鐵牛台灣牛肉麵 (希爾頓大廈)

营业中

休息中

好多朋友都同我講係香港千奇千奇唔好隨便食牛肉麵。因為真係好多間好銀難食咁話wo...但今日呢間真係唔係平時果D質素架，所以個標題我都叫做最強之老牛！第一時間係咪應該叫返個牛肉麵先，我比較喜歡食筋腩。呢碗麻辣牛筋腩麵就最岩我。$64，價性比高，大大碗，我一個女仔人家根本食唔完。牛筋好軟，仲煮得好入味。辣味同酸菜完美咁溶入係湯中，一個字，好正!男朋友就叫左個小碗滷肉飯。係驚喜價$30... 你以為佢細細碗但實情飯既量都多。如果你係想節食既都係唔好叫，因為肉肥美，入口香甜回甘。食完仲心思思想叫多碗。 (不過無奈叫左好多小食呀!)男朋友見成日都無大便去，當然要叫返個菜食下。蔥油淋青菜真會油小小，不過菜新鮮色澤又青，仲要只係$26，真係要大大力推薦。食食下緊係要飲返杯野，你以為我會叫奶茶嗎? NONONO....我叫左杯桂花梅汁，$22。同一杯香濃朱古力，$21。 價錢方面出面是旦搵間TW野飲店都貴過佢啦!桂花酸酸甜甜，朱古力滑漏而不膩。佢地既飲品突破左以往想像中TW既死甜之伏，正呀!其實呢間老牛最大既優點都係抵食又大件，食物飲品質素好之餘仲係咁既價位。小妹我非常佩服呀

今日一定要準時放工,因為放完要去尖東科學館附近聽產前講座尖東係一個我個人幾鐘意既地方, 食野選擇多, 價錢而且一般比較平,食物質素又好,性價比高放工前,已經揀好要食鐵牛呢間餐廳, 因為之前食過佢既紅燒牛肉面, 絕對令人一試難忘呀!所以一坐低,已經嗌左紅燒牛肉面, 老婆就嗌左鹽酥雞面張相係從老婆果邊影, 所以最近果碗面係鹽酥雞面, 最遠處自然就係招牌紅燒牛肉面啦我個人鐘意係食面前, 先飲一啖湯,試下個湯底如何, 因為....湯底絕對會係一碗面既靈魂所在一飲....正呀!!! 保持到水準, 依然係咁濃郁既牛肉味, 唔係果D 味精湯底可以比較既咁飲完啖湯,梗係要食主食啦, 就係牛同面啦~牛肉十分有口感, 唔會太韌, 以呢個價錢,絕對係好食+抵食呀!面條唔會太硬, 因為我個人都係鐘意軟身少少, 佢地款面就岩我啦, 偏向軟少少~如果大家行開尖東, 建議大家可以試下鐵牛, 絕對係抵食,好食, 冇得彈呀!

台灣這個地方一直是我最愛的旅遊地點之一，物價平又多美食，叫人樂連忘返。這間「鐵牛台灣牛肉麵」位於尖東的中心位置，以台灣菜作賣點，價錢同樣不貴，所以就成了我們這晚晚餐的選擇。更氣炎熱，我們先點了蜜桃茶和特濃朱古力作餐飲。起初喝起蜜桃茶時感到桃味欠奉，有點失望,後來我們將飲品攪拌一下，才發覺是因為未完全拌好底部的蜜桃配料所致。甜甜的蜜桃香味，加上杯底一些椰果，解辣一流。作為一個朱古力控，對特濃朱古力當然抱很大的期望！而鐵牛的特濃朱古力味道也很香濃，唯一是較為偏生了一點，而冰的溶化也沖淡了朱古力味，有點可惜。說道現在台灣出名的食物，可也說非雞排莫屬，所以這次我們點了一道雞排乾拌面嘗嘗。鐵牛奉上的乾面，還有一碗清湯，食客如果覺得麵條太乾，可以沾一下湯，令麵條濕潤。這樣麵條不會太乾，在吸收小量水份後仍然保持彈牙的口感。乾麵上還有魯肉作伴，增添一份台灣味。配料的雞排肉質滑身，醬汁更是我最愛的味道，味道濃郁帶有甜味，而且非常惹味，令雞排的味道更加出色。蔥燒豬軟骨肉燥麵的豬軟骨因炆煮時間不足，令軟骨有點硬，較難咬開，而且份量不算多。不過豬軟骨本來的調味不錯，可以下次再試試水準。同時麵條彈牙，麵湯調味得

