鐵牛台灣牛肉麵 (希爾頓大廈)

营业中

休息中

每逢去台北，我都會周圍揾牛肉麵食~因為想食到一碗好味嘅牛肉麵真係好難!要講求湯底，牛肉，麵質，每樣缺一不可~今日lunch食呢間鐵牛台灣牛肉麵，lunch 繁忙時間真係太多人等位了，所以決定買外賣返公司食，佢嘅lunch set 選擇都很多，仲可以加錢配小食，飲品，今次order 左招牌红燒牛肉麵 +凍檸檬红茶 (加$5), 總共$64湯底很濃，但味道有點偏咸，牛肉就做得不錯，好淋身，很入味，而且有3大舊而麵質都ok, 尚算彈牙，但份量比較少，我並唔大食，但食完都唔夠飽，唔滿足! 唯有飲杯檸檬红茶，飲飽d

幾高質既台灣牛肉麵係紅磡PolyU落堂唔想食canteen 可以近近地去尖東 食台灣野～叫左個「招牌紅燒牛肉麵」湯底濃郁 帶少許藥材味 同鮮甜既牛味 牛肉嫩口軟腍 咬落好軟熟！環境好舒服 連等位都有好涼既冷氣 要自己係紙到畫想食啲咩 再比錢 唔知台灣店係咪都鍾意先比錢後用餐？上菜速度仲幾快！不過lunch time都幾多人排隊 好彩鋪頭夠大 想食要早啲去排隊啊！

同事提議去鐵牛食lunch, 見好耐都冇食過台灣野, 一於試下😊星期一到五有午市套餐供應, 供應時間由11:30-14:00, 岩晒我呢啲13:00食lunch嘅人😃 套餐選擇都幾多, 加加埋埋都有成10幾款, 而且每款都好吸引.我揀左逢甲鹽酥雞滷肉便當, 一向都好鐘意食鹽酥雞嘅我, 當然二話不說揀呢款啦略嫌滷肉嘅份量太少, 但味道係唔錯嘅. 鹽酥雞不錯, 唔會太乾, 食落仲有少少肉汁. 配菜有麵根, 滷蛋同蓮藕片, 3款都幾好食. 同事揀左牛肉麵, 佢話味道都好好, 下次黎我都會試下牛肉麵

延續今日食到飽既氣勢，睇完科學館個木乃伊展，搵左間台式牛肉麵黎食。上次已經想試，但奈何人太多等唔到。今次早左黎 (6點幾)，入座話咁易。呢度採用自助形式，侍應安排座位後，自己出去點菜俾錢然後返位等食。我地就叫左招牌紅燒牛肉麵、麻辣大塊牛肉麵、檸檬冬瓜茶同桂花烏龍冷泡茶。先講招牌紅燒牛肉麵，湯底香濃，帶少少八角香味，牛肉半腩半根，肉味濃而肉質鬆軟，麵底亦都爽口彈牙，完全係一碗合格有餘既台式牛肉麵。同樣地，麻辣大塊牛肉麵一樣有半腩半根牛肉同爽口麵底，湯底既麻辣味啱啱好，麻完又唔會太辣，辣完又唔會搶住要飲野，值得一讚。飲品方面，大熱天時飲一啖檸檬冬瓜茶，完全起左消暑解膩作用；桂花烏龍冷泡茶竟然係用樽上，淡淡既桂花香加烏龍茶，唔錯，個樽入面仲有茶包，留起個樽，拎返屋企又可以冷泡多一次 (希望仲有味)。唔駛等位而又想食牛肉麵的話，的確係一個唔錯既選擇，但如果要等位，我都係留返喺台灣排永康街牛肉麵好喇。

