鐵牛台灣牛肉麵 (希爾頓大廈)

营业中

休息中

要係香港搵好食嘅牛肉麵，真係唔容易，而鐵牛都算係一個唔錯選擇！其實今次已經係第二次食！第一次我地係去咗旺角分店到食牛肉麵。但見到menu 其實仲有好多唔同小食，為咗今次可以試多啲嘢，我地決定兩個人叫一碗牛肉麵呢碗係私房牛肉麵$70，牛肉入口軟腍鬆化，而且好重肉味係尖沙咀區嚟講，真係唔算貴，大大碗麵都係$70，都算係咁。小食方面，梅子脆薯$32🥔係我最欣賞既。廚師會先將蕃薯切成條狀後拎去炸，然後再灑啲梅粉係上面，食落酸酸甜甜，係香港比較少有。台灣腸基本上去邊食都係無得輸㗎啦！腸仔本身外酥內嫩，只要輕輕煎香，已經好好食😍不過鹽酥雞略嫌有啲鞋同乾，唔及腸仔好食。魚酥皮蛋豆腐$36，呢三樣嘢我都分別食過，但咁樣夾埋一齊食都係第一次，估唔到又幾好食，而且份量比想像中大！我覺得啱晒啲減肥中嘅女仔食，夠健康又夠飽！最後係肉燥小茄子$34，茄子走過油，形成外脆肉軟嘅口感，加埋肉燥一齊食，口感豐富。仲有最估唔到係呢到竟然有樽裝台啤飲而且只賣$28/枝！食飽飽同朋友係到飲番兩杯，都咪話唔過癮

約朋友食飯要選中間點多數都係尖沙咀，如果想食平D當然係去尖東啦，今次朋友約去食鐵牛台灣牛肉麵，行左一陣先發現原來餐廳係位於地庫，餐廳環境都好新淨企理，落單方法係先係order紙選好野食，再出收銀處付款後，就可以坐低等職員送餐。招牌紅燒牛肉麵 - 麵質同湯底都可以接受， 麵雖偏軟身但都爽口，湯味道都有濃郁牛肉味，至於牛肉比較大舊，味道都唔錯，值得一試。鮮蕃茄大塊牛肉麵 - 蕃茄湯底有咩特別，只係多左D蕃茄，牛肉個樣同紅燒牛肉冇分別，但朋友話牛肉韌到咬唔開，最後放棄左冇食晒D牛肉。紅燒牛腩配黃金地瓜飯 - 紅燒牛腩其實唔錯，可惜飯的味道一般，最主要係地瓜唔香。鹽酥小拼盤(逢甲鹽酥雞、黃金梅子脆薯和酥炸花枝丸) - 分量有點尷尬，雖然鹽酥雞分量唔算少，但花枝丸得兩粒，梅子脆薯又有三舊，其實都比較難分，不過可能咁擺法好睇D啦。味道則鹽酥雞最普通，比較多炸粉；花枝丸好少少，味道正常；梅子脆薯相比下味道最好，配上梅子粉酸酸甜甜夠開胃。整體而言，食物質素都唔錯，價錢同分量都合理，同朋友來食都係好選擇。

啱去完台灣翻香港，意猶未盡，去了尖東ge延續台灣風!!傍晚時間6點幾黎到已經見到有條短短ge人龍,排咗一陣,終於入得去啦~~坐底之後即刻叫野食!餓死了!主廚私房牛肉麵($70)上面有大大塊ge牛筋,牛腩,金錢展,都系整得好入味,牛筋彈牙,牛腩崧化入味,金錢展都係,鹵水濃,有牛味.麵ge湯好香濃,麵條ge份量都足夠,大大碗麻辣大塊牛肉麵($64)呢個牛肉麵推薦!!個人十分喜愛辣,麻辣ge牛肉真係好正,仲要每一舊牛肉都厚厚肉,又炆得入味,夠曬淋!鹽酥雞香腸($40)和芝士鹽酥雞($40)鹽酥雞同台灣香腸ge拼盤,鹽酥雞炸得酥脆,香味撲鼻,熱辣辣,芝士鹽酥雞更加系邪惡ge化身,淋上滿滿ge芝士汁!好邪惡啊~~台灣香腸令我諗起系台灣夜市ge味道!好地道ge味道啊麻辣牛肚絲($36)和麻辣豬爽耳($36)牛肚絲香辣濃味,上面有d蔥花同芝麻粒,更加香~食落有咬口.我個人認為呢度豬耳比出面食到ge好食d,因為軟身dd,我好怕食出面果d好硬ge豬耳,好似食梗膠咁.呢度ge唔錯.肉燥小茄子($30)和小碗滷肉飯（$30）小茄子唔會好油,肉燥好味.因為想試埋滷肉飯,特登叫了,呢個小碗滷肉飯份量啱啱好啊!上

