鐵牛台灣牛肉麵 (希爾頓大廈)

营业中

休息中

聽過 尼間牛肉麵好耐💪🏻💪🏻💪🏻終於有時間試下星期六 下午 都有8成滿座這裡是自助落單劃完食咩 就去收銀俾錢啦～蕃茄雞腿麵 $68蕃茄湯底 本來都怕個味好假幸好 原來都係有新鮮蕃茄 酸酸甜甜 都幾開胃麵既份量都算多雞腿味道就偏咸 可能想配合蕃茄湯不過 好似煮耐左 招牌牛肉麵 $58招牌 當然要試一試牛肉好冧 不太用力都可以咬下去應該用了配料 燉了很久麵條方面 又真係是做得蠻出色 最後提提大家突然會冇麵食 只有便當可能想食麵 都要靠運😏

朋友話哩間嘅牛肉麵好好食 要帶我來試下 咁我哩個吃貨當然話好啦😊😀睇哂所有餐牌 我決定點了這個麵佢叫紅燒牛筋腩麵 湯底濃郁還帶有藥材味但欠缺牛肉味 藥材味蓋過牛肉味😥 噢 我試了第一啖已經唔太鐘意 如果唔係有藥材味 我諗我會接受 哈哈😅 肉質還不錯啦 煮得幾好 唔會過韌 一碗麵有三條牛腩三條牛筋 分配平均 至於牛筋 煮🉐️好淋 我幾鐘意哩種淋度喎 又入味😊 麵質正常 無咩特別 至於珍珠奶茶 配餐加$16 我覺得真係好貴😱我又會諗 加咁多錢一定係好好飲架喇 點知sorry 我真係唔覺得好好飲 我只可以話係滑 但飲唔到茶嘅味道 重點 我飲左幾啖先吸到啲珍珠 係咪可以加多幾粒比我呢 整體嚟講 真係覺得一般 唔係真係咁好食咋喎

鐡牛台灣牛肉麵位於尖沙咀旺角最近都開左分店由台灣班底主理黎到梗係要食番碗招牌紅燒牛肉麵食台灣牛肉麵 湯底麵質牛肉三者都好重要依度嘅紅燒湯底都ok湯底帶少少藥材同牛肉味牛肉肉質夠"林"麵條係幼麵款 有D似車仔麵嘅油麵個人覺得台灣牛肉麵要配粗闊麵條更好味另外仲叫左蕃茄湯底嘅豬軟骨麵蕃茄湯底唔算好濃豬軟骨唔係日式個D咁"林"似煲完湯D豬骨多D所以依碗味道整體麻麻小食嘅鹽酥小拼盤有鹽酥雞丶脆薯同花枝丸三款都好好味即叫即炸 熱騰騰特別一提嘅脆薯好香薯味配有梅粉點 非常讚啊酸酸地中和膩感 令人愈食愈想食珍珠奶茶ok 唔算太甜環境氣氛： ★★★☆☆食物質素： ★★★★☆服務態度： ★★★☆☆

今晚，同木先生去咗尖東食晚飯，突然想起之前朋友介紹台式牛肉面嘅鐵牛。好好彩，不用等位，我哋點了一碗招牌紅燒牛肉麵同一碗排骨肉燥面。紅燒牛肉麵味道不錯，但味精幾重，食完很口渴。排骨面都OK，排骨炸得幾香脆。

1）牛肉面好食，飲晒D湯都唔口渴，冇味精。牛肉肉質淋，只係面量較少，男士唔夠食2）排骨滷肉飯: 排骨炸得香脆，滷肉味道較淡3）豬軟骨肉燥新竹米粉: 肉淋而味道清淡可口4) 鹽酥雞香脆，但台灣的好食D5）肉燥時菜：味道濃而不過咸6）珍珠奶茶香濃可口如果有肉燥飯會更好