Dinner 去經過見到個唔起眼既招牌，「台灣牛肉麵」，諗住試下都好，入到去間餐廳都頗暗，我同人點左招牌紅燒牛肉麵，麻辣牛根腩麵同兩杯珍珠奶茶。麻辣牛根腩麵湯底好濃，唔算好麻辣，幾惹味，只係越食越咸，招牌紅燒牛肉麵會好味D, 因麻辣略嫌蓋過牛肉湯汁既味道，至於珍珠奶茶好飲，茶味夠最欣賞係D牛肉係好大舊埋單$80蚊，一個晚餐黎講價錢ok la, 如果叫埋小食就每人一舊倒

今天同朋友，去完科學館玩心想去吃午餐，便決定去看看這間地盧餐廳，鐵牛。牛肉麵啦呢間餐廳，真的有點似台灣夜市每次我經過呢間餐廳，都覺得可愛， 究竟入口處在那裡呢？ 嘻嘻～今天終於有機會嘗試啦，叫了3款食物出名既牛肉麵，鹽酥雞包括滷肉飯，台灣香腸仔去到台灣 funion 餐廳 feel... 當然要加杯台式奶茶啦呢3樣野食，講真都好好味但是牛肉麵的湯底，就平平無奇，有點失望鹽酥雞，脆就夠脆，還有台灣味道的風味添，又唔肥，唔油，很好。只是肉質唔夠多汁，唔夠 juice,又是另一失望的。但服務員的態度就不過不失，原因是，有個抱住BB的爸爸，撞跌左個盤和筷子，職員竟然只是袖手旁觀，不理不睬，不幫忙收拾東西，要人家爸爸放下BB，去自己執回，這點咪要扣分啦！希望下次再有咁既事情發生，職員可以幫幫忙啦！ 我同朋友看了，也呆了！ 一個餐廳會有這事情發生嗎？你們不是茶餐廳，大排檔喎，希望你們會改善的！

心血來潮想吃台灣牛肉麵，做足資料搜集，發現其實香港的台灣牛肉麵並不太多，評語好的更少，其中我對鐵牛最有興趣，選擇既多價錢亦相宜，分店位置方便。這天碰巧男友在尖沙咀漢口道剪髮，小妹放工就立即藉口趕到髮形屋找他，孖住去尖沙咀鐵牛食台灣牛肉麵。晚上8時多的店內坐無虛席，踏進門口店員便立即為我們安排了座位，並獲發了點餐紙。由於一早決定好吃什麼，我們9秒9便填好了餐紙，到收銀處下單及付款。我兩分別點了一客紅燒牛筋腩麵及一客主廚私房牛肉麵，麵條是幼麵，可轉成粉絲，但沒有粗麵可選。之後我們又點了肉燥茄子、鹽酥小拼盤、冬瓜茶、桂花梅汁，人均一百元左右。重頭戲到了，紅燒牛筋腩麵同主廚私房牛肉麵的分別在於主廚私房多了金錢展~~件數兩碗是一樣的喔! 呷一口湯底，很開胃惹味，但我是吃不出有沒有牛味啦，藥材味只是淡淡的，很合我口味，但感覺若加上一點辣會更惹味。麵底看起來很像日式拉麵，吃下去都很像XD 但是不錯好吃的啦。碗內亦有不少伴菜，包括生菜、酸菜、蔥粒等。酸菜酸味欠奉但爽口非常。牛筋牛腩均炆我十分鬆軟，尢其喜歡牛筋，琳得像放了一條膠原入口。鹽酥小拼盤及肉燥茄子未見驚喜，炸番薯口感較實不太甜，需點上梅子粉吃才

