阿一豬扒酸辣米綫

营业中

休息中

#小秘書 以往都係幫襯 #筲箕灣分店 嘅 「阿一」，今日轉吓地方，嚟到「阿一」 #北角分店🤗 地方比筲箕灣嘅大，裝修、枱櫈都比較新淨，唯獨係無咗小店嘅特式，服務當然差好遠🥴繁忙時間我哋都預咗要搭枱坐，因為之前等唔到電車，時間有啲趕，所以一坐抵就要落單。無幾耐服務員擺咗碗麵上枱，佢無講啲咩...就走開咗，咁理應🍜碗麵係比先坐抵果位女士嘅👀 大家都不以為意先繼續等，但原來果個女士要嘅係清湯，唔要麻辣，仲要佢擺埋落口先知道😑 個女人搞笑到猛問咁我點算呀、點算呀... ？！咁我望吓佢張單，明明都係落清湯嘅，咁梗係要據理力爭啦。服務員似乎唔多like，不過都勉強拎走碗麵，幫佢換咗另一碗。但係烏龍事似乎一不離二、二不離三，之後嘅湯底、食物配搭都錯哂，我哋然唔要啦🤐 服務員嘅面口就好似講到係我哋錯咁😫 但其實真係唔關我哋事㗎喎，張單都無落錯🧐雖然學我同事話齋，北角店嘅口味都比筲箕灣嘅好，我點嘅 #豬扒 好鬆化又入味，藕餅都香口呀🤤 不過啲服務員咁嘅，我未必會再嚟幫襯囉👉🏻👈🏻

從來沒有想過，在香港吃到合成肉。在國內返工住十幾年的時候，極好的餐廳，還有極差的，都見怪不怪。但是在我家香港，居然吃到和國內那些桂林米線店一樣的"肉"，真的是覺得我城不再。炸豬扒出來是深咖啡色的，不是千年油而是萬年了。而且幫你已經切開一段段，仔細可以看到肉的紋理不是天然一片的豬扒，是用加工肉和化學調味壓制出來的。味道當然調到有豬肉味和炸的香味。非常油膩。咸香豬手，隨了確定是用漂白劑漂過之外，不咸，也不香，只是在湯加了味精蔥花調味。再看餐牌，在深圳上海都有分店。怪不得，同一家公司，用同樣的供應商，肉是已經做成急凍的製成品，在香港用一樣的原材料。大家，我們自己的健康，真的不要這樣去賭。平，也要30_40元。回家放湯煮一下清湯米粉，雖然悶，也不要把垃圾喂給自己。真正的回歸，隨了運來白吃白住啃福利的動物外，想不到還有這些其他地方都沒有的合成肉。

物價飛漲所以份量越縮越小？今日晚飯去了點蔥油雞飯（$48）包少少菜心和一杯熱飲，但碟雞今日真的係細得可憐，得六塊（實際得五塊半的雞），看到立刻有點失望，會再俾佢機會一次，如果都係咁的情況就唔會再去的了

阿一酸辣豬扒米線喺港島區都好出名，雖然評價一半但係我覺得湯底同埋豬扒都做得幾唔錯。Lunch Time嚟到一定坐滿嘅，不過好在啲人食得快走得快，好快就會有位。我每次嚟到都係叫酸辣豬扒上海麵，個人唔係好食得辣，但係呢個酸辣真係會上癮，因為好夠酸又唔係好辣！好正！豬扒有兩大塊，都係新鮮炸起，雖然好熱氣但係又好脆好好味，同埋佢炸得唔乾，好有肉汁，外邊啲炸粉吸收埋湯底真係冇得彈。好少地方有得配上海麵，同埋因為唔係好食得辣所以冇米線咁入味，又有咬口😂

明明這家店的名字就跟我說什麼是招牌，什麼最拿手，但我卻唯獨大愛韮菜餃酸辣米線。其實一開始也是朋友跟我講這個好吃，我才開始喜歡上這一家。結果一吃就愛上了，雖然不是什麼驚人的口味，但就是久不久要吃一頓，不吃不開心。最開心是它提供外賣服務，是不想出門的好選擇～

