阿一豬扒酸辣米綫

营业中

休息中

-小編食堂第二回✌🏻平時午餐晚餐唔知食咩好😵想求其解決一餐的話#阿一豬扒酸辣米線 是個不錯的選擇喔😼 -🔸阿一真味豬扒麻酸辣撈水晶粉 $42豬扒有三塊 份量ok每一塊都頗厚 啖啖肉滿足鍾意食肉的你🍖❣️-On top 鋪滿不少酸菜丶花生 酸辣+麻辣味道幾夠-辣度方面亦都可以自己向店員調節🌶總結：日常頹食的好選擇😋-📍阿一豬扒酸辣米綫北角七姊妹道3號

阿一豬扒米線同女朋友最鍾意就係食米線， 所以成日都會去搵一啲唔同嘅買先黎試吓！ 今日就嚟到久仰大名嘅啊一豬扒米線試吓佢嘅米線係咪真係咁好食先！同女朋友冇人帶咗一碗豬扒米線， 聽聞佢哋嘅酸菜係好好食所以都特別叫多咗！震震嘅麻辣香味配搭埋酸菜！真係一絕嘅配搭！豬扒好入味而且好香脆！我終於明白點解呢間野咁多人排隊！

高質既豬扒酸辣米線🍜次次去食都撞正下午茶時間，會送一杯冰凍既紅豆冰我每次都係叫佢既招牌阿一豬扒酸辣米線（小辣），對於食得辣既人（我）黎講小辣可以話係完全唔辣，但我個fd話對於唔食得辣既人黎講就覺得有d頂唔順。我覺得酸辣個湯底好味，我次次都會飲曬😂但湯底唔係濃郁既湯底，係清淡得黎帶酸辣味好開胃～而豬扒就好大塊！好抵食！肉幾嫩，好入味食完個米線我唔會覺得口喝，證明可能佢係冇落味精既，或者落得好少😂推介大家都去試下佢！

補習之前成日都想食d野先去，今次又簡咗阿一豬扒米線，貪佢又好食，又就腳。平時一直都係食開豬扒米線，於是諗住試下其他野。望住個餐牌，見佢豬潤米線同豬肚米線都係$32，平過食開嘅豬扒米，諗咗一輪之輪決定試豬肚酸辣米線，點知原來係個伏。酸菜依然都係咁好食，而成碗米線豬肚嘅份量都幾多，豬肚唔算好淋，但係都唔會話硬到咬唔開，普普通通咁。之不過，可能係我唔好彩，食食下嘅時候，突然食到舊好苦嘅豬肚，苦到想嘔番出嚟，唔知係咪舊豬肚處理得唔好。下次都係食番豬扒米算。

平時想食米線通常會諗起譚仔同三哥，但係食過阿一嘅豬扒米線之後，依家一講米線我就會諗起佢。今次食簡咗下午茶時段先嚟，除咗因為少d人之外，最重要係佢下午茶會送紅豆冰。嚟到依度，一定要試佢最出名嘅酸辣豬扒米線。佢個酸辣唔係嚟自個湯底，而係佢d酸菜同辣油，加埋花生同芫茜蔥，成碗米線又香又惹味。豬扒應該係用半煎炸嘅方式整，有成3/4舊，舊舊都好淋，亦唔會話炸到乾爭爭，非常之好食。至於杯紅豆冰非常足料，有好多紅豆，不過我地叫咗少冰都仲有好多冰，唔知係咪落漏咗。

今日要去北角做嘢,到下午茶的時間,見到一間叫做阿一豬扒湯米線的小店, 座位不是太大,但夥記的服務都很好, 小店除咗豬扒仲有其他餃子等的款式, 所以就是不同的米線.蘿白菜餃湯米線$36，加咗韭菜、芽菜仲有香葱，將其拌勻後一啖湯一啖米線,十分清甜美味.價錢十分便宜非常抵食, 如兩個人食都不到一百元.大圓枱可以三五個朋友在這裏一齊開餐,都十分便宜值得推介.地方光猛而寬闊整潔,坐得非常舒服, 店員服務態度very good值得讚賞.

北角其實都幾多嘢食嫁，其中一間叫阿一豬扒酸辣米線，我都幾推薦大家！雖則呢間餐廳嘅招牌當然係酸辣米線，但我上次叫發覺都辣，佢有好多酸菜，好足料，鐘意酸辣嘅朋友必定要試下。所以今次想試下清湯底。阿一嘅豬扒絕對係好好吃，好大塊，又唔只一塊，同埋唔會好un添。至於佢嘅米線都係我嘅心水，佢啲麵比譚仔更粗，食落有好口感，有少少似魚麵咁。By the way，下午茶過嚟食係最抵食，一碗都只係$37，仲送一杯紅豆冰！

住係北角，依頭無乜米線食，見到依間，睇個名應該主打係豬扒嘅米線鋪，就過嚟試下。。。😊除左米線都有好多湯飯，燉湯，咖哩飯等等，但今日下午茶嚟就食米線算啦～兩個人嚟叫左豬扒酸辣米線、古法手撕雞酸辣米線同炸雲吞。可能係古法嘅關係🤔🤔雞絲比平時食嘅粗，尾指咁粗啦(女仔手指)～夾麵會有少少煩，因為夾到肉就夾唔到麵，d麵會係咁跌。。。湯底比較偏淡，得酸菜嘅酸味同辣味，一般般。。阿一豬扒個醃味係幾好食。。。但唔係新鮮炸，凍左唔香口。。。😏個炸雲吞就把鬼。。。😂

喺下午茶時間，去叫左個“豬扒米S餐”...消費左-＞港幣$40元正碗米S都算ok嘅，只係啲豬扒好“韌” ....杯柑桔 蜜-＞好重料咁，柑桔味好濃....服務員啲態度麻麻，做咩都快過打风....