呢間台式餐廳食物選擇多，地方闊落，星期二晚上去，都幾滿座，好在上菜速度特快😯👍🏼私房牛肉麵 $70好大碗，睇落都夠滿足！牛肉同牛筋都比較軟腍，湯底清甜，麵質幾qq, 入味，好好食😋👍🏼蔬菜滷肉飯便當 $52 吾夠多魯肉，成個飯吾夠肥美😣 勝在蔬菜好味又大碟，幾有住家飯既感覺。小香腸 $36 腸仔好juicy ! 皮脆肉肥，吾錯！梅子脆薯 $32 比較特別既炸蕃薯條，微甜，上面既梅子粉用作調味都幾好。蘋果西打 $18 之前係台灣飲過覺得好好飲，今次見到就即叫黎回味一下，桂花冰梅汁 $12 姐係酸梅湯，個人覺得麻麻地🙈冬瓜茶 $12 叫左少甜，夏天飲幾好，有消暑作用。

喺尖東按完摩，見到對面有間台式餐廳好多人排緊隊，唔知係咪有好嘢食，一於八掛入去睇吓有咩咁好食，等左一陣間就到我哋入座啦，呢個炎炎夏日嘅天氣梗係即刻整返支台式啤酒啦，爽丫！連台灣啤酒都有，真係夠晒台式小食方面嗌咗1）麻辣牛肚：識落爽口而帶一點辣，認真好食 2）鹽酥小拼盤：共有3種食材，鹽酥雞、花枝丸、脆薯。食落香口而不油膩。主菜又點，紅燒牛筋面，睇吓啲牛筋幾正，估唔到呢個價錢可以食到個咁好味嘅牛肉麵＄58，價錢好貼地品質又好。依家香港地好難搵到。總括來講你間台式餐廳無論係味道同價錢到非常正，極力推介。

The soup of the Beef noodle is delicious. Also ordered 鹽酥雞台式香腸, just average, could be better. It gets really busy during lunch hours so please avoid. The price is decent about 50-60 a bowl of noodle. For the drinks , maybe cut the sugar as it's too sweet.

點解話性價比高呢?因為整體價錢老實講完全唔貴,因為以地區性黎講 呢個價真係算低...低都唔緊要, 問題係份量都好足, 質素都高, 唔洗太多錢可以食到勁飽!台灣風味重, 所以我印象呢間評分好高下~拌麵係我要推薦既野, 汁係底唔算多撈埋食好好食,注意係落太多味道會好重..小小地咁落~麵係主要好食既位~相對湯麵 我會推薦伴麵~台灣香腸,呢個係好有風味,主要係既香料既香味有台灣風,份量正常, 味道好食菜我覺得反而唔太洗叫, 原因係佢碟碟送都有菜其實...除非真係唔夠食, 如果唔係應該好多菜,,

尖東雖然酒店林立，可是食肆一向不是連鎖快餐店就是茶餐廳。不過近來好像稍稍地冒起了不少餐廳，如富士山55沾麵、Crema、I Cafe等等，而鐵牛也是其中之一，且就在百佳地庫層，佔頗大的舖位，中銀旁走數級下去便能看見。店員會安排座位，平日晚上來基本都能找到位子。坐下後看餐牌自己寫下單紙，再自己到外邊收銀處下單和付款，便能坐回位子等，食物準備好後則由店員上菜。一張紙兩版的下單紙如下： (另有有相片的餐牌供參考)其實第一次吃的時候跟著推介點菜，很好印象，所以都不夠兩個月又再來過。以下會將兩次吃的經歷一次過寫。夏日炎炎，在紅磡火車站尖東橋走過來已經有點流汗，先來兩杯凍飲解解暑吧。不知道為何很多人推介焦糖珍珠奶茶，口味不大特別，不過水準也不錯。焦糖味不重，不過也不會過甜，奶味多於茶味，也是一般台式奶茶的味道。值得一讚是用的珍珠是較小粒，煮得剛好熟透仍有咬口，煙煙韌韌的。點了兩款推介小食，兩款都出奇地好吃。本以為肉燥茄子不會有甚麼特別，想不到也做得頗出色。茄子選用的是長和幼身的品種，相對比較爽脆，也沒有過份煮至太林身。外皮仍然鮮紫色，是有經過稍稍油炸後才能保持不氧化的顏色。肉燥是偏瘦的豬肉碎，加上