由於今日出開尖沙咀, 所以尋晚已經上網搵定有咩新店未試過, 結果搵到呢間, 營業時間為上午11點半, 我地等到佢地開門就入去, 當時都係得我地一張枱, 原來呢到係自己填餐單再攞去收銀俾錢, 之後侍應會攞食物埋位, 呢到出菜都好快, 可能當時得我呢張枱既關係, 呢到不斷播著周董既歌, 初頭以為係佢開既食巿, 因為好少食巿只會獨播一個歌手既歌, 但我都係周董既粉絲, 所以絕對唔介意, 加上食巿環境都好舒適, 可以三五知己慢食暢談一番招牌紅燒牛肉麵 - 湯底好濃郁, 麵條都好爽口, 牛肉好淋好入味鹽酥小拼盤 - 有炸雞, 炸蕃薯, 炸花枝丸, 炸雞外層炸粉多咗少少, 但雞肉都好嫩口, 蕃薯好甜, 花枝丸都不錯肉燥小茄子 - 份量都好多,茄子有少許油, 整體都不差家鄉魯肉便當 - 魯肉飯不錯, 醬汁多可以撈飯食水蜜桃凍紅茶 - 水蜜桃味唔太特出, 但味道都唔差既胚芽奶茶 - 奶茶味香濃, 不差

食完呢間之後，誠意推介鍾意台灣菜嘅人去食，好滾動啊，姊妹終於帶咗我去食鐵牛，想食好耐鳥! 仲有一去到只係等左一陣就有位。環境戈度吾記得影相，不過系排排坐食粉果，即系隔離已經系其他人，變咗冇乜私隱度，要影相就比較尷尬，亦都冇咩位可以擺自己野......餐牌系自己點既形式，自己埴完之後就交比職員，睇番各項價錢黎講都算公道，吾會好貴。黎得呢度點都要叫返碗牛肉麵，如果唔係對唔住自己啦！呢碗牛肉麵好搞笑，影落去比實際上大好多🤣不過實際份量都OK嘅，牛肉十分軟稔，軟骨位同牛肉分明，牛肉配上清湯更是一絕，因為湯系好濃郁，只帶少許藥材味吾會太苦。鹽酥小拼盤有花枝丸、蕃薯條、鹽酥雞，三樣都系炸既，花枝丸既軟硬度剛好，鹽酥雞略嫌油左啲，蕃薯條比感覺幾新鮮，炸完其實幾好食飲得多珍珠奶茶都厭厭地，除咗普通珍珠奶茶之外，最鍾意飲嘅奶茶就係芋香味，呢杯飲品嘅紫色唔算好深，即係證明左冇(乜)加色素，但飲落去香芋味都好濃珍珠細細粒但每一粒咬落都好煙韌。好耐未食過咁好味既台灣菜系香港吾系主流，而且要整得好食，始終有啲難度，但呢間餐廳就做到了，又平又食真心好滿足。

早前已到過位於旺角的鐵牛分店，對它的梅子粉炸蕃薯條念念不忘，便來到尖沙咀分店再次品嘗。1. 香酥排骨肉燥麵排骨鬆化，麵條軟硬度適中，但湯底略淡。2. 梅子粉炸蕃薯條個人一直以來的最愛，可惜其中有一兩條卻是爛的。店員主動詢問是否需要更換，服務態度值得一讚。3.芝士炸雞炸雞香脆，配上芝士後更惹味。4. 炸蒜生菜生菜配上炸蒜及豉油，味道對辦。比起旺角分店，尖沙咀分店的店員似乎更細心，服務更好。但食物質素卻不太穩定，期望店方能改善。

夜晚去睇演唱會，女友話不如食鐵牛啦~~好彩今次唔使點等位就有得入去~~~服務： 可能真係做慣游客同埋睇演唱會人流生意，侍應上菜速度越黎越快~~值得一讚~~食物：首先黎個鹽酥鷄香腸，鹽酥鷄炸得夠乾身，但如果濃味d會好d~~香腸比一般臺灣食開既瘦d~~肉質結實d~~麻辣牛筋腩面（小辣）~~面質不錯，牛腩同牛筋都煮得夠軟~~~但建議唔好叫小辣~~因爲厨師實在過分輕手~~變左無咩麻辣味~~沙茶貢丸米粉~~因爲下午食得太多牛，所以轉下口味叫個米粉試下，米粉夠Q，同埋索到湯汁，沙茶湯本身夠濃，但食完唔會話口渴要飲水~~有驚喜~~以食物質素同上菜速度而言，果真係睇show前快食既好選擇~~~

