阿一豬扒酸辣米綫

营业中

休息中

#小秘書 以往都係幫襯 #筲箕灣分店 嘅 「阿一」，今日轉吓地方，嚟到「阿一」 #北角分店🤗 地方比筲箕灣嘅大，裝修、枱櫈都比較新淨，唯獨係無咗小店嘅特式，服務當然差好遠🥴繁忙時間我哋都預咗要搭枱坐，因為之前等唔到電車，時間有啲趕，所以一坐抵就要落單。無幾耐服務員擺咗碗麵上枱，佢無講啲咩...就走開咗，咁理應🍜碗麵係比先坐抵果位女士嘅👀 大家都不以為意先繼續等，但原來果個女士要嘅係清湯，唔要麻辣，仲要佢擺埋落口先知道😑 個女人搞笑到猛問咁我點算呀、點算呀... ？！咁我望吓佢張單，明明都係落清湯嘅，咁梗係要據理力爭啦。服務員似乎唔多like，不過都勉強拎走碗麵，幫佢換咗另一碗。但係烏龍事似乎一不離二、二不離三，之後嘅湯底、食物配搭都錯哂，我哋然唔要啦🤐 服務員嘅面口就好似講到係我哋錯咁😫 但其實真係唔關我哋事㗎喎，張單都無落錯🧐雖然學我同事話齋，北角店嘅口味都比筲箕灣嘅好，我點嘅 #豬扒 好鬆化又入味，藕餅都香口呀🤤 不過啲服務員咁嘅，我未必會再嚟幫襯囉👉🏻👈🏻