阿一豬扒酸辣米綫

营业中

休息中

果晚我做完嘢好肚餓諗住喺北角食宵夜，差唔多行晒成條七姊妹道，全部烏燈黑火，有間食火鍋大好Q，成班人去冇問題，一個人就食普通些啦，去到七姊妹道尾圖書街附近，終於搵到有嘢食，我去到，佢就話那時call同我做埋就收工，態度唔錯相信是老闆來的。我就快快手手叫咗個雞絲海蜇米線，炸雲吞。佢有餐$5X，連飲品，都抵食，門口攞過好多獎，但餐到，雞絲海蜇浸在湯上面，感覺很一般，炸雲吞仲唔錯，如果個麵，送係分開咁就高分，唯一抵讚，因為我係最遲一個食客，師傅都走。老闆仲喺度，我都唔好意思，佢仲喺度講，冇所謂啦冇所謂。唔趕時間。服務有心！抵讚！

同朋友行開北角，覺得肚仔有啲餓就捻住睇下附近有咩食。見到呢間米線捻起以前讀書嘅時候成日會食，所以就即刻黎試下，睇下水準是否依然！首先我叫左碗酸辣豬扒米線，少酸辣。餐廳煮野食速度好快，落order唔洗5分鐘就已經可以上枱。米線一上枱已經勁香，首先必食嘅豬扒炸得香脆入味，豬扒上面再有少許花生粒，酸菜，芫荽，蔥。將酸菜混入湯底撈勻再食，馬上更加凸顯湯底嘅味道！豬扒入味而不會太老，真係好好味。米線量足，夠曬飽肚！另外朋友一樣叫左一碗酸辣豬扒薯粉，佢要左中辣。上枱嘅時候湯底明顯會比小辣多一點酸菜，撈勻之後，我試過佢個湯底，其實唔叫非常辣，所以食得辣嘅朋友可以考慮下中辣都得！相反，唔食得辣嘅朋友，餐廳可以幫你將酸菜另上。咁你就可以控制自己想食辣嘅程度因為我同朋友係下午茶時段黎到餐廳。所以飲品方面我地可以免費選擇普通飲品或者紅豆冰！

🍲 蓮藕魚餅酸辣米線 HKD$37魚餅得三塊，但都算厚厚地。蓮藕唔多 但令佢有咬口啲。揀咗大辣 ，但覺得唔算辣，不過真心好油。講明先個人平時都算食得辣嘅，所以會不停問佢加酸菜。.🐂 肥牛蕃茄米線 HKD$39🍅(蕃茄湯底 另加HKD$3)湯底似羅宋湯，而且味道偏甜啲。唔食辣嘅人又多個選擇啦!

阿一豬扒酸辣米線喺港島區出曬名，食過既人絕大部分都讚好Lunch Time嚟到基本一定坐滿不過啲人食完就走，好快就可以入座我同朋友叫左招牌阿一真味豬扒酸辣米線😂 @ $41 ⭐️⭐️⭐️⭐️⭐️三大塊豬扒 😋新鮮炸起，脆卜卜肉汁飽滿 肥瘦適中👍好好味酸辣湯底非常正 落左大量酸菜 好夠酸 仲有少少麻辣feel tim😝(不過辣油重手左少少)米線比普遍連鎖店粗 有咬口 軟硬程度啱啱好😋👍食完好有滿足感😎

星期日千里迢迢黎到香港島做野, 緊係要探訪下我最愛既豬扒米線啦! 豬扒酸辣米線 - 每次必落大量酸菜! 佢種辣味真係好正, 食過翻尋味 $41 有三大舊豬扒, 又稔又多汁, 可惜次次都食唔哂呀...同事分別叫左兩個飯, 睇起上黎都好正

今日嚟到北角探朋友 今次我地無去左瑞士雞脾 而係揀左朋友推薦的阿一米線😚😚😚 朋友話平時lunchtime呢度一定會出現人龍 好受大家歡迎 於是我地就入去試下👍🏼我同朋友都叫左招牌豬扒 我就叫左米線 朋友就叫左水晶粉 湯底酸酸辣辣好開胃😍 入面仲有我大量酸菜同花生 正！ 豬扒果然無失望 新鮮炸起 肉質都幾滑嫰 而且炸得吾乾 浸埋係酸辣湯啱啱好 米線比平時連鎖店粗少少 好有咬口 軟硬啱啱好👍🏼👍🏼👍🏼 另外我地仲叫左個麻辣雞絲海蜇 雞絲稍為鞋左d 但呢個小食都好惹味 辣度對我嚟講啱啱好😛推薦:⭐️⭐️⭐️⭐️

阿一豬扒米線，這間店舖有很多分店，我通常吃的都是北角這間，而且是叫外賣，送貨時間也很快，下單後不用半小時便會送來，而且食物能夠保持溫度，餐廳用的不是發泡膠盒相對比較健康，我今日吃的是豬扒米線酸辣湯小辣，味道會有很香的辣味，是不能很吃辣的我也能接受的辣，豬扒的份量可很多很足料！而有完全不能吃辣的同事就點了番茄湯，她說番茄湯也很不昵！

今日去左北角呢間食蠔仔豬扒清湯米線雖然今日唔係返工時候但係都仍然係咁多人每次黎都要必點蠔仔因為真係又多又好食啲蠔細細粒但係都好有鮮味加上我本身唔食辣但係有蠔仔調味，成件事就俾相像中濃郁左好多另外豬扒唔會太咸 唔會俾蠔仔蓋左味道我本身比較細食 食好少野就會飽 但係佢真係好大碗同埋成個碗都係蠔仔 我諗有成30粒 唔係講笑一上碗野 蠔仔多到連豬扒都睇唔到所以無論幾飽 食唔唒啲米線都好 我都會食唒啲蠔仔另外我朋友話酸辣米線都好吸引，不過因為今次主打蠔仔想試清湯黎食蠔仔既鮮味所以推廌俾大家!

