鐵牛台灣牛肉麵 (希爾頓大廈)

营业中

休息中

同朋友約食飯 我諗最常聽到既就係 近排好窮啊食平啲🤣 所以朋友就揀咗食台灣野~~ Openrice見呢間都幾多好評就決定咗呢間😁但之後發現其實呢間台灣野都唔係特別平😫 呢個鹽酥雞滷肉便當都50幾 唔包野飲仲要其實份量唔多 唔係咁抵食🤔 味道就不過不失咁啦 幾中意啲滷肉 撈飯食真係一流而鹽酥雞唔會話太乾 都過得去朋友就係食呢個拌麵 我覺得食落幾清新(?) 可能係因為啲青瓜絲😂 味道都算ok呢間上菜幾快 值得讚賞不過可能係繁忙時間 啲侍應收盤收得好勤力 係咁睇你食晒未🤭 整體黎講 唔會特登再黎食 有機會可以再食

台式食品一向深受香港人愛戴，雖然近年多被韓國美食搶左風頭，但仍然有不少粉絲。試過位於旺角嘅鐵牛牛肉麵，價格相宜，水準中上，都食過兩次，成為左一個人簡簡單單醫肚嘅食堂。原來尖沙咀亦有其分店，今日就同男朋友再試下其他食物。食過紅燒牛肉麵同蕃茄牛肉麵，兩樣都好味，決定試下其他食物。點左一個燒雞腿扒便當($60)，同鹽酥雞肉燥乾拌麵($60)。食物份量十分多，便當仲包含不同嘅小碟，例如滷水蛋、醃菜等。味道普遍都比較濃味，一如一般嘅台灣食物。鹽酥雞炸得香脆可口，再熱氣都忍唔住要食多幾粒。燒雞扒味道相對失色但以份量取勝。一開始以為小食只係細細碟，叫左一碟牛三寶拼盤($98)同一碟肉燥茄子($36)。牛三寶包括香滑牛筋、秘製牛腩同大塊金錢脈，睇落份量不多，但原來非常足料。全部牛都大大件，煮得十分入味，口感軟嫩。一次過食晒咁多不同部位，比起之前就咁食牛肉麵更多滿足。兩個人食完呢碟小食之後，已經飽左一半。肉燥茄子，切幼嘅茄子煮得剛好，入口軟綿綿。伴上醬汁，配搭少許肉鬆，層次豐富。

行完科學館，近近地搵間餐廳食個晚餐，見呢間個佈局好似唔錯，入去試試。叫咗個紅燒牛筋腩乾拌麵同埋芝士鹽酥雞，飲品就係胚芽珍珠奶茶。紅燒牛筋腩乾拌麵個分量都幾夠，牛筋腩真係超淋同埋好入味，個乾撈嘅湯都好香好夠味，麵索咗湯嘅味，正。芝士鹽酥雞都好大份，芝士味好濃，蓋過鹽酥雞本身嘅味，普普通通，同埋有dd濟，不過個賣相好靚。胚芽珍珠奶茶幾好飲，唔會太甜，第一次食胚芽飲品，原黎都幾得意個wor～如果想試試加埋小食，都係同人share好了，自己一個加小食會太飽，因為佢本身分量都足。

去完科學館，孩兒大呼肚餓，為求以最快速度有嘢食，見到佢嘅poster就嚟試試。行入去時見到其他食客嘅餐都好俊俏，相信唔會差得去邊，而且菜牌上嘅字裏行間都充滿熱誠嘅句子，印象無疑係加分嘅。但事實係。。。1~帶位員臉如死灰，黑面程度非常嚇人，不過話晒新年流流要返工，我相信係唔好受嘅，所以呢part我明嘅~2~收銀員不停講粗口，唔該有客時禮貌少少啦～3~非常奇怪，我哋坐嘅位置不停有規律地飄出陣陣臭味，果陣味道極似一隻好耐無沖涼嘅狗仔味，都幾難頂~但始終搵唔到源頭。正題嚟啦～鹽酥雞麵其實唔錯，味道就完全係豪大大雞排味，麵亦頗為彈牙，湯底就無乜特別~好想食麻辣~就嚟咗一碗小麻辣麵，湯底唔錯，麻與辣都做得ok,但麵就糊成一團，點解要咁做呢？至於牛肉麵，湯底藥材味好得，但牛肉就出咗事，太硬唔鬆軟，失策~