今日經過北角探朋友，北角我都好熟，地鐵站附近已經有間阿一米線，但由於北角真係有太多野食，要平有平，要貴有貴，今日想食個下午茶，先留意到呢間米線。餐廳有個電視，都係茶餐廳格局，但好明顯感覺到做街坊生意。阿一真味豬扒酸辣米線下午茶時段，會送熱飲，我喊左阿華田，下午茶真心抵食試一試湯底，竟然幾辣下，我麻麻地食得辣，覺得食唔到辣朋友記得走辣或喊小辣。除左湯底好辣，我對豬扒都幾滿意，炸得香脆，加上米線份量又足夠，花生米炸得好香口，我本身好鍾意食花生.....哈哈。呢間米線唔錯，下次可以再食。

之前聽人講話佢個米線同豬扒幾好食。37蚊，本身吾鐘意食酸辣，所以叫左個清湯。碗麵一黎，先試下個湯。哇，係想用味增攻擊我？其他出名既米線連鎖店都冇佢甘誇張。可能如果係酸辣既話，可以掩飾下。件豬扒絕對稱吾上好食，但算係成個碗裡面最好既野。兩塊中size既豬扒。朋友叫左個雞翼米線。離譜。雞翼都甘難食。合埋眼既話一定吾會知道係雞。朋友話有洗潔精味。係用晒啲調味料定用洗潔精洗雞？星期六的下午去的。人流算ok多。不置於要等位，但坐左9成滿。服務態度最妙的是一眾阿姐們，一食完，隔5秒，眼明手快幫你收走。放心，我走了。bye

又又係#阿一 ，但#北角阿一 係唔同 #上環阿一 ，佢哋既餐牌都已經好唔同。北角阿一有#下午茶 ，#叫麵送#紅豆冰 或者餐飲 ， 我都唔明點解啲餐廳叫左 #少冰唔少冰 #少甜唔少甜 ，其實我真係唔介意細杯啲的😐 杯紅豆奶水#勁水 #勁甜 ，一啲紅豆冰既感覺都無。呢道有 #雜錦麵 ，即係乜都有啲。包括： #魚肉雲吞 （我覺得唔好食，就係一塊#雲吞皮 ）、#司華力腸 、#鮑片 、#阿一豬扒 （最好味） 、#煙鴨胸 。#米線 係好滑身 又不失彈牙感！下次我都係會正正經經叫返個單拼或者雙拼，唔係唔好味，只不過唔係我口味。個湯底有啲奶白色，都算清唔太咸， 勁多酸菜👍🏼#北角 #七姊妹道 3號 #阿一豬扒酸辣米線

想食豬扒米想左好耐，不過次次都唔啱時間，今次上堂前有時間，去碰碰運氣，一去就有位，雖然寫明四人坐位但可以自己可以坐卡位一邊，都幾舒服！第一次嚟梗係要食招牌豬扒米線，店員問我要辣定唔辣我咁鍾意食辣梗係要辣！不過唔知道原來可以揀小辣中辣大辣，無講就係中辣。嚟到好大碗，知自己一定食唔晒，豬扒好吸引，有三大件，好多酸菜又有炸花生，米線係較為粗身嘅。中辣無預期中咁辣，但辣度啱啱好，米線好彈牙加酸菜非常好味！仲好抵食！

我的米線飯堂--阿一豬扒不能想像我寫左咁多篇食評，竟然冇一篇係阿一豬扒酸辣米線呢一間酸辣米線，每個月幾乎都要食一至兩次！原因好簡單，價錢唔貴， 分量又大！每一次我都會叫阿一豬扒酸辣米線 或者食豬頸肉酸辣米線 小辣或中辣每一次師傅都會畀好多酸菜同埋花生我所以成個湯就變得好有味！而豬扒每次都會有好多塊，仲多過d米線而且好香口，唔會好多漿粉所以每次食完都覺得好滿足雖然米線嘅口感同味道,講唔上係特別好食但係呢個價錢嚟講，已經做得好好！外賣嘅話，佢仲會將米線同埋湯分開上！所以拎到返去嘅時候，米線唔會太淋，而且仲係好夠熱！服務質素方面， 恕我直言，係繁忙時間就真係幾差,幾冇禮貌! 所以建議大家想試嘅話就係十二點前或者下午茶嘅時候先嚟食！十二點半之後，可能因為人多，服務員嘅態度就會有啲差！小建議：下午茶嚟食嘅話，仲會送紅豆冰！所以下午茶食係最抵嘅！

也在居所附近新開廣港式米線茶餐室花生去皮可一吃至少沒有「益」這方面香港低價食店操守較差咸酸醃菜也是不難吃無味魚肉雲吞米線沒有米感沒有米線香懷疑是什來貨最平的選擇36$酸辣魚肉雲吞湯米線加熱咖啡或茶全部只1/有白蘿蔔當造的配件好吃😋湯不對勁，我只要譚仔三哥雲南米線的這個另外2/就是杯咖啡 熱咖啡 沒有加錢換凍的但杯極大咖啡極端濃喝不光外帶結果夠整個懶洋洋的下午頂癮⋯⋯真正料不到難吃得很湯米線卻出了杯連我也希奇美麗熱咖啡而且欣賞那量