其實唔係第一次食鐵牛喇上次食牛肉麵今次試下佢既台式便當先晏就1點幾到 唔算多人 唔洗等就有得入去坐lu仲有lunch set 但發現其實同主餐牌嗌無咩分別唔係好明個lunch set做咩 加野飲平左幾蚊only嗌左個熱珍珠奶茶(+$8) 同散嗌桂圓紅棗茶($23)普普通通無咩特別媽咪唔想食太多 只係嗌左個花枝丸做小食炸花枝丸($30)上枱個下 下左聲 30蚊得個4粒不過係即炸 仲係熱辣辣不過炸得好油 我覺得點都唔值30蚊囉我就嗌左洛神花甜醋雞(?)便當 配三個小食($58)完全唔知佢係炸雞 但個酸甜醬好開胃 好味三款配菜都okayy唯獨個飯硬到乜咁 完全食唔落下次都係食番牛肉麵算

同阿囡去完科學館，等埋老公收工，就嚟咗鐵牛開餐。七點幾去到，已經全場滿座，非常熱鬧。好在等左一陣就有位，不過座位之間真係幾迫，冇計啦，尖沙咀呢啲遊客區，寸金尺土。侍應帶我地埋位嘅時候放低左一張點餐紙，剔好之後就自己拎去櫃位落單俾錢，跟住就可以坐定定等人送食物黎。最先嚟嘅係兩杯飲品。蜂蜜綠茶加珍珠幾好味，凍冰冰，唔會太甜，珍珠份量都唔少，口感QQ的！胚芽奶茶味道唔算好香濃，不過胚芽份量真係好多，飲到尾都仲有之後招牌紅燒牛肉麵就到左：牛肉湯湯頭味道濃郁，不過無乜藥材味。牛肉煮得好軟腍，阿囡猛咁話好好食！麵條份量多，不過煮得稍為淋左少少，阿囡鐘意食，老公就嫌唔夠嚼勁。（可憐的牛肉麵，順得哥情失嫂意）新竹米粉非常幼滑，撈埋肉燥一齊好好食鹽酥雞香脆可口，一啖一粒，好快就清晒成碟。之後我哋嗌嘅小食都到咗。小香腸蒜味突出，烤香咗之後切薄片上枱，一啖一片，正過去夜市！鹽酥小拼盤一點有三樣野，啱晒有選擇困難症嘅人炸花枝丸冇乜特別。中間嘅炸番薯好好味，外脆內軟，加上面頭嘅調味粉一齊食，酸酸甜甜呢度啲台灣嘢食都整得唔錯，而且價錢好抵食，絕對係尖沙咀平靚正之選

之前跟同學食過呢間幾次，好愛呢度既牛肉麵❤️無論午市或晚市，餐廳都好多人等位，可見其受歡迎程度😙今次終於帶埋男友黎食，可以食多d野😝逢甲鹽酥雞$36好好食😳炸皮薄脆鬆化，雞粒好嫩滑！加左椒鹽，好惹味！😋醬汁係微辣既茄汁，更加開胃👍🏻紫蘇葉是店家自己炸的，盡見心思👍🏻👍🏻招牌紅燒牛肉麵$68係每次必叫！湯底好香甜，唔會太濃/太鹹。牛肉充滿層次，好淋又易咬，唔會痴牙！麵條有咬口。食左咁多次都係咁高質❤️小碗滷肉飯$30滷水腩肉配上菜甫，滷水汁香甜，拌飯一流👍🏻飯粒是珍珠米👍🏻芋香珍珠奶茶（+$12）珍珠好重黑糖味👍🏻奶茶香滑，飲落好舒服😙總結覺得餐廳質素穩定，價格合理，難怪係附近上班族的至愛👍🏻💪🏻

今日同朋友去行街，買咗好多野，行到食晚飯嘅時候就諗緊尖東附近有冇啲嘢食平平哋，朋友就話平時食開一間台灣嘢食幾好味，咁我就跟佢去試啦！一打開個餐牌，發現都有幾多選擇，除咗有台灣出名嘅牛肉麵之外，仲有滷肉飯啊，或者係一啲小食。咁我同同行嘅朋友就各自嗌左一碗牛筋腩麵，我朋友就帶咗一碗麻辣排骨麵。然後我地再有嗌一啲小食同飲品，小食有涼拌黃瓜同芝士鹽酥雞。飲品就嗌咗兩杯梳打，一杯係蜂蜜柚子味，另一杯就水蜜桃味。先講牛筋腩麵，牛腩同牛筋都都好入味，而且好夠「林」，只不過係個湯底味道我覺得可以再濃番啲，麵質方便，略嫌有啲「林」，可以再彈牙返少少，但以呢個價錢同份量黎講，絕對係抵食。至於朋友嘅麻辣排骨麵，我試咗一啖湯底，略嫌麻辣味偏重，有少少蓋過咗本身湯底嘅味道。排骨方便，炸出嚟都有肉汁，唔太乾。到小食喇～咁兩款小食入面呢黃瓜係比較出色！唔好見佢上面鋪住啲辣椒，其實佢一啲都唔辣！個口感食落去都好清甜同埋好爽口，同埋比起平時食嘅青瓜係淋少少嘅，我哋總共encore咗兩碟添！至於芝士鹽酥雞，佢上面鋪滿左厚厚嘅芝士，每一粒鹽酥雞都係大大件，但係呢食落呢就有點失色！因為鹽酥雞炸得唔夠香硊，雖然芝士味濃，但亦都