直到今日為止，我已經試食過十多間台灣菜食店，如果計算街頭的台灣小食店在內的話，不少香港有名的台灣菜餐廳我都見識過，由大名鼎鼎的「阿X來了」，到大角咀默默耕耘的「X林棧」，還有在旺角食肆林立下，仍能吸引一眾食客目光的「老X」。今日在開飯網「最佳食店選舉」的引導之下，我又找到多一個有名的台灣菜餐廳，它的名字叫做「鐵牛台灣牛肉麵」。從開飯網的資料中微知，「鐵牛台灣牛肉麵」不止有尖沙咀東分店，現在在旺角中心也開設了一間分店。不過，既然開飯網的最佳食店選舉選中了「鐵牛台灣牛肉麵」的尖沙咀分店當候選食店，而不是旺角分店。我也唯有另外花多點時間，搭港鐵到尖東，拜訪近期崛起成名的「鐵牛台灣牛肉麵」。和大角咀「X林棧」一樣，「鐵牛台灣牛肉麵」除了招牌的牛肉麵外，亦有強調同時提供牛筋、牛、牛腩的「主廚私房牛肉麵」。自從五年前跟阿媽，阿姨去台北旅行，在一間伊斯蘭清真牛肉麵店試食第一碗台灣牛肉麵，自此我食過不同的台灣牛肉麵。之後我患上大病入院，曾經戒了差不多兩年牛肉，直到兩年前才開始破戒。我吃回曾經很喜愛，回味無窮的台灣牛肉麵，地點正正就是就是在大角咀「X林棧」。但正是因為曾經短期戒食牛肉，期間我的喜好開始

出開尖沙咀，突然想食台灣麵，重拾一下上月到台灣用餐的味道。搜羅下發現這間評價不俗的台灣麵食，便來食個早的晚餐。進店時，店員頗有禮地為我帶位。六點三左右到，人不太多，坐下十五分鐘左右已愈來愈多人，差不多半場滿了。到七點半走的時候已接近全場滿座。店內裝橫頗有格調，餐桌地板以木為主調，店的兩邊設有黑色皮梳化坐位。因為得兩個人，所以被安排坐單邊梳化的坐位撘枱坐。這裏的點餐程序係先自行在點餐紙點菜，再帶點餐紙到收銀處付款，之後返回坐位等店員送餐。店員送齊餐後會收回單據。我們一行兩人，點了兩碗麵和兩杯飲品。麵的質地彈牙，不會過稔。招牌牛肉，夾落好似好實，但咬落軟稔，不錯。牛筋軟滑，牛腩則不夠鬆化，但兩者味道皆不俗。湯底尚算濃郁。兩碗牛肉麵的湯底應該一樣，麻辣那碗應該係喺原味湯底加上辣調味而已。飲品普普通通，冇乜特別，唯感覺清潤。如想飲熱水可以向店員索取。整體來講，性價比尚可接受。見鄰座點的便當、撈麵和小食物，賣相都幾好，可再來試試其他菜式的食店。

香港人不嬲中意食台灣野！最近好多朋友講呢間鐵牛，就試下！8點幾嚟到，兩個人唔洗等位，一入去就俾個menu你，叫你點好就去俾錢，之後就有人送上！睇menu野食價錢同小王差唔多，野食種類就好似少啲啲！我叫左夜市小香腸伴面，加荔枝q果soda！朋友叫左招牌牛肉面加葡萄soda！叫飯/面，加16蚊就有特飲！等左一陣就嚟，佢啲面好彈，真係好彈，好似台灣嗰隻“呀舍“咁，好正！香腸就一般！牛肉面好勁藥材味，個湯同牛肉都好大陣味，幾特別！冬天食啱曬！至於野飲，soda水我覺得太勁，勁到其實兩杯都無咩味，只有soda味，你合埋眼係分唔到邊杯係荔枝，邊杯係葡萄！

今日去依間嘢度食晚飯，見間舖個樣都唔錯，諗住冇死la。入到去坐低，見到d 伙記奇奇怪怪咁，問佢嘢又唔願搭都算，到佢送餐黎嗰下真係吹脹，個餐盤放左一半喺檯面一半就凌空，跟住就走左去，送第二個餐黎嗰陣又係咁點呀依家，不如我自己攞la,駛鬼你送過黎咩。最後發現佢地幾乎對枱枱客都係咁，有個客移開咗個位俾佢放個餐，佢就就咁放個餐喺個客隔離嗰張檯跟手就走，仲要一路行一路講粗口鬧個客，話人地唔知係咪啞嘅大佬呀，我黎食嘢仲要俾你鬧，你係咪傻㗎，以後都唔會幫襯依間所謂嘅台灣嘢