有時同朋友食飯，但又想省下錢唔想食太貴，鐵牛都會係我既其中一個選擇！鐵牛既價錢同普遍市面既台灣麵檔差唔多，都係大約＄50－60蚊左右，而質素都有保證通常我去到都會食逢甲鹽酥雞肉燥麵，另一半會叫紅燒牛肉麵，再叫多杯珍珠奶茶，先睇相！牛肉麵湯底好濃好香，所以牛肉吸完湯汁食落口非常可口，牛肉肉質一d都唔un，只係湯淡番少少會好d但我至愛始終係鹽酥雞，size細細粒，放落口岩岩好，佢炸得唔會太過份，炸粉厚度適中，所以口感好好，雞肉都嫩滑有汁，去親都必食！珍珠奶茶都唔錯，唔會太甜，雖然冇乜特別之處，但去親食台灣麵都覺得要有番杯！

非繁忙時間 入到去無乜人在場d 4人枱都係坐2個人偏偏我地就要迫張2人枱係咪覺得我地食唔起？主餐紅燒牛肉麵 雞扒麵加左梳打粉嘅淋牛肉雞扒ok啦 60蚊個麵唔可以咁高要求小食肉燥茄子雖然個汁好咸但頭幾啖真係好醒胃鹽酥雞香腸 不過不失飲品唔講啦 都係甜水 無乜特別最嬲都係明明咁多位都唔識帶枱最後d野食黎到咪又要搬枱 係咪多舊魚呢？仲有 有2個同事仔係咪發緊夢？碟裡面明明仲有食物我地仲係揸住筷子爬緊麵嘅時候走過黎收野咁得意嘅你

唔太懂評價這裏的牛肉麵正不正宗，其實台灣的牛肉麵林林總總、五花八門、可能這才是令這種美食能百花齊放的原因之一。其實好味就得喇！平心而論試完這店的牛肉麵覺得整體還不錯。牛肉同筋腍滑、麵條不會過軟、湯底有藥材味但不會太濃(其實我喜歡濃些但對於不喜歡的人可能較易接受)另外，還試了鹽酥雞滷肉飯，雞做得脆口的但肉質不是非常嫩滑的那種。試過台灣當地的滷肉飯就入了腦覺得這裏的油味稍為不夠風味。檸檬冬瓜茶就嘗不到冬瓜味。算了，菠蘿包真的要找到菠蘿麼，別吹毛求疵了！整體上不錯的店，又可以回味台灣之美食，吊瘾吖食完又想去台灣了。

之前吃過鐵牛的尖東店，印象不錯，路過美麗華看到開了新店，就試試水準能否保持。新店面積頗大，坐得挺舒服。點餐要自己去櫃枱付款，然後就可以安坐等送餐。熱胚芽珍珠奶茶（$18）的湯匙是鏟子形，十分可愛。糖是自己加，方便調配合適的甜度。紅燒牛筋腩麵（$60）湯底有淡淡藥材味，牛筋腩軟腍，麵條亦彈牙。奮起湖燒雞腿排肉燥米粉（$63）的雞腿肉以偏甜的醬汁調味，感覺有點像日式照燒汁。整體味道ok但牛肉麵更有特色和美味。肉燥小茄子（$36）的茄子本來清淡，澆上香濃的醬油和肉燥，變得十分惹味。鐵牛新店依然價錢合理、保持水準，值得推介。

lunch時間食台灣麵第二次來到尖東鐵牛呢間食台灣牛肉麵下午一點已開始排隊有人龍等大約10分鐘先有位呢間店特別係需要顧客先填寫餐單再自行到收銀處付款先完成下單程序門口放上大型人型牌室內裝飾簡潔為主開放式天花主要用罩燈及射燈作點綴帶點浪漫氣氛餐桌均用櫸木為主鐵牛招牌紅燒牛肉麵$58本店必食招牌麵湯底為啖啖香濃牛肉味加少少酸菜作配菜調味麵底爽口彈牙紅燒牛肉入味口感腍滑真係好正宗既台灣紅燒牛肉麵值得一試!推介!珍珠奶茶跟餐 $8比一般連鎖台式奶茶店好茶味好出 珍珠可口但不喜歡太甜朋友建議下單時要求少甜

夜晚同男友想搵下尖沙咀有無平靚正既餐廳，就搵到呢間台灣野！我揀左鹽酥雞粒肉燥便當$56通常我認為前菜都係一般貨色，但估唔到佢既黃牙白(熱）同茄子（凍）都整得幾好食！ 我仲食多左少少我男友果碟🤣🤣 魯蛋就唔係幾入味而雞粒都可以，椒鹽粉都算適中，唔會太咸。肉燥我就覺得一般，無咩味，可能佢份量少，比啲飯撈淡左🙄🙄我男友叫左排骨肉燥便當 $56我試左一舊豬扒，都幾好食！另外我地都有加飲品，熱珍珠奶茶+熱香芋珍珠奶茶我杯珍珠奶茶除左多左珍珠之外，同普通茶餐廳飲既奶茶差唔多，仲要比包糖你落🤦🏻‍♀️ 珍珠就幾滑同煙煙UnUn，男友果杯香芋好飲好多。加熱飲+$18，埋單$148，都算係咁啦😆今次試左便當先！下次會試牛肉麵！