個人都鍾意食台灣牛肉麵, 香港越黎越多選擇. 這間人氣店環境比較迫, 檯不大, 叫多兩碟小食都未必夠位.招牌紅燒牛肉麵($58) - 湯底濃味, 偏鹹, 帶點輕微藥材味, 並附有酸菜. 這裡麵條比較出色, 彈牙有口感. 牛蹍肉腍滑, 有水準, 不過個人較喜歡大角咀某小店的. 麵的份量算多, 食完都幾飽. 逢甲鹽酥雞肉燥麵($56) - 湯底較淡, 伴以肉燥剛好夠味. 肉燥瘦肉較多, 比較健康. 鹽酥雞炸粉薄而酥脆, 不錯.肉燥小茄子($34) - 茄子略煎過, 伴以肉燥和醬汁, 比較一般的一道小菜.

休閒嘅星期一，放工梗係同佢去拍拖食飯行左去尖東哩頭，上次小試好唔錯，所以又番黎食餐牌設計獨特，一睇就知係有誠意之作對撈麵情有獨鍾嘅我，當然5可以錯過哩度嘅乾伴麵，牛筋整得好淋，好易入口，牛腩都還好，有3舊，得一舊係"諧"啲哩個撈麵係重口味人必選，配埋青瓜絲同酸菜，真係好味到暈上次黎食過尊登今次又帶佢黎食，真係無得彈，有台灣嘅質素嘅牛肉麵麵質煙韌，牛肉淋身，湯底濃，味道好好而且份量5少，食量驚人嘅佢食完都話飽雖然睇相睇5出佢係皮蛋蒸豆腐，但佢係一碟好好味嘅皮蛋蒸豆腐面頭鋪滿晒木耳，加埋皮蛋同啲濃味汁，係真係好夾，食完又食豆腐滑，味道濃，無得彈嗌麵的話，加$18有佢招牌珍珠奶茶奶茶香，夠料，味道調得好不過啲珍珠好硬浸得唔夠淋真係差啲重點來了好中2食桃味嘢嘅我，中2佢哩度5係交行貨佢哩度係自己mix 唔係用買番黎現成嗰啲桃汁，仲要用埋椰果肉咖好味2個人食2碗麵各有嘢飲仲要一個份量多嘅小食，都係 $198好抵好味好有質素呀！

It suddenly rained heavily so instead of walking in the rain, me and my friend decided to get shelter first and saw this Taiwanese restaurant. I suggested to go and have dinner there instead of waiting for this rain to stop. We were lucky as awhile later the restaurant was full and need to wait outside. My friend got the fried pork chop with noodles in tomato soup. The pork chop was crispy and tasty even though they looked a bit burnt. My friend said the tomato soup was very nice, it was not too

近期對台灣野好似上左癮咁，狂食都唔厭，聽朋友講依間既質素唔錯所以黎食下，叫左依個招牌紅燒牛肉麵，估唔到有驚喜，湯頭非常濃郁，飲落有藥材味道，麵質食落爽口彈牙，牛肉質感適中又唔會太腍，一啖麵 一啖湯，好食到停唔到口另外叫左個滷肉飯，本身對滷肉飯都食極唔厭，依度既滷肉係半肥瘦肉，食落好滋味兼邪惡，食得到台灣味道整體食物質素唔錯，價錢又合理，份量又多，稱得上平靚正，食碗麵同飯都未夠喉，雖然已經好飽，但都叫多左幾樣台式小食一齊食先至夠滿足