今日睇五月天演唱會之前 就黎呢度食個dinner 大約6點9到已經有人係門口排隊等位 由於我地已經齊人得我同我個friend 等左一陣就已經可以入***我地兩個人叫左兩個main兩個小食同兩杯野飲 朋友之前食過紅燒牛腩配黃金地瓜飯 覺得幾好 於是今次我就叫番個 個碗牛腩真係好足料有兩三舊到 肉質仲要軟腍唔韌 非常入味 至於個地瓜飯係見到有一粒粒嘅地瓜 感覺好健康 另外我個朋友今次就叫左個鮮蕃茄鹽酥雞麵 佢地個鹽酥雞外脆內軟 若個湯底可以再濃郁少少就perfect啦***真心要推薦木魚炸豆腐 雖然得兩小件 但非常好味 個皮炸得好香脆 豆腐細滑 我同我個friend都愛上左😍至於個肉燥拌青菜 我可能食得比較清淡 覺得濃味左少少 ***整體黎講 覺得性價比高 以咁嘅價錢食到咁嘅質素真係算唔錯 下次有機會要再試試佢地嘅牛肉麵

今日要去紅磡睇五月天演唱會!!!行左去尖東附近睇下有冇台灣嘢食，跟住行行下見到呢間係地下既台灣餐廳，就入去睇下~~呢間鐵牛好識做生意 成場都係播緊五月天既歌，同場仲有好多著住黑tee既同道人， 正呀!跟餐加16蚊叫左特飲~珍珠朱古力好滑，啲珍珠多到食唔哂。水蜜桃蘇打就好甜，入面仲有生果添食台灣嘢點可以唔食鹽酥雞叫左個鹽酥小拼盤，入面有花枝丸、雞同脆薯(番薯)，本來以為係薯條...有啲可惜，成個拼盤不過不失喇另外旁邊個夜市小香腸就好好味喇跟住就黎到主菜我叫左個豬軟骨肉燥伴麵，好入味啲骨大部分都煮到好淋，係有一兩舊咬唔到我男友就叫左招牌牛肉麵，我試左少少，啲牛肉個部位好好，筋肉好平均，口感一流個湯就好正宗，有去左台灣既感覺食到七點幾，我地同好多五迷就出發去紅館

這裡主打台灣美食, 牛肉麵、台灣小菜、飲品等, 樣樣都有! 食物的整體質素高, 價錢又親民, 服務態度又好好, 堅抵食, 是尖沙咀平食之選~這裡是半自助式的，意思是店員會遞上餐牌和點菜紙, 然後自己在點菜紙tick上想要的食物，然後到收銀處落單及付款。食物由點單到送上枱的時間非常快，付款後大概等了五分鐘，食物便陸陸續續送上來。鮮蕃茄牛筋腩麵的蕃茄湯底味道香濃, 牛筋和麵條的份量都好多, 幾大碗, 麵條好像食極也食不完。肉燥小茄子的茄子煎至茄子皮微焦。小茄子帶醬油的味道，濃郁兼惹味。

這天晚上約了朋友到尖沙咀吃晚餐，我們選擇吃台灣菜，最後選定位於希爾頓大廈地庫的「鐵牛」。尖東站出站後只需走幾分鐘，地點頗就腳。店面以黑白色為主，高檔又華麗，光線充足：負責接待的店員親切友善、笑容可掬，他迅速為我們安排座位。店內人頭湧湧，看來這店很受歡迎。旁邊的窗能看到外面行人的腳，感覺很新穎：有時覺得自己是水族箱裡的魚，有時又覺得外面的人才是，有種朦朦朧朧的感覺。餐單以黑色為主，上面有各種食物的圖片，是一本硬皮書的樣子，其中一頁好像解釋了以「鐵」字命名的由來：實際點餐要用點餐紙，黑白印刷，一目了然：店員非常幽默，全程充滿笑容，又給了我們很多有用的意見，例如建議我們點鹽酥小拼盤，一次過品嚐花枝丸、鹽酥雞和梅子脆薯，既能夠試多些不同的食物，又不會太飽，更重要是能省下不少！這位店員看來非常受歡迎，我們見到他和其他食客都是有講有笑的。不一會兒，飲品送到：左邊的是凍蜂蜜柚子梳打，跟餐點只需＄16，蜜糖味和柚子味混合得剛剛好，兩者同樣突出，甜度對我們來說剛剛好。右邊的是凍胚芽奶茶，跟餐點的話也是＄16。最喜歡胚芽的味道，飲用前先把整杯飲品攪勻，這樣的話每一口都能喝到胚芽。奶茶茶味不算太重，既能滿足

