阿來泰式地道風味

营业中

休息中

今晚喺旺角行街行到9:00，覺得好肚餓，見到呢間阿來泰式地道風味，睇到餐牌好想試。坐低飲個椰青解下渴，清甜夠凍，爽👍🏻😌價錢又抵飲，$35個點了呢碟泰式SUKI 炒粉絲/雞/少辣值得一讚，有好多蔬菜、炒蛋，粉絲炒得好香，好快就食晒😋😋有少少辣更加開胃，正👍🏻👍🏻見到呢碟青咖喱肉碎釀魷魚筒，好想試，呢個配搭比較少見。呢個青咖喱好香、少少辣，配飯一流😬魷魚好滑，唔會好硬，好味，配菜有好多豆角，好食😋覺得唔係好夠飽，再叫多個芒果糯米飯，糯米飯煙韌，暖笠笠配埋香濃椰汁真係好好食😋芒果香甜唔酸冇渣，真係非常滿足再叫多杯青檸梳打😋😋😋需要呢間餐廳門面裝修一般，但係服務態度好好，推介👍🏻👍🏻

好耐冇去泰國旅行🧳，今日去開旺角買嘢，試吓呢間阿來泰式地道風味，位置很方便，就喺旺角新之城附近正啊，好多選擇，當去咗泰國了雖然係夜晚，天氣太熱坐低唔使講整個椰青先，好清甜好新鮮，當堂開晒胃口嘢食到啦，先來個例牌泰式豬滷脾，肥瘦剛好，滷得好入味得來又唔會太咸，忍唔住叫個白飯食泰國菜又點可以唔嗌咖喱呢，有好多種選擇，我最後選擇左青咖喱肉碎釀魷魚筒，印象中呢個餸喺其他泰式餐廳唔係成日有，通常豬雞牛就多，識落好惹味，豬肉同魷魚好夾，青咖喱好有椰香味，豬肉肥瘦剛好，魷魚好彈牙好食泰國嘢就一定係濃味，整多杯鹹檸七就係一絕以鬧市來講呢間阿來泰國菜價錢相當實惠，份量亦好夠，我地兩個人食到呢度9成飽了，但係提提大家必須嗌呢個芒果糯米飯，熱辣辣，芒果又夠甜，飯後一甜係最好嘅享受

香港泰式餐廳真係好多選擇，今日食左間價錢抵食，又好好味嘅泰國餐廳。而且位置好方便，係旺角站行幾分鐘就到！午市套餐同全日餐都好抵食另外仲有好多單叫嘅主食，好似冬蔭公湯、泰式河粉、泰式金邊粉等等。小食都好多，有豬頸肉、豬肉雞肉串燒、蒜蓉牛油雞翼、泰式炸 魚餅等等。招牌菜：阿來海南雞飯（$54)好鐘意佢個油飯嘅雞香味而雞肉都好白滑、好嫩口！泰式炒金邊粉（$48)入邊有炒蛋、魷魚、蟹柳而個金邊粉唔會太辣混埋花生碎一齊食，好好飲！小食：柚子鮮蝦沙津蝦真係大大粒！配埋酸酸甜甜嘅柚子，真似好爽口，好開胃。蒜蓉牛油雞翼（$68)雞翼嘅蒜蓉味非常之濃郁，而且呢食嘅時候食到粒粒嘅蒜粒，好正好惹味！餐廳嘅價錢合理，而且位置方便，值得推介。

試左熱門菜式 阿來海南雞飯 $54，另一個餐點左泰式豬脾飯 $50兩個都係全日餐，包飲品，泰式奶茶叫做特飲加$5，幾好飲，重點唔太甜。兩個餐份量唔算太多，正常較少的份量，醬汁好開胃，酸酸甜甜的阿來海南雞飯 $54 配泰式奶茶加$5

泰式香芒蟹肉炒飯，芒果甜甜地，另外啲飯炒到粒粒分明，廚師加咗啲蛋落去，有蛋香，另外有啲蟹肉，呢個炒飯其實唔錯，價錢又唔貴，68蚊。啲飯份量都多，一至兩個人都夠食。芒果糯米飯，芒果有一整个，啖啖肉，芒果肉係香甜。椰汁比較多，好足夠，啲糯米飯就煙煙靭靭。香葉椰汁西米糕，上邊係椰汁，下面就係西米，由於椰汁足夠，所以每一啖都有椰香味。.餐廳位置就係先達廣場隔離，如果搭地鐵過來，喺旺角地鐵站行過嚟大概3-5分鐘左右，餐廳位置比較方便。