成日見到爆哂棚諗住好好食啦，點知其實記真係麻麻😂番茄牛肉麵湯底話濃濃唔過勝香園話淡又唔係鮮茄個種茄湯味佢又岩岩好係正中間，可能有人中意呢種既，但我就覺得媽媽day😂個肉的味道...真係好似港式牛腩既味🙈笑左排骨乾拌麵一個字可以形容：油🤣真係麵又油，肉又油🤣嚇死寶寶啦🙄麵油得黎無咩味先好野，定係我平時食得太重口味😂排骨皮肉分離分得清清楚楚，分哂手咁😂仲要油得黎無味嘛😭芝士鹽酥雞可能真係我太重口味，佢真係無咩名，用既芝士仲係我最唔中意既芝士醬，無味得黎唔夾阿，個雞係脆既但因為個醬唔好味，浪費左隻雞雞😢整體黎講...係我太重口味？叫錯野食？定真係唔好食😂? 傻傻分不清

第2次黎 因為覺得好味所以再黎 叫左招聘牛肉麵 還可以呀 可能本人比較喜歡食飯 覺得魯肉飯好味d 小食拼盤都很好別 人不是太多 只能點左幾款 這間很多人排隊 不過可能我地早去 還不是很多人

來到見到門外頗長的人龍，嚇了一跳，以為有排等。原來是排隊落單付費。雖然不用等位，但搭枱在所難免。被帶到座位，店員放下餐牌和落單紙。五六十元的午餐，有飯有麵，加幾元配飲品。三個人，兩個午餐，留點胃納點幾款小食。逢甲鹽酥雞滷肉便當便當跟三個配菜，有爽脆厚身的木耳、菜和菜圃加半隻滷蛋，有清新，有惹味，配搭平衡。鹽酥雞炸得很脆，雞肉不嚡，調味不過份，不會太重味，吃罷也沒有味精後遺症 － 口乾。滷肉飯汁可以更多。清楚見到幾層的滷肉，香而不膩，亦不會過鹹。飯粒大粒圓潤，的確如餐牌所說，採用台灣一等好米，可是偏濕偏腍，少些水相信會幾彈牙。鮮蕃茄牛筋腩湯麵以午餐而言，兩款都份量十足，絕對夠飽。湯底一遍通紅，內有兩件一開四的新鮮連皮蕃茄肉。不稀不淡，但不是鮮蕃茄蓉的味，有點似茄汁，又或者是下得太多糖。牛筋有兩件，炆得夠腍，但沒有期待的黏。這塊肉很腍，牛肉味清香，可是另一塊則少少嚡，咀嚼成一團韌韌的。湯的表面有一層油，幸好麵沒變得油膩，滑溜溜的，都幾彈牙，似坊間所謂的手作麵的口感。麵被湯染上淺紅，是茄膏的效果嗎？整體來說，最喜歡麵質，湯底和牛筋腩不過不失。肉燥拌青菜菜大塊大塊的，光澤十足，入口滑溜溜，當然

中午到這裡試一試台灣麵食， 點了個沙茶貢丸米粉及排骨肉澡撈麵，一柸熱飲及炸署、這裡是先付款的,熱飲很快到，但漏了加椰果、沙茶米粉完全跟台灣不一樣,撈麵太咸.排骨炸得太過火.對整體食物太失望，不感到用心制作食物

一個好寒冷既晚上去到尖東想搵D唔太貴既野食 香港食野真係愈黎愈貴啦去到尖東見到間鐵牛就入咗去拎飛啦 係食台灣麵既等咗廿分鐘 都幾多人等 入到位 要自己寫飛仔之後出去排隊比錢 D野食就會自動送上黎我點咗個牛肉麵食都幾入味 麵質都唔 牛肉入味 湯都濃味 好好飲 整體感覺良好我仲叫咗杯奶茶飲胚芽奶茶 好好飲有奶味仲叫咗個小食食 都好好食呀 炸得好好味 鹽酥野真係冇得輸總體黎講 牛都算係間幾好食既台灣麵 我地成八點幾九點先去到 都仲咁多人等位都食到間野差唔多閂咁滯

招牌牛肉麵 ：普普通通 梅粉薯條：食落好奇怪 肉燥茄子：只係油炸加肉燥皮蛋豆腐：醬汁偏咸 同皮蛋完全無味珍珠奶茶：完全不合水準 整體：坐位多不用等位太耐 ，位與位有點迫，上菜時間快，港式牛肉麵及小食（註：受不起味精者 勿試）