晚飯時來到＂七姊妹道＂，被那亮光的餐廳招牌吸引著，直接進店，嚐嚐食物味道能否達到＂阿一＂等級…這裡的服務員態度很親切，本來已經自選座位坐下了，仍然主動替我安排一張空間更寬闊的桌子，這樣的侍應服務非常加分，感覺不錯，餐廳的招牌菜是＂炸豬扒＂，就這樣點選了＂酸菜粒肉燥豬扒飯＂。酸菜粒肉燥豬扒飯 $46，不消一會，豬扒飯送到桌上，肉燥及白飯的份量多得驚人，先來吃一口豬扒，沒有想像中的酥脆，也許是肉燥令它變淋了，豬扒是經過預先醃製的，鹹鹹香香，味道是可以的，酸菜粒挺開胃的，而肉燥並非像台式製法的那樣偏甜，也不夠油香，雖然味道略嫌不夠層次，伴飯來吃算是合格。隨飯奉送的一客時菜，可愛的小碗子裡，盛載著新鮮的生菜，味道好。凍檸茶(凍飲加$3)，茶味可以，味道正常。

話說 同女朋友行街路經北角 咁岩女朋友話肚餓 而佢又知我鍾意食米線 所以就帶我黎呢間米線店食一坐落黎就即刻有姐姐service我地 我同女朋友都分別叫左豬扒上海面同手撕雞米線 女朋友特登叫我叫豬扒分開上 因為一次過放係湯到會淋 我覺得上海面都唔差 個湯底都好正常 唔會太咸同太辣 最好食反而係豬扒 又大塊分量都好多下 食落好香 唔會有太重鬆肉粉味 呢間算係我係港島食過咁多間米線裹邊最好食既一間

阿一豬扒酸辣米綫 is a noodle shop that boyfriend wanted to try as he heard the deep fried pork chop was amazing. So, I tagged along.The restaurant is pretty spacious. Actually for a noodle shop it there was a lot of seating space. We arrived during afternoon tea time and the  tea time menu was on hand. Menu in Chinese only. There  is no 10% service charge.  The tea time menu comes with a standard drink or red bean drink.Boyfriend had a deep fried pork chop with noodles in a slightly spicy soup ($40). Bu

1330 平日lunchtime唔洗等位，太好了上次同老公12點幾黎都要等十分鐘嗌左酸辣豬扒米線（小辣）（$40）配凍檸茶（+$9）一order完，發覺唔夠現金問下職員有冇其他付款工具，佢地話得現金咁我話唔好意思，我想出去按錢佢地好nice 話隔離有OK 返到黎，米線&檸茶已到發覺下次可以試中辣，小辣唔夠喉😆好多酸菜，正！同埋花生係脆的之前有食過一間觀塘又係食豬扒米線出名的但個花生係明顯已經淋左 唔係被湯浸林的所以阿一既花生係新鮮d豬扒炸過，三大塊，鹹左少少不過夠大塊，啖啖肉凍檸茶正常

好耐之前喺西環朋友屋企食過阿一米線既外賣之後一直對阿一果隻酸辣念念不忘可惜阿一喺九龍冇分店之前短暫開過喺寶勒巷近漆咸道南果邊但可能礙於位置太格涉再去已經變左間食雞煲既以後食阿一要過返港島果邊lu講返阿一既米線先平時我就唔係好鐘意叫豬扒做餸嘅就算想食肉都係淨係叫雞肉為主但黎到阿一真係不得不食佢既豬扒真係好香好入味反而佢既湯底較清米線嘅味道主要黎自塊豬扒我唔係超級食得辣所以都係嗌小辣已經夠過癮喇北角呢間分店雖然附近冇咩寫字樓但lunch hour都大排長龍要等一陣先入到架