約個一排無見嘅朋友出黎食飯，地點要就腳，首選旺角。阿來泰式想試好耐，咁岩約旺角，一於試下。泰式香芒蟹肉炒飯，將甜香芒果炒飯，聽落奇怪，但呢種泰國特色，食落又估你唔到嘅夾。通常食泰國菜，都會叫一碟炒菜，可能喺馬拉盞定蒜炒嘅椰菜苗或通菜。呢次我地就叫左豬頸肉炒椰菜苗，朋友話呢個抵食，碟炒菜仲有埋肉可以食。蝦膏炒大蝦喺我地幾期待嘅一道菜。大蝦應該油炸過，然後再用蝦膏炒埋，惹味適合送飯。小食嘅蝦餅，食落幾爽口。

疫情終於緩和了，我最喜歡食的泰國菜終於可以約到朋友最最最期待的炸蝦呢碟好惹味的炒蝦，有椒汁，但又吾辣，食吾到辣的我都覺得好味熱辣辣的蝦餅，估吾到又爽口又彈牙，我一個人都食左好多件豬頸肉炒菜苗，超大碟丫，我覺得幾好，泰國菜苗一般都有青草味，但呢碟又冇，蒜香味濃香芒炒蟹肉，我對芒果敏感，而事實上呢碟芒果相對都少，味道一般但非常香口！蝦肉都足料

我最鍾意懷念嘅，一定係泰式炒金邊粉，記得之前係泰國旅行嘅時候，差唔多日日都食，微甜之餘，爽口彈牙易入口，令我非常之🤤懷念。.經過旺角，dinner time見到有泰式餐廳。🤓當然要試下佢哋嘅金邊粉啦，三款食物都好有泰式風味，泰式炒金邊粉，泰式香芒蟹肉炒飯，咖哩炒蜆。.個粉嘅配料都幾豐富，有齊花生，豆芽，同埋雞蛋碎。 .佢哋嘅香芒蟹肉炒飯個味道都好特別，😋香甜嘅芒果，加埋鮮味嘅蟹肉，炒飯出嚟都幾香。

夜晚黑收工，想食得特別啲。平時食中菜成日食，可能會食得厭。試下唔同嘅東南亞美食，當然更加吸引，今晚係旺角shopping完，同friend一齊嚟到哩一間泰式餐廳，見到佢哋入面都坐住幾多人，所以就入嚟試下啦，兩個人叫咗兩樣嘢。分別係泰式小食拼盤同埋海南雞。值得一讚嘅係，佢哋嘅小食拼盤。真係非常之豐富，有齊蝦餅，春捲，魚餅，同埋雞翼。上到嚟新鮮熱辣辣我最鍾意嘅一定係月亮蝦餅，彈牙之餘，更加有蝦嘅鮮甜味。

行過旺角實在好大雨所以入咗呢間泰式餐廳食午餐 由於做完身體檢查太耐冇食嘢所以就食得豐富啲啦叫咗個冬陰功湯 泰式suki炒粉絲 同一個飛天炒通菜下雨天實在係太凍喇飲返個冬陰功湯立即暖返個身 平時嘅冬陰公湯好難飲 難飲唔係講緊味道 而係因為佢啲渣太多 令到口感好差 但係呢個冬陰公啲渣隔得都算清 我都幾肯定佢唔係唔足料 因為佢味道好濃郁 配料都好足 蝦好新鮮 啲菇吸哂啲冬陰功嘅味 個湯酸辣濃度剛好 試過飲一間啲湯濃到好似汁咁 漏到入唔到口 飛天炒通菜好大碟啲菜好新鮮翠綠蒜蓉味100分另外仲有個泰式suki炒粉絲 見佢有👍🏼喺隔離 所以就嗌黎試下啦 佢有幾款配料俾人揀 我地就揀左海鮮 佢嘅炒粉絲好誇張 我係第一次食炒粉麵係會配料多過粉絲 真係一啲都唔菇寒 海鮮蛋花通菜芹菜芽菜 材料超好豐富

已經第n次食阿來，久唔久就會想食一次。今日又約fd嚟呢到食lunch~首先嗌咗冬蔭功湯暖下胃先~平時都少機會飲，嚟到泰國餐廳當然要嗌~冬蔭功入口辣辣哋、甜甜哋，超級刺激味蕾，一個字：正！裏面放咗蘑菇同蝦，兩者皆鮮嫩無比，味道濃郁，令人非常滿足！跟住就係肉碎生菜包，呢道都係泰國菜必食嘅！肉碎落足調味，辣辣哋，夠哂味道；生菜一睇都見，非常新鮮爽脆，包埋一齊食，兩者互相中和，配搭得岩岩好！青咖哩雞係我去泰國餐廳必食嘅菜，超鍾意青咖啡，佢冇一般咖哩嘅辛辣，而係清甜溫和，creamy嘅感覺~而啲雞就又滑又鮮味~加埋外脆內軟的蒜蓉包，點青咖哩嚟食，就超級正~而且唔會浪費咗咁大煲青咖喱~

