人係麵包控， 一見到有軟殼蟹火山包，二話不說係必叫。所謂火山其實就係炸軟殼蟹放係個法包度，再加 d 咖喱汁。 不負眾望，個包係精華😝 完全索哂啲咖哩汁👍師父其實 d 功夫幾好，咖喱打得幾好，幾好味，有 d 蛋花，辣味再出 d 會更好。飛天通菜係真係出色，師父炒岀鑊氣！ 係正嘅 🔥食過陣好有泰國風味，夠火侯。鑊仔蠔仔餅都可以試，大大份。 個人中意食濃味啲, 食個陣自己落左魚露去吊起啲蛋嘅香同蠔仔嘅鮮味食咁多炒野要飲下佢地 d 鹹寧 7 下火下火啦😊非常解渴同舒服😌正呀

約左fd係旺角行街,想搵間就腳既餐廳, 於是係先達附近搵到呢間泰國菜試下一坐低侍應就放低杯插住餐具既熱水,比你清潔餐具用...檯面仲有支搓手液, 幾貼心👍🏻🍽 燒豬頸肉飯 💰52個飯好抵食, 呢個價錢既豬頸肉飯通常都系得幾塊豬頸肉,呢度係成片上豬頸肉燒得剛好, 夠焦香,腌得好有泰國風味,加埋酸辣醬汁👍🏻 CP值非常高🍽 生蝦刺身💰98生蝦屬於中size, 肉質爽口彈牙每隻生蝦都有辣椒同蒜片仲有生蝦必備既醬汁,非常開胃擺盤都好有誠意,大量碎冰墊住,慢慢食都保持到冰爽既口感🍽泰式肉碎生菜包💰78生菜包一上碟我地都哇左聲因為肉碎既分量真係好多😂多到好似碟炒飯細食既話,兩個人絕對食唔曬係街食生菜包最怕d菜唔新鮮同洗得唔乾淨呢度d菜好新鮮,洗得好乾淨,食得好放心肉既分量太多,多到生菜唔夠包😂肉碎係半肥瘦,充滿油香同埋爽甜生菜由於每碟餸既分量都多,叫3碟已經好飽尤其生菜包,如果多d人食會更好,可以留肚試其他菜式, 💁🏻‍♀️ overall 地點方便,性價比高