呢度通常係要齊人先入得，食飯時間既座位供應好緊張，滷肉加鹽蘇雞既便當配搭好岩我，一口肥美的滷肉配一口乾身既鹽蘇雞，再加上凍珍珠奶茶，一人份量十足。呢度服務幾好，帶位既哥哥仔職員好好人，因為個拿籌機唔起眼，職員主動提我依家有個自助拿籌機。

最近大家情迷新開的度小月 但我和夫君對於開在商場的排隊店沒甚興趣 度小月 還是讓美好記憶停留在台南老店那邊吧好！來試試看鐵牛 又能否讓我們憶台灣店子人流不斷 採用門口自助取票的方式幸好來得快也去得快 不久就有座位了附圖的餐牌 可以先看清楚再填寫紙仔下單花多眼亂 兩主食幾個小食啦選好後 拎去收銀處俾錢就等食啦 唔駛食完慢慢等埋單 而且免收加一 LIKE!!兩杯都係跟餐的 每杯$16百香果QQ冰茶（左）OK 略嫌甜左啲珍珠奶茶（右）不會過甜 小珍珠也Q彈麻辣豬爽耳 $36麻而不辣 豬耳乾淨爽脆 份量多啲就好啦夜市小香腸 $36斜切的小香腸 略帶甜香 感覺置身台灣夜市好芝味芝士鹽酥雞 $40 鹽酥雞控表示興奮 芝士汁恰恰包覆住雞肉味道配合天衣無縫！讚！主廚私房牛肉麵 $70 一般來主食了！湯底略帶藥材香 很吸引但幾款肉都很難嚼 筋肉處理不妥 相形失色紅燒牛肉乾拌麵 $64 OK牛肉入味有嚼勁 （這道是咬得到的）乾拌麵有點像日式沾麵 另附湯汁的但不算偏好 覺得麵條有點太甜（食得太多台南乾麵一類速食咸麵嗎？😂）但牛肉是較主廚麵討喜啦！服務上 應該兼職很多 服務參差 有些很主動貼心 上菜會稍稍擺好

排骨肉燥乾拌麵排骨同拌面係分開上嘅，所以排骨冇受到其他食材嘅影響，而保留原有嘅風味。排骨炸得香脆而又唔太乾，肉質幼嫩。拌面幼長而具彈性，好有咬感。芝士鹽酥雞炸到卜卜脆，肉質鮮嫩。金黃嘅芝士鋪上雞塊上，顯得格外野味同吸引。入口係香脆可口，然後係舌頭嘅椒鹽味，最後係芝士嘅齒夾留香。滷味拼盤有滷水蛋，豬耳仔，豬大腸，每款都各具特色，任君選擇。魚酥皮蛋豆腐豆腐外層煎得微脆，內裏反而好白滑，入口即溶。特製醬汁為豆腐添加上幾分味道，美味可口。

試左紅燒牛肉麵但當日無紅燒湯底，變左清湯，無事先通知客人，送到碗野嚟都無講，要客問。個牛肉係正常既，無咩特別！另外叫左個紅燒牛腩，d 肉個仲嚡過煲湯肉又唔熱，真係做得好差