同男朋友最鍾意周圍試吓啲小店！特別我哋都鍾意食粉麵，得閒就會搵下啲嘢食食下啦！👍🏼👍🏼👍🏼❤️🙏🏽🙏🏽依一間係北角嘅啊一豬扒，正呀！我哋已經食過又再返嚟，因為真係平靚正！❤️❤️❤️❤️🙏🏽🙏🏽🙏🏽男朋友最鍾意食手撕雞撈紅薯粉，有埋啲花生，食樂係好好食！😂🥰👍🏼👍🏼👍🏼👍🏼👍🏼而我就最鍾意食魚腩，仲有蓮藕餅！配埋個酸辣紅薯粉，簡直係人間極品👍🏼👍🏼👍🏼👍🏼👍🏼叫多個上湯時菜！

已經食過好多次嘅豬扒米線 每次食完都覺得好好味 要再去食過每逢中午時段都有一條小小嘅長龍去等呢碗米線 點解呢？因為佢嘅酸辣湯底真係好開胃 而佢個豬扒更加係即煎炸嘅添呢碗就係我一定要encore嘅豬扒米線提提你 酸辣係可以另上嘅 所以可以自己調教個味度朋友加左$3轉蕃茄湯底 一啲都唔值得好後悔 好似茄汁加湯咁 難食！至於男士 如果好餓都可以考慮轉飯個酸辣同炸蒜十分好送飯 仲要有咁多塊豬扒亦有同事試左呢個雞飯 佢好喜歡五十幾蚊 仲要包菜包野飲野 好抵食！呢間又係一間必食午餐！

平時都會過開北角尋找下啲小店，依間阿一豬扒之前喺筲箕灣見過，今日就來幫襯下北角嗰間啦！❤️❤️👍🏼👍🏼依然有我最愛嘅紅薯粉可以揀，正！嗰日試咗餃子加雞翼撈紅薯粉，雞翼炸得好香口，而且好入味❤️❤️👍🏼👍🏼餃子都好好食，非常足料！而且亦都好新鮮！👍🏼👍🏼👍🏼😀😀😀😀😀因為係撈紅薯粉嘅關係，所以會有一碗湯！不過我都冇咩點用到湯啦，如果齋飲會比較鹹，所以都係俾你撈嚟食嘅👍🏼👍🏼

由開鋪到依家，食左阿一起碼都已經食左10年喇由豬排米線，九菜餃米線，麻酸辣蠔仔，到胡椒豬肚泡飯，都係我嘅最愛今晚放工天氣涼涼地，嗌個胡椒豬肚泡飯暖下胃先呢度嘅泡飯同平時出面嘅湯飯有d唔同，飯身比較硬，有咬口，配埋濃郁嘅胡椒湯，好醒神醒胃，豬肚好爽口，又係另一番味道

平時去啊一豬扒米線都叫開去嘅酸辣米線🍜今日胃口唔係咁好，清清地食碗蕃茄蜆殼粉🙂$42配熱飲或可樂，都幾抵。番茄湯底味道唔算濃，但會配埋蜆殼粉食啱啱好。值得一提依家好小餐廳有蜆殼粉食，都幾驚喜😍雞翼方面共有三隻，但啲雞翼略嫌煮得太耐，d肉有少少霉😣

阿一豬扒酸辣米線一向都係食lunch既食堂，貪佢入面夠多位，就算人多都唔駛等好耐。今日等左15分鐘就可以入去。照舊都係叫咗佢嘅招牌菜-啊一豬扒酸辣米線（小辣），辣度可以隨自己喜歡選簡🥰今日豬扒同以往一樣，非常夠味，而且因為係即炸，浸左落湯都唔會覺得好林，啱啱好。而湯底嘅酸辣味係用酸菜同辣油調味，酸酸辣辣好開胃。跟餐加9蚊配冷熱飲品，今日叫左杯凍檸茶少甜黎飲，有茶味之餘，檸檬都夠新鮮！加埋$49蚊埋單，港島黎講算好抵食！🥰

尋日同朋友食咗依間連鎖食豬扒米線餐廳就今次係北角七姊妹道食！餐廳環境10分大，亦都好多客人食，唔使等位。今次同朋友食咗豬扒上海麵同埋炸韭菜餃，佢啲豬扒真係好好食，好鬆軟，份量亦都好多。但係如果想食辣嘅朋友要留意，其實小辣已經好辣，所以大家要慎重選擇。上海麵方面其實好似烏冬，但係個面嘅質感都好彈牙好好食！另外炸韭菜餃份量亦都足夠兩個人食，佢係即炸嘅，所以好脆口同埋好新鮮，值得推介！員工態度尚可，order好快，出餐速度好快！Good!