影片
更多
2018-08-11
386 浏览
約摸八年前，係健威坊返兼職sales 嘅時候，成日忙到食飯冇乜時間，所以好興叫外賣，順理成章地，平靚正嘅阿一豬扒米線就成為咗一眾同事嘅首選，每次叫外賣得幾十，外賣阿姐要行幾天街，風雨不變準時送到妳手上。已經咁多年，突然今日好掛住果陣味道。於是一個人來到北角。唔知係咪外賣多所以唔記得咗具體位置，其實就係地鐵站B出口對面，但身為路癡嘅我真係沿住書局街同英皇道兜咗兩個圈先見到佢。門庭若市，堂食已經滿座，需要搭檯，門口仲有人等緊外賣，莫非只是半百可交易吸引而來？我掛念的是那份味道。一如既往點咗自己嘅常餐阿一真味豬扒米線🍜走蔥，本人唔食蔥。依然係大大件豬扒，唔會嚡口，鹹酸菜都好好味，似榨菜嘅口感但又冇榨菜咁咸，成碗嘢一擺上檯已經令人流晒口水，真係八年前嘅味道啊！題外話：結帳前搵個銀包出來發現冇帶現金，心想大件事，40蚊都冇，點算？見收銀冇客排隊比錢時我過去同個收銀姐姐講我冇帶錢，擺低啲嘢轉頭撳錢返來攞得唔得，點知個收銀姐姐好nice咁話：唔緊要，妳陣間返來啦，唔使擺低嘢。仲指示我櫃員機位置，當時個心warm 到一個極點，心諗幾瘀都冇所謂啦，搵到以前嘅感覺——呢間店好窩心！
唔知係咪外賣多所以唔記得咗具體位置，其實就係地鐵站B出口對面，但身為路癡嘅我真係沿住書局街同英皇道兜咗兩個圈先見到佢。
門庭若市，堂食已經滿座，需要搭檯，門口仲有人等緊外賣，莫非只是半百可交易吸引而來？我掛念的是那份味道。
一如既往點咗自己嘅常餐阿一真味豬扒米線🍜走蔥，本人唔食蔥。
依然係大大件豬扒，唔會嚡口，鹹酸菜都好好味，似榨菜嘅口感但又冇榨菜咁咸，成碗嘢一擺上檯已經令人流晒口水，真係八年前嘅味道啊！
題外話：結帳前搵個銀包出來發現冇帶現金，心想大件事，40蚊都冇，點算？見收銀冇客排隊比錢時我過去同個收銀姐姐講我冇帶錢，擺低啲嘢轉頭撳錢返來攞得唔得，點知個收銀姐姐好nice咁話：唔緊要，妳陣間返來啦，唔使擺低嘢。仲指示我櫃員機位置，當時個心warm 到一個極點，心諗幾瘀都冇所謂啦，搵到以前嘅感覺——呢間店好窩心！
张贴