為食smart bunny 喜歡吃台灣牛肉麵，但你知啦，講明台灣牛肉麵，好吃的通常都只在台灣吃到。朋友話香港的鐵牛仲好吃過d咩林x芳、永x 、72 等，咁誇張，一定要去試下佢。試了佢私房牛肉麵同一d小食；小食中規中矩唔多描述（反正是來吃牛肉麵）。牛肉麵湯底有強勁葯材味，不屬清淡風，但以紅燒牛肉麵來說好似差少少辛辣；不過愛吃肉骨茶的人應該覺得這個湯底不錯的。麵方面偏軟但尚算彈牙；至於牛，都算淋，也幾合格。整體來說冇話好過台灣吃的台灣牛肉麵咁誇張，但在香港來說也不負星期一晚上也要排半個鐘入座之名，比起香港開到成行成市的小x,茶x同鼎泰x也贏到幾條街。

聽講鐵牛成日好多人排隊，我今晚黎到終於証實到真係好熱鬧，既然咁多人食，睇黎唔會中伏，雖然要等位，好彩可以嘆住冷氣等位由於我地第一次黎，之前仲以為叫侍應黎寫單落order，原來唔係，我地有位之後，侍應俾張order紙我地，主動話寫好出去counter俾錢就ok我地叫左 兩碗麵， 兩款小食，兩杯飲品，每人都係$100多少少食台灣野，當然要食牛肉麵，我地叫左主廚私房牛肉麵，不過我地+$3 轉左新竹米粉，賣相有份量，每款都好大件我先細心嘗一口湯，深啡色牛肉濃湯，味道都幾濃但偏咸，層次比較少，有點可惜但新竹米粉質感好幼滑，索哂牛肉湯，而金錢展，牛腩，牛筋，份量幾足，金錢展切成厚身長條形，睇得出質感軟腍，連口感都一樣，好入味，牛筋都好軟腍夠膠質，但牛腩就可以再腍少少會更好另一碗麵叫左香酥排骨肉燥乾拌麵，同我地食開既撈麵一樣做到一乾三濕😂,奉上一碗清湯香酥排骨係另上，炸到金黃色，炸皮香脆乾拌麵雖然無湯，但唔係乾踭踭，撈埋青瓜絲，肉燥，醬汁一齊拌麵，麵條口感軟腍但都幾彈性，食落有點黏牙既感覺，用黎做拌麵都幾合適小食方面， 鹽酥小拼盤 包括鹽酥雞，黃金梅子脆薯，同埋炸花枝丸，鹽酥雞唔錯，炸粉唔厚，雞肉嫩

之前o係旺角食過一次，行開尖沙咀見到有，忍唔住再食～ 事關個牛肉麵太正啦！百香果QQ冰茶 (跟餐加 $16)朋友要做百香果配珍珠，甜甜地，好適合女仔飲桂花冰梅茶 (跟餐加 $12)桂花味唔算濃，飲落似酸梅湯~ 酸味好解渴！ 我鍾意～麻辣爽耳 $36即係麻辣豬耳。 豬耳好爽口，麻辣味好入味，唔算好辣，食到停唔到口椒麻牛肚絲 $36味到同麻辣爽耳有d似，但牛肚絲麻辣再濃味d鹽酥小拼盤 $45有炸鹽酥雞+炸甜薯+炸花枝丸鹽酥雞外脆內 juicy，有街邊小食風味甜薯上面灑咗梅粉，入口味道更豐富花枝丸好彈牙，裡面食到粒粒花枝鮮茄牛肉麵 $66番茄湯都ok濃，飲落充滿番茄甜味牛肉燜得夠淋，但依然keep到有口感招牌紅燒牛肉麵 $58必食推薦！超級好味！ $58 性價比好高！質素好過好多近百蚊牛肉麵湯夠濃郁，料足，牛肉軟硬剛剛好。 最後d湯係飲晒！！！如果屋企附近有，可能個個星期都食強烈要求開間o係港島，最好係銅鑼灣～