平時好少左尖東食午餐，都唔知有咩好食，四圍行唔打唔撞去到間好有氣氛，全間店木為主，燈光好暗。我叫了招牌台灣牛肉麵，本身我喜歡台灣麵的湯底，每間廚師手煮法都唔同。所以麵一到就試湯底，唔係我愛的濃藥材味湯底⋯清了點，麵質滿意係彈的，牛肉軟身好味，麵上有滿滿酸菜，整體係吸引好味。

上次同屋企人突然想食台灣野，見呢間鐵牛係Openrice都幾多好評，於是就想試下佢，因為太想念台灣美食～我地都叫佐牛肉麵，同埋鹽酥雞。牛肉麵湯底夠濃，牛肉都好林同入味。鹽酥雞隻味唔錯，又唔會太硬。唯一係有啲貴，唔夠台灣抵。

鐵牛台灣牛肉面🤤🤤招牌紅燒牛肉麵($60)好濃厚既湯底，牛肉炆都好冧，麵都保持到應有既口感，幾彈牙，唯獨是個湯有點過咸。鹽酥雞拼夜市小香腸（$42）雞炸得啱啱好，同台灣食既味道都差不多，粉不太厚，雞肉頂好嫩滑🤤 香腸都好有台灣味道！香香的，帶一點點既甜味🙈仲有台灣啤酒可以飲，環境亦不錯🌝👍🏻仲叫咗燒雞腿扒便當($58)🍱，食太快影唔切🤣燒雞扒燒得好香，同佢既燒汁係咸咸的食落都幾開胃，仲有旁邊好多配菜，同一碗滷肉飯。幾抵食既一個便當🙈

麻辣大塊牛肉麵 $66係香港都食過幾間台灣牛肉麵 雖然唔係間間都劣質 不過總覺得同台灣當地出品相去甚遠 今次呢間鐵牛我覺得係幾好食首先利申我都算個麵系人 食牛肉麵主要睇湯底同麵質 塊牛肉只要唔韌我都收貨 咁呢兩三塊大塊牛肉我覺得算正常 大得黎都算易咬湯底方面 麻辣牛肉湯其實真係唔點辣 根據我食過數次麻辣台灣牛肉麵既經驗佢麻辣既特色就係唔太麻唔太辣 可能唔想辣味搶過果份台灣地道風味 我覺得唔食辣既人都食得到呢碗 味道會濃少少麵方面我雖然鍾意食但又唔算專家 不過我食過啲劣質 有比較之下我都大概知應該要點 牛肉麵用果種係要有啲嚼口 同個湯底配搭起黎係可以食到jap jap聲 呢碗面我覺得達標呢份牛肉麵不錯的說 雖然價錢略貴 不過都不妨一試滷肉香酥排骨便當 $56性價比唔錯!大鄉李第一次食滷肉飯 又幾入味下 飯都唔算好迷你 飯應該係珍珠米 啲汁勉強夠成碗飯呢份便當都幾豐富 跟三個前菜 分別係粟米蘿蔔 滷水蛋 同埋些少菜 當中滷水蛋感覺最台式主餸排骨都大塊 切得比較細方便進食 鹽酥雞我都食唔少 排骨就少啲 個人覺得排骨既骨幾有作用 食落無咁肉感 可能會相對適合對太多肉怕怕既朋友係尖咀食份台式便當

今日一大班人食飯😬選左一間輕食的可以多人座的。上網見到呢間環境幾好，好似幾好坐同食☺️食牛肉麵除了小王，呢度係我第一次來的同台式食店，坐低左之後自己剔嘢食，然後出去外邊俾錢，呢度暫時好似剩係得八達通同現金付費坐到咗之後大約5分鐘到，碗麵就遂一遂一咁樣送上來大大碗滿足新竹米粉唔係度度有，所以我就試吓另外五個人叫咗三個小食包括芝士墨魚丸芝士雞同埋台式冷豆腐芝士墨魚丸好食，彈牙，炸雞一般，豆腐正常。有兩個同事食牛肉麵話炆得冧入味但唔知係咪因為我叫牛筋腩哩，d腩就比較韌但整體都係會再幫襯