忙完一輪，終於搞掂哂所有功課考試，就去尖沙咀搵食，呢個台式餐廳位於商場地庫，由於係平日同下午茶時間，所以唔洗排隊等位。下午茶套餐的選擇頗多，可選一款飯或麵，再配三款小食，而且仲包飲品。我揀咗肉燥湯麵配木魚炸豆腐、豬爽耳和夜市小香腸，飲品方面，則選擇了凍檸檬紅茶。落單後，唔洗等好耐，好快就送上食物。麵條很有彈性，不錯三款小食中，最鍾意夜市小香腸，腸好實，燒得好香好好味三十零蚊就食到一個豐富美味的下午茶，絕對超值！

想試鐵牛好耐，上次經過太多人等位所以無試。所以今日6:30p.m.去拎位，不用等位直接可入坐。這間舖需自行寫落餐單紙上，再去前台付款才會有食物送到。今日叫了一份酥炸花枝丸、1碗紅燒牛筋腩麵及1份奮起湖燒雞腿排乾拌麵。酥炸花枝丸是即炸熱辣辣,配辣粉食更惹味，份量略為少，只得4粒。奮起湖燒雞腿排乾拌麵賣想不錯，份量都幾多下。拌麵配了肉碎、生蔥、熟蔥、芽菜、青瓜及生菜少許,拌麵食落口感豐富清新，容易入口。燒雞腿排切有6塊，幾大塊，雞腿肉肉汁豐滿，醬汁味道不錯。紅燒牛筋腩麵份量都幾大碗下，湯底有中藥味道，麵質彈牙。牛腩不會黐牙，煮得夠淋。牛筋口感都不錯。值得一食！

朋友話想食台灣牛肉麵，於是上網穩，見到呢間好似好正宗，就淰住試下啦。一去到，間鋪都幾大間，所以好多位。我地叫左個招牌牛肉麵，胚芽奶茶，小食拼盤，排骨肉燥乾拌麵。牛肉麵最先到，一飲個湯，好正，同台灣食噶味道好似。牛肉都好正，筋肉分佈均勻，牛肉一d都唔鞋，而且非常入味。麵條偏硬，但都有咬口。朋友噶胚芽奶茶，區話好好飲。呢個小食拼盤有d失望，炸雞無麼味道，不過雞肉尚算嫩，唔乾。番薯好大舊，不過無麼味道，配噶粉勁酸，完全唔夾。花枝丸不過不失啦。呢個排骨肉燥乾拌麵，同牛肉麵比較，差別好大。麵底好硬，而且個湯淡而無味，排骨d粉太厚，而且炸得好乾，肉太實。總結而言，只有招牌牛肉麵係掂噶，真心推介，但其他食物質素同味道真係有好大進步空間。

今日突然好想食台灣野，個腦只出了鐵牛，好耐之前已吃過鐵牛，他們的＂牛＂真的做得不錯，咁耐冇去，水準依舊冇令我失望😆👍🏻小碗滷肉飯 - 滷肉一點也不肥膩，滷味十足和菜蒲一起吃囗感爽脆，真的有台灣風味👍🏻小碗麻辣擔擔麵 - 只有很小很小的辣，反而麻味夠很香，麵質彈牙有進步，沒有一嚿嚿了👌🏻牛三寶拼盤 - 牛三寶拼盤（大塊金錢𦟌，秘制牛腩，香滑牛筋) - 金錢𦟌，牛腩，牛筋都㦖得非常腍滑，入口柔軟特別是牛筋會黏著的很膠口，牛味濃郁入味。放在底下的菜也會吃光，吸曬牛腩汁的精華，冇得輸鹽酥雞拼夜市小香腸 - 鹽酥雞炸得很香口，但肉質較嚡，香腸肉質結實鮮味，好食到停唔到口😜魚酥皮蛋豆腐 - 豆腐嫰腍配上醬汁一起吃味道剛好，加上蔥花木魚絲很香口。焦糖珍珠奶茶 - 焦糖奶茶香滑，珍珠彈牙很QQ荔枝Q果蘇打 - 大大杯，蘇打夠汽，荔枝味清香很抵飲👍🏻