阿一豬扒酸辣米綫

营业中

休息中

食過好幾次都覺得幾正，今日就再同妹妹嚟食。叫左套餐1,係蘿蔔韮菜餃酸辣米線，要小辣跟jor hot lemon tea. 小辣平時係食到嘅，但今日唔知重手左定點，超級辣！而且一d酸味都冇，以前係隱約有小小酸嘅。好彩韮菜餃依然足粒，啖啖肉同菜，好好食 而蘿蔔有4舊，入面有1舊壞左，其他冇事，亦算淋身入味同冇渣。妹妹叫左豬扒米線跟小辣，一樣太辣冇酸個湯底:-( 而豬扒水準keep到嘅，軟身得嚟唔會嚡，味道偏咸但幾惹味！

心想吃個酸辣米線醒胃，見就近即管一試。招牌食品是阿一豬扒酸辣米線，就跟推介點選了酸辣再拼雞中翼。結果，第一口是小辣不酸的咸水無味湯，要自行加醋，然後咬一口炸豬扒脆口欠奉都算了，薄得來還感覺到梳打粉的餘味，味道像燒烤包醃過度的豬扒。至於雞翼，大小可一啖全隻放進口，但干巴巴的沒甚麼肉連皮都炸開了，難吃。一時看漏眼，附近原來還有越南菜和潮州鵝肉麵。盡管價錢不算得貴，但破壞了一天的心情，不值得。本來店內還有燉湯一類供應的，但招牌菜也做得這般難吃，已經沒信心再冒險了。

D野食的確係幾好食 但服務態度同質素好差 完全唔係做生意既 尤其係送外賣 一D禮貌都無 幾好食都無用 做咩生意以後無咩事都唔會再叫 做得生意就應該客人為先 甘既態度 實在令人失望

今日天氣非常炎熱, 午飯時間仍未好肚餓, 決定去食返碗醒胃嘅酸辣米線過下口癮。😙呢間位於北角地鐵站附近嘅阿一豬扒酸辣米線之前從未試過, 由於午市時間比較繁忙, 所以需要同其他人搭枱。店內裝修同普通新式茶餐廳差唔多。酸辣米線選擇都唔少, 另外可選唔辣嘅清湯。不過午市沒有套餐, 加飲品要$9。我點左阿一真味酸辣米線, 因為擔心只係豬扒啊4夠食, 所以加左$6加配肥牛。米線份量唔少, 男士食一碗都應該夠飽, 炸豬扒因為唔係同米線分開上, 所以外層已經浸軟, 味道都ok。肥牛比較碎, 份量正常不過唔太腍, 湯底同米線比較好, 雖然係酸辣湯底不過都幾有麻辣嘅感覺, 如果唔太食得辣嘅應該要order酸辣分開上。米線好滑, 口感彈牙有d似通心米線。酸菜花生等配料都唔少。

豬扒大大件夠香又易入口酸辣米線絕對醒胃,如果唔太食得辣可叫清湯跟住叫佢地另上少少辣酸菜,夠晒彈性而我最鐘意就係韭菜餃,必食,濃烈既韭菜味又大大粒,而且雙併都有4,5粒已算多價錢適中,如已以此份量,都算抵食！

是日途經北角工作巧遇阿一豬排酸辣米線，今趟可能時間尚早又落雨，無人排隊，逐入內點了一碗鮮味蠔仔麻酸辣撈，走辣，伙記捧上檯大大碗多蠔又有炒花生，入味白蘿蔔，多多的蔥花，芫荽，簡直垂涎三尺。

我住北角既，每次黎食都系咁趕人走，都味食完個飯，佢地見有人等既就話我地張枱就走，之後叫個客企過黎等，搞到我地比人望住食野，好似叫個客直接吹我地走咁，每次都系咁做上次仲衰，佢地安排我同個朋友，2個人坐4人枱，之後食到一半問都冇問直接收左我地個飯，之後叫住佢，佢仲死死氣咁放返落我地張枱，sorry都唔識講句，走果時又系趕我地走，仲話我地2個人坐4人枱，呢家比生意你地做都咁既服務態度，真系差到爆燈，就算幾好食既野但比咁既態度人地真系唔洗做

呢間阿一豬扒食物冇其他分店好食唔在講，員工自己print完張單是但放個客枱上要人埋單就夠哂搞笑，以為人地冇埋單聲大夾惡話人有張單冇埋，其實就自己d冇質素既員工搞錯，搞錯咗仲扮哂冇嘢是但講句唔好意思，人地俾你誤會咗食霸王餐你點賠?以後唔會再嚟呢間嘢，請我都唔食，唔該自己反省下咁樣做嘢有冇問題

一直都想吃這間“阿一豬扒米線”的米線，但因為往往很多人排隊而卻步。今天難得剛剛有人埋單離開，可以入去一試。餐排上原來不只有米線，也有飯類，燉湯套飯餐。米線選擇則很多，有豬扒，肥牛，司華力腸，胡椒豬肚，韮菜餃等等，湯底則可選麻辣或不辣。我點了清湯底韮菜餃米線套餐，一大碗分量好足，米線軟硬適中，有蘿蔔及蔥花做配菜，蘿蔔好冧唔錯。清湯底偏淡味，所以問下侍應可否加d辣。侍應話ok, 另外俾左一碗麻辣酸菜我自行加落去食，又ok喎，少少麻辣的酸菜跟米線都很夾。連埋可樂這套餐埋單也只是三十多元，這區來說很便宜了。