今日去左食阿一豬扒米一去到勁快有位坐 個阿姐都好快就 幫我地落單嗌左兩樣野食上菜都快酥炸雲吞韭菜餃配蕃茄汁我覺得個雲吞一般係鯪魚肉同平時食嘅煎釀三寶冇太分別而韭菜餃反而好食過雲吞好多不過係炸得幾香口嘅但最令我唔明嘅係點降要配蕃茄汁個豬扒米塊豬扒好大塊但我覺得塊豬扒有啲咸可能醃左好耐不過都可接受嘅

好夜都未食飯 見佢仲未收 蠔仔都幾大隻 幾飽滿 反而豬手冇咩特別湯底系吸引的佢的麻辣系做得幾出色 又麻又辣 好過癮 🤭呢個價錢 呢個質素 算系好掋食 😁米線都是滑滑的 😋估吾到都幾大塊 😳更估吾到嘅系 原來 個魚咁樣配 系好鮮甜 🤤真系有驚喜 又滑又甜 👍🏻啲鹹酸菜 好爽口 😂都一樣啦 佢個麻辣湯底系正正哋 😁之前都食過豬扒 都系好味的吾會太硬太諧 醃得幾好食同麻辣 鹹酸菜都幾夾 佢呢度仲有燉湯的堂食過都外賣過堂食都覺得系徧淡 不過外賣就差好遠 😳真系淡如水 🙈 兩次外賣都系咁所以之後都冇再叫過燉湯了Anyway, 呢個價錢呢麻辣米線 食得過 😆

呢期有個app 係幫手買外賣，送到黎公司附近嘅。我都成日訂架。今日俾呢間酸辣米線吸引到。外賣係分湯嘅，所以啲米線唔會淋晒，仲有少少彈牙架。個豬扒好夠味。有啲酸、麻辣嘅味道，好好味！呢隻味我個人黎講覺得啱啱好，因為我唔食得好辣😆而且仲有啲酸菜，我覺得配個米線食真係剛剛好！

聽啲同事講呢間啲豬扒米線好好食， 自己一條友經過就入去試下有幾好食啦~上網睇啲人話佢嘅酸菜好味，仲有米線係比人哋粗身啲，更加有口感無錯呢兩樣我都認同嘅， 但塊豬扒我真係唔識欣賞， 好un…我真係差啲咬唔開😆 係咪因為下午茶嘅關係呢?我就叫咗少少辣~但其實唔係好辣，如果食得辣要食辣😌因為坐我對面嗰位女士嗰碗湯好紅，好香好香~ 見到佢食到噓噓聲好似好刺激咁😎下午茶會有杯紅豆冰送， 因為係送嘅所以我都冇太大期望， 味道同我諗嘅亦都差唔多～

約摸八年前，係健威坊返兼職sales 嘅時候，成日忙到食飯冇乜時間，所以好興叫外賣，順理成章地，平靚正嘅阿一豬扒米線就成為咗一眾同事嘅首選，每次叫外賣得幾十，外賣阿姐要行幾天街，風雨不變準時送到妳手上。已經咁多年，突然今日好掛住果陣味道。於是一個人來到北角。唔知係咪外賣多所以唔記得咗具體位置，其實就係地鐵站B出口對面，但身為路癡嘅我真係沿住書局街同英皇道兜咗兩個圈先見到佢。門庭若市，堂食已經滿座，需要搭檯，門口仲有人等緊外賣，莫非只是半百可交易吸引而來？我掛念的是那份味道。一如既往點咗自己嘅常餐阿一真味豬扒米線🍜走蔥，本人唔食蔥。依然係大大件豬扒，唔會嚡口，鹹酸菜都好好味，似榨菜嘅口感但又冇榨菜咁咸，成碗嘢一擺上檯已經令人流晒口水，真係八年前嘅味道啊！題外話：結帳前搵個銀包出來發現冇帶現金，心想大件事，40蚊都冇，點算？見收銀冇客排隊比錢時我過去同個收銀姐姐講我冇帶錢，擺低啲嘢轉頭撳錢返來攞得唔得，點知個收銀姐姐好nice咁話：唔緊要，妳陣間返來啦，唔使擺低嘢。仲指示我櫃員機位置，當時個心warm 到一個極點，心諗幾瘀都冇所謂啦，搵到以前嘅感覺——呢間店好窩心！