舖頭位於旺角通菜街地点非常方便就腳，店舖不大沒有華麗装修走茶記風，晚市7点地下已坐滿人好彩仲有樓上雅坐，地方乾凈冷氣十足，上菜落單都非常快手，最貼心是職員遞上一杯熱水清潔食具。泰式柚子沙律柚子新鮮清甜冇渣配上少辣酸甜醬汁，加上花生粒鲜蝦十分醒胃。鮮蝦十分彈牙，作為前菜好fresh. 泰式炒金邊粉材料都十分豐富有幾隻大蝦鲜美，炒得干身正正常常配菜味道也不錯。馬拉盞炒耶菜苗泰式馬拉盞鹽香配上耶菜苗獲氣十足恰到好處，唯一不足之處菜比較多油。建議大家配碗白飯，好惹味嘅下飯小菜！沙爹豬肉串一碟有6大串份量十夠最咁我D食肉獸，沙爹惹味肉質好冧，美中不足燒得不夠干身香口。總括而言食物抵食夾大件最咁大班朋友聚腳吹水

好多年前食過先達廣場附近既阿來泰式地道風味，夜晚要排隊等位，今次黎食lunch 都好多人下，樓上都坐滿，座位有D擠迫但order完無耐已上晒菜，速度非常之快所以都可以接受～兩個人食lunch，order jor 4樣野同一杯青檸梳打，加加埋埋都係2百幾蚊，分量多、味道ok 係幾抵食嘅.青咖喱雞，好香椰子味但只有微辣但雞柳滑入面有仲有好多四季豆同茄子，雞肉分量超多.香辣肉碎煎蛋飯，食泰菜好多時都走唔甩會叫依個飯，肉碎調味足又炒得夠香，香辣惹味，撈飯一流.泰式炸魚餅，魚肉中混合著檸檬葉、增加口感既豆角，​送飯一流.馬拉盞炒椰菜苗，份量都算多但唔夠苗XD，馬拉盞應該有D蝦米，味道香而唔會太重口味

之前成日經過呢間 阿來泰式地度風味 都見到有人排隊 上網睇過都係話佢又平又好食🤑 一直都好想試下係咪真係平靚正啦🤤 今日終於有機會試下啦～ 睇完餐牌有好多都好想試🤤 但因為同朋友得2個人都食唔到禁多野 今次就試住最想食果啲先啦😍 🍡串燒沙嗲 $78/半打 （豬肉雞肉各半）一上枱超香🤤 熱辣辣真係岩岩燒好就上 同埋佢既沙嗲醬已經係滿滿咁沾哂起串燒既每個角落 唔使驚食到最後唔夠沙嗲醬🤣 豬肉雞肉都燒得岩岩好 唔會好韌咬唔到 加埋沙嗲醬好出色 推👍🏻 💚青咖喱配海鮮 $78🥖蒜蓉包 $25 青咖喱煮得出色 辣度岩岩好 啲海鮮都好足料 有蝦有蜆等等仲有大量魷魚🦑 蒜蓉包本身已經焗得好香 沾埋青咖哩咁食好正😋 泰式鮮蝦炒金邊粉 $58 食泰國菜必食既金邊粉 見到佢$58以為細細碟 點知😱😱😱 大碟到驚食唔哂添呀！啲蝦既分量都多 係爽口果隻蝦 金邊粉都炒得好香 推👍🏻 整體來講 呢間阿來泰式既性價比真係幾高😌 味道不錯 菜式既選擇都好多 用黎暫時醫下泰國菜既癮都不錯呀😬 下次再黎要試下其他先得🤤

疫情下很久沒有外出用膳。今天，相約朋友去了這間阿來泰式地道風味食左個Happy lunch😍只是睇相都已經流口水😍吃什麼好呢？！我們首先點了兩杯飲品，一杯三色冰，一杯龍眼冰。現在天氣十分炎熱，冰涼飲品不能缺少！好多冰，正呀！我們點了冬陰功湯，很足料，酸味辣味剛剛好，湯底濃郁，蝦都算大隻又多秀珍菇，吃東西之前飲很開胃泰式鹹魚炒通菜，炒得好惹味，份量又足再嚟又點了這一碟，青檸酸辣蒸烏頭😍嘩！好好味！味道少少酸帶少少辣，青檸帶出魚嘅鮮味，青檸烏頭這個配搭真的不錯，連不太喜歡吃魚的我自己一個人都吃了大半😂吃泰國菜不能不點豬頸肉吧！餐前小食，佢呢個豬頸肉汁少少甜，唔辣。真心喜歡呢度上枱快，因為我地好肚餓😄整體來說這裹食物味道不錯，員工整體都好有禮貌👍🏻因為今次疫情無得去泰國，嚟呢度食下Thai food暫時填補一下心裡的空虛啦😍