同朋友行行下街， 個肚突然咕咕響， 知道又要食野啦！😅走到這橫街小巷，發現一間酸辣米線， 舖面裝修並不起眼， 證明做街坊生意價錢真的很街坊， 一碗酸辣米線加一杯紅豆冰只售34至38蚊， 非常平👍我地叫左炸豬扒小酸小辣米線，朋友做叫左個豬頸肉小酸小辣米線碗米線不只碗大， 份量亦多， 豬扒厚薄適中， 炸得剛好， 漿粉亦不多， 所以不會有浸賬了的炸漿皮米線Q 彈那碗湯真的很神奇🤔第一口不覺有太酸太辣， 話哂我地都叫小酸小辣嗎！如果真是咁就好啦！當湯進入喉嚨時，真正的酸同麻辣就慢慢滲出來， 真的越食越麻辣急忙把紅豆冰大啖大啖飲下去， 好左奶味濃郁，紅豆夠甜， 立即解辣😄辣到“s”鼻水聲此起彼落， 我地互望時都不敢笑了出來， 大家多了一張Q 太朗的紅腸嘴😂😂雖然很麻辣， 但又很好食， 真的欲罷不能👍👍👍

還記得第一次食阿一豬扒米線的時候，是第一次來到新公司面試。11點的面試完了之後肚子餓了就在附近閒逛，原本打算吃譚仔就算了，但是找啊找啊都找不到。迷路之中就看見這家酸辣米線，好吧就試試吧，而且在北角地鐵出口對面，很容易找到。因為還是12點多，所以人流不算太多。我叫了雞翅水餃酸辣米線，小辣。不消一會兒就來了。哇米線也太大晚了，餃子雞翅分量很大，而且把整個碗都鋪滿了。酸菜也有很多，還有伴著的花生，蔥花等等，辣油浮在湯上，看見就流口水了！而家米線的軟度適中，真的太好食了，馬上成為飯堂了。只是平日午餐等位的時間有點長。

阿一以前的雞干云吞是我的至愛、可惜己成絕唱！嗰日去幫襯，話以后都唔做……可惜……不过韮才餃仍是一絕、終於叫了豬扒才餃云吞……正！环景一流、加味凍o6都係九元超值……下次一定再食……服務都好親切

因為工作關係，所以黎左北角，做完晒野之後見已經成1點半，所以就獨個兒去食個飯，可能因為晏左而且一個人，所以唔洗得位就有得食。見到餐廳名就知呢到出名既係豬扒酸辣米線，一於就叫黎試下啦。辣度同一般米線專門店差唔多，因為未試過呢間，所以叫左個小辣黎食。其實小辣已經幾辣，中辣真係未必食到，豬扒方面醃得好入味，不過係油左D。飲品方面，要加成9蚊，覺得有D貴，所以無加。真係好想再Encore呢間店，可惜唔知下次幾時再有機會過黎做野啦。

一個人星期日下午入去食$39餐，點了豬扒米線小辣，凍檸茶。湯好味，酸辣適中，有酸菜花生，唔會好油，我通常都會飲湯，本來會因為呢碗湯再光顧，但佢嘅秘制豬扒。。。好入味，好易咬開，但係，我碗有三舊豬扒骨，冇其他肉塊!我真係唔鍾意食有骨食物，又大舊難夾，最忟係其中一舊，你見到有一個角剪走咗，得番一塊L形嘅骨連肉，點呀，下午茶餐係要啃骨？抱歉冇影低。埋單時我問，你地啲豬扒係一定連骨？姐: 唔係，有啲肉有啲有骨啦。。。我: 但係我三舊都係骨囉。姐: hey. 有骨先好食㗎。(我心諗，剪走咗果塊肉就唔好食嘅)我: 我唔鍾意食骨。姐: 你下次叫少骨囉。(我心諗，你有咁好死，有下次先講)

平時都好少特登出北角，咁岩今日出到黎整完野就響附近搵左間食野，圓枱既座位比較細，坐得不太舒服，就轉左卡位。見餐牌有燉湯餐已經好吸引，因為好岩我衣d平時冇乜湯水既人，感覺好似好滋潤咁。結果叫左套餐裡的鴨腿湯飯餐$48，蘿蔔韮菜餃酸辣米線餐$34，等候時間不算耐，原來鴨腿湯飯都係燉湯之一，原本諗住都係普通湯飯用普通碗一碗過，點知有驚喜鴨腿都係用燉盅一併上枱，餐仲有超大碗飯同有碟菜心另上。燉盅裡的非常足料，鴨腿又夠滑，一d都唔鞋，菜心d汁就有d怪，腐乳又唔似蠔油又唔似。野食黎到冇耐就開始超多人，我12點半左右入座，1點就多人到不得了，要等位添，應該都係lunch time先係咁。整體黎講係抵食兼飽到暈蘿蔔韮菜餃酸辣米線黎到個樣子都非常吸引，都好大碗，但個人認為食落一般般，由其米線質地，唔識形容，唔似平時食開的感覺。